ملخص مقاطع من قصائد الإشادة بجهدي في خدمة القبيله

من خلال مشواري الطويل في جمع المعلومات عن قبيلة عنزة المتمثلة في عدد من الأصدارات من طبعات كتاب الأنساب ودواوين الشعر بين قصائد من نظمي وقصص وقصائد لرجال من هذه القبيلة تحكي واقع تاريخها القديم فقد تلقيت آلاف الرسائل التي تحتوي على الشكر والثناء والإشادة من رجال مخلصين من هذه القبيلة كما تلقيت مئات القصائد من بعض شعراء القبيلة وغيرهم تشيد بجهدي المتواضع وهي من الحوافز التي شجعتني على مواصلة البحث وأني أعتبر قولهم وسام شرف أعتز به والخلق شهود الله في أرضه ولا يفوتني أن أتقدم بجزيل الشكر لكل من جادت قريحته من الشعراء الأفاضل أصحاب القصائد المسنده لنا والشكر موصول لرجال من قبيلة عنزة الذين أكرموني بتكريم ودروع عرفاناً بما قدمت من جهد وقد نشرت نص القصائد كاملة في كتابي ديوان الوائلي وكتابي قطوف الأزهار وبعض كتبي اعتزازاً بأصحابها وفي هذا المبحث فقد أكتفيت بنشر مقتطفات من قصائد مطولة لشعراء يشيدون بما قدمت لقبيلة عنزة في تأليف أنسابها والذود عن أحسابها وهذا ملخص قصائد أكثر من ثلاثمائة شاعر من الرجال الذين يقدرون ما عانيت من مشقة في سبيل أخراج هذا الموروث وهم يشيدون بجهدي التي قدمته لقبيلتي وما قدمته لقصد طلب شيء ولكنه عرفاناً بفضل القبيلة وأني مدان بالشكر والعرفان للأخوة الذين فاضت قرائحهم بقصائد مطولة لخصنا منها هذه المقاطع نقدمها شواهد لمن يحاولون الجحود والتنكّر وطمس الواقع:

أولاً نبدأ بهذه القصيدة التي جادت بها قريحة الشيخ عبدالغني الخطيب رحمه الله من أهل الصخنة وهي من الشعر العربي الفصيح وقد أرسلها مشكوراً بشريط كاسيت مسجله بصوته وأني عتبر قصيدة الشيخ الفاضل وسام شرف أعتز به قال الشيخ عبدالغني الخطيب في مقدمة قصيدته بخط يده :
أن أوثق الوسائل وأقربها إلى صدق الموازنة وصحة المنطق وصفاء الفكر الشعر العربي الجزل والشعر العربي الجزل هو الذي يتميز بألفاظ بليغة ومصونة من الخطأ وبأشعار موزونة بعيدة عن الخطأ كما يتميز هذا اللون بمعانيه التي هي الحكمة المعنية بالحديث الشريف وبيانه من حين آدائه الذي يعزيه الحديث الشريف إلى الحكمة / قال رسول الله صلوات الله وسلامه عليه(( إن من الشعر لحكمة وإن من البيان لسحراً )) ولقد كان لشعر عبدالله بن عبار صدى مقبولاً وقيمة لا تنكر فقد أقتفيت أثر هذا القريض ووقفت على الكثير منه سماعاً وقراءة فكنت وما زلت معجباً بجزالة جمله ودقة معانيه وجميل أسلوبه وحسن انسجامه وإدراكه كفة الحياة وأسرارها وصدق معرفته لأعلام الرجال والقبائل والأمم معرفة يضيق بي الوقت عن الإحاطة بها فأنا معجب بما جاء به من إبداع فكري ووجداني فني رائع يدل هذا بحق على ما يتمتع به عبدالله بن عبار من نبوغ شعري رفيع يبوئه مكانة فذة بين الشعراء المخلدين الذين زاروا هذا الكون ومروا بهذا الكوكب تاركين ورائهم للبشرية حضارة أدبية وكنوزاً فكرية حافلة بالحكم والمعرفة والنور فأنا بدون أي شك كثير الإعجاب بذلك الأديب الفذ ولغزارة شعره وسرعة بديهته وتدفق قريحته فهو سريع الخاطر واسع الإطلاع غني المعرفة حيث تطرق بشعره إلى كثير من أخبار السلف الصالح وكيف كانوا وكيف جاهدوا وكيف فتحوا الدنيا وكيف أخضعوا جبابرة العالم وعتاة الدهر إلى رسالة الحق ورسالة الدين الحنيف وإن أولئك السلف هم أجدر الناس بالأمجاد والمفاخر وهم الذين ظفروا بمآثر الخلود وسؤدد الحياة بقدر ما بذلوا في سبيل التفوق الكيفي والكمي من جهد خارق مبرور وكيف شادوا بقرآن الله وكلماته عالماً جديداً يهتز نظره ويتألق عظمة ويتفوق اقتداراً ، هكذا أومأ عبدالله بن عبار بأدبه إلى عظمة أولئك الصيد البررة الذين دوخوا الجبابرة وظفروا بمجد الدنيا وسعادة الآخرة فبقيت آثارهم أوابداً على مر الزمان كالراسيات الشم تعلو كلما طال الزمن وتتألق كلما تتالت الحقب والشعر أصلاً كان وما زال صدى الحياة ونتاج قضاياها وخلاصة مشكلاتها وأمورها وترجمان يعبر عن أسرارها ومتناقضاتها وأوجهها الشتى وأعتقد لا أشك أبداً من أن عبدالله بن عبار من النابغين في هذا المضمار الأدبي ومن الذين يستحقون أن يطلق على كل واحد منهم لقب شاعر إذا كان أدبه وافياً بالمقصود واسع المجلى صادق التعبير واضح الإشارة فقد حكى أدبه من المعاني أدقها ومن الألفاظ أرقها ومن المعاني أحكمها ومن البلاغة أعظمها فهو شاعر بدون أي شك والشعراء أفراد قلائل في كل أمة وفي كل جيل وفي كل عصر وعبدالله بن عبار أحد هؤلاء الأفراد القلائل الذين ألهموا قريض الشعر واضرعوا ألبان الذكاء فخضب خيالهم واتسعت آفاقهم ، ومنحوا القدرة والجدارة والكفاءة ليكون شاعراً مبدعاً لا يجاريه في سبكه للألفاظ ومتانة الأسلوب أي شاعر من أبناء عصره فأصبح من الفطاحل الكبار ومن الفحول الأوائل في ميدان الأدب الذين برعوا في صوغ الألفاظ المحلاة بالحكم والبلاغة والمعاني الغزار لقد بلغ من الشهرة وبعد الصيت منزلة سامقة ومكانة عالية وأصبح يستحق منا هذا القريض وهذا التقدير وهذا الاعتبار بأنه أديباً لا يجارى وشاعراً ذائع الصيت وهذا قريضي الذي وضعته تقديراً لذكائه واعترافاً بأدبه وإعجاباً بما سمعنا منه من بديع الشعر وبليغ الكلام فقلت :
لسانـك الصادح البـذاخ فـي الأدب *** نبطي يشـدى به في العالم العـربي
فـأنت نـابغــة العصر الحديـث بمـا *** حـبـاك ربـك مــن فهـم ومــن أدب
تلـك البلاغـة فيمـا صغـت معـجـزة *** بهـا عـرجـت إلى عـليـاء لم تشـب
بذلت في قرض هذااللون ماوسعـت *** يداك ما مثل ما قاسيت من تعـب
أطـلـقــت فـكــرك حــراً لا يـقــيــده *** قيد من الوهم أو إحجام مرتهـب
وضعـت شعـراً بـه الركبان حـاديـة *** خـلال ترحالها فـي واسع الـرحـب
يشـدي بـكـل فـخـار ليـس يـعـدلـه *** ما صيغ في بعـد نـاء وفـي قـرب
تابعت ما صغت من شعـر يتيـه بـه *** مدى الزمان أولوا الأقلام والكتب
أشيد في شعـرك المبداع ممتـدحـاً *** نظماً من الحكم المثلى من الطـرب
وتهت أثني على ماصغت من حكـم *** وعشت أرقب ما صورت عن كثب
قــريضـك النـبـطـي الـفــذ ملحـمـة *** تـبــؤت ذروة فـي عــالـم الــرتــب
كانـت إلـى العـقـل نبراساً ينيـر لـه *** درب الحيـاة ويـطفي غـلـة اللهـب
بدائـع مـن قريـض الشعــر زاهيـة *** كـأنهـا فـي ظـلام الـلـيـل كـالشهـب
فخـر القصائد في بـدٍو وفي حضٍـر *** كـانـت لدينـا بـحــق غـايـة الطلـب
شـدا وغنى بهـا الحادي على وتـر *** بخير لفظ مصوغ صيغة الذهـب
تـرنـو لأنغـامها الأسمـاع صاغـيـة *** وشنفت سمعنا في مجلس الطرب
تاهت بوصف حلاها كـل ناطـقـة *** بالضـاد إذ أنهـا موصـولـة النصـب
حـــوت معــان وألـفــاظ منـغـمــة *** مصونـة مـن اتهـام الشـك والـريـب
وحـيــرت كــل ذي لــب وذي أدب *** إذ إنهــا مـن بـديـع رائـع العـجــب
فاستنطق الدهرعـنها أنهـا حفظـت *** في الخالدين تراث الدهر والكتب
قد صاغها الندي عبدالله خير فتى *** نعـم الهمـام الـذي يـنمي لخيـر أب
أجـداده الصيـد نالوا كـل مـفـخـرة *** هم صفوةالبدوأهل المجد والحسب
حازوا المفاخر في بـدو وحاضـرة *** وشـاع ذكرهـم فـي البعـد والـقـرب
سارت بسيرتهـم ركبـاً اثـنـا رحـلا *** تشدوا بهم راكبوا الوخادة النجـب
الـوائـليـون فـخـر العـرب قـاطـبـة *** فهم حمى الدين والأحكام والرتب
الـبـاذلـون بــمـا حـازت أكـفـهــم *** والطاعنون الأعادي بالقنا القضب
مجـد من الفخر شادوه على عـمـد *** كالـراسيات بـلا زيـف ولا كـذب
منهـم أبا مشعـل فخـر السراة لهـم *** مجـد أثيـل وبـيـت عـالي الطـنـب
هـذا ابـن عـبـار عبدالله خيـر فـتى *** مـن محتـد وائـلي صافي النسب
هـذا ابـو اليعـربيـات التي كـتـبـت *** ألفـاظهـا بـمـداد العسـجـد الـذهــب
شهــم تـدلـك في الجـدوى شمائلـه *** عـلـى شـمـائـل آبـاء لـه نجــب
محـجـب فـي رداء الـعـز ذو خـلـق *** عــال وفيض نـداء غـيـر محتجـب
أمسـى بفضل من الرحـمن مبتـدراً *** للمجد يسحب أذيـالاً عـلى السحـب
ذو هـمـة لارتيـاد الشعـر طـامحـة *** نحـو السماكيـن ما تـنفـك فـي رأب
فـراح يـنـظــم أشـعــاراً مـنـقـحــة *** تنهـل من فكـره كالسيل فـي صبـب
من صنع جهبذ تروي عن خواطره *** بـدائـع صاغـهـا من فكـره الخصب
نـدي تلـك فـي الإبـداع مـا قرضـت *** أفــكـاره مـن بـديـع فـائـق عـجــب
فخـر الجهابذ عبـدالله مـن رسمـت *** أقــلامـه أدب نـاهــيـك مـن أدب
حـتـى رقــى بـأعـلاهــا فـتـاه بـهـا *** فخر ونال وسام السبق من قصب
هو الأديـب الذي تـاه القـريض بـه *** بـباذخ الفخـر من سـلساله العـذب
هذا أبا مشعـل الشهم الهمام ومـن *** قـد بـات عـونـاً على الأيام والنوب
يمـم حمـاه تجــد ظـلاً يـلاذ بـه *** من العوادي ومن بؤس ومن كرب
ايه ابن عبار يـا من سطرت يـده *** بدائعاً صنـتـهـا مـن لـومـة العـتـب
أوفـيـت حلمـاً وعقـلاً لا يقـاس به *** سوىالخضم المحيط الطامي العبب
فـأنت فـخر سـراة الشعـر قاطبـة *** وأنـت حـقـاً لسـان الحـلي للعـرب
لقـد بلـغـت أعـالـي المجد معتجـزاً *** عـمـامـة الـفـهـم بـالآلاء معـتصـب
مـاعـاب شعـرك ذو لـب وذو أدب *** إلا الـذي مـشبـه حـمـالـة الحطـب
أنـشــأت للـشـعـر أسباب يقال بهـا *** وهــل تـنـظـم أشـعـاراً بـلا سـبـب
غــر عــذارى قــوافـيـهـــا مـوردة *** مثل الأزاهـير في أثـوابهـا القشـب
بدائـعـاً مـن طـروب الشعر زاهية *** تروي العطاش وتعف النفس من تعب
كـأنهـا النيـرات الـزهر إذ بـزغـت *** في واسع الأفق لم تكسف ولم تغب
أودعتـهـا الصحـف الغراء مبتغـيـاً *** وراثـة مـنـك لـلأنـسـال والـعــقــب
هـديـة منـك للـتـاريــخ صـافـيـة *** ألفاظهـا حكمـاً أحـلى مـن الضـرب
قـد صغتهـا مـن خيـال جـل خالـقـه *** يهمي القوافي كهطال من السحب
خلـدت للدهـر شعـراً سـوف تنشره *** أجـيـالنـا أبــد الأزمـان والحـقـب
مـن خيـر مـا صيـغ إبداعـاً وقافيـة *** وخير ما قيل في شدو وفي خطـب
مـا شـانـهـا قـط ذو لـب ومـعــرفـة *** ولـم يـلـمـك بـهـا لاح ولـم يـعــب
فيهـا الغـذاء الذي تهـنا الحياة به *** ويبرئ الجسم من سقم ومن وصب
قريضـك الجـزل ينبـي فـي تفـوقـه *** جهابذ الشعـر في سبق وفـي غلب
أصبحت من خيرة القوافي ممتطياً *** متـن المعالي بـفهم الشاعـر الأرب
إذا أعتليـت سنـام الشعـر تقـرضـه *** قـرض العـليم فـلم تفشل ولم تخب
واكبت سيرك حتى نلـت ما طمحت *** إليـه نـفسـك مـن فخـر ومـن أرب
ثـم أنـثـنـيـت لـتجـنـي كـل مـادحـة *** غـنــت تـراثـك فـي نـاء ومـغـتـرب
خـتـمـتـهـا بـصـلاة الـقـدس زاكـية *** تترى على خير خلق الله خير نبي

وهذا مقطع من قصيدة للشيخ سلطان بن محمد الطيار قال :
