السلام عليكم ورحمة الله وبركاته

الدهامشه عندما كانوا تحت مشيخة جديع بن هذال هل كان شيخهم بن مجلاد موجود أعني شيخا عليهم ام ظهرت شيخته بعد ماقتتلوا واتمنى ان تذكرلي قصة الدهامشه وانضمامهم مع قبيلة مطير واتمنى أن تذكر مصدر مؤرخ إن وجد .

أتمنى أن تذكر لي القصه على الاقل باختصار

أخي الفاضل خالد بن رابع بخصوص رئاسة الشيخ مجلاد بن فوزان لا علاقة لها بأحداث جديع بن منديل فجديع كان شيخ على جميع العمارات والأسم الذي تحمله أسرة آل هذّال هو شيخ مشائخ عنزة وعندما جاءت الدولة السعودية الأولى في عهد الأمام عبدالعزيز بن سعود بن محمد دخلت قبيلة مطير في الطاعة واعتنقت العقيدة الأصلاحية وانضمت للأخوان ودخل في الطاعة مع مطير قبائل أخرى من حرب بقيادة الفرم وبعض الدواسر والسهول والتحق بهم قسم من الدهامشة فأرسلهم الأمام عبدالعزيز لتأديب الخارجين عن الطاعة وكان الشيخ جديع بن هذّال ومن معه من عنزة والجربان ومن معهم من شمّر وأبن براك ومن معه من بني رشيد يمثلون الجانب الآخر الذين لم يتدينون فحصل مناخ كير بين الطرفين وهو المناخ الذي قتل به الشيخ جديع وذلك عام 1295هـ والكثير من العوام يفكّر أن هذا المناخ بين عنزة ومطير على مستوى قبلي والحقيقة أن أفضل من كتب عن هذه الموقعة المؤرخ مقبل الذكير الأسعدي من أهل عنيزة في مخطوطة مصورة لم تطبع فقد أرخ لتلك الفترة والفت نظرك أنه يوجد منتدى للدهامشة يرأسه أحد رجال المجلاد لم أطلع على هذا المنتدى وبأمكانك توجيه أسألة لأصحاب العلاقة لعلك تجد ما يفيدك أكثر أما أخيك فأن سياسته عدم الرغبة في الدخول بذكر أي حدث بين قبائل عنزة قديماً لأن هذا يدعي إلى التفرقة ولكن عندما أضطريت للتطرق لمثل هذه الحادثة حيث تفاخر رجل في مقتل جديع بكلام مقذع عندما قال في قصيدته :
زحنـا الضفيري وأنهزم من نهــاره *** وزحنـا بـني وائـل وقفـوا مصاخيـر
تثغـي أمراهم مثـل ثـغـي الجـفــاره *** ونسوقهم سـوق السواني على البير
وجـديـع أبـن وائــل دفــنـا وجـــاره *** وعـاداتنـا نخـلي سـروج المشاهيـر
وعندما راجت هذه القصيدة بمنشورات أنتظرت لعل أحد من شعراء عنزة ينبري فيرد ولكنهم يرون أن أبن عبّار هو المحامي عن عنزة وهو الذي يجب عليه الرد فقال أبن عبّار الملحمة التي ستجدها بالصفحة التالية رداً على من يتشفى لمقتل جديع ويشبّه عنزة للسواني ويشبه أمراؤهم للجفارة فقلت

