هذه القصيده بمناسبة زيارة خادم الحرمين للحدود الشماليه
 |
|
 |
|
يا ألله يا المعبود يا الفرد يا الصمد 0 يامن بحكمك عالمك يندار
يا خالق أدم و حواء من العدم 0 و عدوهم خلقته من النار
تحفظ لنا الديره و ديننا وامننا 0 و تحفظ لنا حكامنا الأبرار
أل السعود مطوعين العايل 0 ملجا الضعيف و مكرمين الجار
من لابةٍ بالطيب تشهد فعولهم 0 و تاريخهم يشهد على ماصار
من عصر ابو تركي موحد اركانها 0 لعصر ابو متعب عميد الدار
حامينها وحامين شاسع حدودها 0 عبث حسود و حاقد وغدار
كم من حرارٍ هامة الدار وانكفت 0 من دونها الاجرب و ملح النار
واليوم ذا نحسد على الامن والرخا 0 في عالمٍ به كثرت الاشرار
عشنا بظل ملوكنا و اهتنينا 0 ستة ملوكٍ مابهم من بار
صقر الجزيره وحد الدار كلها 0 حرٍ عطا امانته لاحرار
و سعود والفيصل وخالد جميعهم 0 مضت لهم با التنميه ادوار
و من بعدهم فهد حكيمٍ سياسي 0 ما ينثني عن رايه ليا سار
ولكل عهدٍ ميزته و ظروفه 0 حكمة حكيمٍ و الزمن دوار
و بعهدكم ياسيدي دام عزكم 0 زاد الدخل و الامن و الاعمار
و أنا بشيرك كل شعبك يحبك 0 يدعون لك اكبارهم و صغار
و ولي عهدك هو أخوك وعضيدك 0 كريم سبلا وافي الاشبار
سلطان ابو خالد تشرف فعوله عز الصديق و للعدى قهار
وأل السعود أسود كلن يهابهم 0 رجالهم طبيعته جبار
جبار عزة نفس ما هو تكبر 0 عند الولي الرزق و الاقدار
0
و لا علينا من خبيث العمايل 0 التايه اللي ضيع المسار
هذا مهو منا و لا يحسب علينا 0 جعله هو ومن يشبهه للنار
و شعبك وفيٍ وافين مخلصلك 0 و ترى الوفى طبيعة الاحرار
وأهل الشمال بحضرها والبوادي 0 قالت هلابك يا ابونا البار
حنا سعوديين و الدار دارنا 0 وقت اللزوم نخلد الاذكار
تا ريخنا يشهد لماضي فعولنا 0 ونصبر على ظيم الزمان ان جار
وأن صار وقتٍ فيه بايع وشاري 0 بسوق المعادي نرخص الاعمار
و نفوسنا نذلها ما تذلنا 0 هذا لنا و الله لك الله كار
و شرودنا يردها با الغاره 0 و بخيلنا يكرم عيال الجار
ومن لا امن في ديرته عزتيله 0 و لا حلوٍ الا سابقه مرار
ومني لكل الشعب السعودي نصيحه 0 نصيحةٍ لصغارهم و كبار
نصيحةٍ ماني براجي ثمنها 0 الا من واحدٍ عالمٍ جبار
الحكمه الحكمه تخلي عدوك 0 لو بك نواله نيةٍ يحتار
ولا تشاور اللي يدخل بنفسه الهوى 0 وراع الهوى ما ينسمع لو شار
و من يقول القول يرجي العطايا 0 جافا الحقيقه وحقه الانكار
و من حبك للقمه تخلى لفقدها 0 مع اهوى يمشي كما ا لبخار
عنيك برجالٍ بوقت اللوازم 0 مع الشجاعه رايها بتار
لا شار ماجامل بصادق رايه 0 بالحق يقدم ما يهاب الحار
و لا خير فيمن خان قومه وداره 0 عايش حسير و ميتٍ للعار
و حنا و ما نملك و غالي حلالنا 0 فدى السعود و فدوةٍ للدار
و ختامها صلو على سيد الملا 0 نبينا الهاشمي المختار
|
|
 |
|
 |
|