شــــــــــــــــيخة مزاييــــــــن
_________________________

حوار .....................مع شيخة مزايين

شيخة عرب او من مشايخ هل الدين .
.......... او انــه اســـمك وانكتــــب بالهويـه
او هـو على ماظـن (شيخة ) مزايين
.......... وتــراي انـا مـحتـــار يـالغشــــمـريه
لاشك انا يطغي بنفسي ســــؤالين
........... ولعــل مــا تبطــي اردودك عـــليٌـه
مــن ويــن قـولي ياعنـود المــزاييـن
........... يامـن تسوق القلب سوق الرعيٌــه
من نجـد ولاٌ مـن بـلاد الشــريفيــن
............ عمٌـــان ولاٌ بــالـريــــاض البـهيٌـــه
اســم البـلاد اللـي عليها تعيشين
............ من اهـل المدن يابنت ولاٌ ابـدويـــه
وليٌا سمحتيلي نشـدتك عن اثنين
............ الديـن الاول والاصـل والســــميـٌه
احـب انا اللـي تنتهـج منهج الديـن
.......... وتـؤمن بـرب الكون محصـي البـريه
قالت : انا بنت الـرجال المسـمين
............. ربعي (...........) ينطحون السريه
يــوم المــلاقا لابتــي تاخـذ الديــن
............. يــوم اللـــوازم مــا تهـــاب المنيــه
فـوق الاصـايل ينتخـون الميــاميــن
............. ليٌــا جــا نهــــارً فيــه شـده قويه
دخيلنا في راس عيطا عن الشين
............. مــا يـلحقــه ظيــمً وخـوف وزريٌـــه
وللضيـف شــرعــــنا ابيـوت ودواويـن
........... وقـولة هـلا وحييــت صبح ومســيٌه
لاشك انا بنشدك ؟ الا انت من وين
........... مــن اي الحمـايل والنـوايـــا نقيٌــــه
قلت : ابشري باللي بغيتيه هالحين
.......... يــاتيــك انــا ردي ولابــــه ونـيٌـــــــه
لاشــك انــا مـن قـوم منها سلاطين
.......... تســلطنوا فــــ بـــلاد نجـد العــــذيه
ربعــي بنــي عنٌــاز مـا هـم خفيين
............ مثــل القمــر بالليـل يبهـرك ظيـٌـه
هـذا انــا مـن دون شــــكً وتـخمين
............. حاضـر ومـاضـي والحروف ابجديه

محمد بن سوعان الربيٌع

قلت : ابشري باللي بغيتيه هالحين
.......... يــاتيــك انــا ردي ولابــــه ونـيٌـــــــه
لاشــك انــا مـن قـوم منها سلاطين
.......... تســلطنوا فــــ بـــلاد نجـد العــــذيه
ربعــي بنــي عنٌــاز مـا هـم خفيين
............ مثــل القمــر بالليـل يبهـرك ظيـٌـه
هـذا انــا مـن دون شــــكً وتـخمين
............. حاضـر ومـاضـي والحروف ابجديه

عز الله، الله يعطيك العافية وصح لسانك يابن سوعان على هالمحاورة الجميلة بينك وبين شيخة المزايين وذكرتنا بسوالف كنعان الطيّار وقصايدة بالغزل والعشق ومنها أللي قال فيها:

أنا كما طيرٍ خفق بالجناحي=شافك من الزرقا وأرخى عوانيه
تعذري يأم الثمان الملاحي=العذر من مثلك نشوقه ونبغيه
من ذاق حب السلهمة ما استراحي=لـو كان عود وشايباتٍ نواصيه

صح لسانك مراراً وتكراراً وحتى ترضى والله يعطيك العافية ويزوجك ويا عسانا إن شاء الله نحضر عرسك ولا يخلينا وإياك من العشق حتى نفنى يالبنآخي ..

* ترى حولنا شيبانٍ ما يدانون طاري العشق ولا الزواج وليا جبت لهم طاري الحريم يمكن ما يحاكونك العمر كله ويجارمونك أما بالنسبة لي فأنا تراني بصفك وعلى نوّك وأنا بنآخيك وخلق الله كلٍ وهمّه وشآنه..