السلام عليكم ورحمة الله وبركاته : الاخ ابو مشعل فيه القصيدة اللي تقول :

راكب اللي ماشدوها بالشدادي = من وكالة فرت مفهوقاً عددها
تلفي لابن طراد زيزوم الطرادي = كان قيل الروم يلحقها جهدها

اعتقد ان الممدوح الشيخ طراد بن قعيشيش شيخ ضنا ماجد من الفدعان بس ابي اسم الشاعر لاهنتم !!!!

الأخ الرجال العنزي الأبيات ضمن قصيدة من مدونات كتابنا قطوف الأزهار وهي للشاعر صعفق أبا سنون من ضنا عربان من الخرصة من الفدعان ولكن البيت الثاني لم ادونه وهو يقصد بالروم قبيلة الخرصة من الفدعان وسوف أسأل من هو أبن طراد أما الأبيات فقد كتبتها بهذه الصيغة ويبدوا انها أطول مما كتبت :

وقال الشاعـر صعفق أبا سنون هذه القصيدة يسند على أبو تركي فيقول :

قـال أبـو سيّـار فـي نظـم المبـادي *** وأن تـكلـم كـلـمتـه مـا قـيـل عـدهـا

راكـب اللي ما شدوهـا بالشـدادي *** مـن وكـالـة فـرت مـفـهـوم عـددهـا

تـلـفي بيـت مثـل طـارٍ بالـحمـادي *** أبـو تـركي مـيـدهـا وآخـر وعـدهــا

ربعتـه تسمع بهـا حـس المنـادي *** والمراجـل مـن صغـر سنـه عبـدهـا

يـا شبـّاب الـنـار حـنـا لـه وقـادي *** يـا شـبّـاب الـنـار زد الـنـار زدهــــا

لابـتي هـي جوهـرة كـل البـوادي *** بـالـمـلاقــا ضـدهــا جـّرب نـكــدهــا

ابو مشعل تسلم طال عمرك والظاهر اني توهمت بالبيت والصحيح انه:

تلفي لابن دهام زيزوم الطرادي = كان قيل الروم يلحقها جهدها

حياك الله يالرجال العنزي وإليك آخر ما توصلت إليه عن القصيدة بعد البحث وقد أختصرت أبيات من القصيدة حيث لا تخلوا من ذكر أحداث :

وقال الشاعـر صعفق أبا سنون الخريصي الفدعاني هذه القصيدة يسند على الشيخ خليل الحاكم أبن مهيد أبو تركي والشيخ عبدالعزيز بن مذود القعيشيش والشيخ عبيد بن صالح بن غبين الملقب ( الذيب العرج :
قـال أبـو سيّـار فـي نظـم المبـادي ---- وأن تـكلـم كـلـمتـه مـا قـيـل عـدهـا
راكـب اللي ما شدوهـا بالشـدادي ---- مـن وكـالـة فـرت مـفـهـوم عـددهـا
تـلـفي بيـت مثـل طـارٍ بالـحمـادي ---- أبـو تـركي مـيـدهـا وآخـر وعـدهــا
ربعتـه تسمع بهـا حـس المنـادي ---- والمراجـل مـن صغـر سنـه عبـدهـا
وأزهم أبو دهام لا صـار العنـادي ---- كـان قـال الـروم يـلحـقـهـا جـهـدهـا
وأزهم بالذيب العرج ذيب المعادي ---- زلـزل بـاتـع تـحـدر مـن رعـدهــــا
طير شلوى يـوم يضرب بالثنـادي ---- نطحت العـدوان ما يخـلـف وعـدهـا
يـا شبـّاب الـنـار حـنـا لـه وقـادي ---- يـا شـبّـاب الـنـار زد الـنـار زدهــــا
لابـتي هـي جوهـرة كـل البـوادي ---- بـالـمـلاقــا ضـدهــا جـّرب نـكــدهــا

طير شلوى يـوم يضرب بالثنـادي ---- نطحت العـدوان ما يخـلـف وعـدهـا

صح السان شاعرنا صعفق ..... واشكر ابو مشعل على ايراها

ابن قبلان

تـلـفي بيـت مثـل طـارٍ بالـحمـادي ---- أبـو تـركي مـيـدهـا وآخـر وعـدهــا

الله الله ما أروعها لها طابع خاص هالقصيدة اشم بها ريحة الشمال والمسوبعات ومتنكبين البواريد من ضنا عبيد ...

