|
تنفَّس صُبْحُ الشيب في ليل عارضي ... فقلت: عَساَهُ يكتفي بِعِذَارِي
فلما فشا عاتبته فأجابني ... ألا هل يُرَى صُبْحٌ بغير نهارِ؟ |
فكـرت بالـدنيـا وشفـت الـتعـاجـيـب *** نـعـيـمـهـا لـو دام عـجـل زوالــــــه
تجـري كما تجـري سريع الدوالـيب *** ((وتفـتـل كمـا تـفـتـل خطات المحالـه )) لا تـأمـن الـدنـيـا تـقـلـّب تـقـالـيـــب *** مـثـل السـراب الـلي يغـرك خـيـالـه من عصر ابن كلثوم والزير وكليـب *** ما ذكـر فيهـا الـلي زمانـه صفـالـه دنيـا الشقا ما خـلدت نـوح وشعيـب *** والـرابح الـلي يصلح الـلـه اعـماله ((أن هرفـت تسقيك عـذب المشاريـب)) *** ((وأن أقحطـت دنـيـاك تشرب حثالـه )) ((أن أقبلـت وأرهـت علينـا المطاليـب *** درنـا بـهـا عـلـم الـفخـر والشكالـه)) وأن أدبرت عشنا بها عيشت الذيب *** يـوم يـجـوع ويـوم يـشبـع عـيـالـه نوبٍ بها يا حمود نقدر عـلى الطيب *** ((وأحيان نغضي عن خطات الجماله)) نخـاف تـأتي ساعـةٍ يـفـرغ الجـيـب *** وتبـقـا ذراريـنا عـلى النـاس عالـه (ولابه على من ضامه الوقت تثريب) *** لا شك مـا يفيـد الرجـل غيـر مالـه ومن لا صبر حاش الردا والعذاريب *** ومـن دور الطولات يرخص حلاله والمعترض تـكثـر عـليـه المواجيـب *** ولا كـل من لـه قصد يا حمود نالـه والـرجـل اليا مرت عليـه التجاريـب *** أمـا يـحـوش الـنـعــم ولا الـرزالــه نـدور سـتـر الحـال عـنـد الأجانـيـب *** والمستحي يتعـب عـلى ستر حالـه الأجـنـبـي وده بـشـاشــه وتـرحـيب *** مـلـزوم كـانـه جـاك تـكـرم قــبـالـه يجـزع اليـا شاف الحواجب مقاطيب *** ويـفـرح بـتـرحيـبـك ويـنسـر بـالـه أكرم غـريب الدار تبعـد عن الـريـب *** مـن لـفـوتـه حتى يحيـن ارتحـالـه ولا القـرابـه مـن حساب المعـازيـب *** لـو ايـتـقـهـوى فـي محلـك بـيـالـه الـواجـب أنــه مـا يـّدور بـك العـيب *** يـروف بـالصاحب ويستـر خمـالـه حـقـه اليـا جـتـه (الـليـالـي شلاهـيب) *** (يـوم الرجـل يزبـن عـوايـن رجـالـه) اليا عض بـه ياحمود حزم الكلاليب *** بالضيـق والشـدات تـوقـف بـجـالـه لا بـد بـأمـر الـله تهـون المصاعيب *** ((والـحـر نـفسـه مـا تطيـق الفضالـه)) والرزق مـن مـد الولي عالـم الغيب *** مكفـول مـن رب الخـلايـق كـفـالـه وصلوا عـلى اللي أدّب الكفر تأديب *** المـصطـفـى نـّزل عـلـيـه الـرسـالـه الحمدالله حفظت هذه الابيات ، ودي تشرحلي اللي بين الاقواس مع اني فاهمها بس نحب نتزود اكثر... |
محمد القاضي ..