أهـدي لبـو مشعـل تـماثـيـل وأشـعـار *** حيـثـك غـيـور ونخـوتـك وايـلـيـه
حيثـك مـن الـلي بالمراجـل لهـم كـار *** راعي وفـاء وأخلاص راعي حميه
وبـلـغ تـحـيـة صـاغـهـا نـسـل طـيـار *** لجميـع مـن هـو ينـتخـي بعنـزيـه
ومن قصيدة لللشيخ عبدالرحمن الراضي أمير قصيبا سابقاً رحمه الله قال :
من ضيّع أصله ما عرف له تناتيب *** وتـاريخـنـا تلقـاه فـي كـتـب الآداب
من نسل وايـل ناطحيـن الأصاعيب *** أفـعـالهـم تعـرف كثيريـن وأقـطـاب
شيـوخ الشيوخ وبالملاقـا معاطيب *** تنسب لهـم كان أختلـف كـل نسـّاب
فـنـدهـم الفـاهـم بـعـرف وتحاسيب *** عـبـداللـه الـعـبـار باشعـار وكـتـاب
وقال أيضاً الشيخ عبدالرحمن هذا المقطع من قصيدة طويله :
عـبـدالله الـعـبـار يـا ذايـع الصـيـت *** براعـتـك معهـا الصخى والمـروات
يالـوافـي الـمبـدع بقـولـك تمعنيـت *** حيثـك حكيـم وتفتهـم صنع الأبيـات
مـن لابـةٍ يـوم الـمـبـارز عـنـاتـيـت *** أولاد وايـل يــوم الأدوار صــولات
يالوايلي وضحت في كل ما أطريت *** ماهوعاسرك وماضيه منك جولات
والـلي ذكرتـه فـي جـوابـك تـمليـت *** مشكور ترفع روس كـل القـرابـات
كـلـن عـلى فعــلـه يـواتـيـه تـثبـيـت *** ترى الجزأ جنس العمل عد خطوات
ونرجع على ذكرك هل المجد عديت *** يالـوايـلي دونـت شجـرة بصفحـات
قمت بعمل وأحسنت عملك وأوفيت *** بالـدوحـة الـلي ركـزتـهـم لـفـنـدات
تشكـر بفعـلـك يـوم للواجـب أديـت *** بـذلـت جهـدك بالقـصى والكـلافـات
وفي عـدك أنساب القبيلـة تقصيـت *** وبـيـنـت للغـافـل تـواريـخ وأثـبـات
وجمعـت بكتـابـك قـبـايـل تشـاتيـت *** وعـرفت من ضيّع مناسيبه أوقـات
ما أحد سبقك بما فعلته وما أحصيت *** تمضي لـك البيضا بعشر البصمـات
وصلن كتابك وأعجبن زين سويـت *** فيـضٍ غـزيـر ولا يسمى بقـطـرات
ساعة كشفته سرني منه ما أبديـت *** أمثـال مـن زيـن المعـاني مصفـّات
مشكـور يالـلي للقـرايب تحـمـويـت *** هديـت لـك مـن منبع الجـود هـدات
وهذا مقطع من قصيدة الشيخ إبراهيم بن سعد الحقيل :
تـرسـل لقـرم دوم مـا فـيـه شـكيّـت *** يظهـر نسب عـناز راعي المعـّزات
سجـل نسـب عنـاز حيـه مع الميـت *** وثبّت فروع أصل الجدودالقديمات
غـيـره عجـز ماني عليهـم تـّزريـت *** حيث أن أبو مشعل يشيل الثقـيلات
يـا مـا عـن الأنسـاب دايـم تحـريّـت *** حريت خبيـر ولا يحـب الوساطـات
تكشف حقـايـق زيفهـا مـا تعـاميـت *** حيث الذهب ماهو كما لمع صفرات
فيك الشهامة ماعن الضيف هجيت *** وجهـك بشوش وكل وقتك مسرات
عـبـدالـلـه الـعـبـار يـا مـا تـمـنيـّـت *** أنـي أرد الشـعـر وأسـمح بغـلطـات
ولاني عـلى مردود شعـرك تحديـت *** حبيت أسجـل من ضميري كتابـات
ويا مـرحبـا بـك يـوم للربع سجيّـت *** دار الحقيـل ومـن صميم العمـارات
ود الجماعـة يـوم شرفـت وأبطيـت *** أرضـيتـنـا يـامـن يـشيـل الأمـانـات
ما هوب أنا لحالي تكلمت وأبـديـت *** تاريخهم سجـل من المجد صفحـات
يـا مـا عـلى ذكـر الجدود أرجهنيت *** ذكـر الـفعـول بـدون غـلطة وزلات
وهذا مقطع من قصيدة قالها بدر بن سليمان بن عبدالله الحقيل :
رديـت عـلى الـوايلي ذايـع الصيـت *** عـبدالله الـلي مـا حـكى قـول زلات
يا الوايلي مشكور يوم أنـك أبـديـت *** حبـك لنـا وأهـديـت جـزل التحيّـات
أنت الـذي بالفهـم والعـرف عـلـيّـت *** تذكر نسب عنـاز في كـل الأوقـات
يـا مـا سمعنـا عنـك وأقـول يـا ليـت *** تجمع بـك الأيـام لـو كـان ساعـات
ومن شفت منظوم القبيلـة تشافيـت *** شفت المشجر بان بحسن طباعات
تكفا يا أبو مشعل ولو كانت أبطيـت *** أكتـب أوضـح من حقـايـق دفينـات
والعـلم يبغي لـه من الوقـت توقيـت *** ولا نذخره لو كان دونـه صعوبات
وحيث النسب ماهو هقاوي وظنيت *** علم النسب يحتاج صوله وجولات
عـلمتنـا بقـصـة جـمـيـلـة وصـديـت *** وضحت قول الصدق ماهوحكايات
لزوم نرجع لك أن كان اني أخطيت *** وعـلومنـا عنـدك تفصل قصاصات
دربـك كـلـيـف ولـلكـلافـة تـصبـيّـت *** يا الله في عونـك تهـون الشديـدات
وأنـت الـذي بالقـاف للسيف سليـت *** وحاربت من قصده يدور النمامات
وللصدق في كـل المواقف تحـريـت *** ونـطـقـت بـالـواقع بـلـيـا إضـافـات
وهذا مقطع من قصيدة جوابيه قالها الشيخ سلطان بن راكان المرشد :
أرسـل المكـتـوب فـي كـل أهـتمـام *** صـوب ابـن عـبـار مكتوبي نصـاه
نختـصر بالـقـيـل عـن كثـر الكلام *** ونفهـم المقصود من دون أشتبـاه
مـا ذكـرتــه عــارفـه لـيـه أعــوام *** نـدرك الـمـعـنـا ونـفـهـم مـا عـنـاه
وأنت مبطي مـا تـجي درب الملام *** ظـالـم ودجـال مـن جــاك بـشـنـــاه
مـا يسبـك غـيـر مـلعـون الـرسـام *** ومـن تـكـلـّم ضـدكـم نـلـعــن ثـواه
ومـن شنـاكـم عـنـدنـا مالـه مـقـام *** والـردي مـا هـمـنـا قـرب أمـعــداه
يمتـدح بالطيب وهـو عـنـد المـدام *** مـا يـهــمـه غـيـر بـطـنـه لا مــلاه
ومن مشى بالحـق دايـم ما أيضـام *** ومـن تـعـاوج بالبشـر يلـقـا جـزاه
وهذا مقطع من قصيدة جوابيه قالها الشاعر فياض بن زرم الشملاني :
يا أبو مشعـل جـاز لي نظـم الكـلام *** ولغـزك الـلـي وارداً عـلى امعـنـاه
والحـمـيـا وأنـت لابـس لـه أوسـام *** مثلـك وشرواك فـرحت مـن نخـاه
ومـن يسبـك يا أبو مشعل له ابـلام *** مـا تـدرى وداس حظـه فـي حـذاه
ولـك تحـيـة عـد مـا لبـس الـحـرام *** وعـدد مـا نـادى المنـادي للصـلاه
وقال فياض بن زرم العنزي أيضاً هذا المقطع من قصيدة :
يـم الـريـاض مكـلفـينـه بـالأنـجـاز *** يلفـي لأبـن عـبـار شبـه الـنـداوي
يا فزعت اللي حده الوقت وأعتـاز *** مـن لابـة تحجي وتذري الجـلاوي
فـدعان لا حصل على العظم حـزاز *** عـدوهـم تـكـثـر عـلـيـه الـنـعـاوي
أحييت ذكـر اجدودنـا عقـب عـنـاز *** لـولاك ما يـوجـد لـه اليـوم راوي
يـفـداك مـذمـوم كـلامـه أسـتـفـزاز *** اللي على الصاحب كثير الشناوي
وهذا ملخص قصيده طويلها قالها الشاعر خليل بن غانم بن محمد الوحداني الولدعي العنزي :
ومن بعـد ذكـر الـلـه سلام وتحيات *** تهدى لبو مشعل عـريب المجـاني
أبـن عـبـّار الـلي أذكـاره شهيـرات *** الـوافـي الشغـمـوم ريـف العـواني
راعـي الحميـا والفخـر والشكـالات *** تـشهـد لـه العـربان قاصي ودانـي
مهـمـا مـدحتـه مـا يـوفـن الأبـيـات *** قـدره بـصـدري مـا وفـابـه لساني
يـالـوايـلي تـشـكـر بـلايـيـن مـّرات *** عـلى الجهـود المخـلصة والتفـاني
ألـفـت عـن أمـجـاد وايـل سـجـّلات *** دلـيـل عـرفـك والـفـخـر بالمجانـي
تعـبت فـي تجميعها مـن الروايـات *** ومن المراجع والقصص والمعاني
تنقى الوكاد الـلي له شهود واثبات *** وتخـلي الـلي مـا عـلـيهـا ضمـاني
حفـظـت مـجـدٍ كـاد يـروح سيبـات *** لـولاك والـلـه ظـنـتـي مـا يـصانـي
من خوف تضيع الأمجاد العريقات *** دونـتـهـا بـكـتـاب حـفـظ وأمـانـــي
وذكـرت مشاهـيـرنـا والـبـطـولات *** وديـارنـا فـي كـل صـوب ومـكانـي
حتى الوسم اللي على البل علامات *** رسمتـهـا ونـوهـت عـنـهـا بـيـاني
نسب وفعـل أجداد ما هي خـرافـات *** لـكـنـهـا تـهـيـل عـقـل الـهــدانـــي
تزعل قلوب أهل الحسد والحزازات *** بس اعجبت أهل القلوب الذهـاني
ودون السمية لك مواقف شريفـات *** ذدت وتـذود وبـالـلـه الـمستـعـانـي
فارس قوافي لك مع الضد صولات *** تـنطـح بقـافـك كـل عـابـث وجـاني
ياما كبحـت جـمـاح ثـرثـار شمّـات *** يـشـمـت بـنـا مـمـا بـقـلـبـه يعـاني
نرفع لك ابيضاء بـروس المنيفـات *** ويجزاك عنا الـلـه بخيـر الحساني
وأنت الفهيم اللي علومـه مفيـدات *** عـّراف مـا يصعب عـليك امتحـاني
بالشعـر نهجك يقتـدي بـه قـداوات *** نـبـراس لأهـل المعـرفـة والمعـاني
نعـم بـذكـرك نـفـتخـر كـل الأوقـات *** عنـد الأجناب وعـنـد كـل الـدوانـي
مـا ينمدح راعي الفعـول الـرديـات *** والمدح ما يـزهى عشيق الطمـاني
المدح يزهى الـلي صفاته حميدات *** ويتعب على كسب الفعول السماني
وأطلب من الخالق مجيب الدعوات *** أنـه يجيرك مـن صدوف الـزمـاني
وعسى تعيش أيام عمرك سعيدات *** وبـالآخـرة تسكـن فسيح الجـنـانـي
لـومـن دعيله بالبقاء عاش مامات *** دعـيـت بـاخـلاص وبــلا تــوانـــي
لـكـنـهـا كـمـا يـقـولـون هــيـهــات *** مـا دام حـي ولا يـدوم الـكـيـانـــي
مجهودك المبذول بشتى المجـالات *** لـقـيـت بعـضـه والكثيـر ايخـفـانـي
هـو السابايب في نظـم كـل مـافـات *** ولالي سوى العرفان مقصود ثاني
ونخوني ربـوعي رجـال المـروات *** جـميـع وحـدانـي لشكـرك نـخـانـي
قلت ابشروا مطلوب مابـه كلافـات *** اعجـابـكـم والشكـر لـه يـاصـلانـي
عبر القصيد وعن طريق الرسالات *** أوصلـه لـو كـان مـا رحـت عـاني
لولا العمل وظـروفه اللي شطيطات *** جـيتـه ومـن مـا سرنـي ويهنـاني
لي الشرف وأن كان جيتـه زيارات *** وأكبر شرف لي كان بالبيت جاني
وختامهـا نهدي لك أزكى التحيـات *** وتقـديـر فـايـق مـع عظيم امتـناني
وقال الشاعر خليل بن غانم الوحداني التويجري العنزي :
أكـتـب كـلام لأبـن عـبــار أنـصـيــه *** وأبي أشرح الحاصل بكل التفاصيل
حيثه بـذل مجهود مـا أحـدٍ يضاهيـه *** حـفـايـظٍ تـحـفـظ لجـيـلٍ بـعـد جيـل
لـو حـاولـوا سـود الضمايـر تخفيـه *** يـعـد مـرجـع لـلـرجـال الـمشـاكـيـل
دوّن لـوايـل مـجـدهـا الـلـه يعـافـيـه *** وجـمـعّ نـسبهـا وأثـبتـه بالـدواليـل
وشلون وهـو فـي كـل نسخه ينقيـه *** ويـنـقـحّ كتـابـه عـن القـول والقيـل
لـولا الـحـمـيـا تـدفـعـه مـا يـسويـه *** سكت مثـل غـيـره وصارت مساميل
الـلـه يـلـوم الـلي يـلـومـه وشانـيـه *** مـا لامـه ألا الـنـاقـصيـن المهابـيـل
ولا الرجـال العـارفـه تـفـتخـر فـيـه *** ولا نستمع بـه لـو تـقـول العـواذيـل
نـرفع لـه البيضاء ونشكر مساعيـه *** بـذل جهوده مـا هي سـرد وأقاويـل
والـيـوم كـثـر الـلي يقـلـد ممـاشيـه *** يا هـون قـطـفـك للفياض المخاميـل
كسبها أبـو مشعل ولا أحـدٍ يماريـه *** تـريـحـوا يـا دابـكـيـن وراء الـخـيـل
الشـكـر لـه أكـرر الشـكـر واثـنـيــه *** للفـاهـم الـلي بالمـواقـيـف حـلحـيـل
يا مـا تصـدى لأهـل البـغي والـتـيـه *** حيثـه عـلى الويلان مـا يقبل الميـل
مـا أحـدٍ عـلى حميـاه يقـدر يجاريـه *** يصبر عـلى كثـر التعـب والغـرابيل
بـذل جـهـوده مـا رجـاء من يكافيـه *** وأعانـه الـلـه وأرتكـا لأثـقـل الشيل
واللي تجهد للبشر صعـب يـرضيـه *** مارضوهم اللي من الباري مراسيل
الـنـاس كـلـن فـكـره العـرف يملـيـه *** فـيهـم مهـابـيـل وبـالـنـاس عـقـيـّل
وبـهـم السفيـه الـلي يجيـبه يـوديـه *** وفيهم عوارف وأهل حكمه وتحليل
وفيهم ربادي صايب الهرج غاويـه *** الصـدق دايـم عـنـه يـلـقـا تحـاويـل
