بسم الله الرحمن الرحيم

السلام عليكم ورحمة الله وبركاته

أضع بين أيديكم هذه القصيده التي كتبتها عندما سمعت أحد المغرضين يطعن بالقبيله
وأسميتها {{ مدافع عن ربعي وبقوه }} متمنيا ً أن تنال إستحسان الجميع

يالله ياللي لا بغيت أبداء عمل لاسمك ذكرت=وأدعوك قبل أقدم على حاجه وأصلي واستخير
واحد ولا لك من شريك أعبدك وبغيرك كفرت=أنت المعين أنت المغيث اللي يجير المستجير
أحمدك ياربي على النعمه لك أثنيت وشكرت=وعبد ٍ شكر ربه غفر ذنبه بيوم ٍ قمطرير
من بعدها ياعزوتي جيت وعلى الموعد حضرت=ساقتني الغيره لكم والحب منقطع النظير
لياهرج فيكم حقود بحضرتي لكم أنتصرت=في غيبتي بكم الكفا وبغيابكم عنكم سفير
يوم ٍ من أيام السنه ياخوان بالضيقه شعرت=هزة كياني هرجة إستحقار من شخص ٍ حقير
لا رغبة ً بالرد لاكني على الرد إنجبرت=الله يحده حدني في هرجه الغث المثير
ماهي بالاولى غلطته ياما تحملت وصبرت=لاجل الرجال اللي وراه الي لهم قدر ٍ كبير
من هرجته ياهل الوفاء والطيب عن طوري ظهرت=والمشكله رجل ٍ كبير السن وبعقله صغير
طبعي حليم لكل خمله ما لتفتّ ولانظرت=إلا لاوصلت لابتي لابالله إلا أزعل وأغير
ياهيه ياللي بالطريق المظلم السد إنحشرت=يوم أنت مشيك يحتدي حنا على المنهج نسير
مبطي صعدنا للكواكب فوق يوم أنت إنحدرت=طامن وغير الهرج وش سويت يالوجه الغبير
أحسن لك إكتم ياردي العرف وإحصد مابذرت=وخلك بحدك حدك الباري على الدرب العسير
أنا أدري إني لو لمثلك يا أسود النيه هجرت=أفضل ولكن قالوا إن قراد يزعج للبعير
لنّي لياصغروا قصيرين النظر مثلك كبرت=حبلي طويل ولاقصر ياشايل الحبل القصير
وأنا ما لومك لن ربعي طيبهم منه إنقهرت=ذمك لهم والله ماينقصهم ولا حبة شعير
أدري سبب حقدك تبي تاصل مداي ولاقدرت=مار الوعد قدام والعيب الرغاء بعد الهدير
ماشك في نفسي ولا أفكر بهذرك لو هذرت=ولا شك في ربعي بني وايل هل السيف الشطير
وإن ماتركت الهرج ياشين الطبيعه وإنثبرت=أبشر لك بنار ٍ تلظى وأبشر بحوس المرير
كنت أحسبك رجّال يوم إنك على المركا إنزبرت=وأثرك مجرد زول ماتعرف ورود ولاصدير
يامن قريت رسالتي كانك من الوضع إنبهرت=ذا ماحصل والله عليم بماكنزته بالضمير

"""" وسلامة الجميع """"

الاخ حمد الضوي صح لسانك . والف شكر لك واعلم اخي ان لا احد يسلم من الناس . وهل تعلم ان الله سبحانه انزل اية على هولاء الفئه . والذين ينبزون المؤمنين با الصدقات.
تفسيرها . هناك ناس لاتيركون الناس . اذا اعطاء صدقه كثيره قالو منافق واذا اعطاء قليل قالو بخيل؟ اذن لايخلو المجتمع من هولاء الفئه . ولكن . لايصح الا الصحيح . والكلام صفات المتكلم في كل حاله

مشكوراخوي حمدعلى هالابيات الجزله وبصراحه ابيات جميله جداوصفت فيهامشاعرنابعه من قلبك الطيب وهذايدل ع شهامتك وغيرتك ع قبيلتك لك مني الف شكرويعطيك الف عافيه

	هلابك اخوي احمدمشكورعلى هالقصيده الاكثرمن رائع والحقيقه تفوق الوصف والخيال هذايدل على شهامتك وغيرتك على قبيلتك تقبل تحياتي وتاكداخوي قبيلتناشامخه برجالهاالنشامامثلك وشرواك شـكــ وبارك الله فيك ـــرا لك ... لك مني أجمل تحية .

اقتباس : المشاركة الأصلية كتبت بواسطة متعب الفققي [ مشاهدة المشاركة ]

الاخ حمد الضوي صح لسانك . والف شكر لك واعلم اخي ان لا احد يسلم من الناس . وهل تعلم ان الله سبحانه انزل اية على هولاء الفئه . والذين ينبزون المؤمنين با الصدقات. تفسيرها . هناك ناس لاتيركون الناس . اذا اعطاء صدقه كثيره قالو منافق واذا اعطاء قليل قالو بخيل؟ اذن لايخلو المجتمع من هولاء الفئه . ولكن . لايصح الا الصحيح . والكلام صفات المتكلم في كل حاله

متعب الفققي


صح بدنك يالغالي وكلامك عين الصواب الناس مايسلم منها أحد
وبالتأكيد الكلام الذي في غير محله لايؤثر على أحد
بأي حال ٍ من الأحوال ولكن لما تسمعه لابد أن
تتحرك فيك الغيره ويكون لك ردة فعل

الف شكر على مرورك العاطر والمشرف



تحايا

جزل يالضوي صح لسانك وكفوا بك وبربعك .... تحياتي لك ...

الأخ حمد الضوي مشكور على هذه الدرر الثمينة ولا غرابة فأنت من أهل الغيرة والحمية وبخصوص الشخص الذي يسب الحمائل والقبائل فهو ناقص عقل ورجوله وقد يعمي الحقد البعض فيشذ عن الواقع ولكن إذا بهم عيوب فهو كما ذكر الشاعـر الصعيليك عندما عدد عيوب مطلق الجربا بقصيدته المشهورة التي منها قوله :

عيبك اليا عدو الناس بك عيب *** للسمن فوق مفطح الحيل صبّاب
إلى آخر العيوب الذي عددها فماذا يريد أن يقول من يبحث عن العيوب ؟

اخي حمد الضوي الله يعطيك العافية على القصيدة الجزلة

اقتباس : المشاركة الأصلية كتبت بواسطة الشاعره بنت الربيلي [ مشاهدة المشاركة ]

هلابك اخوي احمدمشكورعلى هالقصيده الاكثرمن رائع والحقيقه تفوق الوصف والخيال هذايدل على شهامتك وغيرتك على قبيلتك تقبل تحياتي وتاكداخوي قبيلتناشامخه برجالهاالنشامامثلك وشرواك شـكــ وبارك الله فيك ـــرا لك ... لك مني أجمل تحية .

الشاعره بنت الربيلي

الرائع مرورك أختاه وكلامك عين الصواب
وشاكر لك إطرائك بارك الله فيك



تحايا

اقتباس : المشاركة الأصلية كتبت بواسطة الرجال العنزي [ مشاهدة المشاركة ]

جزل يالضوي صح لسانك وكفوا بك وبربعك .... تحياتي لك ...

الرجال العنزي


هلا بك وصح بدنك ولا عليك زود يالغالي
مرور عاطر وجميل
بارك الله فيك



تحايا