في ليلة الخميس الموافق الثاني والعشرون من شهر ذوالحجة من هذا العام أقام الشيخ خلف بن غريب بن مناحي العواجي حفل في منزله بمدينة سكاكا الجوف على شرف قبيلة النوامسة من الشعيل من ضنا صقر من الجعافرة حضرة عدد كبير من قبيلة ولد سليمان والقبائل الأخرى ومن أعيان أهالي الجوف ومن مشائخ القبائل ونقلته قناة صدى وقناة الأصايل وقد وجه لي الشيخ خلف دعوة وكنت قريب من تلك المنطقة فكان لي شرف الحضور والمشاركة بهذه القصيدة التي أثني بها على الرجل الذي تعتز به القبيلة :


تعبير مـن فكري بـه الشعـر مـرفـوق *** شكر وثنا يكتب على بيض الأوراق
لـلي سلـك درب المـراجـل بـلا عـوق *** خلف غريب اللي على الطيّب سبّاق
خلف عن الماجوب ما يغضي الموق *** يـبـذل كـرم مـاهـو مـنـافـق ومــلاّق
علمه سطع مثـل القمـر شع بشروق *** مشتـاق للمعـروف والفـعـل مـشتاق
شبحه بعـيـد وغايـة القصـد ملحـوق *** والمجد ما يـدرك بـلا جهـد وأرهـاق
حصّل شـرف بـه ترتفع هامته فـوق *** يصعـد ولا يقبل عـلى الـراس مدناق
نـزه الشوارب ما تعـوّد عـلى البـوق *** عاف الطمان ولاح في راس شوهاق
رام العـلا ماهـو عـن الشف مفهـوق *** يبي الفخر مع ساقت الجـود ينساق
لـه منـزلٍ بـيـن الـرجاجيـل مـرمـوق *** فـيـه الكـرم فـيـه الشهامـة وصـدّاق
في واجـبه يمشي عـلى كـل طـاروق *** والهـون لشخوص الرجاجيل مـالاق
اليـا نصاه الـلي مـن الوقت مصفوق *** الـبـاب دونـه مـا يـسـكـر بـمـغـــلاق
يلقى الكرم والجود مع خيـر منطوق *** فـي مـجـلـَس مـا داج بـه كـل هـلاق
المدح يزهى لصاحب الجود لـه لوق *** بـسّـاط كـفـه مـا يـمـل مـن الأنـفـاق
يا بو سعد بالطيب لك شف واشفوق *** تـبـذل ورزقـك عـنـد وهّـاب الأرزّاق
ومن طاب فعله لـه مواجيب وحقوق *** نشكر جنابه مـن صماصيم الأعماق
والسلم الـلي يمتـاز بـه كـل مخلوق *** عـلـم الفضيلـة والتواضع والأخـلاق
نفسك عـلى جـمع الرفاقه بهـا شوق *** من عـزهم فكرك عـلى شوفهم تـاق
واللي يفرّق جمع الأصحاب ممحوق *** ومن لا تعزوى بعـزوته يعتبر عـاق
والبيت مـا يـذري اليـا صار مشقوق *** لـو كان فيه رفـاف واطناب وارواق
يالجعفري لك بالفخر ساس وعموق *** مجنـاك من عـزوة عريقه بالأعـراق
لا ثارت الجدعا وصكّـوا عـلى النوق *** وتكاضموا والسيف شرّع بالأعـناق
وتلاقت جـموع مـثـل هيضت السوق *** كـم فارس من طعنهم طـاح مـا فـاق
يوم الحمر من مطعن الرمح مدفـوق *** فـي راس حـربـة كـنـهـا نـاب زراق
اليـوم الـلي بـه عاقـل القوم مطفوق *** مـا فيه منع ولابـهـا عـفـو واعـتـاق
كـم عايـل من ضربهم طـاح مشلـوق *** ينـزف صوابه مـن مخابيط الأطلاق
من شاف لمع سيوفهـم كنهـا بـروق *** تنشف لهاتـه مـابـهـا قـطـرة اريـاق
قطعانهم ترعى بصحاصيح وعروق *** تـسرح هـيـت مـا حـافهـا كـل سّراق
تقطف زهـر نـوار مـن كـل صعفوق *** يجنب لها الـلي عايف الروح زهّـاق
على العدا علقم مع الشري مـدقـوق *** من يـقـرب حماهم لـمـر الحـدج ذاق
والـيـوم لا واسـق ولافـيـه مـوسوق *** من حمد ربي مـا بقي هوش وخناق
كـل الشعوب أخوان ما بينهـا فـروق *** بظل الملوك من الولي جت بألأوفاق