وبهـم الـلي شبحه ما يقدي مواطيه *** وفـيهـم شيـاطين بهياكـل رجاجيـل
وفيهـم مريض الـلـه يعينه ويشفيـه *** مريض قـلب وعـلتـه ساطيـه حيـل
داء الحسـد والحقـد داخـل محانـيـه *** أكـره مـا يـكـره كـاسبيـن التـنـافيـل
مدري وش الـلي بالمخاليق مشقيه *** يزرع وزرعـه خاس ماله محاصيل
يا هيه كانـك تسمع الهـرج يا هـيـه *** ريّـح ضميـرك عـن كثيـر الولاويـل
الشمس ساطع نورها منت مخفيـه *** قولك ما يحجب من ضياها قدر ميل
لكن تري من يغـرس الغرس يجنيه *** واللي يحكم ضامره ما غوى سهيل
ولا أبـو مشعـل سـامـيـات مـبـاديـه *** نـوّر طـريـقـه وأشعـلـه بـالقـنـاديـل
كـافـح وسطـر مجـد عـنـاز بـيـديـه *** ولا هـمـه الـلـي يـنشـرون الأباطيـل
واصـل مسيـر وحقـق الـلـه أمانيـه *** ولا ثـنـوه مـكـثـريـن الـبـلابـيـــــــل
لا شـك أنـا يـغـثـنـي هـرج أوحـيــه *** يحـيي جـروح في ضميري مداميـل
لو كان من عاقل آخذ معه وأعطيـه *** مـار الـبـلا نـاس جـحـلـّط وجـهـيـل
الـلي تقول القـول من غيـر داعـيـه *** ويـفـرحّـون الـلـي عـلينـا مـغـالـيـل

وقال الأستاذ فهد بن سلطان الجروان هذا المقطع من قصيده :
تلـفي لابـن عـبـار ريـف المشاكيـل *** فـتـالـهـا حـلال مـبـهــم رشـاهــــا
لامـن نهـم بالقيـل شـرد التـمـاثـيـل *** جت له مطيعـه واعلنت لـه ولاهـا
شاعـر أديـب وبالجـزيلات حلحـيـل *** أنـسـاب وايـل عـدهـا مـا نـساهــا
سنين يسعى بـيـن بـحـث وتحالـيـل *** الياما عرف الأنساب وثق عـراها
بالبحث والتأليف لـه سبـق بالحيـل *** لا عــدوا الــرواد ذكــره بــداهــــا
بيـن السفـر ومكابـد الحـط والشيـل *** جـواهـر الموروث وقـتـه عـطاهـا
جهـده ترى ما أظـن يحتـاج تـدليـل *** تشهـد لـه الكـلمـه ويشهـد نـبـاهـا
جـمع نسب وايـل مـن عـمان للنيـل *** ودوّن تــواريــخ بــعــيـد مــداهــا
مـآثـرٍ تـبـقـى لـجــيـل بـعـد جـيــــل *** قصر الزمان أو طال يبقى صداهـا
قـلته وأنا مـا جبـت بالقـول تضليـل *** مـسـيـرتـه بـالـكـتـب كـلٍ قــراهــا
لاشك أعـد الحـق وأوفي بـه الكيـل *** واجب ونفسي لـزم احقق رضاهـا
زيـارتـك لـلـدار لـوهـي بـتـعـجـيــل *** فيهـا يا أبـو مشعـل جميع انتباهـا
طابت بها الجمعه وحلو المواصيـل *** حتى المشاعر رفرفت في فضاهـا
وفاضت قرايح مهجتي دون تأجيـل *** يوم الفرص لاحت وذعذع هواهـا
وجيتك على وضح النقا مثـل ماقيل *** صّـرام تمـر وجالـبـه فـي حساهـا
مير أن عذري لـو تـقـل المحاصيل *** أن الـتـواضـع مـيـزتـك يـا غـلاهـا
كـررت كـلـمـات الـثـنـا والـبهـاليـل *** مـن طـيـب ذاتـك يا محقـق رجاهـا
وأهديت مـن غـر القصايد شهاليـل *** شــرايــدٍ مــا كــل فــكــرٍ حـواهــا
فـيهـا مـن أشعـار القـبـيـلـه أكاليـل *** ومـن كل عـزوة نفحة مـن شذاهـا
مهمـا بـهـا قـلنـا قـصيـد ومواويـل *** ما أظن نلحق يا أبو مشعل جزاهـا
الـلـه يـثـيـبـك يـا زبـون الحلاحيـل *** وعسى الولي نفسك يحقق منـاهـا
مـع لابـة يـحـمـون در الـمهـاجـيـل *** لامـن عبوس الكون دارت رحاهـا
عـنـاز سـتـر منـقـشـات الخـلاخيـل *** قـبـيـلـةٍ مـن جـار وقـتـه نـصـاهـا
أولاد عـم ولابـهـم عـي وابـخـيـــل *** نطـاحـت الكايـد الـيـا أظـلم سماهـا
وهذا مقطع من قصيدة للشيخ صياح بن عوض بن نابت الخمعلي رحمه الله :
سر يا قـلم بالبوك ثـم أكـتـب عـلـوم *** وأرسـل لأبـن عـبار مـني سلامي
حي الجواب اللي مسجـل ومرسـوم *** لازم نـجـدد شـكـركــم كــل عـامـي
لا صار ما بين العـرب لمسة خشوم *** الطيب أسطـا من خطات الحسامي
ذكرك يشـد الـراس والقـول مفهـوم *** بـالـود مـا ذوّب عـلـيـه الـلحـامـي
ولا خـطات الـلاش يبـنش وبـه زوم *** جـمّـاخ يسـرد من بنـات الـرهامـي
واشكرك ضاهـر ما بها سـر مكتـوم *** مع الـقـبـايـل وانـشـره بـالكـلامـي
يا بو مشعل عن الخطا دوم محشوم *** راعـي حميـة دون ربعـك أتحامـي
وهذا مقطع من قصيدة قالها يحيا بن خليفة بن رشدان :
سـلام يـا رجـلٍ بـطـيــبـه عـرفــنـاه *** عبـدالله الـلي لـه مـواقـف شهيـره
تـحـيــة الإســلام لـلـقــرم مــهـــداه *** عـلى الـذي سجل أنسـاب العشيرة
وبعد السلام أعطيه خـطي ويـقـراه *** ويـفهـم عـلى مكتـوبـنـا وأتعـبـيـره
فـيـه الـدلـيـل مـوضـح كـل معــنـاه *** أرد الـعـدود وخـل عـنـك الحـفـيـره
وهذا مقطع من قصيدة قالها الشيخ زيد بن عليق الرويضان رحمه الله :
عبدالله الـلي بالمـواجيـب مـا هـاب *** عـز الرفيق وعـز مـن هـو عنالـه
قـرم عـن الخطـار مـا يغـلـق البـاب *** المرجلـة والطيب هـي راس مالـه
والمـرجـلـة مـا حصلـه كـل نصـاب *** الا لـمـن ثـقـل الـحـمـول أرتـكـالـه
قـرم العيـال يـثبـت الـطيـب بطنـاب *** والمرجلـة مـا هـي تجي بالسهالـه
الا لـمـن عـدا عـلـى راس مـرقـاب *** أمـا بـروحـه أو غـوالـي حـلالــــه
أعـتـز بالـلي يفـتـهـم كـل الأوجـاب *** للـقــرم أبـن عـبـار كـز الـرسـالـه
ولا الردي والله ما أرسل لـه اركاب *** ولا خـيـر بالـلي مـا يثمـن مقـالـه
سوالفـه بانت مع أصحـاب وأجنـاب ***كلـن يـقـول ونعـم لا جـاء مجالـه
وقال الشيخ زيد بن عليق الرويضان رحمه الله هذا المقطع من قصيدة :
عبدالـلـه الـلي كـل ما حـل طـاريـه *** قـرم مـجـرب مـاضي لـه تجـاريـب
الشـاعـر الـلي يعـجـبـنـي مـبـاديـه *** أمشي وأفاخـر به بوسط الأجانيب
الطيّب أرغب سيرتـه وأفتخـر فيـه *** لـو هو من الأجناب صدق بترتيـب
ولا الـردي عـاداتـنـا مـا نـسـمـيــه *** اللي فعـولـه بـس شـذب العـراقيب
خـلـه يـولـي جـعـل ربـي يـعـنـيـــه *** الطيـب كـايـد والمـراجـل متاعيـب
قـافـي يـا أبـن عـبـار تفهـم معانيـه *** حيثك فهيـم ودارس وقـلبك البيـب
اليا ضاق بالي جـيت يمـه وأناجـيه *** وأبدالي الضحكة وهرج التعاجيب
وقـلـط دلال راعـي الـكـيـف يبغـيـه *** مـثـل الـبـطـوط مركيـات محاديـب
وحـيـل تـقـلـط دوم مـا مـن راعـيـه ***وقول بلا برهان يا مسندي عيـب
مـن نسـل وايـل عـارفيـن منـاشيـه ***ما هـوب رعديـد هروجه رباريـب
مــن لابــة عـدوهــا دوم تـكــديـــه ***اليا جـاء نهـار والسبايـا جنـاديـب
يثـنـون كـان الكـون نـادى مثـاريـه *** عدوهـم خفـراتهـم تشعـط الجـيـب
كـم واحـدٍ خـلـوه تـنـهـش ثـنـاديــه *** راجن عليـه الصافنات المهـاذيـب
وقال أيضاً الشيخ زيد بن عليق رحمه الله هذا المقطع من قصيدة :
يلفـي عـلى قـرم عـلى الكـود صبـار *** عبدالـله الـلي بالفخـر لـه مبـادي
مبـداه بالعـليـا ولـوهـي بهـا أخطـار *** عـز الرفيق وعـز من جـاه بـادي
مـن حيـن تـلـفي قـلـط البـن وابهـار *** وصـيـنـيـة تـتعـب قـوي الأيـادي
حـيـثـك مـن الـويلان حـمـايـة الـدار *** اهل السطر لا حـل يـوم الطرادي
ويـلان يـوم الفعـل فـي ذيـك الأدوار *** لهـم عـلـى قـب السبـايـا مـعـادي
ربعـك اليا شان اللغـى والدخـن ثـار *** وتعاقبـوا فـي صارمـات الهنـادي
تسـقي اعـداهـا سـم بالموسم الحـار *** عـلـى قـدا ولا عـلى غـيـر قـادي
لـولا مـحـبـتـكـم فـلا أكـز الأشـعـــار *** وأنا أحمـد الله مرغـدٍ فـي بـلادي
وقال محمد بن زيد الرويضان هذه الأبيات من قصيدة :
أسند عـلى الـلي لأثقل الحمل شيال *** عبدالله اللي حـاش طيب السلومي
القرم اللي عن مسلك الحق ما مال *** هو العوض نسل الرجال القرومي
يشـدا هديـب الشـام شيـال الأثقـال *** مـن لابـة يـثـنـون فـوق القحـومـي
ما هو عن الصاحب ميول ومختال ***عـن ربعـه يـدافع بصدق العلومـي
والمعذرة يا القرم في تالي الأقـوال *** أنـا صغـيـر ولا بـلغـت الحـلـومـي
وهذا مقطع من قصيدة جوابيه للشيخ خلف بن ذيب بن جهبل أبو زهرة :
الدين يا ابن العـم طيّـب ومرغـوب *** ومن عرفـتي لك ما تحـب الهـواني
ولا انت مبطي قيل بالطيب منجوب *** تفهـم وبيـن النـاس مسني وسـاني
أفطن ترى الأيمان بالقلب مصبوب *** والعمـل يصلـح بالعـلـوم السمـانـي
وأنت الذي لك جيد الشعر منسـوب *** والـقـاف يـبـنـا مـثـل بـني المبانـي
بالقاف جزل ولا ذكر فيك عـذروب *** وجزل الشعـر يبقا لو العـمـر فانـي
لا تـترك القيفان في سلم واحـروب *** ومن يـبـذر الإحسان للـزرع جانـي
وقال الشاعر خالد بن رمضان السويلمي هذا المقطع من قصيده :
ومن بعـد ذكـر الله سطـرت مكتـوب *** ما طاف في فكري لفظ بـه لسانـي
ولا خير في هرجٍ على غير ماجوب *** ومن يترك الواجب يسمى هـدانـي
قافـك يا ابن عبـار بالسبك مصبـوب *** مثل الذهب في جيد عـذي الثماني
طالبـك حيـث أنـك قـرابـة ومحبـوب *** عنـد الرفيـق وعنـد قاصي ودانـي
درب التعصب جنبه وأهرب اهروب *** عـن التعصب يا عـريـب المجانـي
أعطيك شوري كان لك فيه مرغوب *** مار أستمع نصيحـتي لا أتعصانـي
وأنـا نـخـيـتـك يـا بـعــد كـل زاروب *** أفـهـم جـوابـي يـا فهـيـم المعـانـي
ومن خاب فعله بالمخاليق مسبـوب *** ولا بـد مـن تكدير صفـو الـزمانـي
نبغـيـك تـنـطح دونـنـا كـل مـذهـوب *** ترسي كما ترسي الحيـود المتانـي
سورٍ عن الويلان مبني من الطـوب *** ويـفـدونـك الملسـون والهلقمانـي
وقال خالد بن رمضان السويلمي هذه المقطع من قصيدة :
دونـك جـوابي نـاظـمه نـظـم ياقـوت *** وصلـه الـلي للمجـد كـرس حياتـه
صياح هـاك الخـط بالضرف مكبـوت *** وصلـه اللي عـز القبـيلـة مـنـاتـه
وصله اللي بالفهم والعـرف منعـوت *** عـبـدالـلـه الـعـبـار هـو منـتهـاتـه
هـو شاعـر الويلان بشهود وأثبـوت *** الـوايـلي يشكـر عـلـى مـولـفـاتـه
عـبـدالـلـه الـلي حـاز ثـلاثـة أبـتـوت *** شعر وشهامة والكرم من صفاتـه
مـن لابـة عـدوهـم يـجـرع الـمـــوت *** وعـدٍ يـبـونـه مـا تـفـكـه احمـاتـه
بالطيـب يـوم الناس ما تاجـد القـوت *** مـن ضـافهـم يشـبع ويملأ عباتـه
تـاريخـهـم بالطيـب حافـل ومنحـوت *** على سهل وصخور صعبة طلاتـه
ومـني تحيـه عـطـرها فـاح بخـبـوت *** مـع السـلام وشـكـرنـا مـرفـقـاتـه
وقال الشاعـر خالد بن رمضان السويلمي هذا المقطع من قصيدة :
لا هـنـت يالـلي ظيـم هـمي شعـربـه *** تسلم يابـو مشعل وعاداتك الطيب
مـا هـي غـريبـه منك فعلـك فخـربـه *** من يفتخـر بالطيب عند الأجانيب
رقيـت عسـرٍ طـال غـيـرك عـثـربـه *** من رام دربك جنبه غصب تجنيب
للـطـيّـب سـبـاق وبـالـطـيـب حـربـه *** أشهد ويشهـد حافظين المواجيب
سـابـق جميلك صابـني وأفـتخـر بـه *** فزعة قريب أعتزبه عزت الشيب
يامـن طويـل المجـد عـلا وشهـربـه *** غـيـر الحميا مـا ذكربـك عذاريـب
همي سمـوم وضـل شمسك كسربـه *** وضللتني عـن حاميات اللواهيـب
يا طيـر وايـل فرحت الـلي صقـربـه *** ترفع لك البيضا بروس المراقيـب
يالنـادر الـلي عـلم صيتـك ظهـربـه *** علم الفخرمن نبع صاف المشاريب
