الغافل أهل الحائط

الغافل اللي ما يبـــون الأذيــه = لوإن خلق الله بغتنا إبوذاها
نصبر أوند مح لوتجينا الخطيه= لوربعنا فينا كثيرخطاها
ألآ إن تعدت قدم فالـــــه طميه = روس الخطا تصفق إبقاسي حصاها
لازم تشـوف إعيونها المكرهيه = أولاعاد ننشد عن زعلها أورضاها
غافل إموصينا أوقضبنا الوصيه = بنفوس من لينه تولد قساها
غافـــل سليل غبين راع العطيه = البذل من كف الندى لعطاها
له مدة بالجود ماهي رديه = من نفس تعطي جودها من نصاها
الجود ورثه ساسها وايليه = من وايل الأول خذ وها أورثاها
غافل لها سـوى لها قابليه = عطية غبيني زمانه حكاها
غافل سكن دارحماها إبغريه = يوم السنين اللي تصافق هواها
يوم إنها بالكور والشوشليه = والخيل واللي ركبها وأوتلاها
غافل بنى الحايط ولليوم حيه = بالعزم دارالجود قام أوبناها
ورث بعد مامات دارعذيه = لعياله اللي شمروا في جباها
حامينها بعزومهم مقدريه = هذا بعد هذا تولى أوحماها
جابر ولد غافل إبروح رضيه = بالطيب رابي ما توانا أونساها
جود إسلوم أهل الحجا والحميه = أولاد وايل ورث وايل عزاها
الطيب موروث إيقدم هديه = جابرإمكمل ما يدور جزاها
محيي التراث اللي من الجاهليه = على النقا داره إمعذي إحماها
وريمان اخوه إمبهــرالشاذليه = لجاه مضرم من إدلاله دواها
مرحب هلا بقبالته مـــــرحبيه =عنده تريح بالوطن من عناها
أودرع المسمى ماخذاها حذ يه = أبوه غافل منه طيبه خذاها
ماله إبحقه مثل دفـــــــع العنيه = ماحسب المخسار وأعطى وراها
منهم تسلسل كل شيــــخ قضيه = حاما على الديره أوعذى ثراها
لليـــــوم باقي للقــــدايم بقيــــه = أحفاد غافل قاضبين عصاها
فيها الجوابرمثل عد رويه = ينسف على الطيه من الجم ماها
لأقبل عليهم ضيف فالنار حيه = يجذب مهاتيش المساري سناها
بالسمن تنضح للمسير إيد يه = من سهل الأنفس قدموا في عشاها
قبل العشا جابوا مناسف مليه = من الضان فيها ماغلي مشتراها
جابرألا يالله ماتجيه سيه = مفني إعيال الضان مكرم إلحاها
لجواه ضيفانه غداله وحيه = هيا العجل بوجوبها من إقراها
أبومحمد شوق جال الثنيه = مكرم بغاديد الدلال إحتماها
حامي إسلوم ما وصلت له عريه = الطيب بأعلاها وسق في قراها
أبومحمــد حطتــه مكــرميه = كم حايل للضيف جابر رماها
الشاهد اللي ترتجيـه البريه = الواحد اللي معتلي في سماها
جياب مزن لأرهشت عقربيه = الواحد المعبود عالم خفاها
اوصلواعدد نجم يبين العشيه = أومارددت ورق الحمايم إغناها
على النبي تعداد روحه أوجيه = أختم بها القيفان في منتهاها

والنعم وألف نعم بالجابر وجميع أهل الحايط فهم أهل نخوة وحمية لقبيلة عنزة ولا يمر موقف من المواقف الذي تخص القبيلة ألا ولهم حضور فشكراً للشاعر ناصر على هذه القصيدة

بارك الله فيك على القصيدة الجزلة ... والنعم ومليون نعم بالجابر .... وصح لسانك...

شكري وتقديري لكل من أخي الأكبرشاعرعنزه عبدالله العبارعلى مروره الكريم على القصيده وعلى إطراؤه الجميل والشكرموصول للأخ أبا وائل الوائلي على مروره الكريم وإطراؤه الجميل لاهنتما ولاعدمتكما دمتمابود مع التحيه والإحترام

صح لسانك الشاعر ناصر الجابر قصيدة جزلة من راس جزل