.... تسلم يابو مشعل فأنت العد المذكور اللي ماتعفى موارده ...

لابتي هي جوهرة كل البوادي=بالملاقى ضدها جرب نكدها

عز وفخر ونعم كل ما قيل نعم ، وسلمت يا أديب وائل على ما تورده لنا من تراث السابقين لكل مكرمة ومضرب المثل بالبطولات والمفاخر ما بين كل القبايل ..

ونهدي جزيل الشكر للأخ راع الجدعا على هذا الموضوع ونطلبه الإستزاده من هكذا مواضيع وذكّرنا بكلمته بقصيدة شاعرنا القدير رحمة الله عليه عايد بن ضافي بن سليمان الجلوي الضوي الجعفري، حين قال :

يا جبر جبران الخواطر علـى الله=جبار عظم المنكسر مخضر البيد
ربٍ كريم وعنـده الخيـر كلـه=هو الذي يبدي على الناس ويعيد
اللي بلطفه كـل روضٍ يبلـه=محيي الفياض الممحله بالرواعيد
ياجبر ويـن محاربيـن المذلـه=على المغازي ناقليـن البواريـد
ماعدّهم داجو علـى القـاع لله=اقفت بهم جرد السنين السراميد
ياجبر وين اللـي جعدهـا تفلـه=ايام حفلات البني في ضحى العيد
يوم الطرب والعز حنـا هلٍ لـه=ماعاد نخضع لا لعمٍ ولا سيـد
وليا عقدنا عقـد محـدٍ يحلـه=يوم اسمنا عند القبايل ضنا عبيد

فلا هي غريبة هالكلمة عليكم يالرجال العنزي ولا نستغرب هذه الكلمة على أحد أبناء هل الجدعا فهي كلمتهم وهم أهلها وكفوٍ لها عز القرايب..

وصح لسانكم وبنانكم ودمتم وسلمتم يا عز قربة وعز عزوة
وأدامكم الله بالصحة والعافية وستره في الدنيا والآخرة

اقتباس : المشاركة الأصلية كتبت بواسطة محمد بن دوهان [ مشاهدة المشاركة ]

لابتي هي جوهرة كل البوادي=بالملاقى ضدها جرب نكدها عز وفخر ونعم كل ما قيل نعم ، وسلمت يا أديب وائل على ما تورده لنا من تراث السابقين لكل مكرمة ومضرب المثل بالبطولات والمفاخر ما بين كل القبايل .. ونهدي جزيل الشكر للأخ راع الجدعا على هذا الموضوع ونطلبه الإستزاده من هكذا مواضيع وذكّرنا بكلمته بقصيدة شاعرنا القدير رحمة الله عليه عايد بن ضافي بن سليمان الجلوي الضوي الجعفري، حين قال : يا جبر جبران الخواطر علـى الله=جبار عظم المنكسر مخضر البيد ربٍ كريم وعنـده الخيـر كلـه=هو الذي يبدي على الناس ويعيد اللي بلطفه كـل روضٍ يبلـه=محيي الفياض الممحله بالرواعيد ياجبر ويـن محاربيـن المذلـه=على المغازي ناقليـن البواريـد ماعدّهم داجو علـى القـاع لله=اقفت بهم جرد السنين السراميد ياجبر وين اللـي جعدهـا تفلـه=ايام حفلات البني في ضحى العيد يوم الطرب والعز حنـا هلٍ لـه=ماعاد نخضع لا لعمٍ ولا سيـد وليا عقدنا عقـد محـدٍ يحلـه=يوم اسمنا عند القبايل ضنا عبيد فلا هي غريبة هالكلمة عليكم يالرجال العنزي ولا نستغرب هذه الكلمة على أحد أبناء هل الجدعا فهي كلمتهم وهم أهلها وكفوٍ لها عز القرايب.. وصح لسانكم وبنانكم ودمتم وسلمتم يا عز قربة وعز عزوة وأدامكم الله بالصحة والعافية وستره في الدنيا والآخرة

هلا وغلا فيك ياخوي العزيز دمث الاخلاق الفاضل محمد بن دوهان بيض الله وجهك تشرفت بردك الكريم الذي اضاء المتصفح وكلماتك العطرة التي اعتبرها وسام عالي من رجل تضمن الطيب والعز والحميه ... تعجز كلماتي ان توفيك الشكر اخوي محمد اطال الله بعمرك..