 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
08-01-2013, 01:43 AM
|
#1 |
|
شاعر
تاريخ التسجيل: Jul 2011
المشاركات: 35
|
لكم مع صادق الود........
مساجله قديمه مع الأعزاء الشاعر/صالح محمد المضياني والشاعر/خليل صقار المضياني
سبحان من سخر دعيته ودقيــــــت للسلف رادو وأشمل الجمس والبال وعليك ياعلام ماأطلعت وأتقيــــــت عقلتها وكلتها هادي الضـــــــــــال خطمت ذكرك يالولي وأطمئنــــيت ذكرك يدوم وكل مانذكــــــــــره زال سلام عم وخص نصه تنقيـــــــــت مليان صدق ومن نقى الود مكتــال والصدق مع درب الحيا بالحيا أحييت حشمه لكم ماريد شهره ولامـــــــال شاعر رفض دندار تسليطة الليــت الضوء والدندار ماشاقن الحـــــــــال لطريف وأهل طريف بس أووم لي جيت ينفاج قلبي قبل أشوف أم الأوعـــــال وأود ناسه كلهم ماتنقيــــــــــــــــت ويكفيه أسميـــنً طحاطيح وثقـــــال زعل مشاري له بودي تماديـــــــــت وأيضآ زعل عايد ولافيه زعـــــــــال ولي به صداقات وبنيخي وتصــويت جمهور أرقب له على راس ماطـــال أقدر أصغر مابهم ماتعلـــــــــــــــيت ولا أقدر اللي يتبع الشعر بهبـــــــال الشعر حمض وياكثر زاد تبهيـــــت أهديه لأهل طريف مثقال مثـــــــقال وأهديك ياضامي وفاء ما إستحقيت وأنا شريكك بعنزه عم مع خـــــــال خليل أنا الضامي وفا له تداعــــيت واللي يبي حلقي صفقته ولاســـال خليل أنا كما ترى جيت وأبديــــت نوب أتلخبط بالحيا نوب صهـــال خليل أنا في شايحي ماتواريــــــت سويت لي رجم ن يعقب للأجيــــال ثابت ولو يصعق حجاه الدنامـــيت ولو بذوا الفيروس شينين الأعمال والله ولا أدري وش بهم عاد سويت غير النقى عبر المواجه والإرســال خليل أنا الحافظ نظر ماتطافــــــيت إيوالله أني قاصـــــــره دون الأزوال ماني ملاخس جارتـــــــه ياتقاصيت حنا بجارتنا مضارب للأمثـــــــــال بمداهم العسكر على حرمة البيت وصلتها أنا وخوي وقصر طــــال أنشد وهذا مثبت ن دون تثبيــــت ماهو بتثبيت القصايد والأقــــــوال ماهي عناوين الظلايم ومانشــيت هذا شموخ أخوات عشبه بالأفعال خليل صقار الوفاء حين هديـــــت على قليـــبً مايبي متح بحبـــــال يفور بالعذب الشهاليل وأرويـــت سمعً يبي صوت الحقيقه بموال من لامني يبني عمارآ هتاهيـت وينقد على قصر الخفاجي بالأشغال مار الأخيضر شامخً كان عديـــت شف وش كثر عدى عليه من الاجيال خليل صقار المضياني أغلــــــــــيت من شانكم كل المضيان الابطـــــــال طوطحت لك شعري ولا أسمع ولاريت ولا أحب أنا الغاوون تمت بتفصـــال منصور حواس الخضع --------------------------------------------------------------------------------------------------------------------------------------------------------------------------------------------------- رد الأخ الغالي/خليل صقار المضياني العنزي بديت بالرحمن ربي وسميــــــــــت الواحد اللي للصعيبات حـــــــــــلال من بعد ذكره للحروف استعديـــــت وبديت اعبر ماطرالي على البــــال ردآ على اللي شاع له بالوفا صيت رجلن تميل دروب بقعا ولامـــــــال منصور بن حواس يالقرم كفيـــت مبطي ولك في داخل القلب منــزال انا اشهد انك وافين ماتعليـــــــــت يومن بعض الناس بقفاي