قرب القبور اللي عليها النصايب
اخير من قرب العفـون الـرديـيـن
.....................................

بعض العـرب ياليـت ماهـم قـرايب
.............. وياليتهــم عنـا من اول بـعيـديــن
مـاكان شـفنا من بعضهـم غـلايب
............. ولا كـوتـنـا نـار الاقـراب يا حسين
ازوال واجـد بيـن شـبً وشــايـب
............. مير الهقاوي يا خســاره تخـامين
اثـر الـردا يا حسين مابـه طبايـب
............ عدواه تسطـي باللحم والشرايين
اللـي بحـزات المـواجيـب غــايـب
..............وطنش مشاريه العـرب والقوانين
وش ينبغـابه ذاك وقـت النشـايب
............. اللاش مـابـه نـادره تـطـرب العيـن
للغـانمـه مــاهو امــودي وجـايـب
............ ميّت ولوهو حي في وسط حيين
نبـغي فـراقـه مـا نبيـله كسـايـب
............ بُعده ولا قربه عسى فاله الشيـن
ليا صــار مالـه بالمــراجل رغـايـب
............ وش عـايشـله ميّـت النـار للحيـن
مـاهـو مـن اللي يتعبـون الركـايبـ
............ باللازمـه ياتــون لـو هـم بـعيـديــن
الخـايـب اللـي مـن مبـاديه خايـب
............ يظـل خــايب لينــه يواســد الطين
قـرب القبـور اللي عليهـا النصـايب
............ اخيـر مـن قـرب العفــون الـردييـن
الطيب قسـمه والمـراجل وهـايـب
........... وليـّا تــرد ا الحظ خـل المــوازيــن
شفت الغبينـه والعجب والغـرايـب
........... شفت الحسد بعيون ربعً حقـودين
حيث الغشامه من كبار المصايـب
......... ونقص العقل ينتج عنه نقص بالديـن
ولا اقـول انـا قــولً بـليـا ســبايــب
..........حدوني اختوش العرب والمساكين
ومن لانفعنـي بالـوغـا والنشـايـب
........هذاك يحسب من احساب النسـاوين

محمد بن سوعان الربيّع

قرب القبور اللي عليها النصايب
اخير من قرب العفـون الـرديـيـن
.....................................

كلام يكتب بماء الذهب الشاعر القدير محمد بن سوعان الربيّع شاعر مرهف الاحساس ويبدو أنه انفعالي ولا الومه حيث أن معظم رجال هذا الزمان كما ذكر ولا حول ولا قوة إلا بالله ومع الأسف أنني أسمع بعلم الحامولة الفلانية ثم بعد أن اخالط رجال هذه الحمولة واعرفهم عن كثب أندم على معرفتهم والكثير من الرجال الذين كان لأجدادهم سمعة طيبة اتكلوا وتخلّوا عن قيم أهلهم والبعض منهم يستخدم سمعة جدوده للكبر والغطرسة ويرى أنه هو في السماء وخلق الله في الأرض وهناك البعض كما ذكر الأخ محمد والله المستعان

لاهنت اخوي واستاذي الكريم ابو مشعل
للاسف هذا هو الواقع المرير
وعلى ما قيل تحصيل حاصل
قـرب القبـور اللي عليهـا النصـايب
............ اخيـر مـن قـرب العفــون الـردييـن
الطيب قسـمه والمـراجل وهـايـب
........... وليـّا تــرد ا الحظ خـل المــوازيــن

تـسلم وتقبل خــالص الشــكر والتقديــر