الكامل الله والخطا طبع { الانسان }

والدرب يفرق عن يساره يمينه ..




و { الصاحب } ا للي له معزه وله شان
ان جاني بشينه .. تذكرت زينه ..




اتحمل اخطاءه معي {قدر الأمكان}
من جانبي تبقى العلاقه متينه ..




واللي { يغلطني } وانا ماني بغلطان
اصابعي احطها { وسط عينه} ..




مادامني مسلم وفي قلبي إيمان
عمر{البحر } ماشال هم السفينه ..




مرت علي {انواع .. واشكال .. وألوان}
بين { العقول } الناقصه .. والرزينه




عندي قناعه ان { الإنسان شيطان }
اذا يهينك { لازم } انك تهينه ..




يعني اذا حاجتك { بيدين عدوان }
يكفيك شر المهزله .. والغبينه ..




من{ كثر ماجاني } من الناس خذلان
تحرجني حتى كلمة { الله يعينه }




صحيح لي {ربع .. وجماعه .. وخلان }
وأضيق لكن حاجة الناس.. شينه




الشخص دام انه بكل شي{ خسران}
تأكد انهآ من عمايل { يدينه } ..

	موفق بإذن الله ... لك مني أجمل تحية . يا أبو زياد

مشكور اخوي رياض
شـكــ وبارك الله فيك ـــرا لك ... لك مني أجمل تحية .

الاخ ابوزياد مهمى قلت او كتبت عنك فشهادتي فيك مجروحة ياغالي فأنت لي أكثر من أخ ولاكن أسئل الله العلي العظيم الولي القدير بان يسعدك و يحفظك من كل سوء ومكروة وأن يجعل عمرك مدد مالة عدد 0

أخوك أبو هديل الجعفري

أخي ابو هديل الف شكر على مشاعرك
حفظك الله
أخوك أبو زياد