واقبال منصور لاواللي حفظ كعبة البيت ماصحت انا الامن خبيثين الاعمال والانت لجروحن بها القلب داويت بابيات شعرن مابها شك وجـــدال يفداك من يطرد سباقن وتصويت يقول شين ماينفذ بـــــــــــــالافعال جيتك وانا هاقي بكم ماتهقــــويت واصبحت لك ممنون ياطيب الفال خليل صقار العنزي ----------------------------------------------------------------------------------------------------------------------------------------------------------------------------- رد للشاعر صالح محمد العنزي منصور يارمز الوفا كانك أغليت ربعي ترى ربعي بلا شك وجدال تغليـــــــــك يامن بالمكانه تعلّيت وبنيت لك بقلوب الاصحاب منزال حيثك وفيّ وأصل الوفا لا تقصيت أنتم هله يامعرّب الجد والخال انتم هلا الطولات والمجد والصيت أمجادكم تبقى على مر الاجيال سلايل الخضعان بالعين راعيت تاريخهم يعرض حكايات الابطال منصور لولا قدركم ماتغنيت ببيوت شعري ياكريمين الافعال لا شك لا شفت الوفيّ مثله اوفيت ودلو الوفا لا مرني زدته حبال أهل الوفا مقدارهم معتلي هيت واهل الردى يهدم على روسها الجال لا يشغلونك شرذمه شانهم ميت أهل النقايل لعنبو هاك الازوال يا شاعر باسمه وشعره تباهيت عند النشاما لا تطارو بالامثال عزيز يا منصور لو ماتلاقيت في يوم انا ويّاك ياطيب الفال وانا لشوفك يالخوي كم تمنيت وشوفتك مزنٍ صادق النو همال الدار واهل الدار تفرح ليا جيت وتلقى بعد واجبك دله وفنجال ولا قدمك الاّ لابةٍ لا تعزويت تفديك يابن العم بالحال والمال هاذي يابو حواس ستة عشر بيت ولا عاد باقي غير لحظات الارسال ابديت لك بحروفها بعض مااخفيت والا شعوري مايوصّف بالاقوال صالح محمد العنزي ------------------------------------------------------ مساجله مع الاخ العزيز الشاعر/سعود فرحان العزلي يقول سعود فرحان داج الطروب ولالقا ما تمناه قلت وجيه الطيبين الحشامي مر إجتماع الساهرين وتمثناه خلاه وبجو أهل الحرف حامي يبي بدلوه يتبع مقيط ورشاه يلحق عباته مبعدين المظامي دام القهر كاسيه من ألفه لياه نص أعترفاته بحضرت محامي شرعيته تثبت مواعيد شكواه ويبخشش القاضي بحلو الكلامي ياما همس للشيخ سره بنجواه وأثبت له إنه ماعليه الملامي والشيخ من كل الخرافات براه وأثبت له إن المجتمع غير نامي وأنه سليم العقل والوعي بلواه وأنه عصامي مستقيم ونظامي وأرسل حروفه يم مثلك ويبغاه تشفي جروحه يابعيد المرامي ياوبل غيمن يروي القاع مسراه سيله ليا منه تحدر شمامي يبل جوفي بالمطر عقب مضماه وابتلت عروقي وانا قبل ضامي ياوابلن يبري جروح المعاناه في وقت ملعون الجدف والحرامي تاه القصيد وقصدك بنوب ماتاه ماضاع دربك يارفيع المقامي رغم إن وقتك ضيع الناس ممشاه وضاعت وجيه وذكريات وأسامي ومن كثر غفلات الزمن طاحت جباه وطاحت حلوم وطاري الفهم نامي سادت ذيول وقادت المركب أشباه صارت تخابط بين مصري وشامي جيتك حروف وقصدها تبعد الآه في وقت ملعون الثوى والحرامي سعود فرحان العزلي الرويلي رد منصور حواس حييت ياذيب ن عناني بمسراه مادار ربك للفلك بإنتظامي تحية اللي ماتقول يتمناه ويشفق على ماتلفظه من كلامي وأكتب فداك اللي كتابك تمعناه ياعنك مامره مرور الكرامي ياعنك يشبع رغبة الذوق فحواه زملوق قفرآ بالقرار إمتنامي