ولا هنت ذخـر اللي زمانـه غدربـه *** يالـلي خويـك دوم مـا يلحقـه ريـب
ولا هـنـت رددهـا خـفـوق نـشـربـه *** بـرد الثناء عطر الزهـر بالمكاتيب
وهذا مقطع من قصيدة قالها الشاعر حميّد بن خلف الملفي :
ومن بعـد ذكر الله نظمـت مسحـوب *** يهدى لأبـو مشعل عريب المجاني
الشاعر الـلي بالقصايـد لـه أسلـوب *** عجبـت من قـافـه غميق المعـانـي
ولا أنت مبطي ما ذكر فيك عـذروب *** من عـرفتي لـك للخطـأ مـا تـدانـي
ولابك يا بو مشعل عذاريب وعيوب *** والحمد لله ما انت مشـرك وجـاني
علمك يشرف مانت يالقرم مسبـوب *** والضيف تفرح به إلى جاك عـاني
وقال الشاعر حميّد بن خلف الملفي من قصيدة :
يا ابو مشعل بالطيب تطول يمناك *** جـمعـت مـجـد الطيـبـيـن الحـمـايـل
الـلـه يفكـك من معـاويـق الأدراك *** مـجـدت ربـعـي كاسبـيـن الـنـفـايـل
وقال الشاعر حميّد بن خلف الملفي هذا المقطع من قصيدة :
وأرسل لأبن عبار يا وي من قـاف *** عـبـداللـه الـلي عارف كـل سيـره
عـز الـرفـيـق ولا أحـدٍ قـال بــلاف *** وعـز القرابـه والخوي والقصيره
وقال حميّد بن خلف الملفي أيضاً :
ومن بعـد ذكـر الله نـبـدي بتمجيـد *** الـقـرم أبـن عـبـار حـيـثـه ولــيـده
من ساس لابـة باللـوازم صنـاديـد *** أهـل المـراجـل والعـلـوم الـبعـيـده
يا كاتـب التـاريخ يـا أبـن الأوالـيـد *** سـويـت كتـبـك لـلقـبـيـلـة عـديـده
اهـل الحمية مثل عنتـر وأبـو زيـد *** وأهـل الشجاعـة والعلوم المجيـده
كتبت عن وايل وبشر وضنا عبيـد *** تنشر لك البيضاء براس الجريـده
ويفـداك هـلباج عـلـومـه سراميـد *** يقصر عن اعمالك ولا الطيب بيده
وأرجوك تسمح يا زبون الرعاديد *** عجزت عن مدحك وأنا أريد أزيده
وقال الشاعر حميّد بن خلف الملفي :
سلام ياللي في مجال الفخـر طـاب *** عـبـدالـلـه العبـار راعـي الشـكـالـه
سـلام مـنـي عـدد مـا هـل سـكـاّب *** واعـداد هـرج النـاس فـي كـل قالـه
حملـّت مكتـوبي تحـيـه وتـرحـاب *** تـهـدى لـبـو مشعـل تخصه لحـالـه
القرم أبو مشعل كما البدر ما غاب *** شاعـر بني وايـل عـريـب السلالـه
تعـيش يا كاتـب تـواريـخ وانـساب *** عـملـك بالـويـلان طـيـب وجـمـالـه
وحصلت تقدير القرايب والاجنـاب *** يشهد لـك الـلي في ضميره عـدالـه
كل عنـزه تثـني عليـك من الألبـاب *** الا الحسود الـلي ذميـمـه اخصالـه
هذاك لاش ودوم خـذ عنه مجنـاب *** حقك عـلى اهـل المرجله والشكاله
أنا اشهد انه يرتفع روس الأقراب *** بـالـلـي عـمـلـتـه حيـث كلـن درالـه
تشكر ولا قصرت يـاعـز الأصحاب *** يـعـتـز فـيـك الـلي يـمـيـّل عـقـالــه
عـذب القوافي قـلتها شكر واعجاب *** في شخصكم واطلب مرد الرساله
وقال الشاعـر حميّد بن خلف الملفي :
تهـدى لجناب الـوايـلي زاكي الجـد *** عـبـدالـلـه الـلي مشتهـر بالحـميـه
قـرم عـلى الطـولات لـه دوم مقـعـد *** وأهـداف راعي الطيب دايـم نقيـه
قـرم افــعــالـه دايـم مــالـهــا حــــد *** راعـي اليـميـن الطـايـلـه والنديـه
مـن لابـة بـالـكـون لـلـمـوت تــورد *** عـزوة هـل العشوى هـل الغايريه
هــذي فـعـايـل لابـة كـلـهــا بـجـــــد *** فـدعــان ولــد وعـزوة مـاجـديــه
تـاريـخهـم مـذكـور بـالـكـتـب يـنعــد *** ولـنـا الـفـخـر بـالعـزوة الوايليـه
ولا أنـت مـا قـصرت بالحيـل مجهـد *** وسجـلـت تـاريخ الـرجـال الأبـيـه
وسـويـت كـتـب لـلـقـبـيـلـه بـلا عـد *** مـا يـنـسي مـوقـفـك دون السميه
مـن أجلهـم تبذل من المال والجهـد *** تعـيش يـا راعـي الـفـعـول النقيـه
وقال الشاعـر حميّد بن خلف الملفي :
ومن بعـد ذكـر الـلـه نظمـت قيفـان *** مـثـايـل تـهـدى لـذرب الـفـعـايــــل
تهدى لأبـو مشعـل سلايل كحيـلان *** عـبـدالـلـه الـلي بالفـخـر لـه دلايـل
قـرم بفعـل الطيـب لـه موقـف بـان *** مـا تـنـسـي مـواقـفــه دون وايـــل
يشهـد على ما أقول كتب وشرطان *** للـوايـلي تـشـهـد جـمـيع القـبـايـل
الشاعـر المشهور من نسل فدعان ***عـلـمـه شهيـر ولـلعـلا دوم طـايـل
مـفـكـر وشـاعـر وأديـب وفـهـمـان ***وحـكـيـم راي ولا يـحـب الهـزايـل
يا أبو مشعـل يفداكـم النـذل كوبـان ***يـفـداك من يمشي بـدرب الرزايـل
وقال الشاعر حميّد بن خلف الملفي :
ومـن بعـد ذكر الـلـه نبـدي بتمجيد *** فـي مـدح قـرم بـالمـواقـف ولـيـده
عـبـدالـلـه العـبـار ربـعـه صـناديـد *** أهـل الـعـلـوم الـطـيـبـة والـبعــيـده
يا كـاتـب التـاريـخ يا أبـن الأوالـيـد *** سـويـت كـتـبٍ للقـبـيـلـة عـديـده
الـلي فعـايـلهـم مثـل فعـل أبـو زيـد *** أهـل الشجاعـة والعـلـوم المجيـده
كتبت عـن عـناز بشر وضنا عـبيـد *** ويـفـداك مـن هـو ينتقـد بالجريـده
ويـفـداك هـلبـاج عـلومـه سراميـد *** مـا ياصـل اعمالك ولا الطيب بيـده
سـر لـلإمـام ولا تـطيـع الـرعـاديـد ***أشـوارهـم مـا أظـن مـنهـا مـزيـده
وقال حميّد بن خلف الملفي :
الـمـدح يـزهـى لـلـرجـال الـصنـاديـد *** أهـل الجمـايـل كاسبيـن الحميـدي
شروى أبو مشعل من قروم الأواليد *** الـوايـلي معـروف رايـه سـديـدي
الـلـه يـكـثـر خـيـركـم يـالأجـاويــــد *** والشر جعـلـه دوم عـنكـم بعـيـدي
كـم مـرة فـي بـيـتـكـم كـنـهــا عـيـد *** ياعـل رزقـك يا أبـو مشعل يزيدي
عسـاك تـبـقـا يالسنـافي تـقـل حـيـد *** عـن السموم اللي لهوبـه شديـدي
يـا القـرم يا نسـل الرجـال الأماجيـد *** أشكـرك يا راعي الوفاء يالعنيدي
يفـداك هيس ومـن عفـون مقـاريـد ***هيس وخبيث أعمال وأيضاً بليدي
ولا أنت ما قصرت من دون تحديـد ***كـتـبـت لـلـويـلان كـتـب تـفــيــدي
يـوم العـفون أهـل السوالف ملابيـد *** عـمـلـت للـويـلان مـجـدٍ وحـيـدي
وقال أيضاً حميّد بن خلف الملفي :
نسنـد عـلى رجـل عـلومـه شريـفـه *** هو أبومشعل من رجال الحناتيش
قـرم الـعـيـال وعـز جـاره وضـيـفـه *** من ساس لابـه بالملاقـا مداغيش
رجـالـهـم يـروي شـبـا حـد سـيـفــه *** يسقي حدود مصقلات المعاطيش
عـاداتـهـم يـروون حـد الـرهــيــفـه *** ضد العدا لاركبواوالخيل والجيش
واعـلومهـم بـيـن القـبايـل طـريـفـه *** مع الضيوف علومهم والمطاريش
ويـوم الـمـلاقـا والحـروب العـنيـفـه *** عز الدخيل وضل لاجي ودرويش
يا مسنـدي يـفـداك خـطـو الهـديـفـه *** الـلـه يفكك من جميع المغـاشيش
سجـلـت تـاريـخ الـرجـال الـكـلـيـفـه *** زبـن الدخيـل وبالمسيّر مباشيش
أولاد وايـل لـلـمـجـنـى سـقـيـفــــــه ***في ضلهم نامت جـميع الدراويش
منهـم أبـن مـقـرن وصفـوة خـليفـه *** ومنهم زبون الجاذية جابرالعـيش
سجلـت فعـل الـلي عـليهـم حسيـفـه *** يمناك تسلم يافتى الجود واتعيش
وقال الشاعر عبدالله بن مسّيب الجروان هذا المقطع من قصيدة طويله :
وأعرضها لمـن سكن حـي النظيـم *** عـبـقـري ولـلـمـثـل فـكـره يـريـق
يـم ابـن عــبـار صـديــقٍ حــمـيــم *** يطـلـع عـلى الـمـثـل عـز الـرفـيـق
شاعـر ومثـل البحـر يـلطـم لطـيـم ***عـالـي الأمـواج مـن طبـه غـريـق
سـجـل التـاريـخ مـا فـكـره عـقـيـم ***جوهـر الأشعـار مـع لفظـه يشيـق
وقال الشاعر عبدالله بن مسيّب الجروان هذا المقطع من قصيدة طويله :
الصبح يمشي من مشاريق نجـران ***عـليـه مندوبـي مكـلـف وعـجـلان
يـم الـذي كـلـف لـنـا جـيـب نيسـان ***منصاه أبـن عـبـار راعـي الحميـه
دونـك خـطـابي وصـلـه للفـهـيـمي *** ملـفـاك أبـو مشعـل بحـي النظيمي
لا جـيـت بـيـتـه لازم أنـك تـقيـمـي ***عقـب السفـر وتـريحـون المـطـيـه
عنـد الـذي مـا هضمته المصاريف ***ويشفق عـلى كثر الكرم والتكاليف
ويفرح إلـى لفـا عـلى بيته الضيف ***ويـقـدم الـخـرفـان والـشـاذلـيــــــه
قـل مرسولكم جاني ومعه الرساله *** مظمـونـهـا التـاريخ شـرح ودلالـه
مع صور أصحاب السمو والجلاله *** وأنـا أعـتبـرهـا من جـزال الهـديـه
شروى جنابك مابهم شك وأشكوك *** فزعت من دعوه رفعها أبن متروك
يشهد بها تلك المسجـل مع البـوك *** مـع الـذي سـكـن مـطـار الـحـويــه
عرضت نفسك للمشاكـل ولأطعـان *** ما قـلـت مالي في خلايف سليمـان
يـوم الردي عند المواجيب ما بـان *** تـقـول أنـا ما أتـرك حـقـوق عـليـه
بـيـنـت نـفسـك يـوم وقـت الحـمـيـا ***عـلى النقـا مـا هـو سوالـف اغبيـا
كـم واحـدٍ غـيـرك نـخـيـتـه وعـيــا *** يـحسـب عـلـى عنــاز ميــه بـمـيـه
ولا رضيـت الهـون بحقـوق عـنـاز *** حتى مشا العاصي على غيرماجاز
وغير الـذي قالـوا فـلا عـاد نعـتـاز *** أهـل الـفعـايـل والـعـزوم الـقـويـه
مـا قـلتهـا قـصدي أثـاره لـمـا فـات *** أفطن ترى الفايت مثـل ميت مـات
قـلـتـه شـهـادة لـلحـمـيـا بـالأثـبـات *** وقـفـات أبـن عبـار مـا هـي خفيـه
عبدالله الـلي ماقـفه ماقـف الشيـخ *** تجـدع سهومـه لابسين المجاويـخ
جـمع شمـل وايـل بكتـب وتواريـخ *** يـوم أن كـلـن مـا اعـتـنـا بالقضيـه
كـرس مـجـاهـيـده لـتـاريـخ وايــل ***وجـمـع شـذوذ مشتـتيـن الحمـايـل
من عقـب ما هي غاطسه بالقبايـل ***رجـع نـسـبـهـا لأصـلـهـا وايـلـيــه
وأظهـر من أصله موشك باندثـاره *** نـازح قـديـم وذوبــتـه الـحـضــاره
وضّح لـه الأنسـاب مثـل الـمـنـاره *** يـشـوفـه الـلـي يـعـتـزي بالسـميـه
بحث مع أهل العـلم وأصدر قـراره *** واركـن على تاريخ عرف وجـداره
ديـوان يـيغـض مـن بـدمـه حـراره *** قـبـيـلـتـه يـفـهـم نـسبـهـا عـنـزيـه
والـلي مابـه غـيـره ولابـه مـراره *** ما يـرفعـه طيـب النسـب والـوقـاره
لـو أنـت ابـن عمـه يحطـك يسـاره *** ويـرتـاح فـي دارٍ عـلـيـه أجـنـبـيـه
عـلـمـتـهـم بـمـجـلـدات الـديـاويــن *** من عقب ماهم مـدة قرون ناسيـن
وبينت مظمون القصص بالبراهين *** مثـل الحديـث الـلي محـا الجاهليـه
حـق عـلى البـاحـث بكـل المـمـالـك *** يـفـيـد ربـعـه فـي دروب ومسالـك
وحـق عـليـهـم مـا يـتـناسـون ذلـك ***بحفظ النسب من كان عـنده دريـه
روابط تركـز عـلى اعمـاد وأطنـاب *** والله عظيم الشان وصى بالأقراب
ماهي روابط مجتمع حلف وأحزاب *** اليـا طـمع بـاق العهـد فـي خـويـه
الـحـمـد لـلـه نـفـتـخـر فـي نـسـبنـا *** ونحسب إلى حسبت مواقف عربنا
وعـدونـا يشـكي عـواقـب غـضبنـا ***مـن صلـب وايـل ما جمعنـا هـفيـه
مثل العرب على العرب ما بنا زود *** وكـل القبايـل فيهـم الطيـب ماجـود
قلتها وكـل الناس بحقـوقهـا أسـود *** يـذكـرهـم الـتـاريـخ فـي كـل هـيـه
هـذا حصيل البحث والهرج ماكـود *** دونـت كـل الـلـي تـطـولــه أيـديــه

ابـــــــــداع وجهود رائعه

وقال الشاعـر أحمد بن صالح القصيّر هذا المقطع من قصيدة :
عليه قرم إلى مشى النوم مـا جـاه *** يوصل سلامي لأبـو مشعـل ويأتيـه
وإذا وصـلـتـه يـا نـديـبي بـمنصـاه *** يضحك حجاجه حين توصل وتأتيه
