السديري يعفوا عن طير ( حـر ) احتراماً لـ قبر أحد مشائخ قبيلة ( عنزة )
==================================================



كان الأمير محمد بن أحمد السديري في رحلة قنص ورأى طير حر وحاول اصطياده وتراكضوا خويا الأمير للإمساك بالطير ولكن الطير وقع على قبر الشيخ (( بطين بن مرشد)) أحد مشائخ قبيلة السبعة من عنزة فأمر السديري أخوياه بعدم الاقتراب للطير أو أن يمسوه بأذى احتراماً لأبن مرشد .
وعندما وصلت هذه القصة إلى مسامع الشعراء قاموا بمدح الأمير الفارس محمد بن أحمد السديري ومنهم الشاعر مبارك بن جزعان القماصي والذي أسندها في حينها للأمير بنفس قافية رثاء الأمير محمد السديري لـ صديقه الشيخ ( ورنس الشعلان ) حيث قال الشاعر يقول :

سار القلم والقاف كيدٍ ملازه *** سجل من الأمثال وأسرع بتعجيل

نبي على حروف القوافي ركازه *** نرمي العوج ونعدل القيل تعديل

هرجٍ لطيف وباللزم به شرازه *** من عنبر مريوك بالبن والهيل

أرسلت مني لأبو زيد اكزازه *** وصلت له جزل التحيات توصيل

ماهو خطات علاج عكس ولمازه *** حيثه فيهم يحلل الهرج تحليل

هوعيلم القيفان فار ارتوازه *** ولا يستوي ضوح القمر للمشاعيل

أي الرجول الي حداهن اعكازه *** وأي الخيال الي سبق على الخيل

خليت صيد الطير ماهو عجازه *** لاشك عادتك الشرف والتفاضيل

والطيب بالأجواد خزن وكنازه *** أخير من مال العفون الزناقيل

كن ماكرك ياطير راس البرازه *** بوجه بن مرشد مايجونك محاييل

تلقا نزيه النفس دوم يتنازه *** غير الفهامه عارف كل تشكيل

وأورنس هوضد العدو هو حنازه *** يعل قبره يدهجه ساقي السيل

حيثه على العدوان صعب مرازه *** من عانده يسقيه مر الحناضيل

مادور الغرات حين النتهازه *** ولاخوفوه مغززين المحاييل

عسا عوضنا حر يضهر مفازه *** جواهر الناريز وأهل المفاعيل

ولايعتق من الموت حر وجنازه ***من كونت دنياك نزال وامشيل

دنياك يا أبو زيد مثل الأجازه *** لو كان طالت تنتهي دون تمهيل

لعابةٍ مابين ضحك وطنازه *** قمارةٍ واعمالها تبيد الحيل

لابد من يومٍ قريب انجازه *** عند الولي قصر المسافة وتطويل

مرسي الرواسي عن شديد اهتزازه *** مودع صعيبات الصعايب مساهيل

وكل بحرف اللوح يكتب مفازه *** محصي عموم الناس عنده بتسجيل



وبهذا يسجل موقف احترام الرجال بعضها البعض وتقديرهم حتى في قبورهم وهذه عادة العربي الأصيل الذي يحترم الاجواد وهذه القصة النادرة ما هي إلا احد قصص احترام الأحياء للأموات فرحم الله الأمير محمد بن أحمد السديري الذي ترك الطير ليس عجز منه ولكن احتراماً لقبر الشيخ وبهذا يقول الشاعر:


خليت صيد الطير ماهو عجازه *** لاشك عادتك الشرف والتفاضيل

والطيب بالأجواد خزن وكنازه *** أخير من مال العفون الزناقيل





منقوووووووول.

حميد الرحبي//

الأخ حميد الرحبي حيّاك الله القصيدة والقصّة أعلاه كانت من مدونات كتابي قطوف الأزهار وقد كتبتها بهذه الصيغة :