عسـى عـسـى لــي بـالأسـى يبـعـد الأســى == يغطِّي خطا امس ويطمس الشمس ساتـر فجـا مـا لـجـا بــي داج فــي لاج مهجـتـي == رجيـتـه رجــا رجــوى رجـــا راج طـايــر بــالاقــدار دار مــديــر الافــكــار دالــبـــي == كــمـــا فـــــر دولاب الـدوالــيــب شــاطـــر أسـايـل رســول الـرسـل يـرسـل رسايـلـي == كـمــا انـــي أســيــرٍ بالمـعـاسـيـر حــاســر يـا اهـل عـوج الهـجـن والـوجـن بالعـجـل == عـوجــو عْـجــالٍ قــــدر فـنـجــال صــــادر عـــلــــى عــلاكــيـــمٍ وهـــجــــنٍ هــمــايـــم == هـمـيـمــات هــمَّـــاتٍ حــــــداد الــنــواظــر هـجـنٍ هجاهـيـجٍ مناهـيـجْ الـــى اوجـهــت == تـــرُوم طـمــعْ قـطــع الـحــزوم الـدعـاثــر مناجـيـب أنــا جـيـب المواجـيـب واجـبــي == عـلـى مــن تعـالـى الـكـور فــرضٍ يـبــادر بالارسانْ بامراسْ اربعوا روس عوصكم == مـن الضيـق أفـيـق فـدايـر الفـكـر حـاضـر أسـجــل كتسـجـيـل السِّـجـنـجـل سـجـلـتي == وازجـــه بـــزاجٍ مـــن زجـــاج الـمـحـابـر سطرْ للطِّطَرْ طِـرس القراطيـس والوطـر== خطـرْ كالمطـر مـن زجـر حـور الزواجـر ســـلامٍ تـسـلـسـل مــــن ســلايــل مـسـايــل == با لارسـال ســال بـسـرْ الاســـرار سـاهــر ســلامٍ خـضـوعٍ فــي وضـــوعٍ يـضـاعـف == سـلـف بـالـف ألــف يـلـف بالـولـف بـاهـر تـحـيَّــات حــــيٍ عــــدة الــحـــي والـحــيــا == تــــــلالا تـلـيـلـيــه انـــتــــلال الــجــواهـــر مـطـيـفٍ لـطـيــفٍ مــــن ظــريــفٍ يـنـمَّــق == نــــورْ بـفـنــاره نــــور نـــــار الـمـشـاعــر فـلـمـا انـتـهـى يُـهــدى الـــى سـيِّــد الـبـهـا == صــفــيٍ صـفـالــي بـالـتـصـافـي مـعــاشــر فـهـو سـيــد سـاداتــي وقـــادات مهـجـتـي == حبـيـبٍ رحـيـبٍ عــن ريــا الـريـب طـاهـر نشـا بالـهـوى شــاه المـهـا شــارق البـهـا == كـمـا غـصـن مــوزٍ نـاعــمٍ فـــوق سـاهــر طَـفـلٍ لطـيـفٍ لــي عـطـوفٍ الـــى طـــرت == طــواريــه طــيَّــرن الــدمــوع الـمـحـاجـر الـى سـال عـن مـن سـال عنهـم ولا ســلا == طوى الياس وامسى حاسر الجسـم ماهـر قـولـوا ولــو طــال الـنـيـا وابـعــد الـمــدى == تـرانـي عـلـى العـهـد الــذي كـــان خـابــر نـهــاري جـلـيــس مـسـجـلاتـي وبـالـدجــا == جـلـيـس الـجــوار الـسـاهـرات الــزواهــر أجــــول ولــــي قــلــبٍ خــجــولٍ مــوجـــل == سـقـيـمٍ مـقـيـمٍ بـــي وهـــو لــــك مـسـافــر لكـنـي بـروجـات الهواجـيـس لا اوجـهـت == غــريــقٍ بـلــجــات الـبــحــور الــزواخـــر تجلـجـل بـلاجـي لـجــة الـمــوج والـتـجـي == عـلـى حــال جـانـب جـامـد الصـبـر عـابـر فــلــولا ان تــلــوَّا ثــــم تـلــوَّيــت لـيـتـنــي == لـداعــي الـغــرام انــــي مـجـيــبٍ مــبــادر إعــــول عـلـيــلٍ عـلـتــه عـــــال عـرفــهــا == ومـــن شـــف أشـافـيـهـا يـشـافـيـه قــــادر فــلــو بـلـبـلـو بــالــي عِــذَّالــي وعـالـجــو == فـأنــا فـيــه ألاوي مـنـكـر الـشــوق بـايــر ولا لامـــــنـــــي الا لـــئـــيــــمٍ بـــلامـــهــــا == عــلامـــي ألاوي لايـــــمٍ غـــيـــر عــــــاذر |
