( من القصائد التي القيت بحفل التكريم )

قال الشاعر راضي بن سعد بن صليبي الضوي الجعفري
هذه القصيدة في حفل العليان بمناسبة تكريم عبدالله بن
دهيمش بن عبار :

تـوكـلـنـا عـلى الـلـه جـل شـانـه خـالـق الأنـسـان
هو الخالق هو الرازق هـو الـواحـد هـو المعبـود

وبـعـد ذكـر الـلـه الخالـق بديـت بهاجس القيفـان
دخـيلـك يا هاجـوس الشعـر لا تذخـر عن المنقود

يطـيـب الشعـر والشاعر بحـفـلـة محـزم عـلـيـان
لـو أن منصـور مـا يكـفـيـه بطيبـه شعـر مـعـدود

فعـول القـرم مشهـوده مـا يلحـق وقـفتـه نقصان
عـلى مـا تـقـدمـه يمنـاه من فعـل الكـرم محـمـود

يا أبـو إبراهيم فعـلك بالوفاء والطيب لـه عـنوان
يشوش الراس من طيبك ويفخر بك عريب جدود

حـفـيـد لـلـطـنـايـا والـطـنـايـا لـفـعــلـهـم بـرهـان
سـنـاعـيس لـهـم تـاريـخ يـوم الـفـعـل بـالـبـارود

لـهـم مجـد مسطـر يـوم وقـت الفـعـل بـالـمـيـدان
تـوارث مجـدهـم مـاهـو جـديـد والـعـبـاد شـهـود

وميـقـافـك ومـعـروفـك ومـجـهـودك لـوايـل بـان
وتكـريـمـك لشـاعـر وايـل اللـيـلـه فـخـر مسنـود

هـذا عـبـدالـلـه دهيمش لـو نسجّـل عـنـه ديـوان
لا يمكـن نـوفـيـه حـقّـه مـهـمـا نـدبـل المـجـهـود

هـو الشاعـر هـو الـراوي هـو التاريخ والـربّـان
هـو الـلي سجّـل الأنساب من وقـتي ألـيـن العـود

ومـن لا يعجـبـه قـولي يـطـق الـراس بالجـدران
ما يجحـد موقـف الطيـب يكـود الحاسد المقـرود

مضّى عـمـره عـلى شـان القبـيلـه دايـم سهـران
مـن الـلي غـيـر عـبـدالـلـه تـقـدّم قال أنا موجود

نـسـب وايـل بفضـل الـلـه ثـم وقفتك شانـه شان
واللي ما يشوف ميقافك ما يعرف نقصها والزود

وصـلّى الـلـه عـلى محمد عـدد ما هـلّت الأمـزان
شفيـع الخـلـق فـي يـوم يـشيّـب هـولـه المـولـود




وقال عبدالله بن دهيمش بن عبار هذه القصيدة مجاراه لقصيدة
راضي بن سعد بن صليبي الجعفري :

يا هلا ومرحبـا براضي كـلامـه يشبـه المـرجان
يشابـه للذهـب مسبوك لحـزاّت اللّـزم مرصـود

يا أبـن سعـد حفظك الله هـلآ يا خـلفة الفـرسان
حشيم وجدك صليبي شجاع بيوم عـصر القـود

وقـفتك ماهـي غـريـبـه وربعـك عـزوة سليمـان
لـهـم جـمـعٍ يـعـتـزابـه بـيـوم بالمـيـدان حـشـود

وأنـت شرفـني حـضـورك بحـفـل خـلـفـة عـليـان
حفل منصور واخوانه من أصحاب الكرم والجود

ونعـم في خـلـفـة إبـراهيم مشاهيرٍ من القصمان
أبـن مـبـارك لـه مفعـول بزمان الجـفـاء والكـود

عـزيـز وشهـم ومعـروف عند الحضر والبـدوان
أهـل القصيم تشهـد لـه كـريـم ولـه فعـل مشهود

مـن أهـل الـبـر والأحسان يسيـر بمنهـج الـقـرآن
حـلـيـم وسيـرتـه عـطـره ويـذخـر بالليال السـود

سليـل الجـود عـاداتـه يـجـود ويـكـرم الضيـفـان
بشـوش ولا قـفـل بـابـه ديـوانـه بالـنـبـا مشيـود

عـفـيـف وشهم ومـديّـن ولا يـشكـونـه الجـيـران
وسـلـم الـطـيـب مـن والـد يـعـقّـب ورث للمولود

