قبل الـمـديـح وقبل صـــدق الـعـلاقــه=وعقـب الجميـل وعقـب تقديـر الأصـحـاب
وقـبـل الـمـلام الـلّـي مـاعـرف إعتـنـاقـه=أنــــا مــصــدّق قــــوم مـانــيــب كـــــذّاب
إلـيــا مـدحــت أمـــدح شـجــاع بـطـلاقــه=وإلـيـا هجـيـت أهـجـي حمـاقـات وأذنــاب
وإلـيــا كـتـبـت الـشـعـر والـشـعـر بــاقــه=كـتــبــت لـعــيــون الـمـحـبّـيـن مــاطـــاب
شـاعـر وشـاعـر حــيّ والـشـعـر شـاقــه=قـامــت تـفـتّـح لــــي دوالــيــب وأبــــواب
عشـقـت شـعـري صــدق يـاهـي عشـاقـه=وكـرهــت تهـمـيـش الـمـجـلّات يـاعـقـاب
ســـــلام يـالــلّــي تـسـتـحــق الـصــداقــه=يـابـو عـزيـز الـلّـي بـــه الـظــنّ مـاخــاب
يــومــن غــيـــرك مـايــعــرف الـرفــاقــه=علّمـتـهـم مـعـنــى صــداقــات وأشــنــاب
يــــوم إرتـكـيــت إلـعـاصـفـات الإعــاقـــه=خـلـقــت لــحــدود الـمــســرّات تــرحـــاب
فرّجتـهـا لـــي صـــدق والـصــدق طـاقــه=تـفـجّــرت فــرحـــة قـريـبـيــن وأحــبـــاب
أثـلـجــت صـــــدر الـكــايــده والـشّـفـاقــه=وأحرقت ساق المعضلـه حـرق وإعطـاب
طــيــرٍ يـهـلّــي بــــك فــضــاك ونـطــاقــه=أرضك سماء لو طرت من عشّ وهضاب
سِـقـم الضّـعـوف الـلّــي تـحــب الخـنـاقـه=وشـوق الهنـوف اللّـي تمـاري بالأنسـاب
ربـعــك بـنــي وايــــل صــحــاب الـلّـيـاقـه=مايـطـلـعـون إلّا عــلــى كـــــل مــرقـــاب
فـيــا مـرحـبـا وأهــــلا وســهــلا ونــاقــه=تِنـحـر عـلـى طـــاري إخـوّتــك وأسـبــاب
تــطــوّر الـمــدخــول وأيــضـــاً حـمــاقــه=إن مافـعـلـت الـطّـيـب والـطّـيـب غــــلّاب
إلّا عــلــى الــلّـــي يـتــركــون الـدّقــاقــه=والـطّـيـب مـبـداهــم قـوانـيــن وحــســاب

صح لسان الشاعر سلطان العتيبي الحقيقة أنها قصيدة تستحق الأشادة لما تحتوي عليه من معاني سامية تدل على شخصية قائلها وما قيلت به ونشكر الشاعر على مدح قبيلتنا العزيزة ونقول ما عليك زود يا أخ سلطان فأنت من قبيلة تعشق المجد والف نعم بالهيلا الذين قلت بهم :

اليا حداك الظيم صاروا جلايب *** فيهـم طنـا شمّـر ونـخـوة عـتـيـبـه

حبذا لو وضح الكاتب من هو عقاب الذي يسند عليه ؟

الشاعر القدير

سلطان العتيبي

صح لسانك وإعتلى شانك قصيده شامخه من شاعر شامخ
فيها مدح لابو عزيز وهو يستحق هذا المدح لاشك وأنت تستاهل
فزعته معك وأظهرت الثناء وهذا ليس غريب على ابناء قبيلة عتيبه الهيلا
ماقصرت مدحته ومدحت قبيلته بني وايل ونحن بدورنا نقول بيض الله وجهك
ولاعليك زود والطيب بين الرجال مايضيع .. وبما أن ابو مشعل يسأل عن ابو عقاب
الذي إسندت عليه القصيده .. أنا بودي معرفة اسم ابو عزيز كاملا ً حيث الطيب نحرص
على معرفته ( فمن هو ابو عزيز ) .. بارك الله فيك ولافض فوك شاعر متمكن ومبدع ومتميّز




انقى تحيه

تطور المدخول وايضا حماقه = ان مافعلت الطيب والطيب غلاب

... ارق سنوووود يالهيلاوي عزالله ونعم كفوا وكفوا وكفوا يالجــزل .....

السلام عليكم ورحمه الله وبركاته




كفو ياسلطان صح ألسانك قصيده جزله وأعجبتني ويستاهل من يفعل الطيب

صح لسانك يا سلطان
و بيض الله و جهك، ولا عليك زود
وعز الله ما يحبكم إلا كريم ولا يبغضكم غير لئيم
لمن عرف للناس قدرها و مقامتها
و الويلان و الهيلا بينهم من الألفة و المحبة الشيء الكثير
ولا يهون الطيبين من كل القبايل