قصائد في قروب ديوان الويلان - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-15-2021, 07:12 AM

قصائد في قروب ديوان الويلان

طلب مني الأخ المحامي مهدي بن حنيان أن يضيفني في قروب ديوان الويلان ورغم كثر القروبات التي كنت مضاف بها ولأن الوقت ما يسعفني متابعة كل القروبات مع متابعة موقعي وتوتر وبناء على الطّلب فقد وافقت على الأضافة وبعد الأضافة انهالت التراحيب من أعضاء القروب وهم عدد كثير وسمعت وقرأت الكثير من الترحيب والأشادة وأطلعت على عدد من القصائد ويسرني أن انشر تلك القصائد والرد على الشعراء :
قال الشاعر ذيب بن بقان الصقري هذه القصيدة يرحب بزميله عبدالله بن دهيمش بن عبار :

يـا مـرحـبـا والـف هـلا يـا أبـن عـبـار *** حـيـيـت يـالـلـي طـيـبـات مـنـاسـبــك
نكـثـّر بـك التـرحـيـب تـكـرار وامـرار *** والفـيـن نـعـم يا أبـو مشعـل بشاربك
يـالـلي بـك الـويـلان تـرحـيـبهـم حـار *** فرحت عـلى حضرت وجودك قرايبك
انـت الـذي دافـعـت عـنهـم بالأشـعـار *** مـن دونـهـم بالقـوم بـانـت مضـاربـك
دافـعـت عـنـهـم عـنـد حـكّـام وأمّـــار *** وهـذا الـذي خـلاّ الـقـبـيـلـه تـوجـبــك
مـن دونـهـم يـامـا تعـرّضت لأضـرار *** ومـن أجـلهـم حـاربـت نـاس تحاربـك
وكتـابـك الحافـل قطوف من الأزهـار *** بـيّـن مـحـاسـنـهـم وحـقـق مـطـالـبـك
لوكان بعض الناس يقرض كما الفار *** كـلامـهـم بـالــزور مـاهــو بـصـايـبـك
والناس ما تخـلا من النـاس الأشرار *** الـلي تـسـولـف فـي قـفـاك بـمغـايـبـك
قدرك يا ابو مشعل مع الناس الأخيار *** الـلـي تـقّـدر لـلـقـبـيـلـه مـتــاعــبـــك
لـك عـنـدهـم حشمـه وقيمـه ومقـدار *** ولا أحـد يطيـع الـلي بـقـولـه يعذربـك
صيتك يا ابو مشعل وصل كل الأقطار *** ولا أحـد عـلى الزينات يقـدر يحاسبك
أدعـو لـك التـوفـيـق من وال الأقـدار *** وأرجو عسى مضمون ما قلت يعجبك

وقال عبدالله بن دهيمش بن عبار هذه القصيدة جواب لقصيدة الزميل الشاعر ذيب بن بقار الصقري :

هـلا بسمـي الـلي بـغـلس الـدجـا غـار *** وأختار جـزلات الضواين مـن الشّبك
وجـدّك سمـي الـلي عـلـى كـف صقّـار *** وأن هـد فـي جـول الحبـاري يشببـك
مـن نسـل جـبـل من صماصيـم عـمّـار *** عـرق النـّدى يا مـاكـر الجـود ينتبـك
يـا أبـو عبدالله سـرني نسـخ الأسطـار *** وأنت الأديب اللي تحبك الشعر حبـك
أحـسنـت ثـم احـسنـت يا طـيّـب الـكـار *** بالصّـدق والأنصـاف أديـت واجـبـك
حـيـثـك مـن الـلي باللـوازم لـي أنصار *** توقـف معـي يالقـرم واوقـف بجابـك
الكـلمـه الـلي لـعـزوتـك قـلتهـا جـهّـار *** ما خفـت من شبـل الضراغـم يعاقبك
وضحـتـهـا للفـيـصـلي مـابـهـا اسـرار *** غـثيـت عـدوانـك وفـرّحـت صاحبـك
واليـوم فـهّـمـت الـذي عـنـده أنـكـــار *** رب الملأ من العرف والفهم موهبـك
والـلـه يـا أبـن بـقّـان لازلـت مـحـتـار *** من نفح هرج الـلي يعبك اللّغى عبـك
الـلـي يــدوّر بــي مـعـايـب ومـعـيـــار *** القـصـد مبهـم والقـضـيـه بـهـا لـبـك
الـحـاقـديـن الــلـي يـبـثـون الأخــبــار *** الصّدق عنهـم بعـد سلوى عـن النبّك
لا جاء سفيه أو ناقص العـقـل ثـرثـار *** وقـال أنت مخطي قلت ذا قول شايبك

قال رحيل معيليق السبيعي هذه الأبيات يثني على عبدالله بن دهيمش العبار :

ربعك تفخر بك يا أبن عـبـار *** يالوايلي طيّب الساسي
تدافع عن بعك دايم باصخار *** مثـل الجبل دايم راسي
مـاهـمـك كـل حـاقـد وثرثـار *** اهل النمايم والأفلاسي
قال عبدالله بن عبار جواب لأبيات الأخ رحيّل بن معيليق السبيعي

يـا رحـيّـل الـقـرم يـالـمـغـوار *** حيث أنت فهيم وسياسي
أشـكـرك يـا صافـي الأفـكــار *** يفدونـك النّـذل والخـاسي
قـافـك مـثـل خـنّـة الـنــــــوار *** بالروضه القفر مايداسي

وقال عبدالزاق المطرفي :