ونـعـم بخـلفـة عـليـان كـرام وعـرضهـم منصـان
السنـاعـيس مـن عـبـده طـنـايـا وعون للمضهود

وأنـا مـدان لـلّـي حـط كـرامـه حـشـو مـع خـرفـان
غـزيـر الـزاد بصحونه ويعـلـوه الشّحـم مـنـضـود

هاـك الصـالات تشهدلـه ويشهـد مطبـخ السلمـان
أبـد مـا عـد مصـروفـه ولا فـكّـر بـصـرف نـقـود

تـكـلـّف فـي مـصـاريـفـه ولـكـن الـكـريـم مـعـــان
حـلـف بالخـالـق الـبـاري لـزوم يـنـفّـذ المقـصـود

عـزم ربـعـه وصدقـانه لحـفلـه وأحضـر الأخـوان
اخـوانـه بالكـرم مـثـلـه كرمهـم ليس هـو محـدود

وقال الشاعر كريّم بن رحيّل الجعفري هذه القصيدة في حفل العليان لتكريم زميله عبدالله بن دهيمش بن عبار :
موهـبـة شعـر النبط تعبيـر وابـراء ذمّـه *** دايـم الشّاعـر يعـبّـر مـا تـكـن اشـعـوره
شـاعـر مـاهـو مـوردهـا غـزيـر الجـمّـه *** ودّك أنـه لا تـكـلّـم يـنـكـتـم حـنـجـــــوره
وأن دعـانـا طـيّـب الأخـلاق جـينـا يـمّـه *** البيـوت مشرعـه والحفـل سـاطـع نـوره
الـكـريـم الـلـي الـيـا قـال الـكـلام يـتـمّــه *** موعده خمسة عشرفي قاعة المقصوره
المـعـازيـب العـلـيـان الشّـرف والـهـمـه *** روسهـم متجـملـه وجـهـودهـم مشكـوره
كـرّمـوا عـبـدالـلـه العـبـار راس الـقـمّـه *** شاعـر وراوي وقـرم ووقـفته مشهوره
الـرجـولـه والـحـمـيـه جـاريـه فـي دمـّه *** العرب تشهد على ماقلت صوت وصوره
مـا نـصـدّق فـيـه مـتـمـرد وراعـي نـمّـه *** النفـوس المغـرضـه والعالـم المسعـوره
وأبشروا بالخـيـر وعـلـومٍ جـداد مـهـمّـه *** ديـنكـم منصـور مـثـل بـلادكـم منصوره
وبـاقـيـاً كـلـمـه فـقـط يـالعـالـم المـلـتـمّـه *** الـلـه أنـه يـنـصـر الإسـلام وأخـو نـوره

قال عبدالله بن دهيمش بن عبار هذه القصيدة مجارة لقصيدة الزميل كريّم بن رحيّل الجعفري في حفل العليان :
مرحبا بأبو سلطان اعداد حـرف الـظـمّه *** الـزميـل الـلـي كـلامـه نفتخـر بسطـوره
المـراجـل والـمـكـارم شـالـهـا فـي كـمّـه *** بـالـلّــزم تـاجـد كـريّـم دوم يـاخــذ دوره
يامن عـديـت النـوادر أبـن رحـيّـل سمّـه *** شاعـر وعاقل وربعـه تقتدي في شـوره
لا وقف يشبه دريد الشاعـر أبن الصّمـه *** ما يعيـل ومن اسلـوبه عـزوته مسروره
مـاهـو الـلي بالمجـالس كـل عـلـمٍ خـمّـه *** أنـتـقى لـب القصايـد ثـم عـاف اقشـوره
يوم الـلي كـل الحمايل بالمقصوره لـمّـه *** وقلط الحشو وهـرافي وأحتفى بحضوره
أشكـره وأشكـر تواضع عـفّـتـه واشيمه *** بالكـرم منصـور دايـم طـايـلات اشبـوره
الكرم طبعـه وسلـمه فـعـل أبـوه وعـمّـه *** الـفـعـايـل والـمـواقـف كـلـهـا مـخـبـوره
يـوم شنـعـات الليـالي بالظـروف مطـمّـه *** والـده زبـن الدخيل من الـزمان وجـوره
مـن فـعـل معـروف يذكـر ما كمـاه ودمّـه *** كـود من علـم الفضيله ما يـود ضهوره