( قصائد بمناسبة تكريم الشاعر غالي بن ونيس بن شتيوي لزميله عبدالله بن دهيمش بن عبار ) - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

02-10-2018, 01:06 PM

( قصائد بمناسبة تكريم الشاعر غالي بن ونيس بن شتيوي لزميله عبدالله بن دهيمش بن عبار )

في مساء يوم الجمعة الحادي والعشرون من شهر جماد الأول عام 1439 هجري قام الشاعر المعروف غالي بن ونيس بن شتيوي السلمي بأقامة مناسبة في استراحة الشّرق الأوسط في مدينة بريدة حضر هذه المناسبة عدد كبير من قبيلة عنزة والقيت عدّة قصائد وشرفنا الرجل الفاضل الشيخ ناصر بن غياض بن شتيوي السلمي مشكوراً بأهداء درع كتب به :

شكر وتقدير
يطيب لي أن أتقدّم بالشكر والتقدير للشاعر والأديب عبدالله بن عبار
على جهوده المتميزة في خدمة قبيلة عنزة
الشيخ ناصر بن غياض بن شتيوي السلمي

وهذا قصيدة الشاعر متعب بن عيد الغضوري يثني على زميله عبدالله بن دهيمش العبار وهو سبق وأن قالها في حفل الشاعر الحميدي بن نبات بن صنعا في حفل تكريم عبدالله بن عبار وزملائه :

تـوه حضـر القـصيـد وتو جوه صفا *** وتـو شـّرد بـيـوتـه وقـتن لـي هـنـا
وتو سرب الفرايد وسط جاشي لـفـا *** وتووصلت جيوشه عقب جهد وعنا
وتونبض المشاعر من جروحه شفا *** وتـو يـوم التخـاذل والتراضي وانا
يا قصيدي وقيلك ما حصل لـي كـفـا *** اطـلع اطـلع وحلق مـن هنـا لا هنـا
دام عـيـني ورمشي لـك ظـلال ودفـا *** والضلوع المحاني لك سياج وبـنـا
خل عندك اخلاص وخـل عندك وفـا *** حـان وقـتـك تـقـدم والمكاسـب لـنـا
دام مثـل الحميدي ما اعذرك وعـفـا *** خـل برقك يلوح وبالسماء لـه سنـا
ابن صنعا يبيني تبين للوفي ما هفا *** واكرم الـلي لقـومـه بالـمعـارك ثـنـا
ابـو مشعـل سـراجـه لأ أبـد ما طـفـا *** يـعـتبـر للقبيلة كـنـز واعـظـم غـنـا
كـل وقـتـه وجهده بـاذلـه مـا ايخفـا *** شال حمل لو أنـه فـوق ضلع انحنـا
شاعر وبيت شعـره ينحته من صفا *** فـوق زحـل وعطارد شّيد اكبـر بـنـا
ماشكامن شموس ولا شكا من حفا *** مـن الثـرا للثـريا بـه طـموحـه عـنـا
عـن غـريمه وضده مـا تراخا وعفا *** غرس الغرس واثمر ثم هاهو جـنـا
يشبـه المـزن ديـمـه استهـل وضفـا *** جـعـل يـفـداه مـن هـو بالنمايـم دنـا
يا ابن عبـار والـلـه من لجهـدك نـفا *** مـا نصدق كلامـه لـو شتمـك وشنا
المـنـافـق عـلومـه دون وجـه وقـفـا *** كـل ما سـال سيلـه ينحجـر بـمحنـا
لـك سجـل يشّـرف مـا لحـقـك بـجفـا *** وكل ناقـد شهد لك وكل راعي معنا
مـالـك أي وصيف ولا خـلـفك خلـفـا *** فـي زمانك ووقـتن قبـل وقتـك فـنـا
مـا غـفا موق عينك يوم غيرك غـفا *** يبطـن البيض مثلك ما يجيبن ضنـا
انـت والـعـز دايـم والـجـزال حـلـفــا *** يـوم خـطـو الـزلايـب للهـزال زبـنـا
امدحـك يـابـن عـمي والردي بمهفـا *** هل الجدعا عضودك كل ربعي وانا
انـت قـدرك بـجـاشي مالـه أيـا ولفـا *** حي فعلـك وعـلمك حـي راس طـنـا
جـاء بنص الحديث بسيرة المصطفا *** ياجب اني ابيّـن لـك لـو انـت بغـنـا
انـت الأول وغيرك مـن بعدك وصفـا *** وانت راعي الوسام اللي يعلق هنا
أنت والمرجله من يـوم جـيـت حـلفـا *** آدمـي خـلـق الـلـه بـكـل اعـتـنـــــا
ابن صنعـا احتفتابك والقصيـد احتفـا *** والمشاعر تجاهك تنشد اجمل غنا
يالمعـنـا قـصيـدي مـا وقـف واكتـفـا *** حيل طرقـه تجاهك مـا وقف وانثنا
جـنـك بـيـوت نظـمـه بـالشداد اردفـا *** كلهـن وجهـن لـك زرفـلـه واعونـا
يا رمـوز القـبـيـلـه دون سـر وخـفـا *** اكرموا ودعموه ماانتم عيال أجبنا
الشعـر كـالمعـارك كـان عـجـه سفـا *** وقفتك يا أبو مشعل من أجلنا ولـنـا
يا ابن عبار قـدرك وسط جاشي رفا *** يشهـد الـلـه وخلقـه مالـه أي وزنـا
بـمنهـجـك يا عـلمـنـا نستدل عـرفـا *** وسيرتـك يـا فـخـرنـا للنشـامـا مـنـا
المـراجـل نصنـك مسرعـات اصففـا *** رافـقنـك وصرتـم بـالصـعـود قـرنـا
انت رجل شريف ومـن رجـال شرفا *** جـعـل عـود نجبـك فـي نعيم وهـنـا
افتخـر بـك وافـاخـر والجموع وقـفا *** كـان جـت ساعـة فيهـا حيـاة وفـنـا
انـت والسيف الأملح يالـعديم اكتـفـا *** لك وجاهن وجاهن به كفلت اسجنا
انـت بـاحـث مـؤرخ عـادل مـنصـفـا *** يعلم اللـه مثل شعرك ما مر ارضنا
انـت مـنـقـذ مـفـادي محسن مسعـفا *** وانـت وقـت المناحـا تعـتبـر مزبنـا
وانـت لـك الـسـلام الـوايـلي يـعـزفـا *** وانت مال القصيد لحضرتك وانثنـا
الورق يا أبو مشعـل والقـلـم يرعفـا *** مـا يـوفـيـك ريـع الـلي بـذلـتـه لـنـا
واعـتبر كـل شاعـر لا مدحك انصفا *** رغـم جهده وصبره والتعـب والهنا

