موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

موقع قبيلة عنزه الرسمي: الموقع الرسمي لقبائل ربيعه عامه و عنزة خاصه (http://www.bnabar.com/vb/index.php)
-   الشعر الشعبي المكتوب (http://www.bnabar.com/vb/forumdisplay.php?f=54)
-   -   {{ ياعيال قوموا قوّم الله سعدكم }} (http://www.bnabar.com/vb/showthread.php?t=8015)

حمد الضوّي 11-06-2012 01:32 PM

{{ ياعيال قوموا قوّم الله سعدكم }}
 
( نداء لقبيلة عنزة عامه وقبيلة الضواوية خاصه )
لدعم ومؤازرة إبنهم الشاعر/ سعود بن راجي الضوي
والمشترك في مسابقة ( شاعر تبوك ) على قناة صوت الباديه
والتصويت له على الأرقام التاليه:( ص3 ) يرسل على ( stc 84202 ) ( zin 753603 )



ياعيال قوموا قوّم الله سعدكم=قومة رجل واحد وحثّوا خطاكم
يالعزوه اللي من بغاكم وجدكم=ومن حدته ميلات وقته نصاكم
ياعيال وايل ياسند من قصدكم=يانصرة اللي له لزوم ونخاكم
سعود يستفزع ويطلب مددكم=مع طيّب اشعاره بحاجة عطاكم
وانتم حرار تنومسون بهددكم=وطيرالسعد حلق يحوم بسماكم
بالشعر مثلكم ويطلب سندكم=اضهرفخركم وأضهروله ثناكم
انتم هل الفزعه هبا من جحدكم=وهذي عوايدكم من اول صباكم
من طيب شايبكم تعلّم ولدكم=وفقيركم بالطيب مثل أغنياكم
كل القبايل بالفعول تحمدكم=وقليلين امثالكم واشبهاكم
من طيبكم ياكثر ناس تحسدكم=وكم يفرحون ليا نزل مستواكم
ومن ضدكم يبطي عضم ماضهدكم=مطحون حبه لا إستدارة رحاكم
ليا إجتمعتوا هابكم من عندكم=وتفرّق الشوفات فرصة إعداكم
ياعزوتي ماهو قليلٍ عددكم=لوجيت اقارنكم بكثر إقبلاكم
تكفون شدوا حيلكم مع ولدكم=ماله بعد ربه عضيدٍ سواكم
من فضلكم لاتذخرون بجهدكم=ولاتبخلوا باموالكم وبدعاكم
تعاونوا مع ابنكم لافقدكم=خلوه يرفع للثريا لواكم


""" وسلامة الجميع """

الشاعر/ حمد بن سالم الضوّي

طالب الونيس 11-06-2012 09:22 PM

يستاهل الفزعه طالمانه يمثل قبيلته وربعه عنزه هــم هل النخوه والفزعه

ابواريج 11-06-2012 10:04 PM

صح الساااانك وبيض الله وجهك على كل بيت

ويستاهل كل خير سعود


تقديري لك

سعد فرحان الجفران 11-08-2012 01:49 AM


صح الله لسانك اخوي حمد ولاهنت ويستاهل سعود

دمت بود,,


الساعة الآن 11:24 AM.

Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd 

vEhdaa 1.1 by NLP ©2009