تابع ما كتبت من قصائد بالهذال في قطوف الأزهار
وهذا مقطع قصيدة على طاروق الهلالي للشاعـر دبي بن عدوان المطوطح قالها مسندها
على الشيخ محروت بن هذال شيخ مشايخ عنزة :
يـا راكــب دهـم يـبـوجــن الــهـــوا *** دفـعـاتـهـن تـقــطـع بـعــيـد الــلال
شبهتـن يـوم اقـرشـن مـع حـمـاده *** حـمـام دحـول ومـعـتـلـيـه جــفــال
لا جـيـت بـديـار الشيـوخ القـديمـه *** يـزمـي لـكـم بـيـت يـشـادي الجـال
بـيـت لـه الطـولات والعـز والظـفـر *** وبـيــت انـحــازٍ لـلـعـــدا وسـّــلال
حـف الـمـسـوبـع لا تـنـوخ عـنـده *** أنـحـر مـضـيـف فـيـه روس رجـال
لا جيـتهـم مـثـل الأسـود بـوسـطـه *** وأعــرف تــراى قـدامــك الـهــذال
تلقا محروت الشيخ بصدرالمجلس *** شـبـل الـضـواري يـسـبـع الـعـيّـال
محروت سطام السرايا الياأوجهت *** لا جـت تـقـاضع تـقـل قضع جـمـال
شيخ وسلايـل شيخ زيـزوم سربـه *** الا ومـــع هـــــذا جــلــيــس ادوال
وهذا مقطع من قصيدة قالها غانم بن علي اللميع بالشيخ محروت بن فهد الهذال :
يا راكب اللي من ركاب الشـرارات *** لـولا الرسن بالراس ما ينقوي لـه
أكـواعهـا عن لمس زوره بعيـدات *** طويلـت النسنوس حـمـراء جليـلـه
تجفل من أوهات العصا بالوهاتات *** خـطـرٍ عـلى ركـابـهـا مـن شـليـلـه
مـن ساس هجن معـربات عتيقـات *** نضـوة حـرار ولا بـسـاسه جهيلـه
ضراب الضراب محفظات بشملات *** كلش عـلى اليد مـا هدجهن هميلـه
لا روحت مع سهلة عقب الأفخـات *** ركـابـهـا يبشـر بـشـوف الحـلـيـلـه
تلفي على بيت الصخى والمـروات *** بيـت عتيـق ومـن بعـيـد أعـني لـه
تقلط على فرش الشيوخ النظيفات *** وتـلـقـا عـليـهـن مقحميـن الدبـيلـه
ويجـيـك قـايـم باليديـن السريعـات *** بمبهـر يـقعـد خـوى الـراس هيـلـه
وقت العشا يقول يا خليف قم هات *** صـيـنـيـة يـنـخـون نـاس تـشـيـلــه
مـا تـنـقـل لـولا الـحـلاق القـويـات *** مـن قـرح الخـرفـان وذنـاب حيـلـه
قـلـطاتهـا مـا تـنحصي بالحسابـات *** وحطاطهـا عـده مـن طعس يهيلـه
عقب الكرامة جـاز للضيف نشدات *** مـعـلـوم لا بـد الـمـعـزب يـسـيـلــه
وأبـدي قـرايض للميعـي غـريبـات *** مـا قـالـهـن دحـش تـخـبـط بقـيـلـه
طـرايـف ولا الـقـصـايـد كـثـيــرات *** والصدق مـا يزعـل فهيم احكي لـه
يا شيخ يـا حـلال عـقـد الصعيبـات *** يا حـامـي الـونـدات يـوم الـدبـيـلـه
الشيخ أبن هـذال شيخ الـعـمـارات *** قـبــيـلــةٍ يـا نـعـــم والـلـه قـبــيـلـه
وهذا مقطع من قصيدة للشاعر محمد بن منيزل الخمشي يثني على الشيخ
فهد بن عبدالمحسن بن هذال :