قال الشاعر غالب الونيس بن شتيوي هذه القصيدة ترحيب في زميله عبدالله بن دهيمش العبار :

هـلا هـلا حـي الـلـه الـحـاضـريـنـــا *** حـي الـلـه الـلـي شـرفـونـا بمسيار
ولـنـا الشرف بحضور طلـق اليمينا *** لنا الشّرف بحضوركم يا أبن عبـار
شـرفـتـنـا يـا تـرثـت الـغـانـمـيـنــــا *** الـلـه يـبـعـد مـن تـحـبّـه عـن الـنـار
يـا شـاعـر الـويـلان حـقّـك عـلـيـنـا *** نـذكـرك بالمعروف بالسّـر واجهـار
أنـت الأديـب ومـقـدم الـبـاحـثـيـنـــا *** وأنـت المـؤرخ وأنـت للشّعـر بيطار
مـع مـوكـب الشعـار رحـنـا وجـينـا *** وشعر أبو مشعل تاج في كل مظمار
أهـل الـقـلـوب الـبـض والفـاهـمينـا *** لـك عنـدهـم شيمـه وقـيمه ومقـدار
وقولوا معي يا حضور يا سامعينـا *** جعل أبو مشعل من طويلين الأعمار

قال عبدالله بن دهيمش بن عبار هذه القصيدة جواب لقصيدة الشاعر غالب بن ونيس بن شتيوي :
مـبـداي بـالـلـي مـا لـغـيـره رجـيـنـا *** رب الملأ عـلاّم في غـيـب الأسـرار
موسى الـنبي نـاداه فـي طـور سينا *** وأنـجـاه مـن فـرعـون ظالم وجبّـار
ومـن بـعـد ذكـره بالقـوافـي بـديـنـا *** جـواب لأبن ونـيس محمود الأذكـار
الـلي أحتـفى قـرم الـرجاجيل فـيـنـا *** وسـّوى كـرامـه يـوم جـيـنــاه زوّار
مـا طاعـنـا مهـما رفضنـا وعصينـا *** عـن الكـلافـه لكـن الطـيـب لـه كـار
لاشـك حـنـا عـلـى غـالـب رضـيـنــا *** حيثـه جمع صفـوة طويلين الأشبار
هــّلا ورحــّب يـوم عـنــده لـفــيــنـا *** والشـكـر لـلي مجـدونـي بالأشـعـار
والشيـخ نـاصـر نـشـكـره مـا نـسـيـنـا *** جـاء من بعيـد وقـدّم الـدرع تـذكـار

وقال الشاعر طالب الونيس هذه القصيدة يثني على عبدالله بن دهيمش بن عبار :

