04-07-2011, 02:18 PM
|
#1
|
|
مشرف قسم المستشرقين
تاريخ التسجيل: Feb 2010
المشاركات: 724
|
الشعر لبدوي الصادق 0
بسم الله الرحمن الرحيم
الشعر الشعبي البدوي الصادق 0
(( شـــــعر بـــدوي صـــــــــــــــــــادق )) _
قالت ترى منت بحلو قلت رجـال *** والزين ماهو من شروط الرجولـــــــــــه
الزين يلقى عنـد لباسـة الشـال ***والرجل زين ان كان زانت فعولــــــــــــه
قالت علامك تلبس شماغ وعقـاال *** انت بدوي؟ قلت بدوي ومن حموله
ما ألبس بناطيل لها الوان واشكال *** وامتر الشارع بعرضـه وطولـــــــــــه
قالت اجل راعـي معاميـل ودلال *** شرب القهاوي تحسبونـه بطولــــــــه
كيفي يابنت الحضر دلـه وفنجـال *** وحليب خلفـه بالمـراح معقولــــــــــه
وحب الكرم والجود وعلوم الابطال *** مغروس فينا من زمـان الطفولــــــــه
قالت ترى بنت البدو حظهـا مـال *** قلت احذري حذرا تكوني جهولـــــــه
بنت البدو يابنت مضرب للامثـال *** فوق الجمال وطاعة الله خجولـــــــــه
ماحطة اصباغ ولا حطـت ظـلال *** ولا سيرة بالسوق سيـر مهبولــــــــه
هي مهرة تصعب على كـل خيـال *** وانتي ومثلك عسفهن بالسهولــه
قالت تغزل بي وشف حبة الخــال *** ناظر عيوني والرموش الكسولـــــه
قلت العفو مايجتمع حـب وهبـال *** ولكـل ذوق فالمزاييـن جـولــــــــــــه
قلتي وقلت وكلمة الصـدق تنقـال ***الزين ماهو من شروط الرجولــــــــه
|
|
|