تلـقـا معـاميلـه عـلى النـار مـركـاه *** بالزعفـران وهيـل والعـود يـتـلـيـه
وامفطح فوق الصحـن كـود تلـقـاه *** أكـرام ضـيـفـه لا لـفــا عـادةٍ فــيـه
متوارثين الطيـب سـاسـه ومـربـاه *** من صلب وايـل مبعـديـن المناويـه
عـطـه الرسـالـة والبيـوت المنـقـاه *** نعـمٍ بأبـو مشعـل إلـى حـل طاريـه
حـيثـه كتـب تـاريـخ وايـل بـيـمنـاه *** يـوم الـردي عنهـا تونـت خطاويـه
مشكور عنـوان الشرف والمـرواه *** ترفع له البيضاء على راس عاليه
عـبـدالله المنعــور يحـمـيـه مـولاه *** مـن شـر حساده ومن شـر أعاديـه
هذاك أبن عـبـار يـفـرح بمـن جـاه *** نـثـني عـلـيـه وكلـنـا نـفتخـر فـيـه
مـن لابـةٍ تـثـني نـهــار الـمـثــاراه *** تـاريـخهـم بالكـتـب سجلـت باقـيـه
وبينت فعـل الـلي يهـابـونـه أعـداه *** وأفعالهـم مـاهـي كذايـب وتـفـويـه
عـلى اللنقا والصدق مابـه حـيـالاه *** قـولـك صحيح منـزه القـول تنزيـه
ولـفـت ديـوانـك وتـعــلـن خـفـايـاه *** للجاهل اللي فعـل الأمجـاد خـافـيـه
الجاهـل الـلي مجـد وايـل تـنـاسـاه *** وأنساب وأصل اللي يدوّر عزاويـه
حتى وسـوم الـبـل أهـلـة وعـرقـاه *** وضحت وسم النوق يوم المداويـه
وتنصح عن كلام الخطأ والمهاجاه *** وعـن كل هرج بـه مذمـه وتشويه
وعملك ما تطلب بـه المـال والجـاه *** تبغي أضهار الحق عن كـل تمويه
أنا أشهـد أنك قمـت بجهـدٍ شكرنـاه *** عسى السعـد دوم الليـالي يـباريـه
وكتـاب قطـرات الشعـر لـه مـزايـاه *** بـمسـاجـلات مـع بـعـيـده ودانـيـه
بـه تـعـلـن الـتـوبـة وأنـابـتــك لـلـه *** والله وعـد من تـاب للخيـر يهديـه
والـلـه فـرحـنـا يـوم تـوّب لـمــولاه *** ونطلب عسى الله في ثباته يقـويه
والمـغــفـرة عـن كـل زلـة كسبـنـاه *** وحسن الختام ورفعته عنـد واليـه
تـم الجـواب الـلي بـقـافـي نظـمنـاه *** والمعذرة عن كـل عايز ظهـر فيـه
وقال الشاعر أحمد بن صالح القصيّر :
الفكر هاض وجبت بيـت عـلى بيـت *** وشلت القـلم والبوك بين البهامي
وأرسلتهـن للـوايـلي ذايـع الـصيـت *** القـرم أبـو مشعـل رفيع المقامـي
الصبح من عندي مشى ناحر هيـت *** يـبي الرياض بحفـظ رب الأنـامـي
أنـص النـظـيـم ولا تـعـداه لا جـيـت *** تـلـفـي لـبـيـت مـدهـل لـلحشـامـي
راعـيـه قـولـه يـا هـلابـك وحـيـيـت *** قـبـل السـوال يـبـادرك بالسـلامي
وعنك العماس يغـادرك لا تقهويـت *** دايـم دلالـه والـمـات اشـمـامـــــي
ومفطح عـليـه تـقـلط إلـى أمـسيـت *** سـلـم لعـبـدالـلـه عشيـر الكـرامـي
وكان استرحت بربعتـه وارجهنيـت *** عطه الكتـاب ويفهمـه بالمـرامـي
فيه السلام اللي له العد ما احصيت *** عليـك يا حـايش جـمـيع الـنعـامـي
أطيب من العنبر وغـالي اليـواقيـت *** وألـذ مـن درت ردوم الـسـنـامـــي
لـكـن نـحبـك يالبناخـي إلـى طـريـت *** ونطلب لك الحسنا بحسن الختامي
حيث أن منهجك الحمية عن الميـت *** ولأجـل الشهادة والمروة تحامـي
قال الشاعـر أحمد بن علي النصيري هذا المقطع من قصيدة :
أهـدي لـعـبـدالـلـه تـحـيـه وتـقــديـر *** ومن قطف زهـره نالني كـل نايـل
قـريت كتـاب مسطـر القـاف تسطير *** صفحات تحكي عن تواريخ وايـل
بشـر وضنـا مسلـم وعـنـّاز تحـديـر *** تـحـدرت منـهـم شـعـوب وقبـايـل
تـكـاثـرت كـثـر الـزهـر والـنـواويـر *** وفندها أبو مشعل فروع وحمايـل
عـد الـبـوادي كـلـهـا والـحـواضـيـر *** وجـمع بـتـألـيفـه ألـوف العـوايـل
قـال الحقايـق مـا بـقـولـه أسـاطـيـر *** وبانسابـهـا ورد صحيـح الـدلايـل
وسلسل بني وايل من كليب والزيـر *** وذكـر فـعـايـل طـيـبـيـن الـفعـايـل
مشكـور فـي مدحـه لكـل المناعـيـر *** بالجهد ما قصّـر عـريـب السلايـل
وبالشعـر نظمـه مثـل نقـد الدنانيـر *** حكيـه عـدل مـا قـال بـه كـل قـايـل
يا الـلـه عساه ميسر الحـال تيسيـر *** وكـل ما نوى جعله يحوش النفايل
وعسى حيـاتـه بالمسـرات والخيـر *** يعيش أبـو مشعـل حميد الخصايـل
الـلـه يـفكـك مـن جـمـيع العـواثـيـر *** ويحميـك ربـك مـن بلا كـل عـايـل
قال الشاعر عبدالعزيز بن عطا بن رويعي هذا المقطع من قصيدة يسند :
صوب الرياض ولأبن عـبار مغـزاه *** الـوايـلـي مـنجـوب زبـن الـونـيـه
الـقـرم أبـن عـبـار يـعجبـك طـريـاه *** من صلب وايل نعـم والـلـه سميـه
قـرم يـهـلـي بـالـمـسـيـّر إلـى جـــاه *** والـيـا وصـلـتـه بـلـغـه بـالـتحـيـه
من ضـافهـم يبشـر بحـلـو المنـابـاه *** عـز الـصـديـق وللعـدو سـم حـيـه
يا الـوايـلي مشكور قـولـك سمعنـاه *** عـلى النسب مع البيوت الصخيـه
أصـدق دلايـل واضـح حـيـن تـقـراه *** مـن وقتنا الحاضر إلـى الجاهليـة
كـل الأمـور مـبـيـنـه كـان تـبـغــــاه *** بجهود أبـو مشعـل ولا هي خـفيـه
فـنـد لـنـا الـويـلان والـشـرح وفـّـاه *** ثـمـان جـمـوع وتـنتسب وايـلـيـه
الـجـد واحـد حـامـلـيـن امـسـمـــــاه *** ومتوارثين الطيب وأيضا الحميـه
يـوم الـعـصـور أيـام دور الـمـثـاراه *** قطعانهم ترعـى الـرياض الخـليـه
قال الشاعر عويد صران العنزي هذه الأبيات من قصيدة :
ومن بعد ذكر الله صنعـت القـوافـي *** من خاطرٍ يبدي اليا جاء اللزومي
مـهـديـه لـلـي بـالـمـهـمــات وافـي *** عـبـدالـلـه العـبـار نسـل القـرومي
مشكـور يـالجـار العـزيـز السنـافي *** والـلـه مـا قـصـرت جعـلك تـدومي
الطيب من عصـر السنين المقـافي *** أهـل المعـاني حافـظيـن السلـومـي
لـك لابـة مـبـطـي تـبـوج الـفـيـافي *** مـثـل الحـرار الـلي تعلا الرجومـي
علـم ظهـر يـوم السنيـن العـجـافـي *** منهـم مصّـوت بالعشـا بالحـزومي
وفرسان في يـوم اللقـا مـا تخـافـي *** عــدوهـم لازم يـعــود مـهــزومـي
عقـاقـرة لا صـار ضـرب الشـلافـي *** مثـل الأسـود الكاسـرة بالهجومـي
عـز الله أنـك يـا فـتى الجـود تـافـي *** لا دبّـر الـخـايـب ردي الـعــزومـي
أمـدحـك والتـمجيـد مـا هـو بكـافـي *** أفعـالكـم مـا تـنحصي بالـرقـومـي
أهـديـك أنـا التقديـر بآخـر مطـافـي *** والورد والريحان ومسك يعـومـي
هذه الأبيات قالها الشيخ مفلح بن مرشد الشريفي :
أنـت الـذي جـمـعــت تـاريـخ وايـل *** وبديـت تجـدد سابق المجـد تجـديد
تـفـخـر بـوايـل وأنـت فخـرٍ لـوايـل *** وأولاد وايـل تـفـتـخـر بـك بتـأكـيـد
سخـرت لـلـتـألـيـف كـل الـوسـايـل *** يطول عمرك يا أبن عبـار وأيـزيـد
مـاني بخيـص بشـد قـاف المثـايـل *** لـكـن بـقـلـبـي لـك مـودة وتـأيـيـــد
وقال الشيخ داغش بن مرشد الشريفي :
جـاني جـواب مـن الفهيـم العفيـفي *** يحـوي مـثـايـل بالـمعـاني بليغـات
عـوايـده عـنـد الـلـوازم يـقـيـفــــي *** سجل لنا تـاريـخ مـا هـي هـوالات
تسلم يا أبو مشعل وقصدك شريفي *** فـيـك الحـميـا والـمـزايـا كـثيـرات
تمشي بدرب الطيب لـو هـو كليفي *** عملـك لـلـويـلان طـيـب وجـمـالات
مـن لابـة بالكـون جـمعـه يخـيـفـي *** جـمـوع تبيـّن صيتهـم بالقـوامـات
فـدعـان بـالـطـولات بـحـر مطيفـي *** يشهد على هذا الفعـول القـديمـات
ترعى قفور الدو مشتى ومصيفـي *** من فـوق خيـل بالملاقى عسيـرات
خيـل نهـار الكون ترجـف رجـيفـي *** ترهب قـلوب الضد يـوم المثـارات
عـزالدخـيل وعـز جـار وضعيـفي *** يعـنـا عليهـم مـن بعـيـد المسافـات
وقال الشيخ داغش بن مرشد الشريفي هذه الأبيات من قصيدة:
يـا الـلـه يـا خالـق شعـوب وقبـايـل *** فـي محكـم التـنـزيـل بينـت معـنـاه
يـسـر لأبـن عــبـار كـل الـوسـايــل *** حـيـثـه نـزيـه ولا يــدور مـكـافــاه
عـكـف عـلـى تـاريـخ لأولاد وايــل *** وبنى على الواقع مسيره وممشـاه
كتـب مع الأنساب روس الحمـايـل *** ونزه عن التزييف كتب بها امضاه
دوّن كـتـاب ودوم لـلـحـق قــايــــل *** ياخـذ ثميـن الهـرج والكـذب ينفـاه
تشكر يا أبو مشعـل ولـك الجمـايـل *** عـلى بني وايـل من أقصـاه لأدنـاه
وضـحـت بـكـتـابـك جـميع الـدلايـل *** للجيل الـلي حاضر وجيل أنترجـاه
وقال الشيخ داغش بن مرشد الشريفي الرويلي :
عسى أبو مشعل من طويلين الأعمار *** وتكفيه شـر الكيد وأهـل الحيـالات
وتجعـل طـريقـه دوم يشرق بالأنوار *** الـلي عـلى التـاريخ سّطـر منـارات
جـمّـع بـنـي وايـل مـن كـل الأقــطـار *** بمـجـلـدٍ يحـوي من العـز صفحـات
سـجـل فـعـايـلهـم وخـطـه بالأسطـار *** جـمع لـنـا تـاريـخ بضبط السجـلات
الـنـادر المشهـور مـن ماكـر احـرار *** مـن لابـة الفـدعان ستـر القصيرات
فـدعان ضـد الضـّد كـان الدخـن ثـار *** وأن أنـتخـوا بالـروم بـهـده وردّات
يـا مـا بـهـم فرسـان وشيـوخ وأمـّار *** ورثـن من الجـدان ما هي دعايـات
ويـن الهـماج اوين عـذبـات الأنهـار *** ويـن السراب وين عمق المحيطات
وقال الشاعر لافي بن شخيّر الجعفري هذه الأبيات من قصيدة :
تلفي عـلى اللي نال عـلم الحميـدي *** عـبـداللـه العـبـار نـاطـح اصعـبهـا
من سـاس لابـة ينطحـون العنيـدي *** إلـى هاجت الهيجاء وحامي لهبها
الـلابـة الـلـي بـكـل ديـرة تـسـيـدي *** هـج الـمعـادي مـا قـدر يـقـتـربـهـا
يا مؤلـف التـاريخ كـنـز ورصيـدي *** من جـوهـر النيروز صافي ذهبهـا
كـنـز يـورث مـن حـفـيـد لحـفـيـدي *** تقرابـه أصناف البشـر فـي أدبـهـا
وأنـت الـذي مـن خبرتك نستفيـدي *** أحصيـت كـل أفـعـالهـا مـع نسبهـا
أجهـدت في جمعـه ورايـك سديـدي *** ويستاهل الطولات من هو كسبهـا
عسى أبـو مشعـل كـل يـوم سعيدي *** والـعـز غـايـات النـفـوس وطلبهـا
وعـن الـحـقـيـقـة دايـم مـا يحـيـدي *** يمشي عليها الـوايلي مـا اجتنبهـا
وقال الشاعـر لافي بن شخيّر الجعفري العنزي :
وياراكب من عندنـا فـوق صالـون *** آخـر مـديـل مـصـدره مـن بـلـدهــا
يلفي عـلى قرم لـه الناس يصغون *** مـن لابـةٍ بـالـطـيـب كـلاً حـمــدهــا
يتلون أخو قطنه بالأعساروالهون *** فـدعـان بـالـشـدات تـنـطح كـودهـا
يمشون للمـوت الحـمـر مـا يكنون *** ستـر الهنوف الـلي تنقض جعـدها
وبالمرجلـه والطيب دايـم يفوزون *** كان اقحطت شهب السنين برغدها
بـراس الجذيـبه للهـواشـل ينـادون *** للضيف والجيعان واللي اعتمدهـا
أقـولهـا من عـرض ناس يقـولـون *** تاريخهـم موجود مـا أحـدٍ جحدهـا
ولاأنت عارف ومثلكم من يعرفون *** والعـلم عـنـدك مـن معـالـم رودهـا
وتبقـا لنا يالصيرمي ذخـر مظمون *** يـامـن خطـو الـلاش نفسه قـردهـا
وقال الشاعـر لافي بن شخيّر بن سالم الجعفري :
شديت مـن يطوي بعـيد المسافـات *** وعليه من يوصل جـديـد الخطـابي
أرسـل لـبـو مشعـل سلام وتحيـات *** وأشكـر مسعاكم يا عزيـز الجنـابي
لا تستمع لأهـل الحسد والدعايـات *** نــقــالــت الـنـمـة كــبـار الـعـلابـي
حتى بيـن الأخوين يعـمل حـزازات *** ويتعب على جيب الخـزا والخرابي
