السلام عليكم ورحمة الله وبركاته

من العايدين وكل عام والجميع بخير

سبق وإن شاركت بقصيده بعنوان ( مدافع عن ربعي وبقوه ) في منتدانا هذا ونزلتها في منتدى آخر .
وكانت الردود والتفاعل مع القصيده من الجميع أجمل منها بكثير ..
وأنا بدوري أشكر كل من أثنا وأمتدح قصيدتي وهذا بحد ذاته شرف كبير لي .
ومن ضمن عبارات الإطراء والإمتداح قال أحد الشعراء في رده وهو الشاعر / مشهور بن هويدي الرشدان
( عزالله إنك درع ياحمد الضوي صح لسانك وبيض الله وجهك تقبل مروري )

وأنا أقول بيض الله وجهه وكل شخص ينتمي لهذه القبيله يعتبر ( درع ، وسيف ، وسهم )
يتصدى به لكل من يمس هذه القبيله بسؤ .

وبالتأكيد هذه الألقاب يستحقها شاعر ومؤرخ قبائل ربيعه دون منازع الشاعر / عبدالله بن عبار

دون قصور بباقي شعراء القبيله الأفاضل

وبسبب هذه الكلمه ( درع ) أتت هذه الأبيات ....

عسى أن تنال إستحسانكم

أعذروني على الإطاله بالمقدمه ،،،،،


{{ الحق المشروع }}

يا شاعر ٍ لقّبتني لعنزه درع=شجعتني ياطايل الشبر والبوع
هذا اللقب خذ مني العلم وبسرع=من حق بن عبار والغير ممنوع
لإنسابنا يجمع ولا ضاق به ذرع=فوق أربعين العام لا شهر وإسبوع
وقصايده تمرع قلوب العداء مرع=كم له صدر ديوان مقري ومسموع
الشجره أم الظل شف كم لها فرع=أنتم وأنا من فروعها وغيرنا فروع
ربي زرع في ضامري حبها زرع=حب ٍ طبيعي صدق لاحب مصنوع
دافعت عنها رافع ٍ صوتي البرع=ولي الشرف والراس عالي ومرفوع
وإن قام عاصوف الهواء ينفض الشِرع=تنزال شجره مالها عروق وجذوع
وباب التظامن جازه الدين والشرع=ولا ينظلم من له بني عم وربوع
من أكبر معمر بالقبيله إلى الورع=حبل التواصل بيننا غير مقطوع
وإن كان طبول المعركه جالهن قرع=دون القبيله كلنا سيوف ودروع
والنيل منها وعندنا السيف والدرع=أبعد على الأنذال من حبة الكوع
مادام راسي حيّ ماصابني صرع=باثبت وادافع واعتقد حق مشروع

وسلامة الجميع
حمد الضوّي

الله الله صح لسانك الشاعر حمد الضوي ونعم فيك ياحمد ....تسلم يمينك..

مشكور على هذه القصيدة المعبّرة وقول وفعل يا حمد وعساك قوي بالله

اقتباس : المشاركة الأصلية كتبت بواسطة الرجال العنزي [ مشاهدة المشاركة ]

الله الله صح لسانك الشاعر حمد الضوي ونعم فيك ياحمد ....تسلم يمينك..

الرجال العنزي


صح بدنك ولاعليك زود تشرفت بمرورك
شاكر ومقدر بارك الله فيك


تحايا

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]

مشكور على هذه القصيدة المعبّرة وقول وفعل يا حمد وعساك قوي بالله

ابو مشعل


العفو طال عمرك على الطاعه ولا عليك زود
شرفني مرورك بلاشك
حفظك الله ورعاك



اجمل تحيه

موفق بإذن الله

اقتباس : المشاركة الأصلية كتبت بواسطة محمد فنخور العبدلي [ مشاهدة المشاركة ]

موفق بإذن الله

محمد فنخور العبدلي

وفقك الله شاكر لك مرورك العاطر



اجمل تحيه

حمد الضوي مليون شكر لك ياراعي الحميا . وانتم اهل الحميا اليوم وعصور قديمه الله يضوي دربك با الخير والتوفيق ويكثر الله من امثالك رعاك الله

هلا بك اخوي
متعب الفققي تشرفت بمرورك العاطر
لاعدمتك ولاهنت يابن العم



اجمل تحيه

صح السانك واعتلى شانك

شاعرنا القدير حمد الضوي

ومن حق كل شاعر انه يفتخر بقبيلة ويمجدها ويذود عنها

دون المساس بالقبائل الأخرى أو انيل منها

وكل قبيلة فيها حقها من أرجالها

ولك تحياتنا,,,,,

أخوك/ عبدالله العزام الجعفري