فكـرت بالـدنيـا وشفـت الـتعـاجـيـب *** نـعـيـمـهـا لـو دام عـجـل زوالــــــه تجـري كما تجـري سريع الدوالـيب *** ((وتفـتـل كمـا تـفـتـل خطات المحالـه )) لا تـأمـن الـدنـيـا تـقـلـّب تـقـالـيـــب *** مـثـل السـراب الـلي يغـرك خـيـالـه من عصر ابن كلثوم والزير وكليـب *** ما ذكـر فيهـا الـلي زمانـه صفـالـه دنيـا الشقا ما خـلدت نـوح وشعيـب *** والـرابح الـلي يصلح الـلـه اعـماله ((أن هرفـت تسقيك عـذب المشاريـب)) *** ((وأن أقحطـت دنـيـاك تشرب حثالـه )) ((أن أقبلـت وأرهـت علينـا المطاليـب *** درنـا بـهـا عـلـم الـفخـر والشكالـه)) وأن أدبرت عشنا بها عيشت الذيب *** يـوم يـجـوع ويـوم يـشبـع عـيـالـه نوبٍ بها يا حمود نقدر عـلى الطيب *** ((وأحيان نغضي عن خطات الجماله)) نخـاف تـأتي ساعـةٍ يـفـرغ الجـيـب *** وتبـقـا ذراريـنا عـلى النـاس عالـه (ولابه على من ضامه الوقت تثريب) *** لا شك مـا يفيـد الرجـل غيـر مالـه ومن لا صبر حاش الردا والعذاريب *** ومـن دور الطولات يرخص حلاله والمعترض تـكثـر عـليـه المواجيـب *** ولا كـل من لـه قصد يا حمود نالـه والـرجـل اليا مرت عليـه التجاريـب *** أمـا يـحـوش الـنـعــم ولا الـرزالــه نـدور سـتـر الحـال عـنـد الأجانـيـب *** والمستحي يتعـب عـلى ستر حالـه الأجـنـبـي وده بـشـاشــه وتـرحـيب *** مـلـزوم كـانـه جـاك تـكـرم قــبـالـه يجـزع اليـا شاف الحواجب مقاطيب *** ويـفـرح بـتـرحيـبـك ويـنسـر بـالـه أكرم غـريب الدار تبعـد عن الـريـب *** مـن لـفـوتـه حتى يحيـن ارتحـالـه ولا القـرابـه مـن حساب المعـازيـب *** لـو ايـتـقـهـوى فـي محلـك بـيـالـه الـواجـب أنــه مـا يـّدور بـك العـيب *** يـروف بـالصاحب ويستـر خمـالـه حـقـه اليـا جـتـه (الـليـالـي شلاهـيب) *** (يـوم الرجـل يزبـن عـوايـن رجـالـه) اليا عض بـه ياحمود حزم الكلاليب *** بالضيـق والشـدات تـوقـف بـجـالـه لا بـد بـأمـر الـله تهـون المصاعيب *** ((والـحـر نـفسـه مـا تطيـق الفضالـه)) والرزق مـن مـد الولي عالـم الغيب *** مكفـول مـن رب الخـلايـق كـفـالـه وصلوا عـلى اللي أدّب الكفر تأديب *** المـصطـفـى نـّزل عـلـيـه الـرسـالـه الحمدالله حفظت هذه الابيات ، ودي تشرحلي اللي بين الاقواس مع اني فاهمها بس نحب نتزود اكثر... 1- تفتل يعني تبترم وتدور والمحالة هي حديدة أو خشبه توضع على المقام في أعلا فوهة البير ويوضع فوقها الرشاء الذي يدلي الدلو بالبير ويجذب الماء 2- التثريب هو الشّكة كقولهم مافيه شكّه 3- الشلاهيب هي الليالي والأيام النحسة مثل الفقر والشدّة ويزبن عواين رجاله يقال العينة يقصد الأقرباء 4- الحر الصقر فهو ما يأكل من الفطايس بل يصيد الصيد الحي ويشبّه الرجل شرواك على الحر 0 وأسمح لي بعد فترة سوف أرجع وأسألك عن المعاني لأنك تفهم ولكن ترغب تسأل وهذا يدل على حسن ذاتك 0 |