ماداسته حرش العراقيب وشياه وأخطوه غوش ن ينصبون الخيامي ماطاه ليين دوب توه نشف ماه يانع خضاره من صدوق الغمامي ومن الضحي والشمس تبحث خفاياه ومع الغروب أبدأ خفاه الغرامي فاح الجديد من الزهور المغذاه وأجيك أقضقض فتلها بإنسجامي من خاطرآ متجرحات ن شغاياه غب الصيوف اللي مطرها إنهشامي وعوى الشعيب اللي تباطيت لعواه من عام الأول ماهدر بإنزحامي لعيون من حدر قصيدي من أقصاه هاضت رفوف ن هاجرت عن مرامي هيض النوادر ياغدا أيلول بأتلاه بين الجرودي هيضهن والقطامي للشاعر اللي ملبد القرح يشعاه مشعى قطيع ن فوقه الرمي حامي غزو الحمر أقفى عليه وتولاه غوش ن عوايدهم بشلع الجهامي لسعود فرحان البيوت المنقاه مع كل تقديري وجل إحترامي قرايض ن تشدى لعاب الخونداه عصكة شعور المندفع بالهيامي وآخذ خلا لهل الطروق المخلاه في راس جال ن شرقي هديب زامي من تحته الجوبه سواة المهلفاه وقيالها دونه غطاط وكتامي بالطار لالجه ولاعاد ناناه به يدرك النشاد حمض العلامي به غادي المعنى القواصيد تلقاه به نفرصه يامسندي بإغتنامي ياليت تشرى الفرفشه والتدلاه وأكزهالك بالوسايط إشمامي مهداه للي يبعث القرح بهداه قرم ن يطيب بمنزله والدوامي ياسعود والدنيا توالت بالأقفاه ماعاد يمشي سيرها للأمامي أقفت مثل مزن ردم غب منشاه وهب الشمال وشتته بإنقسامي دنياك يالعزلي بلاها نتحراه ولآ الفرح دلوآ قمس بإنصرامي ماعاد فيها كهكهات ن وهاهاه عينت من يضحك بها بالأنامي عينت من لاوا هنوه هنواه عينت في تال الزمان التسامي عينت من لامل صدره من الأه رويانها والواردين الضوامي مافيه من لاتترز الآه علباه كود الذي ردك عليه السلامي سفيه راي ن غابطينه بعمياه مالاطفه عل العقول الفهامي هي هكذا ياشوق من ماله أشباه سوى بجول الشاردات الآدامي مادام قاضيها فتح جيب مخباه مافيه داعي توكلون المحامي يعيش شيخ ن يختصر للمحاماه ناهيك عن مال الحرام (الحرامي) ياصاحبي جميع ماشفت شفناه شوف ن يشاف وبيح الشوف كامي عمار ياهاك السلوم المبناه اليوم راحت يالسنافي هدامي مالوم عقب الشوف من عمست أرياه لومي على ماشي طريق الملامي لومي على اللي مايقدون من تاه ويحفزون مسيحين اليدامي لومي على قوم ن تعيش المداراه على حساب مقلطين الطعامي عن شوف ماشفنا يشوفون بإغضاه ولاهو عمى وأدق وصفه تعامي وأسلم ودم لمقدرين المخاواه وأقبل وفايه يارفيع المقامي ------------------------------------------------------------ رثاء بالشيخ/ ناصر الخضع رحمه الله. أيضآ أبوعبدالرحمن سعود فرحان الرويلي:للشاعر/سعود فرحان العزلي ( مثنات العروق ) ذكرتني في غالين بل ردني دمعي عليه لياطرا غصب ينقاد أرثيه وأسقي طيفه لياوردني يشرب من دموعي على كيف ماراد مرحوم يامن وحشته تضطهدني مثل إضطهاد الأمركه لأهل بغداد تموت روحي شوق يوم يهجدني يسقي ثرا قبره من الوبل ياجاد تاقف بحلقي غصته وتحردني تنتل عروقي نتل ياخوك من غاد وياجت بمثنات العروق تعقدني وارهم بسكت وتسند بصدري سناد يارب عفوك عنه يا رب زدني بالعمر وأدعي له بعمري ليازاد منصور وأعمار الخلايق يبدني حتى الحديد اليا وطاه البطا باد فجرتني وانا الصبور يحسدني وانا قبل دمعي بعيدن عن الماد شرشحتني بهموم تقصي وتدني هطرتها من حشمته بس وش عاد وكانك تبي فودي من الفود فدني