ياعل من هو عـلى الأجواد شمّـات *** يـجـزاه ربـّـك بـالـفــنـا والـذهـابـي
الـلي يـبـون يـفـرقـون الجـماعـات *** ولا سلمـت منهـم البشر والـدوابي
دونـت لـنـا تاريخ مـا هي روايـات *** وسعيت في جمعـه ولو بـه اتعـابي
واموكـده بعـلـوم وشهود واثـبـات *** وامـورثـيـنـه شـبـيـهـا لـلـشـبـابـي
تقرأ بـه اصناف البشر بالسجـلات *** بـه الـشـجـاعـة والـكـرم والأدابــي
نشكرك يا راعي العلوم الجـزيلات *** ترفع لـك البيضاء بروس الـروابي
ويعـل عمرك من اعـمار طويـلات *** يـالـوايـلـي يـالصيـرمـي يالـعـقـابي
وقال محـّرق بن غيلان بن مغامس الأشجعي رحمه الله هذه الأبيات من قصيدة
تلفي على المعروف دون العناويـن *** عبدالله الـلي جـاب فعـل القـديمـي
جـاب الأفعـال الـلي عليهـا براهيـن *** عـن لابـة الويلان عوق الغـريمي
الوايلي علمه عـلى الراس والعيـن *** والشاهـد الله قـلتها مـن صميمي
دايم عـلى العليـا يحـث المضاعيـن *** حيثـه على المرقاب مشيه هميمي
مـن لابـة الفـدعـان مـا هـم خفييـن *** خـويـهـم بـالـكـون مـا يستضيمـي
اللي عـلى فعـول المراجـل مقيميـن *** تـقـليـدهـم يمـتـاز مـالـه لـطـيـمـي
وعـمـلـك لـلـويـلان مـالـه تـثـاميـن *** تاريخ فخر الشيخ هـو والزعيمي
يا ليت يوصل ما وصلـت الغلاميـن *** يـا كاتـب التـاريخ مجـده عـظيـمي
أرسلت لـك صـورة وكزيـت بيتيـن *** باغيك عـن بعض الهفاوي تشيمي
أبي أختصـر يالعـارفيـن الفهيميـن *** وأهـديـه لـلي بمنهـجـه مستـقـيمي
وقال الشاعر محمد بن لطيّف بن عويدات البجيدي هذه الأبيات من قصيدة :
وبـعـد ذكـر الـلـه خـلاق الـعــبـيــد *** الـخـبــر يـصـيــر قــبـلــه مـبـتـــدا
يـم أبـو مشعـل عسى عمـره مديـد *** شـاعـر وفـيـه الـعـوارف تـشـهــدا
يا صليـب الـراي يا شيخ القـصيـد *** أبـو مـشـعـل فـي قـصـيـده يـحـمـدا
بـادع الأبـيـات بـالـعــقــد الـفـريــد *** بـالـحـكـم والـمـدح وأيـضـاً بالحـدا
عـن بـنـي وايـل تـلـقـيـت الشـديـد *** تـجـهــد ولا راح مـجـهـودك ســـدا
مـا يـهــمـك كـل شـيـطـان مــريــد *** لــو تـفــوه فـي لـسـانــه مــا بــــدا
قـيـل مـا فـك الـحـديـد الا الـحـديـد *** وانـت شـعـرك للمـفـاصـل يـفـصـدا
يـا بـعـد خـطـو الهبـيـل المستشيـد *** شـاف نـفسه واعجبـه طـول المـدا
تــايــهٍ لا يـسـتـفـيـد ولا يــفــيــد *** خبـط عشوى يـوم عـن قـافـه غـدا
مـا فهـم بالمدرسـة درس النـشيـد *** ويـنـقـد الـشـعـار جـعـلـه لـك فــــدا
مـا اعـرفـك لاشك شفتك من بعيـد *** والـتـعـّـرف مـقـصـدي مـالـي جــدا
فـي زمـان ضـيّـع الـراي الـسـديـد *** وصـاحـب المعـروف يجـزأ بـالـردا
والـنخـل فـيـهـا تـبـرأ من الجـريـد *** والـقـصـيـر ايـطـاول جـبـال الـهـدا
وأعتـذر أن كان في هـرجي زهيـد *** وأدمـح الــزلات جـعـلـك تـسـعــــدا
وقال الشاعـر جزاع بن عبيدالله العيدي الغنزي هذه الأبيات من قصيدة :
هات القلم وأكتب جوابي بالأشعـار *** وأكتـب لأبـو مشعـل سلام جزيلـي
سـلام أحلا مـن لبـن شقح الأبـكـار *** وأحلا من الشهد المصفـا الأصيلي
لا هنـت يا شهم الرجال ابن عـبـار *** يا أبن دهيمش جعل عمرك طويلي
في طاعـة المعبـود عـلام الأسـرار *** اللـه يجيـرك عـنـد وقـت الـرحيلي
عساك بالدنيـا مـن النـاس الأبـرار *** وبـالآخـرة مـع الصحـابـة نـزيـلـي
حيثك ذكرت الحق وأطلعت الأنـوار *** الـلي طمسهـا قبـل فعـلـك بخـيـلي
وأجهدت واتعبت القلم هو والأفكار *** وجـمعـت شتـانـه وبصّـرت جـيلي
أول كـتـاب وثـانيـاً رسـم الأشجـار *** الشـجـرة الـلي مـا تـمـل المـقـيـلي
نشكرك شكر بعـدد الرمل واحجـار *** حيثك وضعـت لعـقـب وايـل دليـلي
نيابـة عـن عقب نومس بالأسطـار *** أنـوب لـو هـم مـا انصبوني وكيلي
من حيـث بالطيـّب يقرون الأخـيـار *** بـالـلي يـقـال مـن الكـلام الجميـلي
وأنته من الأخيار يا نسـل الأحـرار *** والشكـر فـي مـن مثلكـم يستويـلي
ولا الـردي دايـم اشـكـوكي وهـذار *** يهـرف بـمـالا يـعـرفـه مستحـيـلـي
ويقـول أنـا دكتـور بالعـلـم بـيـطـار *** والعـلـم كـايـد مـا يعـرفـه هـبـيلـي
والمرجلة والعلم مصدر هـل الكـار *** الـلي يعـرفـون الجـدد والسمـيـلـي
وقال الشاعر دحيم بن شايم العنزي هذه الأبيات من قصيدة :
الطرس نادى يا أبـن وايـل نـديمـه *** نادى اليراع وجاء لشعـري مجالي
والشعـر لـه مـغـزا ومعـنـا وقـيمـه *** وهـرج بـلا معـنا عـطـاه الـزوالـي
أهـديـك مـن قـافي عـلـوم قـديـمــه *** أبـيـات شعـر وبالمعـانـي أجـزالـي
يهديك من صاغ القـوافي صميـمـه *** تحـيـة الأقـصى وشـكـر الـمـوالـي
وأطلب عساك بحفظ مذري نسيمـه *** وعسـاك دايـم دوم منـزلـك عـالي
يالـوايـلـي بالـطيـب تملـك قـسيمـه *** ورثـت طيبـك من عمـام وخـوالـي
والطيـب لـه عـادات تـبقـا امقيـمـه *** مـا تنمحـي عـبـر الـزمن والليالـي
عـبـدالـلـه الـعــبـار ربـي يــديـمــه *** الـلي كسـب بالطـيـب فـعـل مـثـالي
مشكور يا شيخ القصيـد وزعيـمـه *** قـلت الحقيـقـة والحقيـقـة اتـقـالـي
نهضـت بالـواجـب بجـد وعـزيـمـه *** وتنوض في شيل الحمول الثقـالـي
رايـك سلـيـم ولـه عـلـوم سـلـيـمـه *** ومن طيب ساسك ما تحب الهزالي
يفـدونـك الـلي هـروجهـم بالنميمـه *** الـلـي لـغـاهـم بـس قـيـلٍ وقـالــــي
ويـفـداك حكـاي العـلـوم الـوخيـمـه *** مـنبـوذ مـالـه بيــن ربعـه مجـالـي
يخلف نوايا اهـل العقـول السقيمـه *** عنـد الـرخوم الـلي سواتـه اتلالـي
هـذاك مـالـه عـنـد شـرواك سيـمـه *** حيثك تروم صعود روس الجبالـي
يامن عـلـوم المـرجلـة مـا تظيمـه *** ولا الهاه عن فعـل الجميل الريالي
مـن ساس لابه يكسبون الغـنيمـه *** نـالـوا سلـوم الطـيـب بـأول وتـالـي
منهـم مصـوت بالعشاء والوليمـه *** الشيـخ أخـو قـطـنـه كـريـم السبالي
أبـن مهيـد الـلي ضيـوفـه حشيمـه *** لـه الـكـرم مـع مـتـعـبـات الـدلالــي
الـلي يجـيـه بشـر يلـقـا الهـزيمـه *** مـن روس لابـة ما تهـاب القـتـالـي
وقال دحيم بن شايم العنزي هذا المقطع من قصيدة جوابيه :
رد الـزمـيـل الـلـي نـزيـه جـنـابـه *** أبـن دهـيـمـش لـه تحـيـه وعـرفـان
عبدالله الـلي مـا سمعـت الـردابـه *** حيث أرتفع عن كـل عيـبٍ وحقـران
كـرّس اجهوده مـن بدايـة شبابـه *** دايـم عـلـومـه لـلـرجـاجيـل عـنـوان
من جاه عاني لـه بطيب أعتنـابـه *** دايـم وهـو فـي وجـه عانيـه فرحان
وعمن نصاه بطيب ما صـك بابـه *** ولـه مجـلسٍ مدهـال ذربين الأيمـان
مـن لابـة للضيـف ترهـي زهـابـه *** أقولها وعندي عـلى القـول برهـان
وعـن واجبـه ما قيل طـّول غيابـه *** الله يجازي راعي الأحسان بحسان
ولاهي غريبه وأنت من صلب لابه *** مـن ساس قـوم شانهم باللقـا شان
فدعان كان أخو الهنوف انتخـابـه *** نعم بهم في ساعة الخوف شجعـان
رجـالـهـم وقـت الـلـقـا يــقـتـدابــه *** أن كان ثـار العـج فـي وسط ميدان
يـا عـنـك مـا هـو بالـمـلاقـا زلابـه *** يارد حياض الموت وأن ثار دخـان
يا الـقـرم ردك بالقـصيـدة زهـابـه *** وفـاحت علينـا ريح عنبـر وريحـان
وتواضعت عن ما ذكرت أرتوابـه *** فكـر وخـذ من وافـر الشعـر ديـوان
والـلي نـقـولـه حاسبيـنٍ احسـابـه *** وثار الشعر في داخل الصدر بركان
نطلب عسى يحفظك منـزل كتابـه *** وعسى الكريم ايبدل الذنـب غـفـران
وقال محمد بن حريميس بن فهد العنزي هذا المقطع من قصيدة :
جاش الفواد وشاقني يا أبن عـبـار *** قـافٍ بـصـفحـات المجـلـه قـريتـه
قريت منظومك على زين الأسطـار *** رســمٍ يـدوّن لـلــتــراث أهـتويـتـه
ايخلـد الذكرى عـلى نـفس الأحـرار *** تخـلـد الذكـرى عـلى وسـع بـيـتـه
أنـت الحكيـم الـلي للأشعـار بـيطـار *** وأنت الفهيم اللي شهر ذكر صيته
مشهـور صيتـك ما شريتـه بـدينـار *** صيتـك بتـاريـخ الـقـدايـم حـمـيتـه
دوّن له الماضي على طـول الأدوار *** قصـرٍ عـلى تعـزيـز ساسـه بنيتـه
مدحك بني وايل عـلى ماضي صـار *** ما تـنجحـد صفحـاتـه الـلي بديتـه
بعهـد الذين حجـروا بـيض الأطيـار *** محجـرت بـيض القطـا ومحتميتـه
مدحتهـم يـا وافـي الشبـر باصخـار *** مدحك لهـم ذكـرى سلفهـم حكيتـه
أسلافهـم تسـري عـلى كـل الأذكـار *** كـلـن حـكـا مـاضـيـه حـيـه وميتـه
أذكـارهـم تـطـاولـت فـيـه الأخـبــار *** مشهور بـيـن العـارفـة والصنيتـه
تاريخهم معـروف في كـل الأقـطـار *** من الشرق للقطب الشمالي رقيته
اولاد وايـل مـا بـتـواريـخهـا أنكـار *** قـمـة شـواهـيـق الجـبـال أعتـليتـه
مـرقـاه للقمـة عـلى روس الأطوار *** طـوراً الـيـا عـديـت راسـه لـقـيتـه
قـمـة جـبـل منـهـا يفيضـن الأنهـار *** حوض الرواء من كل ساقي مليته
قولك صحيح ولا أنت بالقول مكـار *** يالـوايـلي مـنـظـوم قـافـك نـقـيـتـه
وصفك بني وايل على قب الأمهـار *** بشيوخهـم نبـراس شعـرك هجيتـه
عـلى مكارمهـم نـما جـني الأثـمـار *** ثمـر زهرهـا مـن شجـرهـا جنيتـه
صـفحـاتـهـم غـرا عـلى نـور تيــار *** تجلي الدجا عـن مـن تعـثـر مبيتـه
صفحات بيضا من ثمينات الأشعـار *** تثميـن قـيمتهـا شـرف مـا شريتـه
ثـمـنـت كـار مـدلـهـت حـم الأوبــار *** والـلي أعـتـزى بالـوايـليـه نخيتـه
تنجي الدخيل وتحتمي شيمة الجـار *** مـكـارمـن كـل الشـرف محتـويتـه
يصعب على كتب القلم عـد الأخيـار *** مهمـا حضـر تعبيـر قـولك سديتـه
وأرجع وأزف ارسالتي لأبـن عبـار *** بـرسـالـتي شبـل المعـنى نصـيتـه
نـجـّبـت مـنـدوبـي لحكـيـم الأشـوار *** من فـوق جمس صافي نـور ليتـه
ملـفـاه عبـدالله بـعـد طـول مشـوار *** يـا حـي ملـفـا مـن نصيتـه وجيتـه
وقال الشاعر محمد بن حريميس بن فهد العنزي هذا المقطع من قصيدة :
خـط وصـل بـازكى التحـيـة ختـامـه *** فوجئت بوصولـه عـلى غير ميعـاد
مشتـاق لـه والقـلـب زاد أهـتمـامـه *** وقـريـت عـنـوانـه تـراديـد تـعـــداد
خـط الصديق الـلي جـوابـه كـرامـه *** رمز الفخر جوّد على عصر الأجداد
عـن طايش المنطق تشـدد احـزامـه *** لـه مع هـل العـليـا مكانـه ومـقـعـاد
رحـبـت بـه تـعـداد رش الـغــمـامــه *** واعداد مـن لبس الجدايـد بالأعـياد
وأعـداد مـا سـاد الفـرح بابـتسـامـه *** بأهل الأخلاق السامية بين الأجواد
يهـدى عـلى اللي قـدر الـلـه مقـامـه *** عـبـدالـلـه الـعـبـار شغمـوم الأولاد
من سـاس لابـة يحتمـون الجهـامـة *** فيما مضى بسنان واعنان واشـداد
لـلـضـد سـيـف ولـلـكـرامـة كـرامـه *** وفرسان لا ركبوا على هجن وجياد
من لابـة الفـدعـان بـيض العـمـامـه *** حـريبهـم يشكي الـنـدامـه والأنكـاد
يرمز لهـم رمـز الشرف والشهـامـه *** ما أقول قول بـدون تثبيت وأسنـاد
