قصيدتي بحفل ملتقى قبيلة عنزه الذي اقامه شاعر عنزه ومؤرخها عبدالله العباربقصر الألماسه بالرياض تكريماً للشيخ الدكتور حسين الطويلعي بتاريخ 3/10/1435هـ
والهدف من ذلك تكريم رمز من رموز القبيله وجمع القبيله للتعارف والمعايده فلك منا يابو مشعل كل التقدير والاحترام على ماتقوم به اتجاه القبيله والشكر موصول الى اخي المهندس مشعل عبدالله العبار والقائمين على الحفل .

في يوم ثالث عيد عيدٍ وفرحات=وتعارفٍ لابناء جميع القبيله
هذا الفخر ياهل الفعول القديمات=قبيلةٍ ياعز من ينتميله
ياعيال وايل والحقايق لها اثبات=اقول قول الحق عندي دليله
لولا التعارف ماعرفنا الجماعات=ولااحدٍ عرف دمه من ايا فصيله
وعند التعارف يثبت الاصل بالذات=ياهل الفعول الطيبات الاصيله
واللي دعانا له سلام وتحيات=مشعل على اسمه والفعايل جميله
ماهو غريب الطيب من فايتٍ فات=ابوه بالشعار معروف قيله
عبدالله العبار مثل المحيطات=على العداء يصفق بجيشه وخيله
كريم يكرم لليدين الكريمات=يمناه بالمدات ماهي بخيله
واكبر دليل اليوم ماهي دعايات=يكرم يمينٍ بالجمايل طويله
احسين ترفع له من العز هامات=هامات عز اللابةٍ يعتزيله
يستاهل التكريم ياهل الكرامات=المدح كساب الثناء يستويله
قصرتها والا المدايح طويلات=اخترت بخيار الحروف الجزيله

صح لسانك يا أخ راضي وبيّض الله وجهك على هذه المشاعر الطيبه وكل عام وأنت بخير

صح لسانك إخوي راضي

وبيض الله وجهك حتى ترضى


والممدوحين يستاهلون


وفقك الله لكل خر

صح السانك على هذه القصيده الرائعه

صح لسانك اخوي راضي واحسنت ولاهنت وشكراً لك والممدوحين أهلاً لذلك
حسين الطويلعي يستاهل المدح وهو نموذج لربعة وقبيلتة العريقة
والأخ المهندس / مشعل بن عبار ذلك الشبل من ذاك الأسد وهل يخفى القمر فشكراً لة وبيض الله وجهة على هذه البادرة النبيلة لصالح القبيلة
تحياتي للجميع.

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

صح لسانك يا أخ راضي وبيّض الله وجهك على هذه المشاعر الطيبه وكل عام وأنت بخير

صح بدنك ابو مشعل وبيض الله وجهك وكل عام وانتم بخير

اقتباس : المشاركة الأصلية كتبت بواسطة حمد الضوّي [ مشاهدة المشاركة ]

صح لسانك إخوي راضي وبيض الله وجهك حتى ترضى والممدوحين يستاهلون وفقك الله لكل خر

صح بدنك اخوي حمد ووجهك ابيض الله يوفقك

اقتباس : المشاركة الأصلية كتبت بواسطة نهير بن رخيص [ مشاهدة المشاركة ]

صح السانك على هذه القصيده الرائعه

صح بدنك شرفني مرورك

اقتباس : المشاركة الأصلية كتبت بواسطة علي ثاني الطويلعي [ مشاهدة المشاركة ]

صح لسانك اخوي راضي واحسنت ولاهنت وشكراً لك والممدوحين أهلاً لذلك حسين الطويلعي يستاهل المدح وهو نموذج لربعة وقبيلتة العريقة والأخ المهندس / مشعل بن عبار ذلك الشبل من ذاك الأسد وهل يخفى القمر فشكراً لة وبيض الله وجهة على هذه البادرة النبيلة لصالح القبيلة تحياتي للجميع.

صح بدنك اخوي علي اشكرك على مشاعرك الصادقه دمت كما تحب

تحيه طيبه للاخ الشاعر راضي بن جفين العنزي واقول صح لسانك وعافاك الله . كلمات جميله معبره في المناسبه رعاك الله
اقبل تقديري واحترامي