لاهنت يابومشعل على الاضافه ،،،،
انا اعتقد ان كل منطقه لها خصوصيه في اللهجه والكلام فكل منطقه لها نمط معين في كلامها عموما مثل مااشرت في مسألة البو في العراق وكذلك اهل الشام في ذكر الجمع بالنسب ، ومع فساد لغتنا العربيه الفصيحه بقي شيء متعارف عليه من اصل اللغه موجود في عموم الكلام ، والعبيدات كما ذكرت في ردك هو مثال على جمع المؤنث السالم وهو اي جمع ينتهي بـ ات ،وانا اخبر كثير من القبائل
ينهونها بمثل العبيدات الحميدات ،، يعني لو اخذنا السويلمات من عنزة فلان بن فلان السويلمي ، هم لا فلان بن فلان السويلمات والحماطره حنا نقول الحميطري هم يقولونها فلان بن فلان الحماطره ومثلها المحسينيين العصابين المفترض يقول المحيسني او العصباني
لكن هم يقولون المحيسنيين العصابين ، والنسبه لاسم محيسن محيسني ، هذا مذكر سالم ينهونه بياء ونون ، مثل فهد عبدالعزيز السبيعيين ، او المسيكيين ، طبعا حنا ماهي عندنا ، لكنها اختلاف ثقافه ولهجه ، مثل ماعندهم الناقه الملحا يقولون لها زرقا ، وحنا ماهي حول وصفهم ،
وانا انا والله اشوف ان عنزة عندهم غزارة بالمفرده خص الشيبان الاولين ، ماهم الجيل ذا ، في وصف الارض والمكان والابل وحال الارض وامور يشيب منها الرأس واعتقد انهم ماهم مثل غيرهم ، في قبايل دانكت عنزة وتعلمت منها ، مثلاً في قص الاثر ، احدى القبايل المجاوره لعنزة ولاداعي لذكرها ، كانوا يتهولون من قص عنزة للاثر للحلال وللناس
وبعدها قاموا يتفطنون للاثر وصاروا يقصون مثلهم ، الكلام هذا بعد احتكاك هذه القبيله بعنزة ، لكن قبلها اهلهم الاولين مايعرفون للاثر ولايدرون وين وجهه ، وحتى الطبوع والعادات وغيرها من الامور يطول شرحها
__________________
.
.
يوم الشريفيه انتخت
حنـــا نلبـــي للنــــدا
.
ماهمنــا غـــاد البخت
يمشي بدربه مـاقـــدا
.
حنا يـدينـا ليـا صخـت
مــدّاتــهــا بليا مــــدا
.
فهد العنزي
|