الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر عبدالله بن عبار العنزي
الركن الخاص بقصائد الشاعر عبدالله بن عبار العنزي كل ما استجد من شعر شاعر قبائل ربيعه الشاعر عبدالله بن عبار والإسناد عليه
 

إضافة رد
 
   
أدوات الموضوع انواع عرض الموضوع
 
قديم 11-13-2013, 09:18 PM   #1
صاحب الموقع
 
تاريخ التسجيل: Mar 2008
المشاركات: 9,474
افتراضي قصيدة أشادة في قبيلة الشرارات ,رد ثناء

( قصيدة أشادة في قبيلة الشرارات ورد ثناء )

قال عبدالله بن دهيمش بن عبار العنزي هذه القصيدة يثني على قبيلة الشرارات بعد أن شاهد منهم الحفاوة والأكرام أثناء الزياره لهم بدعوة منهم وأخص بالذكر بعض الرجال الذين أكرموني مشكورين ومنهم الشيخ مهدي بن عسّاف بن دعيجا والشيخ سعيّد بن جحليش بن كحلا والشيخ لافي بن شطيّط بن خضرا والشيخ صالح بن عليه والشيخ فهد بن دليمان بن ضاهرة والشاعر حامد بن عقلا والأخ مبارك بن محيلان والشيخ صالح بن مهدي بن دعيجا وجميع الرجال الذين التقيت بهم والأخوة الشعراء وبعض أنجال الزملاء القدامى وقلت :

يا مكـثـر الـلي لـلـشـرارات مـديــون *** بـزرع الجمايل طيبهـم مالـه احـدود
ربـع عـلـى فـعـل الجـميـل يتنـاخـون *** ريف الذي من جاير الوقت مضهود
أقـولـهـا ومـن ينكـر الفضـل ملـعـون *** معـروفهـم مـا يجحـده كـود جاحـود
الضـيـف مـن عـاداتـهـم بـه يهـلـون *** سلم العرب من دون غايـه ومقصود
وعـلـى بـعـضهـم باللـوازم يحـامـون *** ومن نال نعمه عندهم ليس محسود
ويـوم الحسام بوجه الأضداد مسنون *** يروون حـد الـلي من الشلف مزنود
لاهاجت الهيجاء على الموت يردون *** حـمـايـة الـسـاقـه صنـاديـد وفـهـود
الـلاّبـه الـلـي بـالـمـواثـيـق يـوفــون *** مـا باقوا الصاحب ولا خانـوا عهـود
الـلي تكـنّـوا بـالـوفـاء مـا يخـونـون *** أهـل فـوايـل نـاصـعـه مـابـهــا سـود
صيد الرجال كرامهم صعب يحصون *** بشخوصهم ماحيط والعـرف محدود
مـنـهـم نـوادر بـالـفـعـال أيـتبـاهـون *** يا بـعـدهـم عـن كـل عـايـز ومنـقـود
أضهـر ثـنـاهـم والمخاليـق يـوحـون *** مجـدتهـم بالصـدق والهـرج مسنـود
أبـي الـرجـال بـطـيّـب الذكـر يـدرون *** ولاني بحـال الـلي من الناس منكـود
والـمـدح والتمجيـد مـا صـح لعـفـون *** ولا طاب اللي كفّه من البخل مجبود
أدنـاهـم الـلـي بـالـمـلـمـات يـكـفـون *** عن كل غايب سـد مـن كـان موجـود
جـيـت الـرجال الـلي نبـاهـم يحيـون *** ومضايـف يوجـد بهـا الهيـل والعـود
في بيت شيخ شيخته مابهـا ظـنـون *** مـن نسـل خـلـف ينتبـه حـامي القـود
مهـدي أبـن عسّاف بالفعـل مبخـون *** أبـن دعيجـا الـلي بـه الطيـب ماكـود
أثـنـي عـلـيـه وكـل الأجـواد يـثـنـون *** لـه الـفخـر موروث مـن جـد لجـدود
والـقـرم أبـو معتـق لطيـبـه يحمـدون *** صاحب كـرم يلفي عـلى بيته وفـود
مـا يـكـفـي سعـيّـد مـن النعـم مليـون *** جـزل العطايا صاحب البـذل والجـود
وش عـاد لـو عنده كثـر مال قـارون *** مـن جـود كـفّـه يـودع الـمـال يـبّـود
صينيته تـربـوا عـلى عشرة صحون *** فـي وسطـهـا أربع ذبـايـح ومـفـرود
شوفي بعـيني مـاهـو قـول يقـولـون *** قـّلط خـراف الضان مع حاشي الذود
وقبل الكرامه جاب لـي زاهـي اللّون *** جـيـب شـراه مـن الـوكـالات بـنـقـود
اقـسـم يـميـن وكـل ربـعـه يحـلـفـون *** أنــه هــديـه بـالـقـسـم غـيـر مـردود
واليوم صرت لطيّب الفعـل مـرهـون *** قـولـي بتمجيـده لـه اثـبـات وشهـود
وأثني على قرم وصلني مـنـه عـون *** لافي شطـيّـط مـا ذخـر كـل مـجـهـود
تـزهّـل بـجـيـبـي وأنـا مـنـه مـمنـون *** قـال أتركه لأصلاحـه المـال مرصود
شهـم وكـريـم وذرب مـا يتبع الهون *** يـبـذل كـرم مـاهـمّـه النقص والـزود
القـرم الـلي ربـعـه بـطيـبـه يشيدون *** ديـوان قـصـره للـمسـايـيـر مـشيـود
وصالح ومبارك كيف يالربع ينسون *** جوني ولا حولي مـن الناس ماحـود
نـعـم الـرجـال الـلـي عـلـي يـتعـنـون *** أثـنـي عـليهـم كـل مـا هبهـب الـنـود
وأبـن عـلـيـه لـه الأجـواد يـغـلـيـون *** تلقا الغضا في جانب القصر منضود
وفـهـد أبن دليمـان بـالطيّـب مفتـون *** مـا عـوقـه عـن طـيّـب الفـعـل لادود
وحـامـد أبن عـقلا عـرف كـل قانون *** بالملـزمه يرسي مـثـل شامخ الطـود
وعـيـال مـكـلـب كـلهـم مـا ايتـردون ** ولا جيتهم محتاج وأبحث عن الفـود
مـدعـو مـن الـلي للكـرامات يدعون *** والحـادث الـلي صار في قـدر معبـود
ومن طبعهـم عـنـد اللـوازم يقيفـون *** مبـطي لهـم وقـفات في حـّزت الكـود
وشلون ما أذكر طيّب الفعل وشلون *** من حيث ما يكما الحسب كود مقرود