عشت يابعدي
عن مغيرة قال: قيل لابن عباس رضي الله عنهما: كيف أصبت هذا العلم؟ قال: «لساناً سؤولاً، وقلباً عقولاً وعن الحسن، قال: كان عمر رضي الله عنه اذا ذكر ابن عباس قال: ذلك فتى الكهول، له لسان سؤول، وقلب عقول |
ياليت تشرح لنا هذه كامله
ياونتي ونة خلوج من النوق على ولدها بالتهاليك معتاق اقفوا بها ربع مع كل خنتوق وقامت تلفت للحوير بالاشفاق قامت تصعفق بين صافي ومصفوق واحفاه من ضرب العصا كل مرهاق من اول تقطف ثمر كل زملوق واليوم صاعنه خبيثات الاوفاق جسمه مثل جسمي من الحال مسروق يشدي لغصن يبست منه الاوراق اهي تعرضها لوابيث وصفوق فرقا ولدها من خبيثات الاوفاق وانا تعرض لي من الناس مخلوق حش الضمير وزاد قلبي بالاحراق هليت دمع العين واخفيت انا الموق ومن دمعها الصافي على حجرها راق على وليف زيد القلب بفتوق اختف عقلي يوم نو بالافراق سقيم عقبه ماتطعمت بالذوق قفا وعرضني خبيثات الاطراق غض النهد زين التعازيل منتوق ماشفت انا غيره على غايتي لاق سبحان مسويها على كل مخلوق من مركز القبله الى سيف الاشراق شفت الشعر دانق من العنق مفهوق متفرع من مارق العنق دلاق زاف على زاف من المتن مفروق غاش ردوفه شافه القلب واشتاق ياما حلا شك القلايد على الطوق وخدود يوضن في حسينات الارناق خده كما برق ليا ناض بشعوق غرو على قلبي وعقلي معه تاق والياطرى لي تاق قلبي وانا اتوق والا لغير الشوق مانيب عشاق اصفر عفر يعطي من الورس برموق على حسن ماراق ماهيب مبهاق لكن عليها الورس والمسك مدفوق ولون كما شاش تماراه بالساق خواصر هباع من ردفها فوق وخصر كما الخاتم به السير خفاق لكن رمش العين لاغضت عن الموق ريش النعام اللي بالاجناح خفاق كن العسل في مبسم العذب مذلوق بالهجس والا راعي القيل ماذاق ادوج وسط الناس من غير معلوق كني قريص فيه سم الحنش ساق لاحول حل بداخل القلب ساروق كني سوى شراب خمر وترياق معجم ما اعلم من القيل منطوق باسباب خود صار للقلب سراق ياطارد بدماي لاتقبل السوق اخذ القضا من واحد بالعهد باق ختم الجواب وخاتم القيل داروق وين انت يا اللي ماتجي لي بالوفاق |
يا أستاذنا الفاضل محدثك ما يفرغ ولا دقيقة يشرف على هذا الموقع ويرد على الرسائل والقصائد الواردة ويطلع على عشرات القروبات ويرد على عشرات المكالمات ويجلس مع رجال ويقوم بأعماله الخاصة ويجمع ويؤلف ويكتب والفراغ عنده قليل لذلك القصيدة التي ليس من قصائدي ما يعرف معانيها ألا صاحبها يقولون ( المعنا في بطن الشاعر ) ولكني أرى أن هذا المثل غير متفّق مع المعنا فأقول الأصح ( المعنا في صدر الشاعر ) لأن البطن وعاء للطعام بينما الصدّر مكان للمحفوظات والمعذرة منك يالبناخي من ناحية ما أعرف معاني هذه القصيدة ومن ناحية مشغول وسوف أن فرغت أحاول تلبية طلبك حسب عرفي وشكراً 0
|
خذ راحتك ، الله يقويك و معذور يابعدي
ان شاء الله تفضى على يوم وتجاوب علينا |
