قصيده بعنوان

((جاحد المعروف))

ارجو ان تنال على إعجابك

الله من هم لحــالي يـلــوفي=همن يسم الحال ويلوفها لوف
لوف الهبوب لدانيات القطوفي= غصنه ليان ويصفقه كل عاصوف
دنياي عجفا والنصيب معجوفي=يصفق بجنحان بلى ريش مصفوف
مغير اهديها عساها تطوفي=ازمه تمر الادمي عام وتطوف
واسباب مابي علتن وسط جوفي=وعزي لمثلي علته داخل الجوف
لاكنها طالت وكثره اصدوفي=وشتلت حملن فيه مغرم ومكلوف
حملن ثقيل وماتشيله اكتوفي=اثقل على من رواسي جبل عوف
شلته لحالي والقريب يشوفي=وازراء يساعدني على الحمل ويروف
وقتي يصارعني بحدب السيوفي=واصارعه لو مامعي خيل وسيوف
ياكثر هقواتي وياكثر خوفي=تدفعني الهقوه ويمنعني الخوف
والي حداني عن هواي اضروفي=خلتني ارجع عن مرادي وانا اشوف
وقفت لين اني عزفت الوقوفي=واليوم مابيدي مقعد ولا وقوف
على زمانٍ فاتني واحسوفي=الي وقفت بماقفن فيه حرفوف
احسب عميلي صادقن بي ويوفي=لكن عميلي منهجه غير معروف
ان جيت يبسط لي جميع الكفوفي=ون رحت عن درب السنع جاه صادوف
يمدني برقيقات الحروفي=اثري حروف الشيخ تتلى لها حروف
اعمل واحسب الي عملت مخلوفي=في واحدن فيه العمل غير مخلوف
في جاحد المعروف ضاع معروفي=مير العوض في خالق الروح والشوف

الشاعر // فرحان بن دبل الربيلي العنزي

الله يسعدك ومشكورعلى هالنقل الجميل والروح الطيبه وابوفالح قصايده جزله
تحياتي

اقتباس : المشاركة الأصلية كتبت بواسطة الشاعره بنت الربيلي [ مشاهدة المشاركة ]

الله يسعدك ومشكورعلى هالنقل الجميل والروح الطيبه وابوفالح قصايده جزله تحياتي

ويسعدك
ومشكور ع المرور والاهتمام
نورت الصفحه بمرورك
تحياتي