وجهه هذه القصيده للشاعر شبيب بن فراج السبيعى من اهالى رماح سبيع الغلبا

يالله ياعالم خفا كل الأجناس=ياواحدً كل الملا يرتجونه
ياواحداً تفرج لمن صابه الياس=تفرج لقلباً زايداتن شطونه
ضاقت خفايا خاطري وقت الأدماس=ضاق الفضاء والهّم ركز مزونه
يوم أتذكر غالي الربع جلاس=في بيت أبو فارس وسيعه ركونه
من بعدهم خيّم على القلب وسواس=والدمع يسكب من محاجر عيونه
من لامني في حب ربعي هل الباس=جعله مريض ولابته يضهدونه
مشيت من عند الجماعه ولا باس=من شأن رفع الراس وأسند ركونه
نمشي بعز وخدمة الدين والناس=من فضل ربي والملاء يسمعونه
ربعي بني نومس عديمين الأجناس=أهل الشهامه والكرم والحصونه
من عقب وايل ذكرهم يرفع الراس=جعافره ماتنثني للمهونه
ماتنحصي أفعالهم كلها أوناس=أفعال تشمخ مثل شمخت مزونه
من فضل ربي ثم في طيّب الساس=أستبدلت عسر الليالي بهونه
معناي أبو تركي عمى عين الأنجاس=يوم الطرد زبن الدخيل وزبونه
عبدالعزيز اللي له المجد نبراس=والدار وحصنه وقوي حصونه
ومن بد ذا نسند على طيّب الباس=شبيب شوق اللي كما البدر لونه
أسند لبو فراج في نبض الأحساس=من لابةً عدوهم يجدعونه
نعم الخوي وأن صار بالجو قباس=أن شبّت الهيجاء وزادت طعونه
شبيب قلبي صار مابين الأقواس=مثل الوحش يكفخ ولّت ضعونه
يهيم مثل الطير لياناض وأنحاس=يبغى الفرج مير الشبك حال دونه
وأختامها بازكا صلاة من الراس=على رسوله عد مايذكرونه

وردّ الشاعر / شبيب فرّاج السبيعي

هيّض خوافي خاطري طيّب الراس=وأسترسلت تطرق لحوني لحونه
يامرحبا أعداد مانس نسناس=وماناحت الورقا بعالي غصونه
ترحيباً أغلى من الجواهر والألماس=وأحلى من مكاشف سراير فتونه
في ساعةً غافي بها كل بلاّس=يفرح بها العاشق ويقصي ديونه
بالصاحب اللي جاله الطيب نبراس=متسلسلآ من قبل جده ودونه
وأصل الذهب يبقى ولا يرجع نحاس=والحب ينبت نفس جنسه ولونه
ربعٍ لياركبوا على قبّ الأفراس=عدّوهم يدني وتقرب حتونه
سمّو بنومس والتواريخ نوماس=عنوان أبلج والعرب يفهمونه
اللي لياشانت والأرياق يبّاس=بالغصب جابوها على اللي يبونه
قصده يشاكيني على كل هوجاس=من بعد دارٍ لابته ينزلونه
وأنا فزع قلبي ليا ضيق وأحتاس=يضرب بي القاسي ويرجع ليونه
ياصاحبي مراً شربناه بالكاس=لعيون داراً كالعسل في صحونه
داراِ غذتنا ثم كستنا باللباس=مثلك تراه يرخص الروح دونه
وأن كان صابك عقبهم همّ وأعماس=وقلبك عليهم زايداتنً شطونه
أركب على اللي كنها فرخ قرناس=وتبعدك عن ضلعٍ تنافر سكونه
لياحصل يوماً تشمّه بالأنفاس=باقي الليالي غيبها تجهلونه
وأتلى جوابي خذ نصيحه من الراس=الصبر طيّب والليالي مرونه

الأخ العزيز الشيخ فرحان بن مساعد بن نومس صح لسانك وبنانك على هذه القصيدة الكريمة وصح لسان الشاعر بن فراج على رده الحكيم ..

ويا نعم والله فيك وبربعك يا عزيز الجناب ..
وتقبّل من أخيك كل المحبة والإحترام ..