يتبع

قال عبدالله بن دهيمش بن عبار العنزي هذه الملحمة وهي نصيحه موجهه للشاعـر الذي تسبب في التطرق لبعض الأحداث القديمة جواباً لقصيدته وتفنيداً لمزاعمه مع تنزيه وأحترام قبيلته حيث لا يمثلها وهي قبيلة عريقه كغيرها من القبائل لها وعليها وهذا ملخص القصيدة مع حذف بعض الأبيات :
بـديـت والمطـلـوب يـلـزم إحـضاره *** قم يا نديبي هات اللي يسبق الطير
جـهـز خـيـار مصندقـات الـغــمـاره *** الـلي تـسيـر بحامـيات الـمـواطـيـر
ركـب لـه اللـوحـة ومعـه استـمـارة *** توه وصل من ديـرة الغرب تصدير
شغـل مفتاح البنـز وأضغـط أزراره *** وقـيـره مبرج مـا يـبي منـك تغيـير
حـطـه بنمـره وأستـرح مـن غيـاره *** مـالك شغـل يـا سائـق البنز بالقيـر
عـدل درقـسـونـه عـلى خـط قـــاره *** وأحذر تغـر من الشبح له مطامير
يسبق عربسات الفضاء في مـداره *** تسمع فحيحه مثـل صوت المقاطير
الـقـار يـزمـي بـس تـنظـر سـمـاره *** من زايد السرعه تشوفه تقل سيـر
مـا سـاقـه عـليـمي وسـواق طــاره *** عـليه مـن جـرب جـميع المشاويـر
يـا مـشتـهـر بـالـمـرجـلـه والنـدارة *** بـلهـون خـذ مـني رسالـة وتحريـر
سـجـلـت ردي لا يـطـول انـتـظــاره *** متفقـده عـن نقـد بعـض الشواعير
سـار الـقـلـم والبـال يمـلي اشعـاره *** فـاض القريض وعبّـر الفكـر تعبير
الـفـكـر يـبـدع مـن روابـع أفـكـاره *** من فن بدعي صخّـر القاف تصخير
الشعـر منـظـومـه نجـيـد أبـتـكـاره *** ونصوغ وزنـه لا يجـي فيـه تكسير
نظمه يـبي فطنـه وعـرف ومهـارة *** صرف المعاني مثل صرف الدنانير
الـقـاف مـا يـسنـد لـشـبـه الـثـوارة *** الغـشـم تعـمـه فـي ظـلام الـدياجيـر
يسنـد عـلى الـلي يفـتهـم بـالأشاره *** مـدرك لبـيب يـفسر القصـد تفسيـر
عنـده عـلى حـل المعـانـي شطـارة *** يـحـل عـسرات الـرمـوز الـفـوازيـر
خـطـو الفهيم الـلي صليبـه شواره *** حـكيم رأي ويـأخـذ الشـور وأيشيـر
ولا الغـبي يـشبـه حـفيـد الحـمـاره *** مثـل البغل نسل الكديشه من العيـر
هـذاك يـزهـى البـرذعـه والـوثـاره *** مـا يـفهـم المقـصود كـنـه طميهيـر
والـنـاس كـلـن يـدعـي بـالـضفـاره *** ومـن أفـتكر يشوف بالوقـت تغييـر
شفـت الأسـود مـدوبـحـه للجـعـاره *** وجرو الثعـل كشر بالأنـياب تكشير
مـار الـكـلام الـيـا تـجـاوز عــيـاره *** حـتى عـن العـاقـل تـضيع التفـاكيـر
نسـمع ونشعـر بـالأسى والمـراره *** بعـض العـلـوم تـكـدر الـبـال تكـديـر
هـرج التجـني والخـطـأ والجـواره *** أصبـح يـروّج بـالـمـلأ لـه سماسيـر
واليـوم تلقـيـط السـوالـف اعـفـاره *** تـلقـا المجالس تـقـل لجـت نواعيـر
عـاداتـنـا نصعـد عـلى راس قـارة *** ونرفع عن الهـزلات شبح النواظيـر
ونحـط مـن دون الـرذايـل اسكـارة *** شيمة عرب ولعرض الاجواد توفير
وعـن المعـاور مـا نـزيـح الستـاره *** نرفى الخمال ونستـر العيـب تستير
ومن لا وسانـا مـا نفتـش اصـراره *** حنـا لـك الـلـه نستعـيـب المعـايـيـر
مـا يشمتون أهـل النـقا والـطهـارة *** نظهـر ثـنا حصن الـرجال المناكيـر
راعـي الفضيلة ما يجـوز أحتقـاره *** ومن له فخـر مـا يستحق المحاقيـر
والشـر مـاهـو مـن سببنا انـفجاره *** ولا هـو بخيـر الـلي تسبـب بتفجيـر
واللي قصد ما أريد كشفت أسـراره *** ولاريد اشهر به مع الناس تشهير
أبي انصحه ما اريـد افتش اصراره *** حنـا لـك الـلـه نستعيـب المعـايـيـر
عصر الغـزوا والسلب نبي أندثـاره *** ونبش العلوم الماضية ما بها خيـر
والحـق نـوره مـثـل ضوح المنـارة *** والـلـي نـسـي لابـد يحـتـاج تـذكيـر
والـلي يـسـب النـاس يـلـزم انـذاره *** عـن الخطـأ يعطـا نصيحة وتحذيـر
ومـن يظـلم الأجـواد تاهـت أبصاره *** والرابـح الـلي بـدل الـهـدم تعـميـر
وأن تـاب مـن يخـطي قبلنا اعتذاره *** مسموح والتوبة عـن الذنب تكفير
ومن ينبش الغيران تدمي اضفـاره *** مخطي يحفر دارس الرمس تحفيـر
الـلي يـحـفـر مسـمـلات الجـحـاره *** يلـقـا الهـوايـش بالمداحـل مخـاميـر
