قصيدة حمد العودة ومجارات عبدالله بن عبار له - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

11-02-2015, 04:57 PM

( قصيدة مجاراه لقصيدة

كان هناك رجل ما يجلس في مجلس ألا ويعرّض بأبن عبار ومؤلفاته وهو يختلق تلفيقات كاذبه ويحرّض العامة وهو يبني على كتابات أطلع عليها مغلوطة من بعض الذين يتخيلون لقبيلة عنزة نسب غير نسبها وفي أحد المجالس بدأ يكرر أقواله الكاذبه وكان بالمجلس الرجل المنصف الغيور عبدالله بن حضيري العبيسي من الشميلات من الفدعان وعندما سمع كلام هذا الرجل جابهه بالحقائق وحصل كلام أغضب هذا المفتري وقام من المجلس وعندما بلغني الخبر وجهت له قصيدة شكر على موقفه وقد سجلت القصيدة في أحد اشرطة التصدي للحمله المغرضة ومن تفاعلات هذا الموضوع قال الشاعر حمد العوده هذه القصيدة يسند على عبدالله بن دهيمش العبار :

مـن سـب أبـن عـبـار حـقّـك تـسبّه *** لـو كـان عـاقـل ما تلفض بنقصان
دافـع عـن الـويـلان بـشعـر يصبّـه *** مثل الذهب مسبوك لؤلؤ ومرجان
مـا حـرّف الـتـاريـخ بـمـال وخـبّـه *** يبقى عـلـم مـا يجحـده كاينن كـان
أي والـلـه إنـا حـيـل نـبـقى نحـبـه *** ومقـدر ومحشوم من نسل فدعان
عبـدالله حضيـري لعـوطـه وطـبـه *** ونعـم يا أبو ثـاني معـرّب كحيلان
هـذي الحميه وهافي الهـرج كبّـه *** اليا فـزع زود السطر تقل سكران
مـكـانـه الـشـعـار مــا تـقــتــربّــه *** ولا يـنجـب التاريخ مثـلـه بليهـان
ماوصّف اللي مثل من كرم العنبه *** شعـره عـفيف وما تبلا ولا انسان
اليـا طـرق طاروق ما احـد يـدبـه *** منطوق شعره كنّه السيف شامان
رجـل يـقـول الحـق ويخـاف ربـه *** نرفع لـه البيضا على راس بنيان

وقلت هذه القصيدة مجاراه لقصيدة حمد العوده :

حي الجـواب الـلي ضميري عجّبـه *** مـن حـمـد العـوده تلقيـت قـيـفـان
في مدح الـلي بالطيب باسمه ننبّـه *** القـرم أبـو ثـاني سلايـل بهـيـمان
من سبني فـي جـوفـه النـار شـبّـه *** الـلي يـسب بكـل مجلس وديـوان
حاسد وجـرحه مـا يطيبن اعـطّبـه *** حاول تصير الربع للربع عـدوان
الحـقـد الأسود في ضميره يضبّـه *** والله حسيب لكل مخطي وغلطان
كـم خـايـب بـالـخيـريـن أيـتـشـبّـه *** لاشك ما يخفى على الناس كوبان
كـانـه حـمـل كـل المخازي بـعـبـه *** راسه طـمن ما ينفعه كـل ما كـان
ومـن تـاه دربـه مع سماهيد لـبّـه *** منجوم ضاع بجرهد البيد حيران
والـتـايـه الـلي مـا يـميّـز مـطـبّـه *** يحتـاج مـرشد بالمناهيج فهـمان
والشن مـا تصمـد سمايـل اقـربّـه *** والـلي صميله شن لابد عطشان