مجـد الفـخـر يـرقـون قـمـة سنـامـه *** مجد الفخر طاوع لهم طوع وعنـاد
مـنـهـم مـصـوت بـالعـشا بالـتـزامـه *** مـومي لهشـال الخلا صابهـا جهـاد
ريف الـذي وقـتـه مـن الـقـل ظـامـه *** حـده دجـا الظـلما عـلى حـزم جـلاد
ابـن مـهـيـد الـلـي تـفـوق نــظـامــه *** الكـل يشهد له عـلى روس الأشهاد
يغـني عـن التعـريـف زود احـترامـه *** هـداج تــيـمــاء يـدهـلــه كــل وراد
شيخ ورفـيع المجـد يـلبس اوسامـه *** فخـر الكـرم جوده على جودهـا زاد
رصيـد مجـده مـا تـلاشى انعــدامـه *** تـوارثـتـه أجـيـالهـم حـتى الأحـفــاد
وقال الشاعر محمد بن حريميس بن فهد العنزي أيضاً :
يا مرحبـا بالخـط ومن ولـف الخـط *** اعــداد تـألـيــفـه وكـتـبـه وخـطــه
بـلـسـم عــلاجـه لـلـخـلايـا يـنـشـط *** وصـفـة عـلاجـه مـن فهيـم يخطـه
مـن حـكـمـتـه تفصيل كـتبـه منقـط *** كنـه وضع ماء الذهب في انـقـطـه
تـقـول مـن خـالـص ذهـبـهـا ينقـط *** رسـمٍ عـلى نـقـش الكتـابـه يحـطـه
مثل النقوش اللي على التبر تنحط *** بـيـديـن صـواغ الجـواهـر افـقـطـه
قبـلـه أنـا واهـمـوم قـلـبي مشابـط *** سـاعـه تـشابطني وسـاعـة شبطـه
جاني وأنا في حيرة القـلب مشتـط *** وقـريـت رمـزه وأبعـدت كـل شطـه
ملفـاه عـنـد الـلي لضـيـفـه يـقـلـط *** قـرم عـلى شـمـخ الـعـوالـي منـطـه
مارد روي ماهو حسو مشربه خمط ***مـنهـل اعــدودٍ ريـهـا مـا تـغـطـه
لاغاصت الضلفة على محمل الغبط *** وثقلت على شيل المحامـل اغبطه
يـشيـل ثـقـل الـلي بـحـمـلـه تـورط ***إلـى ابتـلش بأسلاك شايـك أورطـه
هـذاك عبدالله عـلى الشيـل والحـط *** بشجـاعتـه حكـمـه وميـزه وخطـه
عن الشوايب منطقه يضبطه ضبط *** ويطـلي جـربـهـا لا تـبـيـّن احبطـه
دلـيـل غـدراء لـيـل عــتـمٍ تـرابـــط *** مـا تـاخـذه من غفـوة النـوم غطـه
دلالتـه صح الخـبـر يشتـرط شـرط *** عـلى تـصـاحـيح الـدلايـل اشـرطـه
أدل مـن النوخذ على بوصل الغبـط *** أدل مـن قـبـطـان مـاهــر اقـبـطــه
فهيـم ما يدبك عـلى هامش الخبـط *** موزون عـقـلـه مخـزنـه مـا خبطه
مـا هـو الـذي يخطي جوابه ويغلط *** اللي ما يميّـز صحتـه مـن اغـلطـه
يكـرم جنـاب الـوايلي منهـل الشـط *** نهـر الـفـرات الـلي ورد جـم شطه
وأقـبـل تحيـه عـدد ما قـلت بالنبـط *** بكامـل عـدد حـرفـه وجملـة ابنطه
وقال الشاعـر محمد بن حريميس بن فهد العنزي هذا المقطع من قصيدة :
يـا راكـب الـلي ولـع الـشـمعـتـيـني *** كـبـسـات غـاز مجهـزه مـن بـلاده
وصلـوا ريـاض الـعـز للـوافـديـني *** الـعـاصمـه دار السـعـد والـسـعـاده
معهـم جـواب مصـدره مـن كنينـي *** عـن الشـوايـب حـافـظـيـن انتقـاده
مـنـي لأبـن عـبـار ذرب الـيمـيـنـي *** الـلي عـلى الطـولات وثـق اشداده
مـلـفـا جـوابـي تـرثـت الـطـيـبينـي *** مـلـفـا الـجـواب وباللـوازم اسنـاده
عـبـدالـلـه الـلي بالمعـاني فطـينـي *** الـلـي لـه بـفـهـم الـمـعـانـي سـيـاده
مـن راس لابـه طعنهـم بالعـرينـي *** ضـد الحـريـب الـلي تـزاود اعـناده
ضـد الـذي قـلبـه بالأحـقـاد شـينـي *** عقب السطر يسلك طريق الهـواده
لطـامـت العـايـل وهـيـف السمينـي *** أن شـح بـالهـيّـن كـبـيـر الـوسـاده
يـقـول لـي بـشـراك عـلـمٍ يـقـيـنـي *** مـن مصدرٍ ماثـوق يعـرف إستـاده
أستـاذ فـاهـم كـل عـلمـه رصيـنـي *** عـمـيـد عـلـم ويـسـتحـق العـمـاده
وقال الشاعـر محمد بن حريميس بن فهد العنزي من قصيدة جوابيه :
جواب قرم من الشواعير محسوب *** عـبـدالـلـه العـبـار فـرحت صحيبـه
من ماكرٍ عالي على راس مشذوب *** مـواكـر الــنــّدر حـرارٍ عـطـيـبـــه
وكر الحرار الـلي لهن بالنـدا نـوب *** أقـلهـن وقـت الـلـزوم اتـغـزي بـه
صبة ذهب من وايل الأصل منسوب *** مـن وايـل الأول جـزيـل الـوهيبـه
رايـه سديـد ويـاخـذ الفكـر بسلـوب *** كسبت مواهيب الذكى من نصيبـه
حاز الأدب أيضاً مع الناس محبوب *** مـن لابـة لـهـم شـجاعـه وهـيـبـه
أديب شاعر باحكم الفكـر مصحوب *** يسلـك طريقـه مـا يهاب الصعـيبـه
وإلـى فـصل دالـوب يـبـدأ بـدالـوب *** مايشرب الثنوه إلى أسرب سريبه
مـا حـرفـه عـن واقع الحق زاروب *** ولا يـفلجـه عـنـد المخاصم طليبـه
حكيـم حجـه عند قاضي ومنصـوب *** ولا يـلـفـظ الا كـل كـلـمـه مصيـبـه
من واقع المنطق مهو هرج مقلوب *** عـلى مثـل شرواه ما هي غـريبـه
إلـى توجـه للهـدف مضربه صـوب *** والعـلـم مـابيـن المـلأ لـه ضريبـه
مـن سب أبـن عـبار عساه منكـوب *** تضهـر عـليـه مـن الليالي غـليبـه
عبداللـه الـلي بالفهامـه لـه ادروب *** قاس الديّـر واعـتاد رقـي الجذيبـه
وإلى التزم بالراي ما يقـلب الثـوب *** ما اهبلك ياللي بالظلام اتحـكي بـه
وعده شرف ماهو مواعيد عرقوب *** عـمـايـلـه لأولاد وايــل كـسـيـبـــه
من مارثة عناز كان احتمى الشوب *** وركبوا على قب المهـار العـريبـه
وتـنادوا الشجعـان شياب واشبـوب *** كـلاً يـبي يـركـب شـداد الـنجـيـبـه
كسبه جليل الكسب من كل مكسوب *** كسبـه جـلايـل مـوميـات الجـنيبـه
والنعـم بالويلان في سلم واحـروب *** مـن لابـة يشـكي طـنـاهـا حـريـبـه
متوارثين الطيب مـن دور يعـقـوب *** طبع لهم وقـت العـصور الـرهيبـه
يـوم الليـالي بيـن ناهـب ومنهـوب *** كـلاً يـحـاول مـطـلـبـه بـالـغـصيبـه
كـم فـارس طشوه بالـدرب مكبـوب *** مضرابهـم يخـلـف مـداوي طبيبـه
مـن فعـل شجعان لها الدم مشروب *** فـي موقف نحس ظروفه عصيبـه
الدم سايل وأحمـر القفش مشبـوب *** والخـيـل بالفـرسان عـجـل هـذيبـه
كـم طاح بنحور الفداعين معـلـوب *** من ضرب شلف ما يداوى صويبـه
وقال الشاعر محمد بن حريميس بن فهد العنزي :
سر يا قلم وأكتب حسينات الألعـاب *** سـجـل لأبـن عـبـار مـنـي مـثـايــل
راع الجواب اللي له الطيب مركاب *** عـد الـروى لا نـشـفـن الـبـلايــــل
إلى حداك من اشهب الملح ملهاب *** أرد الـعـدود وخـل نـبـع الـرفـايـــل
أرد العـدود اللي مشاريبها اعـذاب *** أشـرب قـراح وكـب نضح الثمايـل
خـل الرسوس اللي نضيله تغصّاب *** مـا تسقي العطشان مـاهـا نـضايـل
هذاك هومنجوب من خير الأنجاب *** مـن روس ويـلان تحـوش النفايـل
قـريـت مـن تـوليفكم كـل مـا طـاب *** بكـتـاب عـنـوانـه صـدوق الـدلايـل
يزيد منطوقه عـلى نهج الأعجـاب *** ألــذ مــن در الـبــكـار الـهـجــايـــل
وبالطابـع الـرابع تعـاليل الأنسـاب *** تـوليف أبن عـبـار عـن بـني وايـل
تعـليل تأليفـه عـلى صح الأعـراب *** من واقع المنطق ما هـو قول قايـل
من واقع الماضي على قول شياب *** صـحـت نـبـأ هـذا اثـبـوت الأوايــل
من واقـع ماضيه يـثـبـت بالألـقـاب *** تـحـديـد تـاريـخـه بـقـول صمـايـل
واصلت مجهودك وقاسيت الأتعاب *** وذلـلـت عـقبـات الغـلـط والجهايـل
سلكت منهاج فـتح صفحن اكـتـاب *** مـنهـاج مـن تـاريـخ دم الفـصـايـل
مـن مستمـد اسـلاف قـاده وكـتـّاب *** تـوارثـوا أحـفـاد نـسـل الـسـلايــل
صحت خـبـر تثبيتها عـد واحسـاب *** شادوبها اصحاب الفخر والفضايل
الـلي لهم فـي قـمة المجـد محـراب *** كـم شيـدوا مبنى الفخـر والجمايـل
أفعالهـم يـوم الـوغى فـك الأنشـاب *** عـلى سـروج المرهمـات الأصايـل
يوم أنها كانت على خيول واركـاب *** وقـت الذخـايـر واشـتعـال الفتـايـل
مكـارم الـويلان تعـرفـها الأجـنـاب *** تـعـرف بـني وايـل فـروع القبـايـل
اكسوبهم يوم الطرد عوج الأرقاب *** يا ما أخـذوا من معبسات الشمايـل
وياما هفا برماحهم عكف الأشناب *** أفـعـالـهـم مـا نـالـهـا كـل نــايـــــل
أسـودٍ تـعـلـق بالعـدا روس نشّـاب *** دكـلاتهـم تـشفي القـلـوب الغـلايـل
يستشهد الماضي بسعدون وعقاب *** وحجاب ستـر معكرشات الجـدايـل
هـذا جواب الـوايلي والفخر طـاب *** مـثـايـل تـكـتـب عـلـى كــل فــايـــل
نهـديـه للحضار والـلي بالأصـلاب *** تـبـقـا عـلى التـاريـخ مـا زال زايـل
تبقا ابتسامتها على وضح الأنياب *** صـافي صفـاهـا مـا دخـلها محـايـل
مـا قـلتـها حـيـلـة ولاني بـنـصـاب *** أخص أبـن عـبـار راعـي الجـزايـل
لـك الثنـاء مـنـا على صح الأيجاب *** عـن بـني عـايـد عـدهـم بالكمـايـل
حنا بني نومس مواريث الأعصاب *** لنـا الشرف بالعـد والـراس طـايـل
وقال أيضاً الشاعر محمد هذا المقطع من قصيدة :
العـلـم لـحـواش الـنـفـايـل اكسـابـه *** جمـلـت دواويـن الـعـرب دونـتـهـا
يفخـر بـه الـلي عـززه واعـتـزابـه *** عـبـدالـلـه الـلي مقصـده ترسنتهـا
شـبـل الـمـعـنى رابـح مـن غـزابـه *** وضـّح معـالمهـا وجـّمـع اشـتـتهـا
تـاريـخ عـن تـراث وايـل مـشـابــه *** كتـبـه تصاريـح النـظـام انشـرتهـا
أجـاز تـألـيـفـه نـظـام الـرقـابـــــــه *** أجـازتـه فـي مـنـتـظـم مـوجـزتهـا
عـلى مثـل شرواه مـا هـي غـرابـه *** جـل الـمعـالـم يحتـضـن تـقـنـيـتهـا
حـفـظ تـراثـه وافـتـخـر بأنـتسـابـه *** لـبـه مـن صدور الـرواه احضنتهـا
الـوافي المنجـوب مـن روس لابـه *** فدعـان تسمـو بأسمهـا لأحـفـدتهـا
مـا تـنجـب الأشبـال كـود الـنجـابـه *** أسودهـا مـن سـاسـهـا نـاخـبـتـهـا
الطيـب سـنـدا يفـتـخـر مـن رقـابـه *** اليـا رامتـه نـفس عـزيـزه رقـتهـا
السيف قـوّت شـذرتـه فـي نصـابـه *** مضرب مثل قو السيوف انصبتهـا
قـالـوا رجـال العـرف عـني نـيـابـه *** وأدرجت معـلومي عـلى معـرفتهـا
وأن لـم تكـن ذيـبٍ كـلـتـك الذيـابـه *** شيب الذيابـه تفـتـرس مـن تحتهـا
وأحسن ما قل ودل حسن الأصابـه *** وتجنيـب حقـد النفس ومجـاريتهـا
وأقـبـل تـحـيـه يـا عـزيـز الـقـرابـه *** من نفس تـوفي لـك شكر مقدمتها
وقال الشاعر صالح بن دخيل بن مغرا العنزي هذا المقطع من قصيدة :
عـبـدالـلـه العـبـار يـا فـارق السـوم *** نـظـرتـك بالجـزلـة محنـك ومقـدام
لـك في مـدار الفكـر مفهـوم وعلـوم *** تنهـل من الماضي ونظـرتـك قـدام
قـالـوا ولا طالـوا وأنـا أقول يـا قـوم *** مـا للشـكـالـة كـود فـارس وعـّلام
معروف يجزأ بالردى وأنت محشوم *** ضاعت رسوم الطيب عام بعدعام
ولا يا أبو مشعل وأنا أقـول مقسوم *** وقبلـه زمـان البحتـري وأبـو تمـام
وأشوف وقت اليوم يزرع به الدوم *** فـي منـزل الطيـّب وبالشارع العـام
الطيب يزرع بـه ويحصد بـه الثـوم *** والمرجـلـة مفهومهـا لبس مـرزام
وقال عطية بن حماد بن عرجون هذا المقطع من قصيدة :
شفت الكتاب وما أحتونه اسطـوره *** وقـريت عـن تاريخ وأنساب وايـل
وقـدمـت شـكـري للـمـؤلـف ودوره *** حيثـه تقصى فـي جميع المسـايـل
قـال وتقصى وأعتـذر عن اقصوره *** وقسّـم بـني وايـل فـخـوذ وقبـايـل
كتب على التاريخ صفحـة وصـوره *** وكـل ما ذكـر فعـل ذكـر لـه دلايـل
