الخساره كبيره والمصيبه عظيمه=موت نايف فجعنا موته اكبر مصيبه
خيّم الحزن وحزن كل نفس ٍ كريمه=المشاعر حزينه والليالي عصيبه
الجزيره بفقدك يابو محمد كظيمه=غاب عنها قمرها هزها في مغيبه ...
غاب نور الجزيره والليالي عتيمه=من رحيلك عن الدنيا تراها صويبه
كل شعبك حزين والجزيره يتيمه=يوم ابوها تركها كل اوحى نحيبه
كل شعبك تساءل وين راعي الغنيمه=الخبر كان مفجع كل واحد دريبه
وين راح الشجاع الي دروبه سليمه=والله ان المفارق كل طرقه صعيبه
ابونفس علي كل الضعافي رحيمه=ماتكبر علي احد وكل واحد حبيبه
ماتغير علي شعبه وشعبه نديمه=كان به عيب يذكر طاعة الرب عيبه
اطلب من الله مقره بالجنان النعيمه=ومن دعاله برحمه يالله انك تجيبه