انا دخيل وزابنن ربعت أجواد بالبنعمه والطيب والحرف سدني تستاهل إعلاني على روس الأشهاد وانا على حر الشطون إعتمدني ياضاق بالك كز همك لقصاد أجيك قيفاني من الروح غدني بكرن وحش يجن على غير ميعاد ياشافن الزول المهيف يعردني ماشافن أزوال الونس من زمن عاد شررد ظبين ماله وصف خدني متذيراتن من عويرض ونقاد مستاحشتن بالحشا ما يردني واللي مشف لصيدهن يلبد إلباد على العموم أنا معك وأنت عدني إنك ليا زمجر بخاطرك رعاد وارزم سحابه لو بليل يهبدني يسقي عروق ويحيي أرواح وبلاد جدني يجود الله لشرواك جدني وانا على حروة رجا مثلك أجواد سعود فرحان _ _ رد منصورحواس نحفت صبرآ مدع ن فيه بدني صبرآ جميله قام ينزح بالأبعاد وأحميت لي مخاطر ن مابردني دلال قرم ن سلعته صنع بغداد مشاعرآ على المشاعر يسدني لأنهن يامسندي جن بالأسياد يامرحبا ولوين وأنت تهبدني باللي عليهن وجد حالي بالأوجاد ولوين يقصف مدفع الصدق مدني قذايفه منها أتشيد تشياد يامشييد أنقاضي ويامن وجدني أفدى مداويرك بردك والإسناد وأجيك من بعد الشتات يحشدني صدق القصيد اللي صدق فيه قصاد تشوف بوحي منكسر وتعضدني نكست لي ياطيب العلم من غاد تتبع هوى شف ن عن اليبس لدني راعيه باد وباقي الصيت ماباد من راح يبعد كيف من راح يدني ومن راح ناصر قام يقرب لي وكاد كاد الفراق من اللقاء لو وعدني ماعاد يرجع هيكل الشيخ ماعاد مثل الليال الفايته مايعدني لوضارع الماضي على أمري لنا عاد لكن ورب البيت له مابلدني مشاعري لو يوم واحد بالأعداد حلفت بالله لو بها ينتقدني ولآ يقال أني بما قلت هرباد مايوم واحد طيف ناصر فقدني واللي رفع سبع السماء مالها عماد ياما إختلابي عن حضوري حندني بس الجسم معهم وفكري له أنقاد صوط الوفاء له بالوفاله جلدني يازين مسه ياتذكرت الأمجاد له إثنعش بد إفرجتنا إتحدني تكفكفت من طيب راس ن لها قاد ماظنتي بمواصفاته يلدني وياقل مثله ياعزيزي بالأولاد وصايفه ياسعود ماينوجدني شكل وفعل ولآ الأسم سهل ينعاد ركن الذرى في شام عوزي وعدني عليه وجدي هجعة الخلق يزداد وعليه حزني بالقصيد يهظدني عن التغزل في في مقاعيد الأنهاد عيين بهن شعور القرايح يهدني حدن حداد ن مايجي مثله حداد وعين عيوني ياذكرته يندني وعزالله أني كاظم الحزن بفؤاد سقى ضريحه وادن القاع ودني مزن ن تبجد فوق قبره تبجاد بوارقه جنح الدجى يتقدني على اللقايط شد الأسماع رعاد يسقي ثرى اللي في حياتي سندني يسقي ثرى اللي شوفته من ورى الماد وأفداك يالاقف له ياشردني ياكللن مثلي مثايل بالأجراد فرايد ن بالمفردات إنفردني وأنت العميد وباقي الغوش الأفراد وأتليك مذعن مدرب مطيع قدني صديقك الصادق وندآ للأنداد وأفيدك إن علومكم ينحمدني فزعات وحميا ودله وبراد سليل ريف الوانيات إن وفدني طيب النباء ويترقي المقوي الزاد حمولةن عنها الرذايل يحدني النعم تزهاكم من أجداد لأحفاد منصور حواس منصور ياكبرك بحرفن ولفته ..... ...... تسكن هنا بصدور ربعك من سنين عنقد ثمر قافي ولاجلك قطفته .. ... سلة عنب صافي و سله بها تين ماهي قرا .. لكن صحيح وعزفته .. . . ... وانا لك الوافي من اول وهالحين ياشاعرن حرف النقا ماعسفته .... ..... يجي كذا مولود فطره على الدين ماهوّده ندحن غريب اقترفته .... .... ولا نصّره تنصير بعض المساكين ولا عن اللازم