مابين لفح البرد وبين السمومي
تسوقنا الاقدار وللقدر غايه 


ومايكتبه ربي علينا محسومي
وايماننا بالله وفي كل آيه 



ولاني ضعيف اعزوم يا اهل العزومي
انا قوي عزوم والله معايه



ويوم الزلايب ماوفوا باللزومي
فعل الردي لاهل الردى مايعنايه



لي وقفتي وقت المواقف جزومي
ولاهمني كثر الحكى والزرايه 



اصعد سنام الطيب من يوم يومي
واخذ من الايام درس ودرايه 



ارافق اللي ماترك للسلومي
الطيب اللي ماكسبها كنايه 



اليا نخيته زاح عنك الهمومي
وفي خوة الوافي تحقق منايه 




والهامل الناقص يعيش محرومي
يعيش عمره خايب الدرب تايه 



وهمه على نقل الحكى والعلومي
اضرب عليه الاكس قله كفاية 


ورجواي باللي رافعن للنجومي
يغفر لي ذنوبي ويدمح خطايه 



ولا احدن على وجه البسيطة يدومي
والعمر يفنى وللبدايه نهايه

الأخ سعد صح لسانك وقول وفعل والردي رفقته دنس كما قيل :

الردي كانك ندبته ما يقومي *** مثل خيط النكث ما يصلح علاقه

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

الأخ سعد صح لسانك وقول وفعل والردي رفقته دنس كما قيل : الردي كانك ندبته ما يقومي *** مثل خيط النكث ما يصلح علاقه

صح بدنك وماعليك زود وصح لسانك على البيت ولاهنت على التعقيب واسعدني مرورك ...

الشاعر / سعد فرحان صح نننننطقك قصيدة جزله في محتواها ومضمونها





الشاعر / سعد فرحان صح نطقك قصيدة جزله في محتواها ومضمونها