قصيدة الشاعر سليّم الكسار المضياني ورد ابن عبار - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

03-13-2025, 11:53 PM

قصيدة الشاعر سليّم الكسار المضياني ورد ابن عبار:

قال سليم بن كسار المضياني هذه القصيدة يثني على عبدالله بن دهيمش بن عبار:
ابـتـدي بـســم الـولــي جــلا جــلالــه *** الـواحـد الـلي خالـق كـل مـا كانـي
عـلام مـا يخـفى ورا الصدر واقفالـه *** بسم الـله ابـدا وابتدي نظـم قيفاني
قـافـي بـديـتـه يـوم قـررت لـرسـالـه *** للشاعر اللي على القيفان سلطاني
أبـو مشعـل بالفـخـر مـدحـي زهـالـه *** نال الفخـر غصب على كل زعلاني
ما احد جحد فعله على صحة اقوالـه *** الا الذي ماله على الصّدق عرفاني
الحمـل باللّـزمات طيـر السعـد شالـه *** ما قصّـر الـوايلي يوم اللّغى شاني
مـا بـان غيـر الـذي وقف لـه لحالـه *** فـعـايـلـه يحـكي بـهـا كـل ديـوانـي
شمّـات قـعـل الـلي عظيماتن افعالـه *** انـا اشهـد انـه تايه الراي غبطاني
مـن قـال بـه لا قـابلـه غـيـر اقواله *** قـوله الأول ما يطابـق عـلى الثاني
تدري يا ابو مشعل وبالناس عيّاله *** من ذمكـم خـاسـر جنابـه وينهـاني
لـه يـتصـدى مـن يـلاقـيـه بـرزالـه *** حكي القفا صاحبه خايب وخسراني
نشوف ناس تمـدح الـرجـل بقبالـه *** ان غاب حطوا فيه عيب ونقصاني
تسلك طريق البطل والحق تبرالـه *** نـاس بهـا عن كلمـة الحـق نكراني
والمتخفي لـو حكا ما احـد بحالـه *** النمـر مـا يخشى حيـالات حصناني
وصلاة ربـي عـدد ما هـل هـمالّـه *** مهدي العصاه لا تمادوا بعصياني

قال عبدالله بن دهيمش بن عبار هذه القصيدة جواب لقصيدة الشاعر سليّم الكسار المضياني :

حـي قـاف سـلـّيـم الـكـسـار قــالــه *** اتشـرف وافتخـر بـه يـوم جـانـي
أبـو وافـي حـي فـالـه حـي فـالـــه *** صيـرمـي يـا عـل يـفـداه الهـداني
يا أبـو وافـي أنـت وافي بالجـزالـه *** وافـي وعـنـد الحمايـل لـك مكاني
أنت اللي تحسب من رجال الشكاله *** حيث ساسك من عريبين المجاني
افـخـر بـشـرواك لا جـابـوا مجالـه *** كـالقـطـامـي مـا يـوكـر بالطـمـانـي
جعـلـك دايـم دوم مستأنـس ودالـه *** يالزميل اشكرك واهدي لك تهاني
كـل منصف عادتـه كسب الجمالـه *** يـاقـف بجنبي ويشمت من شناني
الـعـلـوم الصـادقـه نـاخـذ صـمـالـه *** معتني بالبحـث مـن أول زمـانـي
احتـفي فـي صاحبي وارفى خمالـه *** واتـرفـع عـن بـذيـيـن الـلـسانـي
والـردي كوبـان بـه حسـد ونـذالـه *** لاش مـا يشكل عـليـه لـو هجاني
والــذي يــزداد غــيـه مـن هـبـالـه *** بالجهل يعـمه ولا يعـرف المعاني
خـاب مـن يـدرق رفيـقـه بالختـالـه *** هـافـي الـذمّـه ولحـّاس الصيـاني
يتضح فـرق الأسـود مـن الثـعـالـه *** والحصن تفرق عن طوال الأذاني
ومـن يعـيـل يسنـعـه حكـم العـدالـه *** سيف أخـو نوره حناه لكل جـاني
ومـن تعـاوج يـوم شبع وزاد مالـه *** أحمد الـلـه مـا تجي لـه بالتماني