( مساجلات عبر القروبات )

قال الشاعر محمد بن الطرقي القهيدان الملقب ( السيف البتار ) يسند على زميله عبدالله بن دهيمش بن عبار :

يالـلي مشيتـوا للتـنّـزه عـلى خـيـر *** مـع الطـريق الـلي سلكـتم مسـاره
رحـلـه سعـيـده يالنشاما المناعيـر *** يا مـدوريـن الـبـر بـعـد الحـضـاره
اليا نـزلتـم فـي شعـيـب النـواويـر *** فـي خـايـع يا زيـن منظـر خـضـاره
قـولـوا لأبـو مشعـل يـكز التقارير *** لا نــاظــر الـبـر الـفـسـيـح بــرداره
شاعـر يصوّر ديـرة البـر تصوير *** ويجـيـب مظمون الخبـر في جـداره
عنده عن الصحراء شهادة بتقدير *** لـبـيـب يـفـهــم قـولـنـا بـلا اشـاره
اليـا تقـهـوى مـن الـدلال المباهير *** يـصـيـر بـالـجـو الـمـغـيّـم غـيـاره
عطه الأوراق وخل عنك التفاكيـر *** يـمـلي عـليـك من القصيد بـغـزاره
هـذي مـواريـد وهـذي مـصـاديـر *** وهـذي يـوثـقـهـا بحسـب اختيـاره
يصفهـا مـثـل الـذهـب والـدنـانيـر *** جـواهـرن فـيـهـا الـحـلا والأثـاره

قال عبدالله بن دهيمش بن عبار يرد على محمد الطرقي القهيدان :

يا مـرحـبـابـك يا سـمي الـبـواتـيـر *** الـلي تـفـك الـبـل اليا صـار غـاره
بكفوف شجعان العـيال المصاطيـر *** حـمر العيون أهل الظفر والنماره
حيثك شبيه الـلي تفوّق بـه الـزيـر *** السيف يـرمي الجمجمه بالمعـاره
أطلب عسى الله يا محمد لك يجيـر *** من شـر كيـد النـاس يا عـز جـاره
نخـبـرك يا ريـف البـداه المساييـر *** وعن رحلة النـزّهه نوضح عباره
خـاويـت أبو فهـد طـويل الأشابيـر *** هـزاع مـع ربـعـه سلايـل عـماره
ودجنا على كل الفياض المخاضير *** والـشـعـبـه ولـيـنـا وصـلـنـا ديـار
بيـن الروابي والطعـوس المزابير *** نـرقـب ونصعـد بيـن قـاره وقـاره
وجـنـوب سامـوده مـقـر المغاتيـر *** النـوق الـلي بالفـوز بانـت اخباره
عـلى هرافي مع حليب المصاغير *** وفـنجـال مـن دلّـه يشوقـك بهـاره
لو كان برد الشبط مثل الـزمهرير *** السمـر يـبعـد قـارص الـبـرد نـاره

قال الشاعر فواز بن نايف الخمعلي هذه الأبيات يسند على زميله عبدالله بن دهيمش بن عبار :

عـبـدالـلـه العـبـار عـرفـه ينومسك *** في ذمتي عـرف ابـو مشعـل تجاره
من طيب فعـلـه شبّه بريحة المسك *** هـذا مسـاري مـا يـخـالـف مـسـاره
كـريـم يـمـنـا فـي فـعـولـه يحمسك *** عـنـد النـشامـا مـستـحـل الـصـداره
طيب وصخى شوفت قبالـه يونسك *** لا غـبت جـاء وان غاب جيته زياره
ولا الـردي عـرفـه دنـس لا يدنسك *** خـسـران من خـاواه وعرفه خساره
حتى المخامس في يـده لا يخامسك *** تـكـرم يـمينـك عـن يـمـينـه مـجـاره
تـرى مصافحـك ليـمـينـه يـنجـسـك *** ابــعــد ديــارك عـن حـراوي ديـاره
شوف الردي في حد ذاتـه يعـوسك *** احـفـظ وقــارك يــوم ضـيّـع وقــاره

قال عبدالله بن دهيمش بن عبار هذه الأبيات مجاراة لأبيات فواز بن نايف الخمعلي :

رد الـثـنـاء يا خاطـري زال هـاجسك *** فـواز أبـن نـايـف بعـث لي اشعـاره
يا بن صميدان الله عن العيب حارسك *** عـن مـلّـة أصحاب الدّجـل والقـماره
رب الخـلايـق مـالـك المـلـك مـلبسك *** ثوب الشرف ما ناش ساسك حقـاره
لك الفخـر موروث من طيب خامسك *** مـن نـسـل قـرم كـار الأجـواد كــاره
عـرق النـدى يا ماكـر الجـود ينعسك *** أبـوك لـه عـنـد الـرجـال اعـتـبـــاره
عــوّدك لـعـلـوم الـمـراجــل ودرّسـك *** عـلى الـعـلـوم الغـانـمـه والشـطـاره
الـحــر لا هــديــت بــه مـا يـفـلّـســك *** والتبـع فـرخـه مـا يجـيـد الصـقـاره
جاك الجـواب وسجّـل القـاف بالدّسك *** قـرايـض مـن الجـاش تـم اخـتـيـاره

قال مزعل المشعان المهيدي هذه الأبيات يسند على عبدالله بن عبار :

سلام يا ساس الـوفـاء والرجـولـه *** ياللي لكم في صفحة المجد تاريخ
مـنـي لأبـن عـبـار اثـنـي واقـولــه *** يستاهـل التمجيـد شيـخ المطانيخ
من طيـب فـعـلـه كـلهـم صفـقـولـه *** ربعـه بـني وايـل بـعـد الـتـواريخ
يثبـت كـلامي كـل مـاضي فـعـولـه *** صنديد بـرايه دايم الدوم ما اينيخ

قال عبدالله بن عبار هذه الأبيات جواب للأخ مزعل المشعان :

حـيـيـت يـالـلي تكـتسب كـل طـولـه *** يا مزعـل اللي تنسخ القاف تنسيخ
أشكرك يامـن عنـدك الطيب سـولـه *** من ساس قوم تنوّخ الخصم تنويخ
من العزوة الـلي وصّفـت بالبطولـه *** حمر النواظر عزوته منهـم الشيخ
يـوم الجـفا صوّت لمن كـان حـولـه *** تلقـا النضا عـنـد المسوبع مناويخ

صح الله لسانك يأديبنا العزيز ولسان جميع شعراءنا الأعزاء الكرام وهذه هي مشاعر وأخلاق عنزة أهل الحيا والمناقيد وأهل الحمية الصادقة الغير مغلّفة ولا مزيّفة ولا محرّفة التي عرفها وشهد بها جميع أبناء القبائل العربية لقبيلة عنزة أهل المناقيد وأهل العقل والثقل وثقال الروز.