بسم الله الرحمن الحيم

قصيـده بمناسبة زيارتنا للأخ الاديب الشاعر / عبدالله العبار في بلدة البطين في منطقة القصيم وقد وجدنا كرم الضيافه وحسن الاستقبال منه ومن جيرانه الكرام الذين قاموا بدعـوتنا للقهوه وقمنا بجوله على البلده وكان حديث الجميع عن نشأة البطين ومراحل تطوره قائلين هذا بفضل الله ثم بفضل ولاة الامر وبجهود سمو الامير/ فهد بن فرحان الفيصل ال سعود رحمه الله ومن بعده ابنه سمو الامير / متعـب اطال الله في عمره وذكر الجميع ان افضالهم لاتعـد ولاتحصى على البلده واهـلها بداء من منح الاراضي ومساعدتهم بما يحتاجون قائلين لانملك الا الدعاء لهم وقد سألتهم عن سمو الامير / متعب بقصد السلام عليه وقالو انه مسافر وقلت يرجع على خير انشاء الله وعندما عدت الي الرياض كتبت هذه القصيده ثناء عليهم وتوثيقا للرحله بما رايت وسمعت :

ياهـل البطين الشعـر يومن نقـولـه *** فـي مدحكم يكتب معـزه وتقـديـر
جـينـا لأبـن عــبـار طيب ورجولـه *** يفرح ابومشعل بشوف المسايير
الضيف يرحب به بساعة وصـولـه *** في مجلسه تلقى الوجيه المسافير
تلـقى هـل الـديـره بجنبـه وحـولـه*** وكلـن يقـول امجهـزيـن المبـاهيـر
قـبـايـلـن لـكـن بـحـسبـة حـمـولــه *** ما ينوصف طيب الرجال المناعير
ودار الحديث وكل شخص وميولـه *** وكلن تحدث عن زبـون المخاسير
عـن الامـيـر الـلي كثيـره افـعـولـه *** بأهل البطين انا أشهد انه فعـل خير
فـهـد بن فــرحان رمـزالبـطـولــه *** الفـيصل ال سعـود نسل المشاهيـر
عساه فـي قـبـره يـوسع نـــزولــه *** وفـي جنة الفردوس له منزل غير
ومن بعـده الـلي باللـوازم عنـولـه *** متعـب بمدحـه يقـصـرن التعـابـيـر
دايم على الطولات يتعـب خـيـولـه *** ونعـجـز عـن افعـاله نقـدم تقـاريـر
عـنـا الحمول الكايـدات محـمـولـه *** شف البطين اللي حصل فيه تطوير
وليا مشى بدعوى تصير محلولـه *** من طيب راسه له على الناس تأثير
وشـفـتـم قـبـل مـده تـعـلا ذلـولـه *** فـي رحـلـة تعـطـي للأجـيـال تذكـيـر
رحلة معزي يـوم ساعة وصولـه *** مسيـرة الـتـوحيـد مـاهـي اسـاطيـر
قلت ابي شوف اللي تنومس فعوله *** قالوا مسافر قلت يرجع على خير
وكـل الكـلام الـلـي سـمعـتــه اقـولـه *** عبر القصيده دون زودا وتزوير

أخوكم الشاعر سالم بن عبدالله بن جهبل العنزي
------------------------------------------------------------------------------------

رد الاديب الشاعر عبدالله العبار على قصيدتي

حي الزميل اللي لفاني رسوله*** منظوم عبر النت اسرع من الطير

من قاف شاعر له بالاشعار صوله*** سالم بداه وسطر القاف تسطير

اليا هرج كل الحضور انصتوله*** لفظه مثل در البكار المباكير

ياما بوسط المحتفل صفقوله*** شعره تفاعل مع صداه الجماهير

ابن جهبل علم الفضيله ينوله***الله يفكه من جميع العواثير

سالم اخذ بديار الاجواد جوله***شاهد وصور واقع الحال تصوير

زار البطين وشاف لمت نزوله***دار النشامى والرجال المغاوير

كل العنوز ومن حضر من سهوله***دعوه لكن ردهم بالمعاذير

والكل شفه ليت لو وافقو له***لاشك جاب لداعي السفر تبرير

والطيب لأهل الطيب عاده وسوله***ارسل ثناالمنعور من دون تأخير

أثنا وخص الليث شبل الشبوله***نادر حرار مشببين الصقاقير

الشبل اللي كل الرجال اشهدوله***متعب سلايل من يضد الطوابير

ماهو من اصحاب العزوم الكسوله***ولابه عن طلوع المعالي معاسير

ربى بقصر العز منذ الطفوله***دار بها في خمس الاوجاب تكبير

من لابة حكام ورجال دوله***والكل منهم باللقاء يشبه الزير

وان جاهم اللي فاضيات عدوله***بالوقت اللي يندر به الزاد والمير

من مدهم يرجع محمل رحوله***ويرتاح من زود العناء والمشاوير

شكرا للاديب الشاعر عبدالله العبار على الرد الجزل الذي اجزل من قصيدتي

جزاه الله عنا خير الجزاء

أهلاً وسهلاً وحياك الله يا شاعرنا العزيز وصح لسانكم وجنانكم أنت وأديبنا ومؤرخنا العزيز الأستاذ عبدالله بن عبار ويا نعم والله بسواعد لحاكم ..

وأنتم أنموذج نادر في هذا الزمان ومحل فخرنا وإعتزازنا وفقكم الله أينما كنتم ..

ومن خلال موضوعك المشرّف هذا نرفع أسمى عبارات التحية والتقدير لأهلنا في بلدة البطين وفقهم الله ولانستغرب منهم الكرم العربي وحسن الإستقبال والضيافة فهم أهلٌ للكرم والضيافة العربية الأصيلة ..

جمعكم الله على ما يحبه ويرضاه وأعزكم ورفع شآنكم ..

وصح الله لسانكم مرةً أخرى مدد بلا عدد ولكم الشكر حتى ترضون ..
وكونوا برعاية الله وحفظه وبستره وعفوه ورضاه فوق الأرض وتحت الأرض ويوم العرض ..

الفخور بكم

صح لسانك وبارك الله فيك

الاخ العزبزالاستاذ / محمد دوهان

شكرا على مشاعرك الطيبه واديبنا وشاعرنا عبدالله العبار مهما قلنا لن نوفيه حقه

واهل البطين يستاهلون ومهما قلنا بحقهم قليل تمنياتنا للجميع بالتوفيق

تقبلو تحياتي وتقديري

الاخ العزيز الاستاذ / وائل العبار

صح بدنك وبارك الله فيك

سالم بن جهبل 0

صح السانك وبيض الله وجهك وصح السانك الشاعر الكبير والأديب المعروف /عبد الله العبار 0