(( العلم المجمّل ))

__________
____
.
.


يامـدوّر العلم .. الجميل .. المجمّل=من أول سنين صباك حتى تشيّب
على . طريق الطيب . واصل وكمّل=ولا تهاب .. من الصّعاب .. المهيّب
ولا تقرب . العيْ . الكسول . المخمِّل=اللي نَهَجْ .. نَهْجْ .. العفون المعيّب
واللي .. يقول .. ولا بـ قوله يصمّل=واللي .. ليا جاء لازم الربع .. غيّب
واللي .. يحاول .. بالكلام يتجمّل=وإن عوّدت للجِدّ .. خايب . مخيّب
لا جاء .. لزومه .. قام جسمه ينمّل=وتروّح ... علومه ... مـراح الهبيّب
عليك .. باللي .. للثّقال .. يتحمّل=ومعوّد لسانه على .. أبشر وطيّب
طلْق الحجاج .. لـ واجبه مايهمّل=ويثنى عليه .. الأجنبي والقريّب
حتى ولو بالدين .. ظَهْره محمّل=باذل كرم .. كفّه .. هماليل صيّب
وغيره .. لبس رثّ الثياب المسمّل=وماله كثر رمل الندف .. والكثيّب
ياما أكثر .. فروق البشر لو تأمّل=هداج مـا يشبه ضحـاح . القليّب
.
.
.

حمد الضوي

صح لسانك نصيحه في محلها طابت أوقاتك وشرح الله صدرك للعلم والأيمان

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

صح لسانك نصيحه في محلها طابت أوقاتك وشرح الله صدرك للعلم والأيمان

صح بدنك يابو مشعل

وجزاك الله خير على دعواتك الطيبه
طيب الله فالك وسلم الله حالك

الف شكر يا ابا مشعل مرورك شرف

صح لسانك اخوي حمد الضوي
قصيدة فريده ، قاف ومعاني وجزاله وتمكن

لاهنت ، تقبل تحيتي

اقتباس : المشاركة الأصلية كتبت بواسطة فهد المسيكي [ مشاهدة المشاركة ]

صح لسانك اخوي حمد الضوي قصيدة فريده ، قاف ومعاني وجزاله وتمكن لاهنت ، تقبل تحيتي

صح بدنك اخوي فهد المسيكي

ولاهنت على الإطراء شكرا لك على العبارات الراقيه






انقى التحايا