قال عشوي العفري من الدوام من السبعه

يثني على غثوان أبن مرشد وهزاع الفققي وصقر المصرب : ‏

نحمدك يـا ربـي عـلى كـل مـا كـان ـــــ يـالـواحـد الـلي تـطـلـع بـالسريـره ‏

يـا نـاس مـاني بالتمـاثـيـل بـحـلان ــــــ مفاصلـه مـا هـي عـلـيـه عـسيـره ‏

هاضت عـلي من الصناديق قيفـان ــــــ وسط الضماير كانـزن لـي ذخـيـره ‏

عـلوم تغـنى مع طراقي وطرشـان ـــــــ سـوالـف تـجـلي لـهـيـب السعـيـره ‏

قـوم لفـونـا جمعهـم تـقـل ضلـعـان ـــــــ غـمـام لـيـل ولا أيـتـقـدا بـصـيــره ‏

هيلـوا علينا الصبح والفجر ما بان ـــــــ صبـاح قبل الطرش يضهر نشيـره ‏

الخيـل قـفـت بالدبش تـقـل حيطـان ـــــــ وتـفـرقـت دونـه جـمـوع كـثـيـــره ‏

لحـقـوا هـل العـرفـا عـيـال وعيـان ــــــ سووا عـلى جمع المعادي جريـره ‏

لعيون من تخطي مع الذود حيـران ــــــ غـبـوقـت الـخـطـار عـجـل دريـره

خيـولـنـا مـن خيلهـم تـقحـم الـزان ــــــ وخـيـولـهـم مـن خيلـنـا مستـذيـره ‏

ونعـم بأبـن مرشد إلى قيل غثـوان ـــــ ونعـم بأبـو هـزاع حامي القصيـره ‏

ونعـم بصقـر وأن تـلاقـوا بتفـقـان ـــــ لـه بـنـدق بالكـون تـرمي العـثيـره
‏

يفـدا الثلاثـه مـن تـوخـر بالأكـوان ــــــ ومـن أدرق يـوم الـلــوازم بـغـيـره ‏

حلـوا بهـم كا حلت الذيـب بالضـان ــــــ وراحت على جمع المعادي كسيره ‏

كـم خـفـرة تـهـل دمـعـه بـالأوجـان ـــــــ تبكـي عـلى قـرم العيـال الضهيـره

مامن خفا كلن على الروح شفقـان ـــــ فـي ساعـة فيهـا المـروه عسـيـره


ويقول البرادي من المسكه من السبعه يثني على هزاع المرشد وحمد ابن عيده والشنتري وقديم ابن جبيل

من الفدعان والرسالين :

ابشر بذودك وأرهجن يالبرادي ****** مادام بالفزعات سربة بطينات

من يوم وخذن مرهفات التوادي ****** نادا منادي والحق الصوت بصوات

قلت اه وأويلاه وخذت الذوادي ****** راحن اذوادي بالمثل تقل حولات

وجوههم شيوخ مثل احرار الهدادي **** ياما عطفن من ايمانهم كل خلفات

هزاع اخو عشوى حد الخيل حدادي **** خيّال حرد ماتلفت بذلات

والشنترى من ساس ربعن نوادي ***** خيّال سربه مثل كنها وصف الاغوات

وقديم بن جبيل طيبه وكادي ******* خيّال شقح بالمفالي زريفات

وحمد اخو نورة يكب الشدادي ****** ثلاث ليالي يرفع الهجن مابات

هذي علوم الشيخ ماهن دوادي ****** ياما رحل قدمه نجوع مقيمات

وعيال رسلان بوقت الطرادي ******* كم شيخ من سبب طعنهم مات



ويقول الشاعر محمد الدسم من الدوام بـ راكان ابن مرشد :