عـدد افـعــول لـلجـمـيـع امـخـبـوره *** وأثـنى عـلى فعـل الجدود الأوايـل
حـنـا هـل الأمجـاد وأهـل المشـوره *** وحنـا اهـل التاريخ وأهـل الفعايـل
كــم يــوم عــزٍ قـاطـفـيـن ازهــوره *** تـاريخـنـا فـيـه العجـب والهـوايـل
تاريخ تشهد له مـواضي اعصـوره *** من دون نقـص فـي جميع القبايـل
ذكـر الـفـعـايـل لـلـقـبـايـل ضـروره *** لـمـجـرد الـتـذكـيـر والـشـك زايـل
وقال عطيه بن حماد بن عرجون أيضاً :
قـريـت مظـمـون الكتـاب ومعـانيـه *** جزل الشعر وأصول وانساب وايـل
واعجبت به واعجبت في كل مافيه *** وهاضت قـريحة خاطـري بالمثايـل
الـقـيـل زان وبـسـم الإلـه نـبـديـــه *** اشـكـر جـهـودك يـا كـريـم السبايـل
اشكر أبو مشعـل واشكر مساعيـه *** عـبـدالـلـه الـعـبـار ذرب الـفـعـايـــل
الوايلي حامى ووقـف دون عانيـه *** جـاهـد وكـافـح فـي جـميع الوسايـل
كتـب عـلى التاريخ بـبهـام أيـاديـه *** جـمـايـل يـا كـثـرهـن مـن جـمـايـــل
ربط مع الحاضر وفاعيـل ماضيـه *** وكـل مـا ذكـر فـعـل ذكـر لـه دلايـــل
ياجب عـلى الويلان بفعـله تكافيـه *** الـعـامـة وكـبـار شـيـوخ الـقـبـايـــل
الحاضـرة والبـاديـة مـن عـوانـيـه *** وكـل من تعزوى واعتزا بسم وايـل
وقال عطيه بن حماد العرجون أيضاً :
حنا عنزه واجدودنا بشـر وجـلاس *** والـيـا اجـتمـعـنـا كـلنـا عيـال وايـل
أصـولـنـا وأنسابـنـا مـابهـا أدنـاس *** وتاريخـنـا معـروف بـيـن القـبـايـل
حنا الذهب من معدن الدر والماس *** مـن شك فينا وحـاول الشـك عـايـل
افـعـالـنـا وسلـومـنـا تـرفع الـراس *** حنـا الشـرف والمرجلـه والفضايـل
حنا سنـام المجـد والعـلـم والساس *** وحنـا هـل الطولات وأهـل الفعـايـل
عدونا كسبه عمى عـيـن وأفـلاس *** وصـديـقـنـا كسبـه عـلـوم الـنـفـايـل
أقولها من ما بنفسي من احساس *** أشـوف مـن بعـض العـلوم الهـوايـل
أسند على اللي فاز في كل نوماس *** عـبـدالـلـه الـعـبـار وافـي الخصايـل
يا مسندي أشوف ناس من الناس *** قـامـت تخـبّـط فـي أصـول الحمـايـل
وقال الشاعر خلف بن سعود الثبيتي الخمعلي هذا المقع من قصيدة :
سلام ياللي شفت في صفحة اليوم *** يابن الكرام اللي على الطيب معتاد
رفيـق صادق عـزه الله عـن اللـوم *** وتشهد على قولي شغاميم الأجواد
عـبـدالـلـه العـبـار ميـراث شغمـوم *** مـن لابـة عـنوانها يـزهى الأمجـاد
أحـب عشـران الوفـاء دايـم الـدوم *** وأرفع مقـام النفس عـن كـل نـقـاد
وقال الشاعر مايح بن عويجان المضعان العنزي هذا المقطع من قصيدة :
الـلي قبـالـه مثـل شـرب القـراحـي *** الـوايـلي عـز الـذي يفـتـخـر فـيـه
عـز القريب وعـز مـن جـاه ناحـي *** الـلي عـلوم المرجـلـه مـا يخـلـيـه
هـذاك أبـو مشعـل بعيـد الشبـاحـي *** شـبـحـه بـعـيـد وطيـبـات معانـيـه
راعي الدلال اللي بها الهيل فاحـي *** الـوايـلي بـالجـود طـالـت يمـانـيـه
ذبـاح حـيـل وخـاطـره بانـشـراحي *** هـذي مفـاعـيـلـه وهـذي مـبـاديـه
عـبـدالـلـه الـعـبـار طـيـر الفلاحـي *** عسى الولي عن كل عاثور يذريه
الحـر الأشقـر كـان ضـم الجنـاحـي *** يعجبك مضرب صيدته يوم يرميه
ونـعـمٍ بـربـعـه طيـبـيـن المـراحـي *** ويلان وأن شان اللغى عند راعيه
عاداتهم وأن جاء نهـار الصياحـي *** خيـالـهـم مـن ناطحـه كـود يـاذيـه
حيثـك بفعـل الطيب تلبس اوشاحي *** تستاهـلـه يالوايلي وأنـت راعيـه
يا عـز مـن ضاقـت عليـه المنـاحي *** وضيّع طريق كان يالقـرم ماشيـه
يا ريـف ضيفـه بالسنين الشحاحي *** عز الرفيق أن كان باحت عزاويه
قافك كما الهداج مـا هـو ضحاحـي *** أنا أشهد أنـه دوم تروى ظواميـه
يـزوم زومـات الـبحـر يـوم زاحــي *** الـلي بـه المينـاء ثـقيلـه رواسيـه
وأنت الذي قافك كما النـور ضاحي *** ومن تاه عن درب الحقيقه اتقديه
وقال الشاعر مايح بن عويجان المضعان أيضاً :
يا راكب اللي ضف جنحانـه وطـار *** مـن سرعـتـه يسرع بـرد الأجابـه
وإلى صعـد ياخـذ مع الجـو مشوار *** سافـر لأبـن عـبـار يحمـل خطابـه
مع السماء ماله عجاجة ولا غبـار *** يلـفي عـلى شخص عـزيـز جنابـه
وش حيلتي يا مسندي يا أبن عبار *** بالـلي تـوالـي الليـل قـلبي سرابـه
وقال الشاعـر مايح بن عويجان بن مضعان :
حـركـه مـن عـنـدنـا بـعـد العـتـيـم *** يــم أبــن عـبـار جـاهــز لـلـسـفــر
تلـفي الـلي منـزلـه وسـط النـظيـم *** بـيـن كـل المجتـمـع عـلـمـه ضهـر
أبـو مشعـل لابـتـه عـوق الخصيم *** والـمـعــادي دوم مـنـهـم فـي حـذر
لابـتـه بالكـون مـا تخشى الغـريـم *** مـن نطحهم شـاف لـوعـات وقهـر
وكـان سـرد الخيـل غـدالـه رهيـم *** شـلـفـهـم بالـكـون تـقـص الضهــر
يا أبو مشعـل أنـت فهمـان وحليـم *** تفهـم الموضوع فـي لـمح البـصـر
وقال مايح بن عويجان المضعان :
عيـد سعيد وكـل شخص فـرح فيـه *** يـعــود عـيـدك يـا زبـون الـونـيـه
الـلـه يـديـم البيـت بوجـود راعـيـه *** ويـديـم عـزك يا راعـي الغايـريـه
أنـت القـمـر وحـنـا نجـوم تـبـاريـه *** يا عـز مـن صارت عليـه الـدعيـه
علمك صعد يالقـرم فـي كـل تاجيـه *** ورفـعـت ذكـر الـعـزوة الـوايـلـيـه
ونعـم بأبو مشعل إلـى حـل طـاريـه *** والحـق كـلـن يـذكـره مـع خـويـه
يا أبن المعـنى فعـلكـم نفتخـر فـيـه *** طيبك غدا يالقرم شمس أضحويه
الـلـه يـعـزك يـا بـعــيـد الـمنـاويــه *** ودربـك عسى ربـي يسهـل نـويـه
أنت الـذي يالقـرم تعجـب مساريـه *** بالطيـب والنخـوة وفعـل الحـمـيـه
شمخـت بـيـت مـشيـدات رواسـيـه *** بـحـي الـنـظـيـم مشـيـدٍ بـالـركـيـه
دار نزلتـوبـه عسى السيل يسقيـه *** ويسقي أركـان الـدار مـن كـل فيـه
بيـت يـرحـب بالـمسـايـيـر بـانـيـه *** اليا شافـه الخاطر فـرح في مجيـه
يلفي عـلى اللي حين يلفي يحيـيـه *** يـذبـح لـه الحـايـل ومـعـهـا تحـيـه
مـع دلـة صفـرا عـلى النـار ماليـه *** دايـم يـصبـه لـلـوجـيـه الـرضـيــه
النجـر يضـبح والسوالـف اتلاديـه *** مـن واحـدٍ مـا قـيـل هـرجـه رثـيـه
هرجـه مثل نقـد الذهب بيد شاريه *** مثـل الجواهـر يـوم تلفض اشفيـه
وقال الشاعر سعود بن عويد الفرحان الجعفري هذا المطع من قصيدة :
يوصل كتابي شوق مدقوق الألعاس *** القـرم أبو مشعـل عـريب القبيلـه
حيثـه فهيـم ومنهجـه كـل نـومـاس *** ربـه عـلى طـيـب الـنـوايـا دلـيـلـه
أشكي لأبن عـبـار من بـدت النـاس *** حيثـه من الـلي باللـزم ينشكي لـه
وقال الشاعر عازي بن سليمان الجعفري هذا المقطع من قصيدة :
يـم أبـن عـبـار مـنـي عـانـيـن لـه *** وأن وصلتـه بـلغـه زاكـي سلامـي
فـي قـدومك كبش وامنعـنع ودلـه *** وخـاطـر يقـريك عـن لـذ الطعامي
لـو تـحـجـج مـا لقـيـت أيـات زلـه *** مـن ورد لـلعـد مـا جـاه الحيـامـي
يا أبو مشعل عيني دموعـه تهـلـه *** بـت ساهـر مـا تهنيـت ابـمنـامـي
وقال الشاعر عازي بن سليمان الجعفري :
يلفي عـلى قـرم العيـال أبـن عبـار *** الـوايـلي راعـي العـلـوم المجيـده
من الربع اللي رجالهـم دوم جبـار *** يرسي كما ترسي الجبال المشيده
يرسي كما ترسي قويات الأصخار *** قـرم يـعـاضـد بـالـلـوازم عضيـده
مجذوب ساسه من صناديـد عقـار *** شاهـدهـم التاريخ غيـر القصيـده
يـوم الهيـاهـي مـا يولـون الأدبـار *** إلـى صار يـوم فيـه قـص الفنيـده
لا صـار يـوم فيـه عـج الرمك ثـار *** كـم فارس مشهـور بـتـوا وريـده
اللابـة الـلي فعلهـا مـاضي الأدوار *** تركي عـلى كبـد المعـادي وقيـده
عـز الـله أنك قـلت قـول لـه أثمـار *** مثـل اللـوالـو مـا عـليـهـا نـقـيـده
وأنـت الـذي لـو فيـه للشعـر تجـار *** أستاردت كـل الـدول مـن قصيـده
أستاردت لـو كان غـالي بالأسعـار *** حيثـك مرشح عـن جميع البديـده
يا شوق اللي قرنـه بالأمتان نـثـار *** خطـك وصلـني واضح لـي بنيـده
يـا مـرحبـا بـه عـد مـا سايـر سـار *** وأعـداد ما ترجف مزون برعيده
وأعداد ما هلت من المزن الأمطار *** وأعـداد من هـو للحرم لاح بيـده
ساعت وصلني خطكم مثل الأزهار *** الشـاهـد الـلـه كـنهـا يـوم عـيـده
وقال الشاعر علي بن قعود بن ذريب العنزي هذا المقطع من قصيدة :
نظمت قـاف مفصله فصـل فصّـال *** ما ينقده من كان بالشعـر حـريّـف
من صافي القيفان ما طبها احثـال *** تهدى لأبن عبار ذيب المشاريـف
أبن المعنى ريـف من جـاه هشّـال *** عبدالله العـبـار شـوق الغـطاريـف
من لابـة تكدي المعادي اليـا عـال *** الوايلي مـا ياخـذ الشعـر تسليـف
وقال الشاعر الأديب سليمان بن فليّح الباطح هذا المقطع من قصيدة :
يلفـي لأبـن عـبـار يـا جاهـل فـيـه *** خـل الخـبـر فـي الجـمـل مبتـداهـا
الشاعـر المبـدع بلـيـغ التشـابـيـه *** الـلي المعـانـي والبـلاغـه حـواهـا
سمعـت نظمـه واعجـبني معـانيـه *** جـزل العـلـوم الـلي بـقافـه بـداهـا
لو كان في عصر الخليل وسيبويه *** الـنحـو حـطـه والـقـواعـد بـنـاهـا
مـا ظني الـلي قـلت يحتـاج تنويـه *** يالـنـابـه الـلي فـي ذكـاه انتـبـاهـا
وقال الشاعر بدر بن شريدة الغضوري هذا المقطع من قصيدة :
يلـفي لمـن لا شـاف ضيـفـه يـهـلي *** من عـزوة يوم اللقا تروي الشلف
لا جيت أبن عـبـار قـلـه وصـل لـي *** تحريركـم مـا بـه تحايـل ولا بـلـف
نـقـرأ جـمـيع أخـبـاركـم بالسـجـلي *** ونشري الجريدة لويحدونها بألـف
حاولت أجـي لزيارتك ما حصل لي *** واللي يترك واجبه عين صاد ألـف
وقال بدر بن شريدة الغضوري :
نسند على اللي نال علم النوامـيس *** عـبدالله الـلي مـا مـشى بالطمانـي
أبو مشعل وقت اللزم يرخي الكيس *** أنا أشهد أنه ريـف من جاه عانـي
عسى يفداه اللاش والنذل والهيس *** حـيثـه كـريـم وللـردى مـا أيـدانـي
خطـو الولد لو كرمته بالسنه تيـس *** يجيـه مع كثـر الهـروج اهـذيـاني
ولا أنت شروى مبعدين المراميس *** ذبـاحـة للـضـيـف حـيـل اسـمـانـي
ما اطيع بك يالقرم هرج المناحيس *** أهـل النمـايـم قـاصريـن الـيـمانـي
اللي مشوا بين العرب كالجواسيس *** وعن المصاعب يتبعون الهوانـي
من حسدهم للناس صـاروا بلاليس *** والحسـد يهـدم شامخـات المبانـي

جهودك للقبيله تفوق ماقيل بك من ثناء . وماقيل
قليل بحقك سجلت تاريخ. للقبيله وصدح صرير
قلمك وفكرك حتى سمع به الشرق الاوسط وسمعه كل عربي . ولا ابالغ بما قلت بل هذه هي
الحقيقه . ولانخشى في قول الحق لومة حاسد او غيور . وفقك الله على درب الخيرواطال الله بعمرك يامن وصلت الارحام واشغلت نفسك والناس نيام . لاينكر جهودك كل شريف

تستاهل يا ابو مشعل

بالفعل ابن عبار معروف وتعرفة عنزة كلها والقبايل ومعروف بالصدق والامانه والاخلاص الله يمد بعمره.

نعم يا أخي يكفي ان اسمه ابن عبار هالاسم هذا يعني حاجات كثيرة جدا ونعم فيه و بالعبار الكرام