مبارك عليكم الشهر ، وينعاد علينا وعليكم بالخير والمسرات
|
القصيدة معانيها مفهومه ولا تحتاج شرح وإذا فيها كلمات غامضة ما يعرف معناها ألا قائلها وشكراً 0
|
المعذرة لقد حاولت أفسر بعض معاني تلك القصيدة ولكني ما استطعت 0
|
عزالله ما قصرت يا ابن عبار شرحك وافي
و نكفتي بهذا القدر .. |
نـطـيـت بـالـرجـم الطـويـل المعـمـّر مـعــمــرٍ راس الـمـبـنــا عــدانــي
يا راكب الـلي كنهـا الطيـر وأن فـر احصـاب ربـدا شافـت الليـل دانـي أسرع مـن صلف الهوا جاني ومـر عـليـه حـليـا الـريـم بنـت العمانـي لا ابطأ المغار من السطر ما تسندر مـنـوة غـريـب مـد للـشـام عـانـي ركـابـهــا دلــيــلـةٍ مــا ايــتـحــيـــّر قـطــاع دوٍ عــايــزٍ مـطــرشــانـي تلـفي عـلى شيخ وراء النفد يـذكـر قصـره طـويـل وشـيـده بالمـبـانـي يـا مـا ذبـح مـن شمخ النيـب عـقـّر دب الـلـيـالي مـا يغضن الصيـاني يا عـل الـلي شـرواه يـنمي ويكـثـر يا ما عطـا راعي العطا والحساني مـن طبتـك تـيمـاء فـلا طـبـهـا شـر يا مودع راس الصعـب مرجعـاني حيثـك مـن الـلي بالطلـب مـا تـعـذر مـا تـذخـر الماجود والعـمـر فـاني وكـبـدي الـلي يلهـفـه بـالخـفـا حـر وشيب قـلبي مـن ظروف الزماني وعـيـني الـلي دمـعـهـا بـس يـنـثـر مثـل الغـروب الـلي تـشله سـواني خطـو الولـد حـرٍ مـع الحيـد يشهـر صليـب شـور وللعـرب معـشرانـي وخطـو الولـد بـاول شبابـه تقـنطـر يصبر على موت البخت والهواني تـلقـاه عـن درب النشامـا ايـتـوخـر بـيـن الأنـاثـي والـذكـر مغـلطـاني شاهي اليمني العنزي قطوف الازهار اشرحها كامله في كلمات غريبه اول مره تمر علي ولا حصلت معانيها مافي الا انت تشرحها كل ما اقول خلاص ماعاد اسال يصيبني الفضول والشغف واسالك. |
تفسير بعض الكلمات في القصيدة : نـطـيـت بـالـرجـم الطـويـل المعـمـّر مـعــمــرٍ راس الـمـبـنــا عــدانــي البيت الأول : نطيت يعني صعدت الرجم والمعمّر من صفات الرّجم لأنه من حجر متناثر ثم يبنا أي يعمّر ويقال أيضاَ عمّرد يعني مرتفع أما كلمة عداني فهي تكملة البيت 0 يا راكب الـلي كنهـا الطيـر وأن فـر احصـاب ربـدا شافـت الليـل دانـي البيت الثاني : الربدا هي النعامة وكلمة أحصاب تعني سرعة جريها عندما ترجع لبيضها مسرعة قبل يدمس اللّيل 0 أسرع مـن صلف الهوا جاني ومـر عـليـه حـليـا الـريـم بنـت العمانـي البيت الثالث : يقصد صلف الهوا الرياح السريعة وهو يوصف راحلته بسرعة الرياح أما الريم فهي من الظباء وبنت العماني فهي هجين وقد يكون يقصد ذلول اسمه الريم 0 لا ابطأ المغار من السطر ما تسندر مـنـوة غـريـب مـد للـشـام عـانـي البيت الرابع : المغار هو الغارة والتسنّدر هو الكسل والخمول والتأني بالمسير 0 ركـابـهــا دلــيــلـةٍ مــا ايــتـحــيـــّر قـطــاع دوٍ عــايــزٍ مـطــرشــانـي البيت الخامس : الدو هو الأرض الفسيحة وكلمة عايز ومطرشاني يقصد أن مندوبه الذي أرسلة متعوّد على السفر 0 تلـفي عـلى شيخ وراء النفد يـذكـر قصـره طـويـل وشـيـده