تابع ما قبله
وقال عشوي الحانوت الغضوري من قصيدة يثني على الشيخ عبيد بن صالح بن غبين :
يالـلـه تـفـك عبيـد من شـر بلـواك *** فـي جـاه مـن وجـه لـبـيتـك وزاره
زيـزوم ربـع مـا يـهـابــون الأدراك *** شيـخ كـريـم ولا يـهـاب الـخـسـاره
مفـراص مـاص وللـواليـب مفـراك *** كـم مـن عـديــم فــل غــزلـه وداره
يا عبيد لـولا الـلـه ومـن ثـم لـولاك *** وادي الحمـر ما يبتـني بـه عمـاره
خـليـت لـك نـاس تـكيّـف بـالأمـلاك *** لـقـت حـيـاة الـعـز عـقـب الـعـزاره
كـم شيخ قـوم مـا يـسوي سـوايـاك *** يـا مسـقي العـدوان كـاس المـراره
ومن قصيدة لجخيدم بن نوبان المطردي الجعفري :
حـرٍ شـلـع مـن نابـيـات الرجـومي *** وأدلا بخشم مطوقه عقب مـا نـاس
شلع وصنكب تـقـل يدعيـه مـومي *** سط المعادي حي من يرفع الـراس
سـطـت مـغـل واقـعـه مـا يـقـومـي *** يبقـا بسدرتها صويبـه مـن النـاس
تـبي القـضاء لـمـيـت لـمـلا لمومي *** وجذبت ناس ساكنين وراء رواس
ومن أبيات للفارس جوفان الأظليم الدوامي يقول :
يا مـا لـحـقـنـا ميتميـن المخـالـيـل *** عـاداتهـم بالكـون طـوي الصميلي
جـونـا وجيـنـاهـم ولامـن عـواذيـل *** اليا مـا غـدا جـدع الجنايـز يهيـلي
جـانـا صباح يرعب القلـب وايهيـل *** تعـّوض المـاخـوذ قـولـت يا ويـلي
وأن كلت الحيلات قلت أدنوا الحيل *** وأنـا صلـيـب الشـور قـرم دلـيـلـي
من عـنز إلى عانـه تقل طاقن تيـل *** مـا عـاد ذقنـا النـوم هــو المقيـلـي
دوامات مروين الغلب والشناشيـل *** كـم طـلـقـوا مـن جـادلٍ مـن حليـلي
ومن قصيدة لمحمد الدسم :
رقـيـت رجـم مـن مشـاريـق حـايـل *** رجـم نـبـأ فــوق الـرجـوم طـويــل
شمالي الأجـفـر مـع أيـسر نـواظـر *** نـواحـي الـقـبـلـة قـصــاد سـهـيـل
وأهلي حروتهم من الحزل روحـوا *** يـم أبـا القـيـر وصـوب قـاع ثـميـل
يا بعـدهـم يا مـا مـن الـلال دونهـم *** يـبــون مـن غـيـر الزهـاب صميـل
يبون عـوص وقاعـدات عن الضنا *** ويـبـون من الغـوش القـروم دليـل
لا تاصل البريت ولا تاصل الصحن *** عـلـى صميـت وتـنـتـحي بـالـحـيـل
تـنحـر الجثـم تـرى الـدرب بـينهـن *** وأخـيـل دربـك يـم نـخـيـب مـخـيـل
نخيب برود الكبـد عن لاهب الظمأ *** عـسى شـعـيـبـه كـل يــوم يـسـيــل
هذا العراق اليا مشى الجوع بالديّر *** هـو مـزبـن الـلي مـا لـقـوا مكـيـل
لا جـوه خـالـيـن العـدول وحـمـلـوا ***حـاضــر وديــن كـل حـول يـحـيـل
وقال محمد الدسم من قصيدة :
اللـه على الهوجاء طويلت مناكيب *** حـمـرا ردوم وجـالـس مـرجحـانـه
مرباعها من خشم لاهـه وتغـريـب *** فـي سـهـلـة مـتـخـالـف ديـدحـانــه
تقـطع محاويـل المقـور الضنابيـب *** بالقيض ما تشكي الحـفا سعويانـه
أول نهـاره مشيهـا هـورفـت ذيـب *** وتـالـي نـهـاره مشيهـا زرق زانـه
برض السعين وقاع هاك العراقيب *** مصباح خمس وهي بزور الشنانه