يا الـلـه يا اللي معتـني بالمخالـيـق *** يا الـلـه تـخـلي كـل عـيـن شـقـاهـا
يا مسقي بالغيث عشب الـزمالـيـق *** من مـزنـة غـرا نشت مـن سماهـا
لي لابـة لاحت عن الشيخ واتويـق *** تـبي العـوافـي وصـار هـذا بـلاهـا
ونعـم بأخـو بتـلا إلـى قالـوا البيـق *** شيـخ الشيـوخ اليـا تـزاود عيـاهـا
كنـه هـديـب الشـام شـال المعاليـق *** وأن شـاف زلات الـرفـاقـه رفـاهـا
طيـر الجروم مشلق الخرب تشليق *** ولـولا فـعـالـه ديـرتـه مـا حـمـاهـا
وربعـه يخلطـون الحلل للمساويـق *** وعيـن المعـادي باللزم هـم دواهـا
وقال فهد بن صليبيخ هذه القصيدة يعتذر من الشيخ محروت ويسند على الشيخ جدعان الثامر الهذال فيقول :
يا اللي تنويتـوا عـلى كرم الأفيـاح *** أنـا عـلى الـرجليـن مالـي مشاحـي
جيت المـراح وصـار للقلـب ميلاح *** وهـذي مـرابـط خيلهـم والمراحـي
السربـة الـلي معهـم الموت رمّـاح *** يـا زيـن قـضب أيمانهـم للسلاحـي
يا مـا أوردوا عـدٍ تصفقـه الأرياح *** بحضن العدو يرعون قفر وقراحي
ونديـر من يـم الخلا فـرق الأشباح *** وهجت نشانيش الشـذا واللقـاحـي
سمعوا على راس النباحس صياح *** ولحـقت بكـل ملوضب لـه شنـاحي
كـم واحـدٍ طشـوه والخـيـل طـّفـاح *** يشكي صواب لـه خطيـر النجاحـي
وكـان أنـتخـوا بتـلا بـدلـو التميّـاح *** راحـت عـلى ذولاك مع كـل ناحـي
جعـل المزون اللي بها البرق لمّاح *** تمطـر عليهم كـل عصـر وصباحي
تسـقي ديـار الـلـي للأجـنـاب زواح *** مكدي النحير وعـز من جاه ناحي
الـلـي لـجـزلات الـنسـانـيـس ذبـّاح *** لا عنكضت سمـر الليال الشحاحي
الـلي لـكسـر مسوبع البـيـت شبّـاح *** الشيـخ أخـو بتـلا سطيـم المنـاحي
خـلاف ذا يـا راكـب فـوق سـرساح *** مامـون قـطـاع الـفيـافي ضيـاحـي
عليـه مـن يوصل سلامي إلـى راح *** لجدعـان شوق مروكات الريـاحي
كـن السبـايـا يـوم يـشـلاه بـصيـاح *** صيد مـن الـوادي غشاه اللحاحـي
باغيك تسعى لي مع الشيخ بصلاح *** يضفي لنا حسناه وأبي السماحـي
وش قلت يامبه السعد طير الأفلاح *** سامح عسى ما جـاب جدك مباحي
وهذا مقطع من قصيدة فهد بن صليبيخ بالشيخ محروت بن فهد الهذال :
كـريـم يـا بــرق شـلـع ثـم يـاضــي *** عساه من خشم الرعيله إلى النيـر
حـل الفراق وصرت ماني رياضـي *** الـلـه يـدبـرني عـلى حسـن تـدبيـر
الشيـخ شبـه الـلي تـلـيّـم وفـاضـي *** مـا خـبـثـوا مـيـه كـثـيـر العـوابيـر
والفـتـكـم ولـف الـدبش للحيـاضي *** بالقيض لا صار الرخيص بحوادير
أمشي بخـدمـتـكم سـريع وراضـي *** وتـل الرسن طـوع على جمـة البير
الـلـه يسـن وجـيـهكـم بـالبـيـاضي *** وحـنـا لـنـا يا أخـوان بتلآ مسافيـر