السلام عليكم ورحمة الله وبركاته ،،،
العين بدّل نومها اليــوم باسهــــاد *** والقلب زادت يا جماعة طعونــــــــــــه
دنياك لو تضحك توريك الأنكــاد *** والوقت لاقفــى تكشــــــــر سنـونـــــــه
وقت(ن)مضى نقول عساه ماعاد *** زعيـم دولـــة كيـف ذاق المهـونـــــــــه
صدام يُعـدم بأول أيـام الأعيـــــاد *** مثــل الضحايــا بعيـدهــم يذبحونـــــــه
وش صار بعده كانك اليوم نشَّــاد *** حتــى فتــات الخبـــز ما يـدركونـــــــه
الشعب جايع والضغاين والأحقاد *** عيال الخمينــي صوتــهم يسمعونـــــــه
واليوم حسني بالمحاكم له وسـاد *** علـى سريـر المـوت هلّــَت عيــونـــــــه
وين الشهامة والعفو ياأمة الضاد *** عزيــز قــوم وذل ما تـرحمـونــــــــــه
لا واخسارة ضاع تاريخ الأمجاد *** باســـم التغيــر ما بنـــــــى تهدمونـــــه
الله يديم العز بديار الأجـــــــداد *** في ظل أبو متعب عسى الله يصونـــــــه
عبدالله بن موسى الخرشاوي
4/9/1432هــ
تقديري للجميـــــع ،،، وشهر مبارك عليكم ،،،