أن كـان جـهـدي مـا يـشّـرف بـلـيـاه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

08-03-2008, 08:37 AM

يسرني إعادة نشر هذه القصيدة مع آخر إضافة
قال عبدالله بن بن دهيمش عبار العنزي هذه القصيدة شكر وثناء بصاحب الحمية والنخوة الوائلية الرجل الفاضل : حسين بن علي العطيل الطويلعي وهو من رجال عنزة الذين وقفوا ضد بعض من قاموا بالحملة المغرضة وحاولوا التنكر لجهدي الذي بذلته لقبيلتي في الذود عن أحسابها وتأليف أنسابها من خلال بحوثي المتواصلة وهذا الرجل من رجال القبيلة الأوفياء الذين قاوموا من بثوا الإشاعات المضللة التي أحدثت الغوغاء في أوساط من تنقصهم الدراية بعلم الأنساب والتاريخ والرعاع الناعقون مع كل صوت وأخيراً أدرك من يبحث عن الحقيقة أن أسباب هذه الضجة المفتعله الغيرة والحسد وقد أنقشع الظلام ولم تنطفي الشمعة المضيئة فقلت هذه القصيدة من قصائد التصدي للحملة أسند على حسين بن علي الطويلعي وأثني عليه حيث أنه أهل للثناء فأقول :

