بيت المذلة هان من كـان بانيـــــــــك ** ساسك ضعيف وما يظلل جدارك



يا اللـــي سكنتــه انتبـــه ما يذريـــك**وقت المطر تقـول ما اطـول نهـــــارك



صدك عجيب وهقوتي ضايعة فيــك ** هذا اعتذاري بـس وين اعتذارك





شعار حربك رافعه لي بأياديــــــــك **وبعونـة الله ما يفيـــدك شعــــــــــــارك





شيطان شعرك لا يغرك ويرميـــــك ** ويقــــول لــك حاول تـرداعتبـــــارك





شيطان شعري فك حبل الشرابيـــك **ويقـول لحـروف الهجـاء ويــن طــارك





يبــي يتغنـــى قلت له واجــب أثنيك**وما فيه داعي فـــي دخـول المعــــارك





وان كانها ثورة بتهـدم مباديــــــــك ** أنـا(شعب ثاير) وانت(حسنـي مبـارك(



)ميداني التحرير)واعلن تحديــــــك **شوف انتصاري قبل والا انتــــصارك





كل المشاعر واقفـة لـك تعاديــــــك ** سنين مرت عايشـــة بانتظـــــــــــارك





ما فادها قولــك فهمتــك واداريـــك**ضاقت بها الدنيا علـــى وســـــع دارك





واليوم أنا أعلنت حربك وأباديــــك ** كلــي تحـدي ليــن تعلـن فرارك





مشاعري ماهي على الكيف تأتيـك ** حكم ضميرك في يدينـــك قــــــــرارك





ممكن اعزك وارجع أقول اغليــك ** بشرط واحد لو تغيــر مســــــــــــارك