( نداء لقبيلة عنزة عامه وقبيلة الضواوية خاصه )
لدعم ومؤازرة إبنهم الشاعر/ سعود بن راجي الضوي
والمشترك في مسابقة ( شاعر تبوك ) على قناة صوت الباديه
والتصويت له على الأرقام التاليه:( ص3 ) يرسل على ( stc 84202 ) ( zin 753603 )

ياعيال قوموا قوّم الله سعدكم=قومة رجل واحد وحثّوا خطاكم
يالعزوه اللي من بغاكم وجدكم=ومن حدته ميلات وقته نصاكم
ياعيال وايل ياسند من قصدكم=يانصرة اللي له لزوم ونخاكم
سعود يستفزع ويطلب مددكم=مع طيّب اشعاره بحاجة عطاكم
وانتم حرار تنومسون بهددكم=وطيرالسعد حلق يحوم بسماكم
بالشعر مثلكم ويطلب سندكم=اضهرفخركم وأضهروله ثناكم
انتم هل الفزعه هبا من جحدكم=وهذي عوايدكم من اول صباكم
من طيب شايبكم تعلّم ولدكم=وفقيركم بالطيب مثل أغنياكم
كل القبايل بالفعول تحمدكم=وقليلين امثالكم واشبهاكم
من طيبكم ياكثر ناس تحسدكم=وكم يفرحون ليا نزل مستواكم
ومن ضدكم يبطي عضم ماضهدكم=مطحون حبه لا إستدارة رحاكم
ليا إجتمعتوا هابكم من عندكم=وتفرّق الشوفات فرصة إعداكم
ياعزوتي ماهو قليلٍ عددكم=لوجيت اقارنكم بكثر إقبلاكم
تكفون شدوا حيلكم مع ولدكم=ماله بعد ربه عضيدٍ سواكم
من فضلكم لاتذخرون بجهدكم=ولاتبخلوا باموالكم وبدعاكم
تعاونوا مع ابنكم لافقدكم=خلوه يرفع للثريا لواكم

""" وسلامة الجميع """

الشاعر/ حمد بن سالم الضوّي

يستاهل الفزعه طالمانه يمثل قبيلته وربعه عنزه هــم هل النخوه والفزعه

صح الساااانك وبيض الله وجهك على كل بيت

ويستاهل كل خير سعود


تقديري لك

صح الله لسانك اخوي حمد ولاهنت ويستاهل سعود

دمت بود,,