ياراكب اللي ماداني خيالـــــــــــــــه ـــ تعجب بسجات الخلا كل نهـــــــــــاج

تيهيتا عمامها من خوالــــــــــــــــه ـــ من ساسها سهواجه بنت سهـــواج

تدرج كما تدرج خطاة المحالــــــــه ـــ ولاجر حبل السانيـــــــه تدرج ادراج

شافت انزولن نازلينن اقبالــــــــــه ـــ ولقتلها عن درب الازوال منفـــــــاج

هجت وقبقب قلبها من جفالــــــــــه ـــ ولابدلت ركضها العصر دفـــــــــلاج

ركابها راس الخزز بالدلالــــــــــــه ـــ ماعمر تاه بغيبت النجم والــــــــداج

تلفي على راكان ياحي فالــــــــــــه ـــ طير الحباري لابرق الريش عفـــاج

زبن الهليب وزبن راعي السلالــه ـــ نهار يكثر القلايع والامــــــــــــراج

بحشمه ومنفوع وقدر وجلالــــــــه ـــ ومعها تراحيب لها الصدر ينفــــــاج

قله مجحم مسوي له معاريح قالـه ـــ العالم الله مالها ذنب وســـــــــــواج

انا ليانعاج الشيخ ماني بحالــــــــه ـــ او انجنف او نوى الشين ونعــــــاج

ربعي هل العرفا على كل قالــــــــه ـــ عاداتهم بالكون يخلون الاســـــراج

انا ليابصرت خطاة المسالــــــــــــه ـــ وغدوبها الفهيم عانج ولجــــــــــاج

القى سنعها والفخر بالعدالـــــــــــه ـــ عدي على ضو القناديل وســــــراج

ماني طلي الربج ينهج غيالــــــــــه ـــ او ابكم والا غرير وهلبـــــــــــــــاج


وقال الطرقي الحلوان :

قال الطرقي قولته هي الشفيه / قال ابن حلوان بالهرج الثباتي

قال ابن حلوان ولا بقوله زريه / قول ابن حلوان سوى الكايناتي

راكب اللي روحن جلد برديه / مع طريق قـــديــم جنك ساحباتي

يلفن ابو طراد مع حين المسية / يلفن لراكان زبن الوانياتي

يازيزوم الحرب ضد المدفعيه / يا عنيد الراس ياخلال الـلهاتي

انت الشيخ ونافـلن بالـعادليه / بالمجالس فاهمن كل الحكاتي

من عمامك لاهليك الاوليه / نافلين(ن) دايما بالطايلاتي

ياطويل العمر ياذيب السريه / ياللي علومك للاجانب واصلاتي

يا نويت بشية(ن) مهي ردية / بس بساعة ثلاثين المهجلاتي

مثل قطع الفلج من فوق الصينيه /شوف عيني والخرفان مجامزاتي

سولفوا لي اللي عندك بالقضية /واللي حاضر لي شديها للمـماتي

لولا ظلالك مبطي هاجرنا سوريا /ولولا ظلالك مبطي ولينا شتاتي

مار ان ظلالك علينا شمس(ن) / ضويه في العصر عن سموم القايلاتي

اللي يبي يماريك ملبوسه عاريه /لو بغى يجاديك ملبوسه عاريه



يقول طفحان بن معيدي بن سبتي الميهوبي :


الليـالـي للمسايـيـر سهلـنـا //وحقنا باللازمة مـا احـد غدابـه
يا بو ريشة اتـرك القـالات عنـا// اللي مثلـك فاهـم ويقـدا جوابـه
حنا لولا السيف قبلـك مـا سكنـا// أنشد عن أيوب سعينـا ابخرابـه
ان ساعفنـا ربنـا جينـاك حنـا// من جنوب الشام نضفيك ابسحابـه
أول الاسـلاف والمنـدوب مـنـا // مثل كسور القبس في شامخ هضابه
وش لك بالويلان يوم إنـك تمنـا // الفشق حس الصواعق من سحابه
مـن عادنـا بالعـداوة مـا تهنـا // تاكله سحـم الضـواري والذيابـه
شيخـنـا راكان بالعـلـم المثـنـا // مقدم الشجعان لاصـارت حرابـه
مقدمنا أبو طراد هو زبـن المجنـا// مثل سـم الـداب لاكضـك بنابـه
مـا عينتـوا عبـد بعلـوم أطنـا // بين طناب البيت قل وشي اسبابـه
لعيون اللي ينقـش الكفيـن حنـا // من يناطـح جمعنـا حنـا ذهابـه

يقول صقر المصرب :

من وادي السلمان لديار حوران .... سرنا باثـر ذودٍ لنـا مطلبينـه
لمحـلا رد الجمايـل بالأكـوانا ... ليا صار ربعك للقضا مدركينـه
نصلها لعيون عبطا أخت عبطان ... وعاداتنا صيد الشواه السمينـه
جبنا يباري ذودنا خمس قطعان ... ومعهن فحلهن جيب مسترجعينه