الإهداءات

 

 

   

 

    


  -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الشعر الشعبي المكتوب
الشعر الشعبي المكتوب خاص بالشعر الشعبي لقبائل ربيعه

إضافة رد
   
أدوات الموضوع انواع عرض الموضوع
قديم 08-16-2018, 07:18 AM رقم المشاركة : 1
معلومات العضو
صاحب الموقع
إحصائية العضو







عبدالله بن عبار متواجد حالياً


افتراضي ( قصائد لشعراء من قبيلة الفدعان )

( قصائد لشعراء من قبيلة الفدعان )




الشاعر مريخان بن حسين الجذع الشميلاني الفدعاني توفى قبل سبعين سنه وعاصر بعض المناوشات وحشدت أحد القبائل لمحاربة الفدعان فأرسل مريخان ركايب يحث قبائل الولد من الفدعان على الفزعه يقول :



حنا سمعنا طلقات ** رمي فوق الماكينات ** وأن كان الحكي ثبات

يزعلن حتّى النسوان

ترى المراجل تعيبه ** تحتاج رجالن صليبه ** وترى المذله معيبه

ومن خلّا حقّه خسران

مار اشتروا الأمانيه ** تنفعكم في يوم الهيه ** وترى الملامه عليه

كان اهزمتم بالأكوان

واشتروا سيف وشبريه ** واشتروا معهن ردنيه ** بالفشق دايم ممليه

ماكينه بيد الغلمان

وأبي ارسل ثمان ركايب ** يم العزوه والقرايب *** يحملن مني كتايب

مرسولاتن للفدعان

وحده راحت يم النوري**توصله علم ضروري**قولوا ترى أهل ......

لو صادقتوهم عدوان

وحده راحت للمهيد ** تخبر شيوخ وعبيد ** عادتهم قهر العنيد

اللي باللقوه فرسان

وحده راحت لبدي ** اللي جده هو جدي ** هم سطام المتعدي

كشور وغلبتهم جذعان

وحده راحت يم الروس ** أهل الشيمه والناموس**الحق يوخذ بالدبوس

والمتخفي توه بان

وحده راحت للساري ** كم غلام ما يداري ** دواسين الخطاري

جمع السيافا شجعان

وحده يم عيال العود ** اللي ينطحون الكود *** كلن يشري له بارود

لا تغالون الأثمان

وحده راحت للحازم ** اهل صفوف ومحازم ** اللي الياصار للازم

فرحت كبدك بالميدان

وحده يم الحناتيش ** اهل القودا المداغيش **عطونا الفرس والجيش

والماعد خربة قنان

ربعي بواجين الدار ** حمر النواظر حضّار ** ما يهابون الأخطار

وهذا ما قال مريخان



أما الشاعر إبراهيم بن نديوي الطنطري رحمه الله له هذه القصيدة قالها عندما ضاف أبن هيا من كرماء الحازم ويوصف كرمه ويمدح قبيلة ضنا فريض من الولد من الفدعان:


ابن هيا ركب الهاف *** مثـل مناكب خطاف *** حـتى خشمه ما ينشاف

جانا به غيض وزعلان

قالي أنت من اين أوين*** قلت من الربع الأدنين *** يا عشير المزاييـن

صدقني من دون أديان

قال ياهلابك ميه وألف***علي الطلاق وحلف***ركب الهاف ودقه سلف

وذبّح بالموس الطليان

يامن يسألني وأجيب***أسولف له بالترتيب***ترى القصص مابه عيب

أصل الحوازم فدعان

الحازم ضنا خميس *** فزعتنا اليا حضر إبليس *** يكعمون المناحيس

ولاهم بالهية شردان

واللي يجيهم بالطيب *** يلقـا نعـم المعازيـب *** مثـل السكـر بالحـليـب

لا دهج كبد العطشان

واليا قلنا عيال العود *** وردينا لسيف وبارود *** اللي يناطحنا مقرود

ما ينهج عدل الجنحان

وأن جو الهضبي فزيع *** وأجتمع جمع الجميع *** عدو البده ما يطيع

الا يشاهد بالأعيان

وأن جاء جمع الحناتيش***هل القويدا المداغيش***صدق مابه تفاتيش

حنا بلياهم عرجان

وضحوة وأولاد الياس***هل القهاوي والباس***محزمنا وعصابة راس

لو نزعل بعض الأحيان

وعيال أخونـا الكبيـر *** لهـم عنـدنـا تـقـديـر *** الـلي يـبـونـه يـصـيـر

سيافا اليا اللغى شان






آخر تعديل عبدالله بن عبار يوم 05-28-2022 في 05:44 PM.
رد مع اقتباس
قديم 05-26-2022, 12:17 AM رقم المشاركة : 2
معلومات العضو
عضو جديد
إحصائية العضو







فهد١ غير متواجد حالياً


افتراضي قصيدة

........................







آخر تعديل فهد١ يوم 05-26-2022 في 03:02 AM.
رد مع اقتباس
إضافة رد

المواضيع المتشابهه
الموضوع كاتب الموضوع المنتدى مشاركات آخر مشاركة
مقاطع من الشعر لشعراء من قبيلة السلقا عبدالله بن عبار المقالات العلميه والبحث العلمي 18 06-03-2023 05:53 AM
قصائد ومقاطع من قصائد في مدح قبيلة الفدعان عبدالله بن عبار الركن الخاص بقصائد الشاعر عبدالله بن عبار العنزي 0 04-15-2018 11:02 AM
قصص وقصائد لشعراء من قبيلة الدوام عبدالله بن عبار المقالات العلميه والبحث العلمي 10 07-25-2017 04:49 AM
شيخات القصايد لشعراء قبيلة عنزه فايز المهيدى سوالف التعاليل 1 04-02-2014 01:17 PM
قصائد لشعراء من ولد علي عبدالله بن عبار المقالات العلميه والبحث العلمي 6 06-26-2010 05:03 PM


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 05:40 AM.


Powered by vBulletin® Version 3.8.11
Copyright ©2000 - 2025, Jelsoft Enterprises Ltd 
vEhdaa 1.1 by NLP ©2009