رقـط الأفـاعـي مـلـبـده بـالخـبـاره *** ونيـبـانهـا تـشبـه حـداد الـمسامـيـر
والـداب سمـه حيـن ينفـث بخـاره *** يدلي ويزعـق عالي الصوت تصفير
والشـر تـكبـر بـالـتحـدي صغــاره *** حيـث المثـل يضـرب بـذرة وقطميـر
وتـرى السعايـر مـبتداهـا شـرارة *** وأن شبـت الضرمة تشـب الجثاميـر
عـزوة ربيعة من أسباب انشطاره *** الحرب دارت بيـن جساس والـزيــر
بـأسباب نـاقـة يـوم حـنـت حـواره *** سراب من نـوق البسوس المهاطير
رميت بسهم وهـي لجساس جـاره *** وراحوا بهـا هـمـام وكليـب وبجـيـر
وأذكر سبايب حرب عبس وفـزارة *** تــقـابـلـوا مـا بـيـنهـم بالـصوابـيـر
خيـال داحـس غـار وأرخى عـذاره *** وخـيـال غـبـراء لاحهـا بالشوابـيـر
ومـن حين صار لعج داحس كراره *** والغـوش بالميدان صـاروا دواوير
لاشـك يــوم الـشـوط طـول مغــاره *** حمي الوطيس وصار بالخيل تعقير
والكـل منهـم قـام يـنـدب أنـصــاره *** وحصل مـن الحيـيـن شـل المناسير
وتـجـالــدوا والـدم ثــّوع حـمـــاره *** والنابغة وصّف هاك اليوم وأزهيـر
وقـالوا هـل التـاريـخ بأسباب فـاره *** تبغـي تحصن عـن هجوم السنانيـر
ســد الـيـمـن تـسـبـبـت بـأنـهـيـاره *** والـعـرم سـال ودمـر السـد تـدميــر
وكسر القـزازة مـا يـفيـده أجبـارة *** ولا أظـن تنفـع بـه سنايف وتوسيـر
والعـود يـرجـف كـان دقـت أوتاره *** وأن صـاح صوتـه جاوبنـه مزاميـر
خـذ الـمـثـل يـا الـلي تـدور الإثـارة *** جرح المشاعريغضب الناس ويثير
يا مـن بدعـت القـاف تـبي انتشاره *** وزّع عـلى كل الـقـبـائـل تـصاويــر
جـاني وشلتـه فـي ملـف الـضبـاره *** ما أبغـي جـدال مروجين الأساطيـر
رد الـنـقـا مـا هـو عـلـي أحـتـكـاره *** ومن به دنس ماصيرله تقل بشكير
عـناز بـعـداد الحـصى والحـجــارة *** وتاريخهم معروف من قبل ما صير
حيث الفهيم الـلي يعـرف الصقـارة *** ما حـط عكفـان المخالـب عصافيـر
والـلـي تـنكـر مـا يـفـيـده انـكـــاره *** ربعي أعـزاز الجار ريف الخطاطير
يـوم العـرب تطلـب محـل الصـدارة *** ربعي سنـام المجـد ما هـم قـماميـر
واللي جحـد ملـزوم نلفـت أنظـاره *** لأمجـاد وائـل يـوم خـز الـمعـاشيـر
أولاد وائــل مـا حـصـيـنا أخـبـــاره *** ولا أقـدر أعـد شيوخهـم والمخاتير
بالقحط كان الروض بادت أشجـاره *** وأعجف سنام اللي شحمها قناطير
ريـف الغـريـب الـلي لفـاهـم زيـارة *** عـز الهـواشل والوفـود المسايـيـر
بـقـبـالـهـم فـنجـال يـنـفـح ابـهــاره *** يـفـوح مـن صفـر الـدلال المباهيـر
وبـعـده سميـن الحيل فـوّح أكـتـاره *** هـذي عـوايدهـم إلـيا نوشح الميـر
طبـع الكـرم سلـم الحـمـائـل وكـاره *** مـن قـبـل تقـليط الـذبـايح بقصديـر
أهـل الشهامة والصخى والجسـارة *** جادوا كـرم مـا هـو تـملـق وتبذيـر
ستـر الهنـوف اليـا تكشف أخمـاره *** شـم الأنـوف النـافـلـيـن المـناعـيـر
راعـي الفخـر فـعـلـه يـرد أعـتبـاره *** وكل القبائـل مـا بهـم قـول تقصيـر
بعـض السوالـف مـا نحبـذ أظهـاره *** نـذود عـن وائـل ولا نشمت الغـيـر
ما أبي العلـوم طوالهـا مـع أقصاره *** لكن هـضم حـق الأسـود الهـزابيـر
كيف الرجال الـلي سـوات السعاره *** وصفه لهم مثل السواني على البير
كيـف الحـمـائـل شـبهـّوا لـلجـفـاره *** كيـف البشـر يثغـون مثـل القراقيـر
يـنعـت مـدابـيس الـوغـى بـالنيـاره *** ويقول هجـوا عـن نحـاهـم مدابيـر
يـفـخـرعـليـنـا ويـدعي بـأنـتصـاره *** ويقـول سفـرهم عـن الـدار تسفيـر
والرجـل في ربعـه يجـوز افـتخـاره *** لا شك مـا يشمـت طـوال الأشابيـر
يـا اللي تقـول جـديع نـدفـن وجـاره *** ذكر الحـرايـب مـالها اليـوم تبريـر
جـديـع أخـو بـتـلا حمى حدود داره *** تشهد لـه السمراء وذيـك العناقـيـر
ومناخ كـيـر الكـل خاضـوا غـمـاره *** وتـناوخت عشر القبايـل عـلى كيـر
تكاضموا مـن فـوق سرج المهـاره *** والسيف قـام أيطيـّر الروس تطيير