جنحت وكتفته .... ..... يجي بميعاده ( سعوط المجانين ) ولا على منبر منافق هتفته .... ..... ولا هبدته كيف ماجا حجر طين ولا من يدين الرجال إستلفته ..... ..... يجي بكر ما سولفوه المقفين ولا على كذب القوافي حلفته ..... ..... بالمرحمه بلسم وبالحزم سكين ولا لجل عين المنافق حرفته ..... ..... ما ميلنه مخلفات الموازين ولا على فتات الموائد رصفته ..... ..... شبعان عز ولا خضع للسلاطين اقدره حرفك لأني عرفته .... .... تقدير تركيبه وفكره وتكوين شفتك وهو من ضمن ماشفت شفته ..... .... والشوف يغني عن كلام البعيدين سعود فرحان الرويلي رد منصور حواس ياقاف ياللــــي مابك اللي عذفتــــــــــه صلية كلاشً كنت أنا له نياشيـــــــــــن أودع هدف قلبي بالإيثار كفتــــــــــــــه عجعج معاليقي كتار ودخاخيــــــــــــن لك العقال من الطناخه جعفتـــــــــــــــه وصالون فكري صار حوض القزوزين وشخفت شكمانينه وياشخفتـــــــــــــه يبتل قطوع بلا إناره وسيديــــــــــــن يمين لو خطه وعر ماشدفتــــــــــــه أطوي به المعنى لميد المكانيـــــــــن ومن دون ساسً ثابتً ماسقفتــــــــه وزملوق لسعود السحاب بتشارين يامن بدين الخاطمه لك نحفتـــــــــه كبودنا ماهي كبود البعاريـــــــــــــن يبرود والصبر الجميل إلتحفتـــــــــه أردم سنع قلة سنعها بيــــبريــــــــن وعن لايفرفح طير فكري كتفتـــــــه وأن ماهداه الله نتفت الجناحيـــــــن من حشمة العزلي معنكض هنفتـــه رغم أن صومي ماصفد للشياطيـــن لكن ثمرك أن طاح يمي زقفتــــــــه حيثه بعل طيب السماء للفداديـــــــن أبهــــــــــــــل غراز اللايذات وكنفته طربش برغوة نيتي للوفييــــــــــــن والمنعكف طبعي معه ماعكفتـــــــــه المنعكف صليب هتلر ببرليــــــــــن منصور حواس ---------------------------------------------------------------  دع عنك من لاشق فيها ولاخـاط ياذا الذي فيهـا يشـق وتخيطـي عمّال تسكت ياجت بخرط وهيـاط وعمّال عن ني السوالف تشيطـي وعمّال ياجا اللي به سيور وقشاط تقفي قبل ينـزل بنـا بالهبيطـي هي هكذا وشفوف بالـي بعيـياط من فوق عيطآ(ن)كنها لك تعيطـي شايح مشاريف ن بها لأحمد بساط تقول به مـن دون ماتستحيطـي بسهال ريد ن مابها نجـع قربـاط رهراهة(ن )يسكن ثراها الرهيطي ماهي لقراط العصى حول مقراط مشوارها يطلع عبـاط العبيطـي نسناسها بأيلول كنه مـن شبـاط وكانونها سوط الظهر بالقشيطـي تلك الفقاره مابها الداس لي بـاط ولا بسيحة خاطري لـي غليطـي ولابهـا لـززاخ مركـا ونحـاط شم الحمـاد المرتكـي للنحيطـي بها هشاهيش(ن) تقل عاز ضبـاط حصن ن لها عند المراجل عطيطي إمعالجين اللي يعيشـون الإحبـاط ومقلطة دغلي حـلال الشريطـي لهم سلامي مستحقيـن الانـواط الراكزيـن بعالـم الخيـط بيطـي يفداهم اللي نوع فهمه بالإسعـاط اللي على ماقيل عفـن ونشيطـي والفرق واضح بين قوطي وقيراط فرق الرسوس من الغزير الوغيطي أي الذي معه أتحاشـى لـلأوراط وأي الذي معه يتلاطـم محيطـي وأي الذي من شوفه الشق ينخاط وأي الذي شوفه يشق المخيطي؟!؟ منصور حواس -------------------------------------------  قمت أضبه مع سمهدان الحمـــاد ضبة الحايـــف معالجة الشكيمــه نود راس الــــورع ياجاه النـــواد يوم ناهز شفــــي الله لايقيمـــــه من بتل بي غرب مع سوح العراد والخواطر يالبطيني مستهيمـــه مار قل لعيون صاحبك الصمـاد عن غشينٍ يشقم سدود الكضيمه عن طهاماتٍ كما أيام العيــــــــاد أقفن ولا عقبهن تسوى الهديمه عقبهن كني سجين الإنفـــــــراد صكه أخمصها على لجة حريمه ---------------------------------------------------------- يارجل سوجي للفرح والتعـــــــــــــازي أمضي بي بدرب الشرف والمواجــيب وياقلب صمّلح لايجيك إهتــــــــــزازي أحذر تسبب لي من العين تسريــــــب والبارحه مابين منكف وغــــــــــازي وأرمي بها عن سيحة البال وتصيـب حتى أن بالثلث الأخير النجــــــــــازي شتتها بالقاف سلس الأسالـــــــــــيب ولقيت بالخلق التنك والغـــــــــــوازي فيه الكآبه والعزى للمكائــــــــــــــيب وفيه الذي بأسوى الظروف إنتهــازي وعن وقفة اللازم يبي داس طـــرنيب وفيها عن الواطين روس النــــوازي اللي مواقفهم بالأجسام والجــــــــيب لهم أنجبر مهما تطّشر قــــــــــزازي وآطا على أم جنيب وآطا على جنيب منصور حواس ------------------------------------------------- شحني على مايقسم الرب شحني .. شوح الهبايب بالنبا للواليح وإن جاك سدي هجمة السوق بحني .. بين العواذل والوجيه المفاليح سود الليالي كور والسيف محني .. ولاعاد لي من عبد الايام تصفيح ونحني وانوحك نوحة الورق نحني .. (على لحن ملعون أبو خمدة الريح) وإن صحت لك في شايح الجال صحني .. وتعال وأمكني عن القاع لا أطيح وإن كان ماطعتك وانا إمطيع دحني .. على المتون المثقلات المدابيح ومحني على مزنن نشا إعصير محني.. وأميح أخيله مخطي إن كنت ما أميح وأكبح لسلمن لو كبحته جمحني .. عيا يطاوعني لدرب المشافيح واليوم ورد اقرب عربنا لتحني .. والله فلابي لأقرب الخلق تنشيح ماغير أعدي بالطويل وذبحني .. على رجا ياعقم الأوضاع تلقيح والزود من بعض الهلايم قرحني .. وانا بطرقي من غثايه نقاريح غبقت وسعن بالمضيق اصطبحني .. وبذرت معروفن ثماره تكاسيح ولازلت رغم إن النوايا إنوقحني .. سلكن جمع شمل الخرز للمسابيح منصور حواس الخضع ------------------------------------------------------------------------------------- يقول منصور الخضع بعد تفكير كل ن على ماظن ربه حسيبه يحيق ظن السيئه بالأشارير هذا كلام الرب يامقتديبه تخيب هقوات الرجال المناعير ولايظلمون ولو عليهم غليبه خذ ماترى ياطائر الحر ياطير فريدةن ماهي لكم بالغصيبه أن ماسمعتوها بهايسمع الغير لو هي ندى يلقى نداها المجيبه ماني وأنا منصور شاعر غنادير أنا المغني للبيوت التعيبه ولاني أبوقاف ن مخشكر بتزوير لو هو يجي طبق الأصل مانجيبه ورد الضماير مالها كود تصدير قوارع ن على الوضيحي صعيبه قوارع ن طبق الأصل للأسارير نقع الضمير أن قام يقذم قليبه قراحها لو مايلامس جماهير ماراح يمدح عذب نقعه شريبه وأنا على العذبه لهم لآخر البير ولولا قبولي ماعقلت النجيبه أودع لها مع السياسب معابير ياما تجي على الحدود الجذيبه الناس تخطي والخطأ صار ويصير أخطي وتخطي والخطا له ضريبه صحح خطاك أو أمكنه بالمعاذير أو لاتمادى بالخطأ وتهذيبه ياصاحبي ياراحت وجات بالسير مافات يعرف يابغيت نحكيبه ولآ مقابيل الليالي مقادير ضريعها ياصاح مايندريبه بياض ثوبي ماتجيه