يـا حسيـن راجت بـالمجـالـس دعـايـه ~ مضمونـهـا مفـهـوم قـصـده ومعـنـاه
فـاهـت مـن الـلي يفـوهـون الـفـوايــه ~ وقـامـت تـنـاقـلـها الملاسن والأفـواه
وأحجـمـت عـن مـن بـثـهـا بـالـبـدايـه ~ عسى يـجي نـاصح عـن الظلم ينهـاه
ولاحـظـت كـلـن يـسـتـمـع لـلـوشـايـه ~ ويـصن لـهـروج النمـايـم اليـا أوحـاه
ومـن لا يـعـد الـحـق مـخـطـي وتـايـه ~ ولا كـل مـن سـولـف تـصّـدق حكايـاه
الـثـرثـري يـلـزم لـسـانـه وكـايــــــــه ~ لازم نـقـول لصـاحـب الـبـلـبـلـه صـاه
قـالـوا رعـاع الـقـوم ويـش الحـكـايـه ~ وش علم أبـن عبار بالقص وش جاه
قـلـت افـقـهـوا يا نـاس وشـو خطـايـه ~ مـن حـاك هـرج الـزور بانت نـوايـاه
يـا نـاس تـرديـد الـسـوالـف كـفـايـــه ~ الـهـرج الأجـوف مـا نـقـره ونـرضـاه
يـا نـاس حـطـوا لـلـتـكـهـن نـهـايــــه ~ بعـض العـلـوم المحـدثـه مـا سمعـنـاه
مـن حيـث تـزويـر الحـقـايـق جـنـايـه ~ وتـحـريـف واقـعـنـا مـهـازل ومـزراه
مـن خـط مشهد يـجــدعـه بـالـنـفـايـه ~ مـا يغيّـر التـاريخ خـتمـه ولا امضـاه
السـاس ثـابـت مـثـل سـاس البـنـايـه ~ هـوج العـواصف مـا تـزيـلـه وتـمحـاه
عـلـيـه مـن كـل الـجـوانـب حـمـايــــه ~ صرحـه منيع ولا أحـد يقـرب احـمـاه
والـلي يـخـوض بـدون عـلـم و درايـه ~ مـا يـتقـن الـتـاريـخ مـثـلـه وشـرواه
أسـنـدت فـي قـولي صحيـح الـروايـه ~ أسنـد عـلى مـن وضّح الـقـول وأمـلاه
نـبـراس لـلـي مـن صـلايـب ضـنـايــه ~ يـبـقـى دلـيـل لسـايـر الـنـاس تـقـراه
ولا اقـول أنـا قـولـي مـنـّزل بــآيــــــه ~ أنـا بشـر والخـلـق يـا مكـثـر أخـطـاه
ولـو بـه نـقيصـه لـدعسه فـي حـذايـه ~ الـمـبـحـث الـلـي مـا يـشّـرف بـلـيــاه
تدويـن مجـد أهـل الفـخـر لـي هـوايـه ~ اكتـب عـلـوم الصـدق والباطـل أنفـاه
ذكـر الشخوص الصيـد غايـة مـنـايـه ~ ولا خـيـر فـي رجـل قـلـيـلـه احـمـيـاه
أبـعـدت عـن عـوج المـقـاصـد مـدايـه ~ ولاني مـن الـلي مقـصده ملي مخبـاه
ولانـي مـن أهـل الـدلبـحـه والحـبـايـه ~ أهـل الخـديـعـة والـدجـل والمـحـابـاه
مـن عـز نـفسه مـا خـضع بـنـحـنـايـه ~ لا عـاش مـن طمّـن مـن الـذل عـلبـاه
ومـن فـكـر أنـه لـه عـلـيــه وصـايـــه ~ غـره شـويـره تـايـه الـرأي وأغــراه
فـي ظـل حـكـم الـلـي أشـاد الــولايـــه ~ الـحـاكـم الـلـي كـلـنــا مـن رعــايـــاه
والـلي مـرامـه بـس يـبـحـث خـفـايـه ~ خـاب وخـسـر مـا صح لـه مـا تـمـنـاه
وكـان الجـحـود بـمـا عـملتـه جـزايـه ~ عـنـد الذي ربـه عـن الصايب اعـمـاه
عـنـدي شـهـايـد مـن قـروم زمـلايــه ~ أشعـار لـي مـن بيض الألـبـاب مهـداه
تـشـهـد نــوادر لابـتـي وأخــويــايـــه ~ بـالجـهـد الـلـي لـعـيـال وايـل بـذلـنـاه
يـا كـثـر الـلـي لـهـم مـواقـف مـعـايـه ~ ومـن يـصنـع المـعـروف لابـد يـلـقـاه
وقــف بـجـنـبـي مـن أعــز أصـدقـايـه ~ من كـان لـي عـنـده معـزه ولـي جـاه
صـديـقـي الـلـي فـي ضـمـيـره غـلايـه ~ مـواقـفـه بـالطـيـب مـا يـمكـن أنـساه
يغتاض من غيضي ويرضى لرضـايـه ~ ويـفـخـر بعـلمي كـل ما جيب طـريـاه
مـنـهـم جـنـاب حـسيـن ذخـري ذرايـه ~ عون الرفيق اللي اشتكا جـور دنـيـاه
لا قـلـت ويـن حـسيـن يـسـمـع نـدايـه ~ منصاي عـز الـلي مـن الظـيم يـنصاه
ضـمـيـره أصـفى مـن قـزاز الـمـرايـه ~ ترياق للصاحب وحنضل عـلى اعـداه
الـفـاهـم الـلـي يــفـتـهـم كـل غــايــــه ~ أبـو عـلـي ربــه عـن الـعـيـب عـــذاه
مـا سـار بـدروب الـدنـس والـغـوايــه ~ ولا عـاشـر الخـايـب ولا يـوم خــاواه
شهـم وشجـاع وبـالصخى لـه كـنـايـه ~ حـاش الفـضـيـلـه والنفـيـلـه بـيـمنـاه
وأن صـار بـمـنيـب الـزوامـل خـلايـه ~ جـض وثـقيـل الشيـل مـا عـاد يـقـواه
بـرك تـقـل بـالـقـاع لـه طـق شـايــــه ~ عجـز ينوض وجـاوب الحشو بـرغـاه
حـطـوا عـلـى متـن البـلـيـهي حـوايـه ~ الحيص يحمل كايـد الحـمل مـا اعيـاه
لـو كـان غـط الضلـف حـدر الـوقايـه ~ يصبـر لـو أنـه غـاص بالمتن وأدمـاه
هـذا شـبـيـه حـسـيـن لا جـتـه سـايــه ~ أطلـب عسى المولى يحفظه ويـرعـاه
يـفـعـل وعـن فـعـلـه يـريـد الـكـمـايـه ~ مـا تـاق لـلـتـمـجـيـد لـو كـان يـزهــاه
هـو الـصـديـق الـلـي يـعـادي اعـدايـه ~ عسى الـردي واللاش والنـذل يـفـداه
ويـفـدا جـنـاب الـوايـلـي كـل بـايــــــه ~ العـفـن اللي يـشمت قـريـبـه ويـشنـاه
ويـفـداه الـلي يـنـكـر بـربـعـه نـكـايـه ~ حـاقــد حـســود ولا يـدانــي دنــايـــاه
ويـفـداه الـلي قـلبـه ضهـر قـيح دايـه ~ المفسـد الـلي شمـل الأقـراب يـشظـاه
الـطـيّـب أرفـع لـه مـن الـشـكـر رايـه ~ والـلاش شـف الـبـال بـعــده وفـرقـاه

