عبدالله ابن عبار في كل تعبير = يافي اليا شحت ايدين الشحايح
عزالله انه مايجي منه تقصير = وعزالله انه من اوجيهن فلايح
معروف قدره من كبار الشواعير = يكفيك هرجه عن جميع الشرايح
قوله تمام ويعطي الراي ويشير = ياناحت الورقى على كل نايح
من لابتن ماتهاب كل المخاسير = من ساس ربعن تستحق المدايح
يوم السنين القاسيه والمعاسير = للضيف تذبح من خيار المنايح

له احترام وله معزه وتقدير = رجلاً فهيم وكل قوله نصايح
ولا الردي مايكسب الطيب والخير = ياماعلى قبره تحط الصفايح
والوقت هذا به عجاج ومعاصير = ناساً على الطيب تدور فضايح
تركض على النمات من غير توفير = مابين وده وثم هاته ورايح

عبدالله ابن عبار في كـل تعبيـر
...............................يافي اليا شحت ايديـن الشحايـح
عزالله انه مايجـي منـه تقصيـر
...............................وعزالله انه من اوجيهـن فلايـح


الشاعر القدير/ دعسان غنام العنزي

صح لسانك مليار قصيده شامخه من شاعر شامخ
وبرجلٍ شامخ يستحق المدح لما يقوم به من جهود لخدمة قبيلته

لــه إحــترام ولـه معزه وتقدير
................................رجـلا فهيم وكل قولــه نصايح

صدقت والله كم نكن له من الإحترام والتقدير مهما حاول الحاقدون تشويه سمعته
ولكنه ثابت كالجبل لاتغيره تقلبات العواصف والرياح .. أسأل الله له التوفق الدائم


وأكرر صح لسانك وبيض الله وجهك ووفقك الله لكل خير



أنقى تحيه لشخصك الكريم

صح لسانك يستاهل الوايلي
يستاهل الطيب ابن عبار كفو

قولـه تمـام ويعطـي الـراي ويشيـريانـاحـت الـورقـى عـلـى كــل نـايـح
....................... كفووو

الأخ الشاعر دعسان بن غنام شكر الله لك على حسن الثناء وأشكر الزميل الشاعر حمد الضوي على لطفه واعتزازه بأخيه كما أشكر الأخ الذي أطلق على نفسه الديره وسوف أحاول أكتب الرد لأخينا غنام الذي اعتز بما قال عني

قال دعسان بن غنام العنزي يسند على زميله عبدالله بن عبار :

عـبـدالـلـه ابـن عـبـار فـي كـل تـعبـيـر *** يـافي الـيـا شحـت ايديـن الشحايح
عـزالـلـه انـه مـايـجي مـنـه تـقـصيـر *** وعـزالله انـه مـن اوجـيهـن فـلايح
مـعـروف قـدره مـن كـبـار الشواعيـر *** يكفيك هـرجه عـن جميـع الشرايح
قـولـه تـمـام ويـعـطي الـراي ويشيـر *** يـانـاحـت الـورقى عـلى كـل نـايـح
مـن سـاس لابـه مـاتهـاب المخاسيـر *** الـلابـّه الـلـي تـسـتـحـق الـمـدايـــح
يـوم السنيـن الـقـاسيـه والـمعـاسيـر *** للضيـف تـذبـح مـن خـيـار المنـايـح
لـه احـتـرام ولــه مـعــزه وتــقـديــر *** رجـلاً فـهـيـم وكـل قــولـه نـصـايـح
ولا الـردي مـايكسب الطيـب والخـيـر *** يـامـعـلـى قـبـره تـحـط الـصـفـايـح
والـوقـت هـذا بـه عجـاج ومعـاصيـر *** نـاسـاً عـلى الطيـب تـدور فـضـايـح
تركض عـلى النمات من غيـر توفيـر *** مـابــيـن وده وثـم هـــاتــه ورايــح

وقال عبدالله بن عبار جواب لأبيات الأخ دعسان بن غنام :

لـك الشكر يا مصخّـر القـاف تصخيـر *** قـلت الـوكـاد وكـل لفظـك صحـايـح
لـك الـشـكـر بــعــداد رش الـنـوافـيـر *** واعـداد مـا نـبـت الـسبـل بالفـلايـح
مشكـور يا دعـسان ربـي لـك ايجيـر *** عـسى الـولي يكفـيك شـر الجـوايـح
مجـنـاك مـن ريـف الـبـداه المساييـر *** الضيـف يـقـرونـه بـعــيـت الذبـايـح
تـسلـم يـا أبن غـنـام نسـل المغـاويـر *** سـلايـل الـلـي تـودع الخصم طـايـح
كـمـا تـشـوف اليـوم بالـوقـت تغـييـر *** اصبـح يــمـجـدّ كـل مسـرف ودايـح
عـيـنـت نسـل الـلي يـقـود الطـوابـيـر *** ماسمعوا اللي بعالي الصوت صايح
كـلـن بـدأ يـسعـى لـحـوش الـدنـانـيـر *** مقـصودهـم يالقـرم كسب الـربـايـح
والـلي يـزوّر نـسـب عــنـاز تــزويــر *** وضّـحـت لـه كـانـه يـشـم الـروايـح
ولا أريد يعـمل لي مثـل شاعـر مطيـر *** أبـغـي كـفـايـة شـر بـعـض الوكايح