جـديـع الـلي قـصت يـمينـه يـسـاره *** مـزق مـنايـن ساعـده بالـمنـاشيـر
زمـل الطـنانـي صـادره مـع بـكـاره *** وحط الجعيثن فوق وسم المغـاتيـر
كـون القـرايـب مـن سبايـب دمـاره *** ظـاهـر رمـاه ولا بهـا حسن تدبيـر
وتغـانـمـه مسعـود وقـت أحتضاره *** والعـبد روحه بالجسد مالهـا سبيـر
عـن الـمـنـايـا مـا تـفـيـد الخـفــاره *** ومن حـان يـومه ما يـرده نـواطيـر
ويـوم أدلهـم الجـو وأعـتم صفـاره *** ما تسمع إلا قـولـت العفـو يـا أميـر
كـم بـاسـل صنديـد تـوحـي جعـاره *** فـي ثـار مقـدام السلـف والمظاهيـر
مشعان وعبداللـه تقـاضـوا بـثـاره *** وتـم المحاسب عـن جميع الفواتيـر
ومن جرعه مـر الحدج بالغـضاره *** سقــاه ابــن زلال ســم وزمهـريـــر
ولـو أبـي أعـدد كـل وقـعـه وغـاره *** يـوم القبـايـل بـيـن صـوال ومغـيـر
مـنـديـل بـن هـذال يـوم أشـتـهــاره *** فـك الهنـوف الـلي نهـوده مزابـيـر
هـو الـذي رد الـفـتى عــن حـيــاره *** أطلق نشب مخطوبته عقب تحجير
عندك دليـل الصدق مـا هـي عيـاره *** ولا هـي هـقـاوي بالكلام وتحازيـر
ولا هي من هروج العرب مستعاره *** يخبـرك عـنهـا كـان تـنشـد دميثيـر
ومسلط بحومات الوغى لـه جـداره *** واشهـوده الـلي يحملـون البواكيـر
فيه الدليل أوضح من خشوم صاره *** أبين مـن آبانات وأشهـر من النيـر
وعندك خبـر برجس نهار المعـاره *** تسعين فارس ساقهم بأيمـن حفيـر
صمد غدير الموت ما أعـلن فراره *** والشاهد الـلي صور الفعل تصويـر
نعطي عن الوقعـه مواري وشـاره *** ما أريـد أوضحها حشيمة وتـوقـيـر
وشيخين جونا مثل وصف النمـاره *** .............................................
والكـل منهـم مـا حسـب لأنـكسـاره *** مقصدهـم الوديان وديـار أبـا القيـر
مـن دون مطـلبهـم سلايـل عـمـاره *** مـا حصلوا خلفه ولا حصلوا ضيـر
اللي أنجبر ملزوم عقـب أضطراره *** خـلا شعـر دقـنـه تـطـايـر شعـاثـيـر
مـن أجـل طـلاب القـضاء كان داره *** يستنكـره لا شاف بـالوجـه تغـيـيـر
والـلي مـنع مـا طـال مـدة حصـاره *** حوّل به أبا الروس من دون تأخير
ملحـان قـال الروح طـاب أنـتحـاره *** مار أمنعـوا ما أكرر القـول تكريـر
رد أربعين وهم مـن أهـل الضفاره *** ماهم من أصحاب الكسل والمعاسير
وذبـح لـهـم كـومٍ تـعـشـوا فـقــاره *** وعـادوا بـعـز ويشهدون الحواضير
وأن كـان يـرجـع كـل زرع لـبـذاره *** نخبرك مـن وايـل قـبايـل مع مطيـر
أنـشـد وخـذ مـن الرجـال أستشاره *** وشف الهلال الـلي بخـد الخواويــر
لامي نسـل مشهور ساس الأمـاره *** أصله من الشعلان من خلفت غرير
والجعـفـري ومـريخ منـا انحـداره *** وعزيـز وحميدان وعفاس وصعيـر
ربـعـك بـهـم مـن دم وائـل قـطـاره *** وش عـاد لـوهـم بالقـبائـل شعاثيـر
ولـو تقطع المعصم تطيح السـواره *** مـا فـاد لـو شـديتهـا بـالـخـوابـيــر
بـيـن الـقـرايـب مـا تجـوز القـشاره *** ولا مـن تنازع بين ورد ومصاديـر
ومـن لـه قـضيـه يـشتـكي للـوزارة *** ومن يعتدي يعطى مع الجلد تعزير
وأهل الغدر والبوق مـا هـم خسارة *** ودك تعـلـّق روسهـم بـالـشنـاكـيــر
فـي ضـل حكـم الـلي لبسنا أشعـاره *** عـصـر الفخـر كـله تقـّدم وتطـويـر
عبدالعزيـز أسس مـن الملـك قـاره *** وجمع شتات شعوبهـا والجماهيـر
وتـجـمـعــت كـل الـقـبـائـل بـحــاره *** مـن جـدة لـرفحـا لنجـران لصـويـر
وعـاد النزايـع عـن طريق السفارة *** مـن ديـرة البصـرة وبغـداد وزبـيـر
ومن ديرة البحرين وأرض الزبارة *** ومـن غـزة وحيفا وعـمّـان والديـر
ومـن ديـرة الـرقـة ودار الـعـشـارة *** ومن حلب وتدمر وسحاب وضمير
عـادوا جميع البدو وأهـل الحضارة *** أهل القصيم وساكن الوشم وسدير
والـلي غرس لـه بالجزيـرة أشكاره *** طابت وسورها من المجـد تسويـر
مـن عـقـب مـا كـنا بعـيشـة عـزاره *** بالماضي اللي فات سرج ودوافيـر
عقـب الهـماج الـلي بصاري بـيـاره *** أصبح قراح الماء تضخه مواسير