وهذه القصيدة قالها حسين بن علي الطويلعي العنزي مجاراة لقصيدة المسنده عليه من شعر عبدالله بن دهيمش بن عبار العنزي حيث يقول :
لأهل الثناء والمجد أسطـر ثـنايـه ~ عبر السطور وكل مقصد فهمنـاه
يـوم أن أبـن عـبـار وفـّق بـرايــه ~ راعي الحسد أقفت تـواما مطايـاه
عـرفـي ومفهـومي وبـالـغ ذكايـه ~ ما منهم اللي بعلم الأنساب جاراه
قـام يـعـبـث بـأنـسـابـنـا كـل ذايـه ~ يشمت ويطعن بالذي مجدنا أحصاه
عـبـدالـلـه الـعـبـار فـيـه الكـفـايـه ~ الـوايـلـي لا خـيّـب الـلـه مـسـعـاه
يوم الوحوش الضاريه لهاعوايـه ~ وقـف وحنـا بـوقـفتـه مـا نخينـاه
لبس الحميـه مثـل لـبس العـبـايـه ~ ويشكر على اللي للعنزتين سواه
تـاريـخ وايـل بـاقـي ولـه بـقـايــه ~ وثقه أبن عبّار وأسند عـلى رواه
يكتب وجهـده عنـدنـا لـه عـنـايـه ~ من واقع التاريخ والصدق منجـاه
والمجتهـد حـقـه عـلينـا الـرعايـه ~ له حق مجهوده نصونه ونرعـاه
واللي يبي يـرد العـدود الصرايـه ~ لا واردٍ ورده ولا شـــاربٍ مـــــاه
ولا أهز أنا مع كل مومي عصايه ~ للمخلص أخلص والمعامي بعمياه
ولا أوقع بختمي ولا أكتب أمضايه ~ ألا مع الـلي لـلهـدى سـار ممشـاه
ومن لا قدى ممشاه ماله حضايه ~ تـرمـيـه بأمـواج الحقايق خطايـاه
ولا أحـب الـلي للتفرقـه دق نايـه ~ مراجله حسد الـذي طالـت اخـطاه
والـلي جـداه البـلـبـلـه والـزرايـه ~ هـذاك مالـه عـنـد الأجـواد مشهاه
عـزي لـنـعـاي العـقـول وعـزايـه ~ لـلي ذبـحهـم غـيـضهـم لا وعـّزاه
نبغي قـلـوب كالـزجاجـه صفـايـه ~ وهـرج المغالط والغـلط مـا قبلنـاه
والحق يطوّع مـن براسه عصايه ~ ومن يلتـزم بالحق مـا حي يقـواه
والمصطفى اللي قاد درب الهدايـه ~ أقـرب قريـب لـه من الناس عاداه
والـلي عـلـومـه يـنتحـلهـا سبايـه ~ خـلـه يعـلـه هـفـت مقيـط ورأشاه
هـذا جـوابـي وأنـت تـفـهـم لغـايـه ~ لا تلـتـفـت للطهـبـلـه والمخـاقـاه

وهذه الأبيات مسنده على الشاعـر جميل بن محمد الحوسي الفدعاني وذلك عندما سمع رجال يتحدثون بمجلس وكان الموضوع يدور حول نسب القبيلة فتوهموا ونسبوا ما ورد في بعض الكتب التي ألفت عن عنزة منسوب لي وأدعوا أنني وضعت قبيلة عنزة أحلاف وهذا غير صحيح بحيث أن الذي ذكر ذلك غيري فتصدى لهم مشكوراً الشاعر جميل بالحق وأقنعهم وقلت هذه الأبيات أشكره وأوضح للجميع :

يا أبو تركي وش علام أهل السوالف ~ وش بـلاهـم يا أبـو تـركي يـطعـنـون
الـلي واحـدهـم مـثـل ثـور المعـالـف ~ غـيشمـان وبالقـصص مـا يفهـمـون
مـن بـراسـه مـخ مـتـحجـر وتـالــف ~ يسـمع الغـوغـاء ويـاخـذ بـالظـنـون
عـادت الـكـذاب لا سـولـف يـحـالـف ~ والـرعـاع بـكـل قـول يـصـدقـــــون
لـو وجـد عـاقـل لمنهـاجـه يـخـالـف ~ قـرم مثـلـك يا أبـو تـركي لا تـهـون
لـو يـقـال لـمـن تـمـادا طـس ذالــف ~ ما نجـح راعي الخـلاعـه والمجـون
وأنـت لأصحاب النمايـم مـا تـوالـف ~ تـردع الـلـي دون ذمـه يـشـمـتــون
من هو اللي من حلالـه كنـت بالـف ~ من هو اللي جيتـه أطلب منه عون
أعتـزي بجدودهـم في عهـد سالـف ~ وأبـذل المجـهـود لـو مـا يشجعـون
وأحمد اللـه مجتهد لـو كـنـت كالـف ~ الـقـروم تـشـيـد والـلاش مـغـبـون