حييت ياللي تصخر القاف تصخير *** شاعـر علم عن كل وايل تحامي
عـبـدالـلـه العـبـار وفـي الأشابـير *** من روس لابـه باللـوازم همامي
من دون وايل وقفته وقفت الزير *** بالشعـر سكّـت مـن يدور الأثامي
ما قصـده يـدافـع يـدور الدنانـيـر *** لاشك راسه بالسطـر حيـل حامي
هـذي حقايـق مابهـا قـول تزوير *** والصّـدق ما يزعل رجال حشامي
من دون وايل وضّح العلم للغيـر *** جـاب الـدلايـل كـلـهـا بـالتـمـامـي

جواب عبدالله بن عبار :

حيـاالـلـه الـوافي سلـيـل الـمـغـاويـر *** عبـدالرزاق القـرم نـال أحـتـرامي
يا راعي العشوى عسى فالك الخيـر *** يالمطـرفـي أهـديـك عاطر سلامي
مجناك من روس القروم المشاهيـر *** مـطـارفـه نـعـم الـرجـال الكـرامـي
يـوم النفـيشي مـا قـدر يدلج السيـر *** شالـوا غـنـم قصيرهـم بالـزحـامي
جابـوا شياهه مـن بعـيـد المشاويـر *** وأقـفى ضعـنهـم بالتـلاع المظـامي
وأفعـالهـم مـا تنحـصي بالتـعـابـيـر *** ستر العذارى مرودعات الوشامي

وقال أبو خالد الفدعاني يثني على عبدالله بن دهيمش بن عبار :

هـلا هـلابـك يا أبن عبار *** حضورك معنا ينومسنا
صميدع وشاعر وبيطار *** الـلي بمنهجـك تـدرسنـا
قال عبدالله بن عبار جواب لأبيات الأخ أبو خالد الفدعاني :
مشكور يا طـيّـب الأذكـار *** يا أبو خالد زال واهسنا
جتني مقاطع من الأشعار *** منطـق كـلامـك يونسنـا
وقال :
من جـميـل الشعـر مافيها كـلام *** قـمـة الأبـداع اجـمل ما قريت
شاعر الجزلات من سن الفطام *** لين يا أبو مشعل بالقمّة رقيت
لـك تـحـيـة ود ولـك مني سلام *** مقـّدر ومحشوم لا منك طريت
الجواب :
بارك الـلـه فيك يا عـال المقـام *** يا أبو خالد ما جحدت ولا نسيت
تذكـر الواقع بـرغبـه واهتمـام *** والخبر يالقرم مـثـل الـلي هقيـت
مبـلـغ الغايات وبـلـوغ المـرام *** من نوى علوم المراجل نال صيت

قال الشاعر عبدالمجيد بن ثاني عبر قروب ديوان الويلان يثني على عبدالله بن دهيمش بن عبار :
لا والـلـه الا نــوّر قــروب عــنـــــــاز *** مـن يـوم ابـن عـبـار شـرّف وجـوده
الـوافي الكافي عـن الـرّبـع مـا انحـاز *** في كـل موقـف مـا تـزعـزع صمـوده
الشـاعـر الـلي حـل صـعـبـات الألـغـاز *** كـم شـاعـرٍ عـن الـقـبـيـلـه يـــــذوده
صـمـيـدع وثـابـت مـثـل جـبـل خــزّاز *** فـكـره عـلـى الـجـزلات دايـم يـقــوده

قال عبدالله بن دهيمش بن عبار هذه الأبيات جواب لأبيات الشاعر عبدالمجيد بن ثاني الغضوري :

عـبـدالمجـيـد الـلي بـعـلـم الفـخـر فـاز *** عسى فـداه أهـل النـفـوس الحـقـوده
جـانـي قـوافي طـيـّب الساس بجـهـاز *** وحـزّت ورود الـقـاف نـكـتـب ردوده
يالغضـوري نـرفـع لـك الشكـر بالعـاز *** وأنـت الـذي عـلـم الفـخـر مـا يكـوده
تعـيـش يا طـيـر السّعـد تـشبـه الـبـاز *** مجـنـاك مـن وكـر الصّقـور الصيوده

قال الشاعر خليف سعود التمامي هذه الأبيات يثني على عبدالله بن دهيمش بن عبار :

بسـم ديـوان الـفـخـر وأهـل المـهـابـه *** مـرحـبـا بـالـرمـز وسـلاح الـقـبـيـلـه
شـاعـرن وقـت الـشـدايـد يـنـهـقـابــه *** مـن تـعـرّض فـي طـريـقـه عـزتـيـلـه
ابـو مـشـعـل عـزنـا وقـت الـحــرابــه *** مـن تـعـاوج يعـطي المخـطي دلـيـلـه
افـنى عـمـره دون ربـعـه بـالـكـتـابــه *** حـي راسٍ دوم شــيّــال الـثـقـيـلــــــه

قال عبدالله بن دهيمش بن عبار هذه البيات جواب لأبيات الشاعر خليف بن سعود التمامي :

مـرحـبـا يـا خـلـيـف تـسلـم يالـقـرابـه *** يـا رفـيـع الشـان قـولـك ينصـغي لـه
حـيـثـك مـن أهـل الـتـفّـوق والنجـابـه *** جـزل يا أبن سعـود وبيوتك جـزيـلـه
مـن حـمـايـل مـابـهـم ثـلــم ومـعـابــه *** نسـل فضـل طبعهـم كسـب الـنـفـيـلـه
وأنـت الـلي فيـه افتخر واشكر جنابـه *** يا عسى يـفـداك مـن نـفسـه عـلـيـلـه