بسم الله الرحمن الرحيم

الأخ الفاضل أبو مشعل لا فض الله فاك على هذه القصيدة فأنت بحق ملك القصيدة الشعبية
وبعد قراءتي لهذه القصيدة بل الملحمه وجدت نفسي أنظم هذه الأبيات من غير استعداد نفسي وفكري فأحببت كتابتها لك :-

****

بالله يا ناظم القاف باختصــاره = سطرت لك من عالي الفكر تسطير
سبحان من أعطاك زين الفكاره = يا مسخر الألفاظ والقاف تسـخير
يا متعب الرنج يا صاحب الطاره= ســــمرتني حـــول قافكم تســمير
إجديع ومشعان صاحب الشاره = وأولاد عماره جـادعين الطوابير
أســــــود بالميدان واللاش .... = ماينفع المخروش تسكين العقاقير
ومصقلات الروس تعجبك ناره = شـــــغاله الآلي ماله اليوم تعمير
ما يمدحه مشغوف ليلى وساره = اللي يكــــــــسر في كلامه تكسير
أبيات جتني من غير افتكــــاره = وش عــــــاد لوكنت أحبره تحبير
واقبل عذر من جـــــاك اعتذاره = اللي يصدر صــــافي الفكر تصدير

***

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

قال عبدالله بن دهيمش بن عبار العنزي هذه الملحمة وهي نصيحه موجهه للشاعـر الذي تسبب في التطرق لبعض الأحداث القديمة جواباً لقصيدته وتفنيداً لمزاعمه مع تنزيه وأحترام قبيلته حيث لا يمثلها وهي قبيلة عريقه كغيرها من القبائل لها وعليها وهذا ملخص القصيدة مع حذف بعض الأبيات : بـديـت والمطـلـوب يـلـزم إحـضاره *** قم يا نديبي هات اللي يسبق الطير جـهـز خـيـار مصندقـات الـغــمـاره *** الـلي تـسيـر بحامـيات الـمـواطـيـر ركـب لـه اللـوحـة ومعـه استـمـارة *** توه وصل من ديـرة الغرب تصدير شغـل مفتاح البنـز وأضغـط أزراره *** وقـيـره مبرج مـا يـبي منـك تغيـير حـطـه بنمـره وأستـرح مـن غيـاره *** مـالك شغـل يـا سائـق البنز بالقيـر عـدل درقـسـونـه عـلى خـط قـــاره *** وأحذر تغـر من الشبح له مطامير يسبق عربسات الفضاء في مـداره *** تسمع فحيحه مثـل صوت المقاطير الـقـار يـزمـي بـس تـنظـر سـمـاره *** من زايد السرعه تشوفه تقل سيـر مـا سـاقـه عـليـمي وسـواق طــاره *** عـليه مـن جـرب جـميع المشاويـر يـا مـشتـهـر بـالـمـرجـلـه والنـدارة *** بـلهـون خـذ مـني رسالـة وتحريـر سـجـلـت ردي لا يـطـول انـتـظــاره *** متفقـده عـن نقـد بعـض الشواعير سـار الـقـلـم والبـال يمـلي اشعـاره *** فـاض القريض وعبّـر الفكـر تعبير الـفـكـر يـبـدع مـن روابـع أفـكـاره *** من فن بدعي صخّـر القاف تصخير الشعـر منـظـومـه نجـيـد أبـتـكـاره *** ونصوغ وزنـه لا يجـي فيـه تكسير نظمه يـبي فطنـه وعـرف ومهـارة *** صرف المعاني مثل صرف الدنانير الـقـاف مـا يـسنـد لـشـبـه الـثـوارة *** الغـشـم تعـمـه فـي ظـلام الـدياجيـر يسنـد عـلى الـلي يفـتهـم بـالأشاره *** مـدرك لبـيب يـفسر القصـد تفسيـر عنـده عـلى حـل المعـانـي شطـارة *** يـحـل عـسرات الـرمـوز الـفـوازيـر خـطـو الفهيم الـلي صليبـه شواره *** حـكيم رأي ويـأخـذ الشـور وأيشيـر ولا الغـبي يـشبـه حـفيـد الحـمـاره *** مثـل البغل نسل الكديشه من العيـر هـذاك يـزهـى البـرذعـه والـوثـاره *** مـا يـفهـم المقـصود كـنـه طميهيـر والـنـاس كـلـن يـدعـي بـالـضفـاره *** ومـن أفـتكر يشوف بالوقـت تغييـر شفـت الأسـود مـدوبـحـه للجـعـاره *** وجرو الثعـل كشر بالأنـياب تكشير مـار الـكـلام الـيـا تـجـاوز عــيـاره *** حـتى عـن العـاقـل تـضيع التفـاكيـر نسـمع ونشعـر بـالأسى والمـراره *** بعـض العـلـوم تـكـدر الـبـال تكـديـر هـرج التجـني والخـطـأ والجـواره *** أصبـح يـروّج بـالـمـلأ لـه سماسيـر واليـوم تلقـيـط السـوالـف اعـفـاره *** تـلقـا المجالس تـقـل لجـت نواعيـر عـاداتـنـا نصعـد عـلى راس قـارة *** ونرفع عن الهـزلات شبح النواظيـر ونحـط مـن دون الـرذايـل اسكـارة *** شيمة عرب ولعرض الاجواد توفير وعـن المعـاور مـا نـزيـح الستـاره *** نرفى الخمال ونستـر العيـب تستير ومن لا وسانـا مـا نفتـش اصـراره *** حنـا لـك الـلـه نستعـيـب المعـايـيـر مـا يشمتون أهـل النـقا والـطهـارة *** نظهـر ثـنا حصن الـرجال المناكيـر راعـي الفضيلة ما يجـوز أحتقـاره *** ومن له فخـر مـا يستحق المحاقيـر والشـر مـاهـو مـن سببنا انـفجاره *** ولا هـو بخيـر الـلي تسبـب بتفجيـر واللي قصد ما أريد كشفت أسـراره *** ولاريد اشهر به مع الناس تشهير أبي انصحه ما اريـد افتش اصراره *** حنـا لـك الـلـه نستعيـب المعـايـيـر عصر الغـزوا والسلب نبي أندثـاره *** ونبش العلوم الماضية ما بها خيـر والحـق نـوره مـثـل ضوح المنـارة *** والـلـي نـسـي لابـد يحـتـاج تـذكيـر والـلي يـسـب النـاس يـلـزم انـذاره *** عـن الخطـأ يعطـا نصيحة وتحذيـر ومـن يظـلم الأجـواد تاهـت أبصاره *** والرابـح الـلي بـدل الـهـدم تعـميـر وأن تـاب مـن يخـطي قبلنا اعتذاره *** مسموح والتوبة عـن الذنب تكفير ومن ينبش الغيران تدمي اضفـاره *** مخطي يحفر دارس الرمس تحفيـر الـلي يـحـفـر مسـمـلات الجـحـاره *** يلـقـا الهـوايـش بالمداحـل مخـاميـر رقـط الأفـاعـي مـلـبـده بـالخـبـاره *** ونيـبـانهـا تـشبـه حـداد الـمسامـيـر والـداب سمـه حيـن ينفـث بخـاره *** يدلي ويزعـق عالي الصوت تصفير والشـر تـكبـر بـالـتحـدي صغــاره *** حيـث المثـل يضـرب بـذرة وقطميـر وتـرى السعايـر مـبتداهـا شـرارة *** وأن شبـت الضرمة تشـب الجثاميـر عـزوة ربيعة من أسباب انشطاره *** الحرب دارت بيـن جساس والـزيــر بـأسباب نـاقـة يـوم حـنـت حـواره *** سراب من نـوق البسوس المهاطير رميت بسهم وهـي لجساس جـاره *** وراحوا بهـا هـمـام وكليـب وبجـيـر وأذكر سبايب حرب عبس وفـزارة *** تــقـابـلـوا مـا بـيـنهـم بالـصوابـيـر خيـال داحـس غـار وأرخى عـذاره *** وخـيـال غـبـراء لاحهـا بالشوابـيـر ومـن حين صار لعج داحس كراره *** والغـوش بالميدان صـاروا دواوير لاشـك يــوم الـشـوط طـول مغــاره *** حمي الوطيس وصار بالخيل تعقير والكـل منهـم قـام يـنـدب أنـصــاره *** وحصل مـن الحيـيـن شـل المناسير وتـجـالــدوا والـدم ثــّوع حـمـــاره *** والنابغة وصّف هاك اليوم وأزهيـر وقـالوا هـل التـاريـخ بأسباب فـاره *** تبغـي تحصن عـن هجوم السنانيـر ســد الـيـمـن تـسـبـبـت بـأنـهـيـاره *** والـعـرم سـال ودمـر السـد تـدميــر وكسر القـزازة مـا يـفيـده أجبـارة *** ولا أظـن تنفـع بـه سنايف وتوسيـر والعـود يـرجـف كـان دقـت أوتاره *** وأن صـاح صوتـه جاوبنـه مزاميـر خـذ الـمـثـل يـا الـلي تـدور الإثـارة *** جرح المشاعريغضب الناس ويثير يا مـن بدعـت القـاف تـبي انتشاره *** وزّع عـلى كل الـقـبـائـل تـصاويــر جـاني وشلتـه فـي ملـف الـضبـاره *** ما أبغـي جـدال مروجين الأساطيـر رد الـنـقـا مـا هـو عـلـي أحـتـكـاره *** ومن به دنس ماصيرله تقل بشكير عـناز بـعـداد الحـصى والحـجــارة *** وتاريخهم معروف من قبل ما صير حيث الفهيم الـلي يعـرف الصقـارة *** ما حـط عكفـان المخالـب عصافيـر والـلـي تـنكـر مـا يـفـيـده انـكـــاره *** ربعي أعـزاز الجار ريف الخطاطير يـوم العـرب تطلـب محـل الصـدارة *** ربعي سنـام المجـد ما هـم قـماميـر واللي جحـد ملـزوم نلفـت أنظـاره *** لأمجـاد وائـل يـوم خـز الـمعـاشيـر أولاد وائــل مـا حـصـيـنا أخـبـــاره *** ولا أقـدر أعـد شيوخهـم والمخاتير بالقحط كان الروض بادت أشجـاره *** وأعجف سنام اللي شحمها قناطير ريـف الغـريـب الـلي لفـاهـم زيـارة *** عـز الهـواشل والوفـود المسايـيـر بـقـبـالـهـم فـنجـال يـنـفـح ابـهــاره *** يـفـوح مـن صفـر الـدلال المباهيـر وبـعـده سميـن الحيل فـوّح أكـتـاره *** هـذي عـوايدهـم إلـيا نوشح الميـر طبـع الكـرم سلـم الحـمـائـل وكـاره *** مـن قـبـل تقـليط الـذبـايح بقصديـر أهـل الشهامة والصخى والجسـارة *** جادوا كـرم مـا هـو تـملـق وتبذيـر ستـر الهنـوف اليـا تكشف أخمـاره *** شـم الأنـوف النـافـلـيـن المـناعـيـر راعـي الفخـر فـعـلـه يـرد أعـتبـاره *** وكل القبائـل مـا بهـم قـول تقصيـر بعـض السوالـف مـا نحبـذ أظهـاره *** نـذود عـن وائـل ولا نشمت الغـيـر ما أبي العلـوم طوالهـا مـع أقصاره *** لكن هـضم حـق الأسـود الهـزابيـر كيف الرجال الـلي سـوات السعاره *** وصفه لهم مثل السواني على البير كيـف الحـمـائـل شـبهـّوا لـلجـفـاره *** كيـف البشـر يثغـون مثـل القراقيـر يـنعـت مـدابـيس الـوغـى بـالنيـاره *** ويقول هجـوا عـن نحـاهـم مدابيـر يـفـخـرعـليـنـا ويـدعي بـأنـتصـاره *** ويقـول سفـرهم عـن الـدار تسفيـر والرجـل في ربعـه يجـوز افـتخـاره *** لا شك مـا يشمـت طـوال الأشابيـر