08-07-2008, 02:55 AM

مـن فـضـل ربـي مـاعـلـيــه وصـايــه*** ولانـي مـن أصحاب الـريا والمحابـاه
-------------------------------------------------------------------------------------------------------- صح لسانك استاذنا الكبير ابو مشعل يستاهل الشيخ حسين الطويلعي ونعم با الاصقاء الاوفياء
مع انها تحمل رساله موجهه الى اصحاب القيل والقال وانا اوكد لك كل ناجح له معارضين وحساد 0

08-09-2008, 08:41 AM

يـا حسين عـيـب الدلبـحـه والحـبـايـه ***لا عـاش مـن طمّـن مـن الـذل عـلبـاه
مـن فـضـل ربـي مـاعـلـيــه وصـايــه*** ولانـي مـن أصحاب الـريا والمحابـاه
فـي ظـل حـكـم الـلـي أشـاد الــولايـــه*** الـحـاكـم الـلـي كـلـنــا مـن رعــايـــاه
أكتب كــلام ولا أجـــعل القــــول آيه *** أنـــــا بشر والعبد يا مكثر أخـــــطاه
حـكي الخـطـأ يا حسين يبحـث خفايـه*** وأن كـان جـهـدي مـا يـشّـرف بـلـيـاه
أبـعـدت عـن عـوج المـقـاصـد مـدايـه*** ومـن يـصنـع الـمعـروف لابـد يـلقـاه

الله الله

ولا تهون باقي القصيدة رائع بكل حالاتك يابو مشعل

صح لساااااانك والله ومليون نعم بابو علي

لاهنت

تقبل مروري

ولدك

سعد العلاطي

08-25-2008, 11:58 AM

والسبعة انعام

صح لسانك يابو مشعل

02-06-2009, 08:49 PM

أبا مشعل لله درك ..
بل أن جهدك هو الشـرف بعينه ..
والشمس في رابعة النهار .. لايمكن بأي حال من الأحوال أن تحجب بغربال .
سـر والله معك .. ولاتلتفت للمغرضين .. فما زالوا في مسيرة ساعة من مسيرة أربعة عقود
حافلة لك بالإنجازات والتفرد .

ولا أهز أنا مع كل مومي عصايه
0000للمخلص أخلص والمعامي بعمياه
ولا أوقع بختمي ولا أكتب أمضايه
0000 ألا مع الـلي لـلهـدى سـار ممشـاه
ومن لا قدى ممشاه ماله حضايه
0000 تـرمـيـه بأمـواج الحقايق خطايـاه
ولا أحـب الـلي للتفرقـه دق نايـه
0000مراجله حسد الـذي طالـت اخـطاه
والـلي جـداه البـلـبـلـه والـزرايـه
0000هـذاك مالـه عـنـد الأجـواد مشهاه
عـزي لـنـعـاي العـقـول وعـزايـه
0000لـلي ذبـحهـم غـيـضهـم لا وعـّزاه
نبغي قـلـوب كالـزجاجـه صفـايـه
0000 وهـرج المغالط والغـلط مـا قبلنـاه

ســر أبا مشعل وعين الله ترعاك
ودعنا نردد معك :

يـا حسين عـيـب الدلبـحـه والحـبـايـه
00000 لا عـاش مـن طمّـن مـن الـذل عـلبـاه

02-15-2009, 03:16 PM

ابو مشعل

هل يوجد من يستطيع ان يقدم لعنزه مثل ما قدمت ؟ مستحيل

ويعلم الله يا ابو مشعل ان كل بيت تقوله بخصوص المغرضين والناكرين لمعروفك

انه صعب على اللي يعرف من هو عبدالله ابن عبار

ابو مشعل انت لوحدك تاريخ من كل ماتعني معاني الرجوله والاخلاق والقيم والشيم

كل بيت لك يدل على ماذكرت

ولك من المحبين ما الله به عليم

ابو مشعل التاريخ انت اهله وانت شرفه لانك منزه عن كل شك ولك باع طويل

يدري به الداني والقاصي

اطال الله عمرك واسعد الله ايامك