الطيب مايخاوي إلا هل الطيب
والحر يفهم مقصود العباره
@@@
ابتعد عن اللي مايعرفون المواجيب
اللي عليك صحبتهم تحسب خساره
@@@
وعليك باللي اللسانه تراحيب
هذا هو المكسب وهذا هو التجاره
@@@
مجلسه فيه من الشباب والشيب
ماغرته دنياه بالتمدن والحضاره
@@@
على سلوم العرب ذيب بن ذيب
ماحط بالجيد عقد ولا باليمين سواره
@@@
تغيب الشمس ويطلع القمر ويغيب
والدلال على مشب ماتنطفي ناره
---------------
كلمات الوادي
بوعبدالعزيز
عبدالرحمن عبدالعزيز الخمِيس
١٤٣٦/٣/٣