أبيات من نظمي أنتاج اليوم

الـذي تـغـتـر بـاســمـه والـوضـيـفـه *** وسكـبتـه تـزهـا بعـينـك كـان شـفتـه
مـنـظـره يعجبـك شكـلـه بالـوصيفـه *** مـار كـان أنـك بخـنت الّـّلاش عـفتـه
يفـتخـر باسم الجـدود وهـو هـديـفـه *** وأن عـرفـتـه قـلت مـا ودي عـرفـته
الــردي كــوبــان لـو جــدّه خـلـيـفـه *** يـصغـر بـعـينـك الـيـا مـنـك كـشفـتـه
مـثـل خـطو الغـلث ممشاه وهـريـفـه *** يـغـري الـجـهّـال فـي هلسه ورفـتـه
صـد وأعـلـن عـن مخـاواه النكيـفـه *** ولا تحسّـف كـان هـو جـاك ونحفـتـه

أبيات من الهجيني مهداه للشيخ الشاعر فايز بن فرحان بن سويلم الغضوري
يا فـايـز بـيتـك زهـتـه الفـرش *** يـازيـن مجـلـسـك يـا حـلـوه
حـفـظـك ربــي ولـي الـعـرش *** شـرواك مـالـي عـنـه سـلـوه
يفداك مـن هـو يصـر القـرش *** يشفق على القرش من غلوه
يـخـور كـنّـه خـطـات الهـرش *** وعـن البشر يرغـب الخـلـوه
لـو كان عنـده عقـار وطـرش *** كـوبـان مـا يـصـعــد الـعـلـوه
وجهه مشهّب وعقوبه حرش *** والـجــم مـا تـوصــلـه دلــوه
مـا هـمّــه ألا يـطـس الـكـرش *** مـن حـد ضلعـه إلـى الكـلـوه
الـقـرح مـا هــمـتـه والـبـرش *** ولا هــام بـالـلـي تـقـل فـلـوه

صح لسانك ابو مشعل ..ويستاهل بن سويلم وكفو شرواكم الطيب انت وياه الله لايخلينا من الاجواد
وانت يبو مشعل ماتقصر لمن يستاهل التشجيع .

عافاك الله .....بس نبي قصيده عصماء في مبايعة ولي العهد وولي ولي العهد والشكر لخادم الحرمين تشمل مناشدة الشعب السعودي بالوقوف مع ولاة الامر

المكرّم الفاضل الشيخ متعب بن عبدالهادي الفققي أدام الله عزك وحفظك وبالنسبة للقصيدة التي تخص المبايعة والشكر لخادم الحرمين الملك سلمان حفظه الله فأنه لا توجد قصيدة من الشعر تغطي هذا الجانب لأنه أكبر من القصيد ولكن علينا الدعاء لهم أن الله يوفقهم ويسدد خطاهم ويقهر أعدائهم

صح السانك شاعرنا الكبير ابو مشعل حفظك الله ورعاك

صح لسانك والله يحفظكم

مع الشكر الجزيل للأخوين راضي بن جفين العنزي وعباس موسى دريب العظيمي على الأطلاع وصحة أبدانكم