بالمـبـانـي البيت السادس : مدح في الشيخ الذي أرسل له النجيبة والنفد جمع النفود 0 يـا مـا ذبـح مـن شمخ النيـب عـقـّر دب الـلـيـالي مـا يغضن الصيـاني البيت السابع : شمّخ تعني الناقة السمين الذي شامخ سنامها والنيب الناقة التي اكتمل نموها والعقّر مفردها عاقر وهي الناقة الحايل 0 يا عـل الـلي شـرواه يـنمي ويكـثـر يا ما عطـا راعي العطا والحساني البيت السابع : ياعل تعني عسى وهي دعاء وكلمة شرواه يعني مثله وهو يمدح 0 مـن طبتـك تـيمـاء فـلا طـبـهـا شـر يا مودع راس الصعـب مرجعـاني البيت الثامن : قصده مرجعاني يعني يرجع عن غيه ويعود لرشده من خوف بطش هذا الشيخ والصعب هو القاسي الشديد 0 حيثـك مـن الـلي بالطلـب مـا تـعـذر مـا تـذخـر الماجود والعـمـر فـاني البيت التاسع واضح : وكـبـدي الـلي يلهـفـه بـالخـفـا حـر وشيب قـلبي مـن ظروف الزماني البيت العاشر يلهفه يقصد اللّهفة : وعـيـني الـلي دمـعـهـا بـس يـنـثـر مثـل الغـروب الـلي تـشله سـواني البيت الحادي عشر : الغروب مفردها غرب وهي الدلو الكبيرة والسواني هي الدابة التي تخرج الماء من البير 0 خطـو الولـد حـرٍ مـع الحيـد يشهـر صليـب شـور وللعـرب معـشرانـي البيت الثاني عشر : يشبّه الرجل للحر وهو الطير الصياد وصليب الشور هو حصيف الرأي والمعشراني هو البشوش 0 وخطـو الولـد بـاول شبابـه تقـنطـر يصبر على موت البخت والهواني البيت الثالث عشر : يعني انعثر حظّه وتكاسل وتهاون في علوم المراجل 0 تـلقـاه عـن درب النشامـا ايـتـوخـر بـيـن الأنـاثـي والـذكـر مغـلطـاني البيت الرابع عشر : كلمة مغلطاني يعني عمله ليس عمل الرجال ولا عمل النساء 0 |
لا ابطأ المغار من السطر ما تسندر ((مـنـوة غـريـب مـد للـشـام عـانـي ))
يـا مـا ذبـح مـن شمخ النيـب عـقـّر ((دب الـلـيـالي مـا يغضن الصيـاني )) بقى هالشطرين ما قصرت على الشرح شرح وافي |
يمكن ما قرأت الشرح تأكد 0
|
الا قرات واقصد الشطر الثاني
|
يا أخي الشطرين أوضح من أن اشرحهن ((مـنـوة غـريـب مـد للـشـام عـانـي )) يقصد الراحلة التي شدها وأرسلها منوة غريب المنوه معروفه والغريب معروف ومد يعني سافر والشام بلد الشام وعاني يعني متعني ((دب الـلـيـالي مـا يغضن الصيـاني )) وكلمة دب الليالي كلمة دب ما تعني الّدب الحيوان المفترس بل تعني طول الليالي أما ما يغضن الصياني يعني ما يفرغن من الذبايح والصياني هن مواعين يوضع بهن الطعام ويقلّط للضيوف ولابد أنك قلطت على الصياني 0 |
ههههه (عشت على هالشرح و ان شاءالله اقلط عندك على يوم)
|
ودي اسعلك بعد ولاكن احس اني ثقلت عليك لانه الاسعله عندي ما تنتهي ابد ولو الوضع سهود ومهود علمني لاجل اسالك بعد
|
المعذرة يأتيني عن طريق الوسائل أسألة ومكالمات لا تحصى حتّى أثرت على الآذان والعيون 0
|
المعذور يابو مشعل الله يمدك بصحه والعافيه وراحة البال..
|
| الساعة الآن 02:53 AM. |
Powered by vBulletin® Version 3.8.8 Beta 3
Copyright ©2000 - 2025, Jelsoft Enterprises Ltd