هات القلم واكتب من الشعر مـا زان *** اكـتـب وأنـا بمليـك عـذب القـوافي
مـن مـا طـرى للبـال نظـمـت قيـفـان *** وسجلـت فـيـهـا للأديـب اعـتـرافي
حـقٍ عـلـي اقـول شـكـرا وعـرفــان *** لأديـبـنـا الـلـي بـالـمـهـمـات يـافـي
كـل عـنـزه تقـول من قـلـب ولسـان *** أنـا اشهـد أنـك يـا أبـن عبـار وافي
الشاعـر الـلي ينظـم الشعـر باتـقـان *** وانسـاب وايـل صاغـهـا باحتـرافي
درع عـنـزه فـي كـل هـيـه ومـيـدان *** شـيئـاً وكــاد ولا عـلـيـه اخـتـلافـي
يامـا وقـف مـن دوننـا سـر واعلان *** بكـلام امـضى مـن حـدود الـرهـافي
وكـتـبـت بالتـاريخ مـرجـع وتـبيـان *** وبـينـت بـالأنسـاب مـا كـان خـافـي
من يزرع الأحسان يجـزا بالأحسان *** وزرعك جميل وحان وقت القطافي
نرفع لك البيضا عـلى راس مـا بـان *** اقــولـهـــا عـنـي وعـن كــل وافـي

قال عبدالله بن دهيمش بن عبار هذه القصيدة جواب لقصيدة طالب ونيس بن شتيوي السلمي :

يا طالـب أبن ونيس يا عـالي الشـان *** دونـك مـرد الـقـافـيـه يـالـسنـافــي
قافك يا أبو صالح كما قطـف ريحان *** مـثـل النفـل فـي واسـعـات الفيـافي
يـا مـرحـبـابـه عـد هـطّـال الأمــزان *** واعـداد مـا يـذرا من الـريح سافي
أنت الذي حشت الفضيله والأحسان *** فيـك الشهامه والـوفـاء والعـفـافي
أنصفتني بالصّدق مـا كنـت غـلطـان *** تبدع جـزيـل القاف من فكر صافي
مجـدتـني يالقـرم بحضور الأعـيـان *** وبـيـنت مقصودي وغـايـة اهـدافي
عـنـاز تـنسب من صماصيم عـدنـان *** صفوة ربيعـه مابهم شخص هـافي
لهم الفخر موروث من قـدم الأزمان *** والـلي يـعـاديـهـم يـجـونـه كشـافي
رجالهم ما شان مهـما الـزّمن شـان *** يـلـقـا القـرى بـربـاعـهـم كـل لافـي
مـن حـقـنـا نـفـخـر اليا قـيـل ويـلان *** هـذا الـوكـاد وسـابـق المجـد كـافي

وقال الشاعر راضي بن سعد بن صليبي الجعفري أبو سيف
هذه القصيدة يثني على زميله عبدالله بن دهيمش بن عبار :

مساك الـلـه بالسعد والخيـر والنـور الجميـل
يا حاضرين الحفل نور الحفل بالحاضر كمل

حضوري الليله بحفلة شاعر اليلان ما مثله مثيل
افخر واجيب من الشعر ما طاب بحروف وجمـل

في حفلة قايم عـليها الـلي عـلى الجـزلـه وكيـل
أبن شتيوي لا بغا الجـزله عـلى الجـزله صمـل

غالي على اسمه له نصيب من الغلا فوق المثيل
لأنـه يشيـل الكـايـده مـا شـالـهـا ضهـر الجـمـل

وربـعـه حـزامـه بـيمنـاه والفـعـل للسائـل دلـيـل
سلمـات عـنـد الأزمـه يشيلـون ما شـال الـزّمـل

نفخـر بهـم يـوم أنهـا بـيـن العـرب جيشٍ وخيل
يـوم القشر عـنـد الـديـار والبـل ومنبـاع الثّمـل

ومـن بـعـد هـذا مـرحـبـا يا شاعـراً مالـه مثيـل
شعره كما غيث من المنشأ على الأرض انهمل

يا مـرحـبـا ترحيب بـك ينساق سوق السلسبيل
يا شاعـرا مجـده عـلى الساحه تـعـلا واشتمـل

ضيـف وغـالي عـنـدنـا فـي كـل يـوم وكـل ليـل
شـال الثقيلـه يـوم غـيـره للثـقـيـلـه مـا احتمـل

الحـق ذكـره حـق مـا يخـفـيـه لـكـود العـلـيـل
الـلي عجـز لا ياصل المشراف يقصع بالقـمل

مـا يجحـد جهـودك يا عـبـدالله ياكـود الهبيـل
لا فـاعـل فـعـلـك ولا جـنبـك لأكـمـال العـمـل

جابهت يـوم مجابه الشّعار في نقض وفـتيـل
من دون ربعـك كـل يـوم مـا تـكـل ولا تـمـل

وحـطيت للضايع عـن الأنساب تبيان ودليـل
تبقى عـلى مـر الـزّمن ما فـيـه شي محتمـل

مـبـيـن الأنـسـاب للأجـيـال جـيـل بـعـد جـيـل
من غـيـر عبدالله جمع كـل العوايل والشّمـل

واللي يبي ينكر صاحب المعروف والفعل الجميل
ودك يقـضي العـمـر بـيـن النـاس مقلول وصمـل