ربعي بني نومس عديمين الأجنـاس***أهل الشهامه والكـرم والحصونـه
من عقب وايل ذكرهم يرفع الـراس***جعـافـره ماتنثـنـي للمهـونـه

أبو مساعد

صح الله لسانك على هالقصيدة الشامخة التي كنت أبحث عنها منذ فترة فهي فعلاً من القصائد التي أعجبتني بشدة

فصح الله لسانك مرة أخرى وصح الله لسان الشاعر /شبيب السبيعي على الرد الرائع

صح لسانك ونعم بكم ........... تحياتي

اقتباس : المشاركة الأصلية كتبت بواسطة محمد بن دوهان [ مشاهدة المشاركة ]

الأخ العزيز الشيخ فرحان بن مساعد بن نومس صح لسانك وبنانك على هذه القصيدة الكريمة وصح لسان الشاعر بن فراج على رده الحكيم .. ويا نعم والله فيك وبربعك يا عزيز الجناب .. وتقبّل من أخيك كل المحبة والإحترام ..

الاخ القدير والعزيز المبدع وصاحب الاخلاق الراقيه والعاليه

صح بدنك ولا هان مرورك الكريم والقدير

مميز اخى محمد بالحضور والردود المميزه الذى تدل على طيب معدنك

ولا غرابه فانت من قبيله السبعه المعروفه بين القبائل بالكرم والطيب والعلم الغانم

تقبل ردى المتواضع ولكى منى التقدير والاحترام

اقتباس : المشاركة الأصلية كتبت بواسطة مشهور النومسي [ مشاهدة المشاركة ]

ربعي بني نومس عديمين الأجنـاس***أهل الشهامه والكـرم والحصونـه من عقب وايل ذكرهم يرفع الـراس***جعـافـره ماتنثـنـي للمهـونـه أبو مساعد صح الله لسانك على هالقصيدة الشامخة التي كنت أبحث عنها منذ فترة فهي فعلاً من القصائد التي أعجبتني بشدة فصح الله لسانك مرة أخرى وصح الله لسان الشاعر /شبيب السبيعي على الرد الرائع

اخى العزيز مشهور

اولا ارحب بك اجمل ترحيب فحللت اهلا ووطئت سهلا

والشموخ مرورك وتعطير متصفحى

فصح بدنك ولاهنت ولاهان حضورك المميز

وفقك الله لما يحبه ويرضاه

تحياتى وتقدير لشخصك القدير

ونتمى لك التوفيق

الأخ الفاضل الشاعر فرحان بن مساعد بن نومس
بيض الله وجهك ،، ووجه الأخ الشاعر شبيب بن فراج السبيعي
فلا غرابة منكما ،، فأنتما أهل لكل ما ذكرتما ،، كيف لا ؟! وأنت تعطي الكثير لهذا المنتدى المبارك ،، ولرواده ،،، من متذوقي شعرك ،،، فهذا شعرٌ منشودٌ ،، و عطاءٌ بلا حدود ،،،
سلمت أخي فرحان مرة أخرى ،،،
تقديري للجميـــــــــــــــــع ،،،

اقتباس : المشاركة الأصلية كتبت بواسطة الرجال العنزي [ مشاهدة المشاركة ]

صح لسانك ونعم بكم ........... تحياتي

اشكرك اخى الكريم



وصح بدنك


ولاعليكم زود








تحياتى وتقديرى لكم










ولمن عطر متصفحى

اقتباس : المشاركة الأصلية كتبت بواسطة عبدالله الموسى الخرشاوي [ مشاهدة المشاركة ]

الأخ الفاضل الشاعر فرحان بن مساعد بن نومس بيض الله وجهك ،، ووجه الأخ الشاعر شبيب بن فراج السبيعي فلا غرابة منكما ،، فأنتما أهل لكل ما ذكرتما ،، كيف لا ؟! وأنت تعطي الكثير لهذا المنتدى المبارك ،، ولرواده ،،، من متذوقي شعرك ،،، فهذا شعرٌ منشودٌ ،، و عطاءٌ بلا حدود ،،، سلمت أخي فرحان مرة أخرى ،،، تقديري للجميـــــــــــــــــع ،،،

اخلى الكريم والقدير عبدالله لاهنت ولاهان مرورك وشهاده افتخر واعتز بها

من امثالكم اهل المعرفه والعلوم الغانمه

واعتبر ماتقوله وسام وشهاده اعتز وافتخر بها من شخصك الكريم

وهذا الشى يدفع الانسان بما يملك فى جعبته من قصائد وردود من الطيبن مثلكم وشروكم

ايها الكرماء ونتمى من الله التوفيق والسداد انه ولى ذلك والقادر عليه

والاستاذ عبدالله يستحق كل دعم وبما نملك لن نيخل عليه

اتمنى من الله التوفيق والسداد بالقول والعلم

الأخ فرحان وفيت لا هفيت أنت والشاعر شبيب بن فراج وصح لسان كل منكما كلام طيّب صادر من رجال طيبين وفقكم الله وسدد خطاكم