عبدالله بن عبار متواجد حالياً   رد مع اقتباس
قديم 11-14-2013, 08:03 AM   #2
المراقب العام
 
تاريخ التسجيل: Nov 2010
المشاركات: 598
افتراضي

صح لسانك يابو مشعل وبيض الله وجهك
وقبيلة الشرارات يستاهلون لاشك
وانت كذلك ماقصرت تستاهل
__________________

نقره لعرض الصورة في صفحة مستقلة
حمد الضوّي متواجد حالياً   رد مع اقتباس
قديم 11-27-2013, 11:47 AM   #3
عضو جديد
 
تاريخ التسجيل: Nov 2013
المشاركات: 2
افتراضي

السلام عليكم ورحمة الله وبركاته بيض الله وجهك يا بو مشعل وصح السانك ورحم الله والديك وسدد الله خطاك وانت ما قصرت ونعما بك وبقبيلة عنزة الوائلية العريقة واتقدم بالشكر الجزيل للقائمين بالمنتدى كما ان والدي الشيخ/فهد بن دليمان بن ظاهرة يتقدم لك بالشكر الجزيل وتستاهل الطيب
مشعل بن فهد الظاهرة متواجد حالياً   رد مع اقتباس
قديم 01-07-2014, 04:40 PM   #4
صاحب الموقع
 
تاريخ التسجيل: Mar 2008
المشاركات: 9,474
افتراضي

وهذه القصيدة قالها الشاعر سالم القريعا اليمني بحفل قبيلة الشرارات يثني على الشيخ سعيّد بن جحليش الشراري وينوّه عن موقفه المشرّف :

يا الـلـه يا منشي المـزون المراهيش *** تـسـقـي وطـنـا يـا عـزيـز الـجـلالـه
كـلن يجـي يـمـه يـبـي لقـمـة العـيش *** ويعيش فـي نـعـمـه وتصلح حـوالـه
والشكرك لـلـه ثـم لـك يابـن جحليش *** عـطـيـت ابـن عـبـار جـيـب وكـالــه
يـوم أنقـلـب جيبـه دفعت الثمن كيش *** وأهــديـت لـه جـيـب جـديـد بـدالـــه
بعض العـرب لـو يملك المـال حتيش *** مـالـه عـلـى قـده وعـيـشـة عـيـالــه
الـطـيـب دايـم للـرجـال الـمـداغـيـش *** الـلـي يـدركـون الـثـنـاء والـجـمـالـه
وراس الظبـي مـا يلتقابـه عـراميش *** ولا أنـت ابـي اسميك مرخص حلاله
حـراً اليـاجـاه الطـلب ينفض الـريش *** راعي الـوفـا راعي الكرم والجزالـه
لـك موقـف يـروي الكبود المعاطيش *** وربعـك هـل الوقفات فـي كـل حـالـه
ولاهي غـريـبـه يا بعـيـد المطـاريش *** طيب الرجل من طيب عـمـه وخـالـه
عـطيتوا الخلفـات والارض والجيش *** وكـلـن يـعـد الطيـب لا جـاء مـجـالـه
مثـلـك عـمـل عـواد يـا عـلـه يعـيش *** عـواد ابـو شاكـر عسى الخيـر فـالـه
واختامها صلـوا عـلي صفوة قريش *** نـبـيـنـا الـلـي مـرسـل بـالـرسـالـــــه
عبدالله بن عبار متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
الشاعر راضي جفين العنزي يمدح قبيلة الشرارات راضي جفين العنزي الشعر الشعبي المكتوب 8 12-02-2013 11:45 AM
زيارتي لقبيلة الشرارات في طبرجل ومنطقة الجوف عبدالله بن عبار الركن الخاص بقصائد الشاعر عبدالله بن عبار العنزي 12 11-28-2013 12:11 PM
فيديو قصيدة الشاعر عبدالله العبار في حفل قبيلة البلاعيس لتكريم قبيلة شمر وائل عبدالله العبار الركن الخاص بقصائد الشاعر عبدالله بن عبار العنزي 2 08-24-2013 12:55 AM
قصيدة للشاعر عبدالله العبار بصوتي اتمنى تنال اعجابكم سعد فرحان الجفران القصائد المنشده والدحه والهجيني 18 11-05-2012 01:22 PM
تهنئة خاصة لصاحب المنتدى وللشويرد عامة في أنحاء المملكة صقر الشويرد الضيافة 4 02-18-2008 09:23 AM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 02:36 AM.


Powered by vBulletin® Version 3.8.8 Beta 3
Copyright ©2000 - 2021, Jelsoft Enterprises Ltd 
vEhdaa 1.1 by NLP ©2009