*وهذه القصيدة من شعر الأمير محمد بن أحمد السديري رحمه الله قالها رثاء بالشيخ أورنس بن طراد السطام الشعلان رحمه الله :
يـسـقـيـك يـا دار شـمـالـي عـنــازه *** غرب الولج ياعلي شرق الطريبيل
سـقـاك نــو مـمـطـرٍ مـن عــيـــازه *** عـلى رغاب القاع فيض من السيل
عـز الـلـه أنـه راح فـيـهـا جــنــازه *** صميدع توصف عـليـه الـرجاجيـل
لـه فـي عـازات ولـي فــيـه عـــازه *** بوقت الزوم إذا حصل بالزمن ميل
مـا الـوم قـلـبي لـو يـزيـد اهـتـزازه *** وجر الونين وشاف ظيم وغـرابيل
وعـيـني كـمـا شـن تـفـتـق اخـرازه *** عـلـيـه دمـعـات المحاجـر همـاليـل
حـرٍ جـزع وأدمـا بـقـلـبــه حــزازه *** وتـفجـرت شعـبـان قـلـبـه مبـاهيـل
قـلـبـه مـن الـفـولاذ مـا هـو قـزازه *** والغيض قـد فجـر قلوب المغـالـيـل
وأن داخـل الشردان رعـب ونـزازه *** الـذل مـا يـلـقـا عـلـيـه الـمـداخـيـل
تقـصـر يـميـن الـلـي بـالأيـام هـازه *** يـرجـع ذلـيـل وفاقـد العـقـل بهليـل
الـيـا لــمـح ضـده ثـقـيــل مــــرازه *** أخـو محمد صـافي الـذهـن حلحيـل
مـن شبتـه يـا مـا قـطع مـن مفـازه *** ويا ما ضهر من غـرقـة كنها الليل
رقـى سـنـام المجـد والطيـب حـازه *** وبـيتـه لعصمان الشوارب مداهيـل
هـزيـم حـطـوا حـفـرتـه بـالعــزازه *** براس الطويله وارفع القبر بالحيـل
ومـن الذهـب حطـوا لقبـره اركـازه *** ومـن صافي النيروز حطوا قناديل
حـتـى يـجـيـه الـلـي بـعـيـد مـنـازه *** ويلقـا بـقـربـه شمخ القـود والحيـل
اعـتـضـت بـه ربـع لقـلـبي لـهـازه *** أعـني هـل العـليـا قـروم المشاكيـل
عـلمي إلـى جـاهـم سـريـع نـجـازه *** وأنـا لهـم دايـم عـلى العدل والميـل
هـم فـزعت المظيـوم وهـم جهـازه *** وبالفعـل للشعلان تشهد هـل الخيـل
شـعـلان فـيهـم بـالحـرايـب افـيـازه *** بجـدع المـدرع فـوق قـب مشاويـل
ربـع حـمـاهـم مـا يـقـرب احـجـازه *** وعـدوهـم اسـقـوه ويـل بـاثـر ويـل
أن حـل ضـرب مخـلـص بـالـبـرازه *** أرووا حـدود سيوف حـدب مناحيل
أحـدٍ يحوش الطيب غصـب حـزازه *** وناس عن العـليا ضعاف مهـازيـل
يبيـن لـك فـرق الـذهـب مـن بـيـازه *** فرق بعيد أبعـد من الجدي لسهيـل
البيض ترضع لـيـن تـيـبس غـرازه *** وبـالألـف يطـلع واحـدٍ بـه تـنافـيـل
تـاخـذ رفـيـعـيـن الـمـبـانـي ابـزازه *** يا ليـتهـا تـعـتـاض عـنهـم تـبـاديـل
أن قـيـل قـلـبـك مصخـرٍ بانـحـيـازه *** قـلت الوفاء لـه وسط قـلبي مثاقيل
وأنا احمد الـلـه ما حضرني خـرازه *** واردون ثـوبي ضافيات ومضاليـل
يـسـقـيـك يـا دار شـمـالـي عـنــازه *** مـزن مـن المنشأ ركـونـه مخايـيـل
وهذه قصيدة للشاعـر مبارك بن جزعان القماصي السبيعي العنزي مجاراه لقصيدة الأمير محمد الأحمد السديري وذلك أن الأمير محمد كان في أحد الأيام في رحلة قنص فشاهد طير حر وبدأ يحاول صيده فتراكضوا خوياه وهم مشفين على الأمساك بهذا الطير ثم أن الطير وقع على قبر الشيخ بطيّن بن مرشد أحد مشايخ قبيلة السبعة فأمر السديري بترك الطير احتراماً لأبن مرشد واقسم على خوياه أن لا يمسوا الطير بأذا فتركه وعندما بلغ الخبر الشاعـر مبارك بن جزعان رد على الأمير محمد السديري على قافية قصيدته في رثاء الشيخ أورنس يقول :
سـار الـقـلـم والـقـاف كـيــدٍ مــلازه *** سجل من الأمثـال واسرع بتعجيـل
نبي عـلى حـروف القـوافي اركـازه *** نـرمي العوج وانعـدل القيل تعديـل
هـرج لطـيـف وبالـلـزم بـه شـرازه *** مـن عـنبـر مريـوك بالـبـن والهيـل
أرسـلـت لأبــو زيـد مــنـي اكــزازه *** وصلت لـه جزل التحيـات تـوصيل
ماهـو خطات عـلاج عكس ولمـازه *** حيثـه فهيـم يحلـل الـهـرج تحـلـيـل
هـو عـيـلـم القـيـفـان فـار ارتـوازه *** ولا يستوي ضوح القمر للمشاعيل
أي الرجـول الـلي حـديهـن اعكـازه *** وأي الخيال اللي على سبق الخيـل
خليت صيد الطير مـا هـو اعـجـازه *** لا شك عـادتك الشرف والتفاضيـل
والطـيـب بـالأجـواد خـزن وكـنـازه *** أخيـر مـن مـال العـفـون الـزنـاقيـل
كـن مـا كرك يا طير راس الـبـرازه *** بوجه أبن مرشد ما يجونك محابيل
تـلـقـا نـزيـه الـنـفس دوم ايـتـنـازه *** غـيـر الفهـامـه عـارف كـل تشكيـل
وأورنس هو ضد العدوا هـوانحازه *** يـعـل قـبـره يـدهـجـه ساقي السيـل
حيثـه عـلى العـدوان صعـب مرازه *** مـن عانـده يسقيـه مـر الحناضيـل
مـا دور الـغـرات حـيـن انـتـهـــازه *** ولا خـوفـوه مـغـززيـن المـخـايـيـل
عسى عـوضنـا حـر يضهـر مفـازه *** جـواهـر النـاريـز وأهـل المفـاعيـل
ولا يعتـق من الموت حـر وحـنـازه *** مـن كـونـت دنـيـاك نـزال وامشيـل
دنـيـاك يـا ابـو زيـد مـثـل الأجــازه *** لـو كان طالـت تـنتهي دون تمهيـل
لـعـابـةٍ مـابـيـن ضـحـك وطـنــــازه *** قـمـارةٍ واعـمـالـهـا تـبـيّـد الـحـيـل
لا بــد مـن يــوم قــريــب انـجـــازه *** عنـد الولي قصر المسافـة وتطويل
مرسي الرواسي عن شديد اهتزازه *** مـودع صعيبات الصعايب مساهيل
وكـل بحـرف الـلـوح يكتـب مـفـازه *** محصي عموم الناس عنده بتسجيل

مشكور العم ابو مشعل على التوضيح...... تقديري.