يـا اللي تقـول جـديع نـدفـن وجـاره *** ذكر الحـرايـب مـالها اليـوم تبريـر جـديـع أخـو بـتـلا حمى حدود داره *** تشهد لـه السمراء وذيـك العناقـيـر ومناخ كـيـر الكـل خاضـوا غـمـاره *** وتـناوخت عشر القبايـل عـلى كيـر تكاضموا مـن فـوق سرج المهـاره *** والسيف قـام أيطيـّر الروس تطيير جـديـع الـلي قـصت يـمينـه يـسـاره *** مـزق مـنايـن ساعـده بالـمنـاشيـر زمـل الطـنانـي صـادره مـع بـكـاره *** وحط الجعيثن فوق وسم المغـاتيـر كـون القـرايـب مـن سبايـب دمـاره *** ظـاهـر رمـاه ولا بهـا حسن تدبيـر وتغـانـمـه مسعـود وقـت أحتضاره *** والعـبد روحه بالجسد مالهـا سبيـر عـن الـمـنـايـا مـا تـفـيـد الخـفــاره *** ومن حـان يـومه ما يـرده نـواطيـر ويـوم أدلهـم الجـو وأعـتم صفـاره *** ما تسمع إلا قـولـت العفـو يـا أميـر كـم بـاسـل صنديـد تـوحـي جعـاره *** فـي ثـار مقـدام السلـف والمظاهيـر مشعان وعبداللـه تقـاضـوا بـثـاره *** وتـم المحاسب عـن جميع الفواتيـر ومن جرعه مـر الحدج بالغـضاره *** سقــاه ابــن زلال ســم وزمهـريـــر ولـو أبـي أعـدد كـل وقـعـه وغـاره *** يـوم القبـايـل بـيـن صـوال ومغـيـر مـنـديـل بـن هـذال يـوم أشـتـهــاره *** فـك الهنـوف الـلي نهـوده مزابـيـر هـو الـذي رد الـفـتى عــن حـيــاره *** أطلق نشب مخطوبته عقب تحجير عندك دليـل الصدق مـا هـي عيـاره *** ولا هـي هـقـاوي بالكلام وتحازيـر ولا هي من هروج العرب مستعاره *** يخبـرك عـنهـا كـان تـنشـد دميثيـر ومسلط بحومات الوغى لـه جـداره *** واشهـوده الـلي يحملـون البواكيـر فيه الدليل أوضح من خشوم صاره *** أبين مـن آبانات وأشهـر من النيـر وعندك خبـر برجس نهار المعـاره *** تسعين فارس ساقهم بأيمـن حفيـر صمد غدير الموت ما أعـلن فراره *** والشاهد الـلي صور الفعل تصويـر نعطي عن الوقعـه مواري وشـاره *** ما أريـد أوضحها حشيمة وتـوقـيـر وشيخين جونا مثل وصف النمـاره *** ............................................. والكـل منهـم مـا حسـب لأنـكسـاره *** مقصدهـم الوديان وديـار أبـا القيـر مـن دون مطـلبهـم سلايـل عـمـاره *** مـا حصلوا خلفه ولا حصلوا ضيـر اللي أنجبر ملزوم عقـب أضطراره *** خـلا شعـر دقـنـه تـطـايـر شعـاثـيـر مـن أجـل طـلاب القـضاء كان داره *** يستنكـره لا شاف بـالوجـه تغـيـيـر والـلي مـنع مـا طـال مـدة حصـاره *** حوّل به أبا الروس من دون تأخير ملحـان قـال الروح طـاب أنـتحـاره *** مار أمنعـوا ما أكرر القـول تكريـر رد أربعين وهم مـن أهـل الضفاره *** ماهم من أصحاب الكسل والمعاسير وذبـح لـهـم كـومٍ تـعـشـوا فـقــاره *** وعـادوا بـعـز ويشهدون الحواضير وأن كـان يـرجـع كـل زرع لـبـذاره *** نخبرك مـن وايـل قـبايـل مع مطيـر أنـشـد وخـذ مـن الرجـال أستشاره *** وشف الهلال الـلي بخـد الخواويــر لامي نسـل مشهور ساس الأمـاره *** أصله من الشعلان من خلفت غرير والجعـفـري ومـريخ منـا انحـداره *** وعزيـز وحميدان وعفاس وصعيـر ربـعـك بـهـم مـن دم وائـل قـطـاره *** وش عـاد لـوهـم بالقـبائـل شعاثيـر ولـو تقطع المعصم تطيح السـواره *** مـا فـاد لـو شـديتهـا بـالـخـوابـيــر بـيـن الـقـرايـب مـا تجـوز القـشاره *** ولا مـن تنازع بين ورد ومصاديـر ومـن لـه قـضيـه يـشتـكي للـوزارة *** ومن يعتدي يعطى مع الجلد تعزير وأهل الغدر والبوق مـا هـم خسارة *** ودك تعـلـّق روسهـم بـالـشنـاكـيــر فـي ضـل حكـم الـلي لبسنا أشعـاره *** عـصـر الفخـر كـله تقـّدم وتطـويـر عبدالعزيـز أسس مـن الملـك قـاره *** وجمع شتات شعوبهـا والجماهيـر وتـجـمـعــت كـل الـقـبـائـل بـحــاره *** مـن جـدة لـرفحـا لنجـران لصـويـر وعـاد النزايـع عـن طريق السفارة *** مـن ديـرة البصـرة وبغـداد وزبـيـر ومن ديرة البحرين وأرض الزبارة *** ومـن غـزة وحيفا وعـمّـان والديـر ومـن ديـرة الـرقـة ودار الـعـشـارة *** ومن حلب وتدمر وسحاب وضمير عـادوا جميع البدو وأهـل الحضارة *** أهل القصيم وساكن الوشم وسدير والـلي غرس لـه بالجزيـرة أشكاره *** طابت وسورها من المجـد تسويـر مـن عـقـب مـا كـنا بعـيشـة عـزاره *** بالماضي اللي فات سرج ودوافيـر عقـب الهـماج الـلي بصاري بـيـاره *** أصبح قراح الماء تضخه مواسير