البشاكير مادام ماغزت عليه النصيبه اللوح قدامك وهاك الطباشير سجل عليه لاتخلي معيبه أدخل بغير أسمك ترى فيه تغيير وأكتب على اللوح الذي شفتني به منشان أفند لك جميع الأساطير على الهوى والعالمين الرقيبه ولآ تبي في ربهم خير وآخير ياحي ذكر الله وأنا اللي رضيبه أشهدك يامكور بنا الأرض تكوير على أني الصاحب شرف مع صحيبه أخته هي أختي بالشرف كان بي خير والخير بي وأنا الحيا مرتهي به ماهو صفنتي شاعرآ بالتعابير اللي نظر عينه لعورة قريبه وأشهدك يالله ماشقتني قناطير ذهب حياة ن فانيه ويش أبيبه ودي به وودي به الود لا ضير لكن لك الله ماشفحني ذهيبه مستور من ستر الولي دون تستير ستر الصفنتي ينكشف ماخفي به أنا الصديق الصدق في كل تفسير وكل يفسرني على نفض جيبه ولو أبي أعدد ماجرحني سماهير أحول الماكر بوسط الزريبه حقايق ن لها شهود ن محاضير ماهي تراكيب الظنون الرهيبه أكبر خساره هي زبون المخاسير ياشين نبحة من ضريت لقنيبه وأكبر مرابح طيبين المخابير لو كل ن بحلقه معلق صليبه لي صاحب ن هندي ويسوى طوابير عزالله أنه عز من ينتخي به أسمه محمد صادق ويسكن صوير وملكني المذهوب من زود طيبه مره ومره لين جيته دحادير بلاني بوده وأنا مبتلي به وأصعطني الدله بدون أي تبهير بس أني الفنجال ماأشرب سريبه نصهل ولانصبر على صقلة العير صبرآ على العير الخضر به هزيبه وعن الهزيبه مانطيع الأشاوير كم مخطرآ من جممره يكتويبه من دون ذنب يجمرون المخاطير يالله دخيلك يالنفوس الغضيبه مار الدماغ أبوسطر ينكخ الحير وأبومرض ياطس ماني طبيبه يلقى مع الخلق الكثيره دكاتير وتبقى جروح أهل الظغينه عطيبه مع تحيات أخيكم/منصور حواس الخضع آمل من الجميع الرضى ولكم كل الود. -------------------------------------------- |
|
|
|
08-01-2013, 02:14 AM
|
#2 |
|
صاحب الموقع
تاريخ التسجيل: Mar 2008
المشاركات: 10,331
|
الشاعر منصور الخضع بارك بك ولا فض فوك أنت والأخوة الذين تحاورت معهم لقد أستمتعنا بهذه الدرر الثمينة النابعة من صدق أحاسيس وحبذا لو جمعت شعرك وأصدرته بديوان مقروء لكي يحفظ ويصل إلى عشّاقه أحسنت قولاً وشكر الله لك
التعديل الأخير تم بواسطة عبدالله بن عبار ; 11-10-2022 الساعة 12:24 PM |
|
|
|
08-01-2013, 03:32 PM
|
#3 |
|
شاعر
تاريخ التسجيل: Aug 2011
المشاركات: 360
|
منصور الخضع امتعتنا في هذه القصايد العذبه المتداوله بينك وبين الشعراء صح السانك والسنتهم0
|
|
|
|
|
08-22-2013, 07:26 AM
|
#4 | ||
|
شاعر
تاريخ التسجيل: Jul 2011
المشاركات: 35
|
أبومشعل الله يعزك ولاعليك زود وأنت أستاذي الأول بكل فخر ... أشكر طيب مرورك وبإذن الله سوف أقوم بجمع شتات قصائدي بديوان مقروء متى ماسنحت الفرصه بذلك. كل الشكر بعد الله لك يابومشعل. التعديل الأخير تم بواسطة عبدالله بن عبار ; 11-10-2022 الساعة 12:25 PM |
||
|
|
|
|
08-22-2013, 07:28 AM
|
#5 | ||
|
شاعر
تاريخ التسجيل: Jul 2011
المشاركات: 35
|
صح أبدانك أخوي نهير بن رخيص ومتعك الله بالصحه والعافيه وكل الشكر بعد الله لمروك أخي العزيز. |
||
|
|
|
|
«
الموضوع السابق
|
الموضوع التالي
»
|
|
|
|
|||||||||||||||
|
|||||||||||||||||
|
|
|
|
|||||||||||||||
العرض العادي
|
|
الساعة الآن 10:38 PM.
 |
|
 |