صباح الخير ابو مشعل

وصح السااانك على القصيده التي غير مستغربه منك ومن وفاك
المعهود

دايماً تجبر القاري على تتبع قصايدك التي غنيه عن التعريف

تقديري لك على كل بيت وكل حرف خطته انا ملك وصح السانك


وتقبل ردي المتواضع امام القصيده الشامخه والجزله بتاكيد


محبكم \ جايز المفوز

صح السانك أبو مشعل وسلمت بنانك ويستاهل خلف بن غريب مناحي العواجي هذه الدرر النادره ولاهي غريبه منك الجزاله لأنك أنت الجزل وأنت شاعر عنزه يفخر بك الجميع الله يحفظك بحفظه

شكراً للأخوين أبو أريج ونهيّر بن رخيّص على مرورهم وتفاعلهم مع قصيدتي بحفل الشيح خلف بن غريب

المدح يزهى لصاحب الجود لـه لوق *** بـسّـاط كـفـه مـا يـمـل مـن الأنـفـاق
يا بو سعد بالطيب لك شف واشفوق *** تـبـذل ورزقـك عـنـد وهّـاب الأرزّاق
ومن طاب فعله لـه مواجيب وحقوق *** نشكر جنابه مـن صماصيم الأعماق
والسلم الـلي يمتـاز بـه كـل مخلوق *** عـلـم الفضيلـة والتواضع والأخـلاق
نفسك عـلى جـمع الرفاقه بهـا شوق *** من عـزهم فكرك عـلى شوفهم تـاق
واللي يفرّق جمع الأصحاب ممحوق *** ومن لا تعزوى بعـزوته يعتبر عـاق

قصيدة تكتب بماء الذهب

نتقدم بتحية إجلال وتقدير للشيخ خلف بن غريب العواجي ولكافة أسرة العواجية الكرام وإلى جميع قبيلة الجعافرة عامةً وإلى أبناء قبيلة النوامسة خاصةً وفي طليعتهم الأخ الفاضل والعزيز صاحب الأخلاق الحميدة الشيخ فرحان بن مساعد بن نومس ..
وصح لسانك يأديب وايل وسلمت وسلمك الله ويستاهلون أهل الجدعا هذه القصيدة العصماء ويستحقها الشيخ خلف بن غريب العواجي حفظه الله، ويا نعمٍ والله بك وبه وبربعنا هل الجدعا جميع..

عز الله كفو وعز وفخر وعسى بالحي مثلكم ..
والله يوفقكم ياعنزة ويعزكم ويرفع شآنكم ..

شكراً أخي محمد على شعورك الدال على نبل أخلاقك وبعد نظرتك وعسى اللاّش يفداك

صح لسانك يا ابو مشعل قصيده جزله وتخلي الواحد يحك صابره اذا به عقل يفكر والف نعم باخي خلف العواجي وبالنوامسه وبالجعافره وولد سليمان جميعهم هم مفخره لنا وهم راس ضنا عبيد

السلام عليكم ورحمة الله وبركاتة { التقو الله في مقالاتكم } ان ورائكم ضلومات القبر وحسااب : وسرق الالقااب حراام كطعن في الانسااب

فأن قبيلة جعافره هداهم الله أخذو شئ ليس لهم وهذا من الذي يسجل في سجل الاعماال الذي لن تعرف مافيه اللى يوم ماقف العظيييم الذي لامفر منهه

فأن الجدعه هداكم الله أنها لقبيلة { السلمااآآت } من ولد السليمان والمصيبه الكبرا أنهم يعرفوون مايقولون ويجحدووون وما الجحود اللى لنار وقود

بيض الله وجهك يابو مشعل صح لسانك يا شاعر ضنا عبيد ولسان قبيلة عنزة كافة عزالله هذا المديح اللي يشوش بالرجال وينهضهم وكفوا بالعواجية شيوخ ولد سليمان وفرسان بدورهم وهالحين صيت وعلم في راسه نار ....

اقتباس : المشاركة الأصلية كتبت بواسطة من عباد الله [ مشاهدة المشاركة ]

السلام عليكم ورحمة الله وبركاتة { التقو الله في مقالاتكم } ان ورائكم ضلومات القبر وحسااب : وسرق الالقااب حراام كطعن في الانسااب فأن قبيلة جعافره هداهم الله أخذو شئ ليس لهم وهذا من الذي يسجل في سجل الاعماال الذي لن تعرف مافيه اللى يوم ماقف العظيييم الذي لامفر منهه فأن الجدعه هداكم الله أنها لقبيلة { السلمااآآت } من ولد السليمان والمصيبه الكبرا أنهم يعرفوون مايقولون ويجحدووون وما الجحود اللى لنار وقود

اخوي من عباد الله الجدعا للسلمات هذا صحيح ومن يجحد هذا الكلام !!! حنا الجعافرة نقول للسلمات من ولد سليمان راعين الجدعا ونعم وسبعة أنعام بربعنا السلمات !!!