رسالة وأبيات من الشاعر عبدالله بن ضيف الله العفري ك
السلام عليكم ورحمة الله وبركاته استاذي ومن عم بالجميل ابناء قبيلة ومن يعشق الطيب وذكره من القاصي والداني ومن بنعارته لربعه ومشاهيرها واظهار رجال القبيله واللي للاسف نعاني من عدم وعي نحن افرادها وتلقا العنزي صيته مع القبايل الاخرى وعند اعنزه ماله ذكرالا من الرجال شرواك يابومشعلوياكثر حجاتنا للوعي لان هالشي لا يوجد الا بعنزه واما القبايل الاخرى تمدح رديها وتسبق المدح قبل ماينذم واهديك بويتات على طرقي الشرايد عساها تجملناونركز لك االبيضا ياكليه الاشعار
بالسلام ابدا المثايل مبتدي العفـري سلامـه
مبتدي العفري سلامه بالسلام ابـدا المثايـل
ساقها سوق الاصايل على طاروقه ونظامـه
على طاروقه ونظامه ساقها سوق الاصايل
ياحزام اعيال وايـل لازمـا مـن بـه غشامـه
لازما من بـه غشامـه ياحـزام اعيـال وايـل
انـت هـداج الجزايـل انــت للمعـنـا وسـامـه
انـت للمعنـا وسامـه انــت هــداج الجـزايـل
انـت تاريـخ ودلايــل رمــز يـرمـز للفخـامـه
رمـز يرمـز للفخـامـه انــت تـاريـخ ودلايــل
مرجـع لربـعـه وفـايـل للمشاهـيـر ومقـامـه
للمشاهيـر ومقـامـه مـرجـع لربـعـه وفـايـل
قاعده ومقضـا قبايـل واهبـه ربـي الكرامـه
واهبه ربـي الكرامـه قاعـده ومقضـا قبايـل
قلتهـا والشـك زايـل يفخـر بمدحـك عمـامـه
يفخـر بمدحـك عمامـه قلتهـا والشـك زايــل
وسلامتك يابو مشعل والله يجملنا مع مرجعنا ودفاع موروثنا الاول والاخير واللي لولا الله ثم ابومشعل استمهل
مع التحية والتقدير إليك الجواب :
يا هلا ويا مرحبابك عـدد مـا تنشى الغمـامـه
عدد ما تنشى الغمامة من مراهيش المخايل
قـلـتهـا وأهـدي سـلامي لـلـذي ذرب كـلامـه
الـذي ذرب كـلامه قـرم وعـلـومـه صمـايـل
منطق الرجل المهّذب ساس قدره واحترامه
ساس قدره واحترامه ما مشى بدرب الرذايل
عشت يا نسل العفارى يا سليل أهل الشهامة
يا سليل أهـل الشهامة من صناديد الحمايـل
عسى تسلم يالبناخي وعسى يفداك الفدامه
عسى يفداك الفدامه الـلي عـلـومه هـزايـل
من كتب مجد القبيلة في جهوده واهتمامه
في جهوده واهتمامه كافح بشتى الوسايـل
باللزم من دس راسه يعتبر مثـل النعـامـة
يعتبـر مثـل النعـامة تدمسه وسط النثـايـل
أعتزي بأولاد وايل ذروة المجـد وسنامـه
ذروة المجـد وسنامـه بالفعـل يوم الدبايـل
لابـتي في كـل ديره من مشاريق اليمامـه
من مشاريق اليمامة للمدينة لأرض حايل
ومن طويل الفلج لأربد للزبير إلى المنامه
وبالحجاز ونجد تلقى من ضنا وايل عوايل