مساجله بيني وبين الشاعره قمرا ســـــــــما
......................

ــــــــ ياوجد حالي وجد من ضيٌع الطيرـــــــــــ


الـقــلــب لافــنـــهّ قــديـــم الـمـعـاصـيـر
جــروح روحــن بالـضـلـوع معـطـوفـه
تحفهـا ذكـرى الـوصـل حــزة عصـيـر
وابـقـى ثـمـان ايـــام تـقــل مخـطـوفـه
وبعـد الثمـان تخـاشـرن بالمصـاديـر
دمع القهـر , ضيـم المعنـى وخوفـه
يامحـمـد السـوعـان مسـيـت بالـخـيـر
يـابـن الـحـرار الـلــي تـكــرمّ ضـيـوفـه
القـلـب حـايـر بـيــن عـــذال ومـشـيـر
كلـن يـقـول انسـيـه وانـسـي طيـوفـه
ياوجد حالي وجـد مـن ضيـع الطيـر
طيـره شـلـع مــن بـيـن كـفـه وشـوفـه
تشـابـكـت دونــــه غـيـومــن ديــــر
وارخــى لجنحـانـه ريـاحـن عـصـوفـه
أو وجـد مـن صكـوا عليـه الطوابيـر
مهـربّ نفـت بـه عـن ديــاره ظـروفـه
محمـلّ حشيـش وخالـطـه بالقـواريـر
الفقـر كااااافـر واستـوت لـه حتوفـه
حــــركّ وشــغـــلّ واتــكـــلّ والـتـدابـيــر
بيـديـن مــن نـفـسـه لـعـبـده عـطـوفـه
الجيب ضـاري والخـوي ساتـر البيـر
وطريـقـهـم عـلــى الـنـفـود مـحـفـوفـه
طـعـســاً يـبـيــنّ جـيـبـهـم بالمـنـاظـيـر
وطـعـسـاً يـخـفـيّ نــورهــم بالـكـلـوفـه
مـن خلفهـم جيبـاً قطـع لـه مشاويـر
عـلــيــه رشــاشـــاً عــديـــم الــمــروفــه
اقـفــى وراهـــم بـعــد تبـلـيـغ تـحـذيــر
يـرمــي ويـخـطـي والـحـيـاة مـخـلـوفـه
اقـفـوا مــع دروبــن طريـقـه عواثـيـر
ذيابـة خـلا والحـظ عــارض جـروفـه
الـرمــل غـطــى جـيـبـهـم والشـنـاكـيـر
تجـرف مــن تـلالـن تـلاشـت هفـوفـه
بالطعس تسمع حشرجة نافخ الكير
وتوحي ليا جا الرمل حس الجفوفه
لـحـقـهـم الــرشــاش هــمــال ويــديـــر
يبـي الهـدف واطلـق حمايـل كتـوفـه
وبعد العنا والجهد وين انت يالخير
صـابــوا خـويــه واسـتـقــرت بـجـوفــه
وتـوهـق وشــاف الغـثـا والمخـاسـيـر
مـات الخـوي والجيـب طـقـت بلـوفـه
ولـمـوا عـلـيـه بغـربـتـاً كـنــه الـصـيـر
وحـطـوا الـحـديـد وكلـبـشـوه بعـنـوفـه
بصـمّ علـى اوراقـه وشـاف التقاريـر
قـطــوهّ فـــي سـجـنـاً قلـيـلـه شــروفــه
هذا الهجر من غيـر عـذر ومعاذيـر
هــــذا الالــــم لاقــبــل تــزفــه دفــوفــه
يامحمـد اقــرأ حــرف قـمـرا بتصخـيـر
وانصـح , وحـاول لاتـروع مخفـوفـه
ياعيـن منهـو طــال روس العناقـيـر
يالـلـيـث لاتـجــرح مـشـاعـر شـفـوفــه
جاك الشعر يابـن الرجـال المناعيـر
اقـبــل مـــن الـقـمـرا جـدايــد قـطـوفــه
قمرا سما



ردي على الاخت الشاعره قمرا
اتمنى ان اكون قد وفقت بالرد المناسب
فل تعذرني الاخت ان لم يكن ردي قد اوفى بالغرض المفروض .

....................يامرحبا باعداد نبت النير.............................

حــي الجـواب اللـي لفتبـــه تعــابير == والـدر والياقـوت يشـــدي اصفــوفه
جـــاني من اللـي لـه معـزه وتقـدير == من الجادل اللي من نوادر اخشـوفه
دزه لنــا ســــيـد البنـــي الغنـاديــر == قمـرا ســـما خطــت معانـي احـروفه
يا مــرحبـا باعـداد نبــت النــير == واعــداد مـا هــب الشمـالي هفـوفــه
واعداد مظعون السلف والمظاهـير == واعــداد حاتـم طـي ما اكـرم اظيـوفه
قمـــرا شــكت هجران ربـعً مدابيـر == اقفــوا كمــا مـــزنً تخــيله ابشـــوفه
تحــدها الفــرقا وحـكــم المقــاديـر == وتهــزها الذكــرى وطــاري اولــوفه
والشوق نـاره تحرق القلب واتهير == ومـا لــوم قمـرا يـوم تصـفق اكفـوفه
ومالومها ايضا لو تسوق التباشير == للــي يبشــر قلبـهــا عقــب خـــوفــه
وان كان خلك مخلصً فاانت لاتحير == ان كـان قلبـه فيــه صـدق ومـروفـه
بيرجــع ولــو تنحـاه عـنك الاداهير == هــذي مــزايا الصـادقيـن صـوفه
وان كـان دوٌر بـك بديـلً مع الغيـر == تعـوٌض اللــه فيــه مـالك ابشـــوفــه
خلـه علـى وجهـه ولا ترتجـي خير == واللي يعـافـك وايتـناساك عـــوفه
وارفــع بنفســك فـوق كــل المعايير == واصبــر وحــزات العــذاب امخـلوفه
الحــب شــابت به قلـوب المنـاعيـر == فرسان طاحوا فـي مهافـي اجـروفه
وراع الهـوى دايـم عيـونه سواهير == وتقضـي حيــاته بيـن هـم وحسـوفـه
دوك النصيـحه وابـي اذكـرك تذكير == لاتـعتجــل مـن دون تعـلـم ظــروفــه
لاتعتجــل مــــد النظـــر والتبـاصير == عـــن لا تنـــدم والنــدم بــه كلـــوفه
جــاك الجــواب اللي صخرناه تصخير == ونفسي علـى رد المعاني لهـوفه
ابي انصح اللي يطلب الراي واشير== والحــق بيٌـــن والمبـــادي تحــوفــه
وابي السمـوحه كان بالقيـل تقصير == عل وعسى صبت الهدف وسط جوفه

محمد بن سوعان الربيٌع

منذ القدم يبرز من النساء موهوبات مثل الخنساء السلمية وليلى الأخيلية ومن الشاعرات الشعبيات موضي الدهلاوية وموضي البرازية وهاهي أختنا قمرا تساجل شاعر من كبار الشعراء وهو أخينا الفاضل محمد بن سوعان الربيّع وكانت تهدف إلى شيء في خاطرها وقد أجاب الأخ محمد أجابة شافية

اشكركم استاذنا واديبنا الفاضل ابو مشعل
وما اطرائك واشادتك الا وسام ازين به صدري
وشهاده اعتز بها من شخصكم الكريم
لاهنت يابو مشعل وتقبل خالص تقديري