الأخ الفاضل عبدالله بن عبار أبو مشعل


صح لسانك وعلا شأنك والله أنها بالفعل ملحمة قصيدة جزله من رجل جزل

والله أنك كفو والله ونعم بك ، بل وسبعين نعم

ما قصرت وبيض الله وجهك ، على هذا الرد الكافي والشافي نيابة عن عنزه كافه

والله ثم والله أنك كفو وأنك من أهم رجال عنزة من وجهة نظري وهي حقيقة لا مجاملة أو تطبيل

فمن دافع عن القبيلة رداً على من تعرض لهم ولمشائخهم غيرك

أشكرك وأقدر لك حماسك ودفاعك عن قبيلتك فأنت أهلاً لذلك

قصيدة عن قصائد

قصيدة بينت فيها من هم عنزه وشيوخها وقدرتهم رداً على شخص قد لا يمثل قبيلته وألجمته وحجمته

بارك الله فيك وجزاك الله خيراً

الأخ الحسام اشكرك على مشاعرك الطيبة التي لمستها من خلال الأبيات المعبرة وجزاك الله خير الجزاء

يعطيك العافيه يابو مشعل

أشكر أخي أبو مشعل على هذه الفائدة , ولكن لديّ تعريج على بعض ماقاله أبو مشعل ,

أولاً : لـ خالد بن رابع ــ شيخة مجلاد على الدهامشه قبل سالفة كير وبهذا قالت اخته (هوى) وهي عزوة المجلاد والذي تتوجد بها على الديار حينما نزلوا القصيم :

يا ديرتي برق المحفر على الجال=بالقيظ نشرب من شهاليل ماها
يلعب بها القمري ليا شلهب اللال=وينسف على خضر الجرايد نماها
ربعي محددة الجمل يوم الاهوال=دهامشة تاقف بوجه قبلاها
يتلون زيزوم الجهامة ليا صال=مجلاد زبن اللي تدانت خطاها

أما أبو مشعل :

ــ يقول [ مناخ كير ] وهي وقعة وليست مناخ .
ــ يقول [ أفضل من كتب عن هذه الموقعة المؤرخ مقبل الذكير الأسعدي من أهل عنيزة في مخطوطة مصورة لم تطبع حيث كان معاصر لتلك الفترة ] ومقبل الذكير متأخر جداً عن الوقعه فهو توفيّ عام 1363هـ , ومن ناحية الأفضل في تطرّق سالفة "كير" فهو المؤرخ "عثمان بن بشر" والمؤرخ "ابن لعبون" فهم الذين كانوا الأفضل في تطرّق وقعة كير 1195هـ , أما الذكير فكان متناقض في نقله من الرواة الذي استقى منهم المعلومه , فذكر "مقعد بن مجلاد" وقال قتل , وهذا لايوجد من المجلاد بهذا الاسم , بل أن أبناء مجلاد هم (قاعد و جبر) فلا أعلم من أين أتى بـ مقعد !!! , وذكر أن قائد مطير هو "فيصل الدويش" وهذا أكبر خطأ وهو فاضح لإن فيصل أول ذكر له في المصادر كان عام 1210هـ , بل أن سبقه أخوه "حسين الدويش" في حوادث 1205هـ وذكر بأنه شيخ مطير , وذكر الدهامشه مع الجبل ضد مطير , وهذا خطأ فاضح , فإبن بشر وابن لعبون لو لم يذكروا ان الدهامشه كانت مع مطير ولكن سياق النص واضح ولا يحتاج للتأويل واللفلفه بأن الدهامشه مع مطير ضد الجبل ومن معهم من الظفير وشمر ...

تقديري

الاخ ذيب الحماد شكرا لك على الاضافه