موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- - أبيات جديده من شعري (http://www.bnabar.com/vb/showthread.php?t=11681)

أبيات جديده من شعري

أبيات من شعري جديده

قال عبدالله بن دهيمش بن عبار هذه الأبيات مما استجد من شعره :

يالـفـاهـم الـلي لـواقـع النـاس بـادق *** تـدرك مـبــاهـيـم الأمـور الـدقـاقــه
طـالـع وخـلـك دوم بـالـعـيـن حـادق *** لا تـنخـدع بـأهـل الغـوى والحماقـه
خـذ النـصيـحـه وأنـتـبـه لا تـصـادق *** المرجف الـلي من الرجاجيل عاقـه
لا تصادق الا اللي من الناس صادق *** خـل الـردي مـالـك بـقـربـه عـلاقـه
والـيـا تـشـدّق بـالـلّـغــى كـل شـادق *** انـحـاز عـن قـربـه وحـاول فـراقـه
أهـل الـفـواه الـلـي سـوات البـنـادق *** تـرمي فشقهـا فـي نحـور الـرفاقـه
والـلاّش لـو يملـك قصـور وفـنادق *** تـبـقـى بـنـفـسـه طـول الأيـام فـاقـه
ومن عـز نفسه لـو يعـيش بصنادق *** يـرفـع مقامـه عـن طـفـاس اللقاقـه
دنـيـاك هــذي مـثـل روضتات ثـادق *** يــزهــر نـبـاتـه ثــم تـذبـل أوراقه

معاني بعض الكلمات
1- بادق يقال بدق له أي فطن له وتمعّن 2- حادق أي ناظر ويقال يحدّق به أي ينظر له 3- شادق الذي يمغط شدوقه من نوع الكبرياء والغطرسه

أبيات تصحيح بعض المفاهيم الخاطئة في مقصد المجد والفخر الذي يجب أن يكون هو الفخر :

العلـم الـلي مالـه من الصّدق صحّـه *** صلّـب عـليـه اليـا سمعته ولـه امح
يـالـربّـع مـا نـلـنـا المـفـاخـر بـدحّـه *** نلنا الفخر والمجد بالسيف والرّمح
حـنـا الـمـعـادي بـالـهـنـادي نـنـحّــه *** يـوم السبايـا بالمـطـارد لهـن جمح
صوت النّقى بذي قار مـا فيـه بـحّـه *** به طعن اللي ما عندهم للخطأ دمح
الـروس تـدرج بالـثـرى تـقـل جحّـه *** تحصد كماحصد المناجل من القمح
مـجـد عـنـزه وافـي ولا فـيـه شـحّـه *** أجواد بهـم الطيّب والخاطر السّمح

قال عبدالله بن دهيمش بن عبار هذه الأبيات :
اليـوم كثـر السـب والطعـن والقـدح *** عـبـر التواصل بـيـن صاقـل ورامح
والكل يصدح في كـلام الخطأ صـدح *** حـتى اختفى بـيـن العـبـاد التسامح
يا مكثـر الـلي دابـه الجـمخ والنـدح *** عـلـيـه مـن زرق السوالـف ملامـح
كلن يـبي يضفي عـلى نفسه المـدح *** يسعى حثيـث لشهـرة العـلـم طـامح
المنسفه لـو كـان يخشى من السدح *** يـمشي عـدال ويـرتـدع كـل جـامـح
والمنعوج لـو صح لـه بالظهـر ردح *** يرجع مهبّى عـقـب طيشه وقـامـح