قال الذي فيمـا نظـم مـن قصيـده=اكـتب جـديـدات القـصايـد والابيـات
دون على المعنـى وهـات بجديـده=من قرح فكري ماهي هرج وسماجات
اعوم فـي غـب البحـور البعيـده=واحرص على سرد البيوت الجزيلات
ياهاجسـي حضـر بيـوت ٍ فريـده=تلفي لابو مشعـل زبـون المهمـات
لـه هيبـة كلـن يقـول ويعيـده= فخر عنزة يكتب عـن أمجـاد سـادات
اديب وشاعر صاحـب ارياءسديـده=تاريخ وهامـة عانقتـه الطويـلات
تفخر بشيخ القوم وتمدح عقيـده =من صلب وايل معتلـي بالصـدارت
العلم تاتـي بـه واصولـه وكيـده=ماتكتب الا فـي تواريـخ واثبـات
شيدت علمك فـي قواعـد وطيـده=تردع بها نفـوس ٍ تـدور لـزلاات
والعلم ماهـو فـي قرايـة جريـده=ياللـي تـدور للخطـا والملامـات
واللي يريـد العلـم يطلـب مفيـده=عـز الله إن الكتـب علـم ودلالاات
وختامها صلوا على افضـل عبيـده=محمد رسـول الله عليـة الصلـوات
الشاعر : سعد فرحان جفران العنزي