هذي امانه يالنفوس الوفيه

((وقضى ربك الا تعبدوا الا اياه وبالوالدين احسانا
اما يبلغن عندك الكبر أحدهما أو كلاهما فلا تقل
لهما أفٌ ولا تنهرهما وقل لهما قولاً كريما ))


هـنيــت انـا اللي عنـده اثنيـن شــيبـان = امــه وابــوه وعـايشــينً ســويـه
ولا حــديـهـم حـي يسـكــن فـالاوطـان = ويبرهــم ما دامـــت النــفس حــيــه
يكسـب رضـا الرحمن خـلاق الاكـوان = مــن خـصـهـم بالليـن والمـرحـمـيـه
هـــذا الــذي حـظــه تـعــلا بالازمــان = ليا شـافـهـم كل يـوم صبح ومـسـيه
فـرحـة لـقـاهــم ما تـوصـف بقـيفــاان = مـا كـنــه الا يــوم عــيـد الضـحـيـه
يكســب رضاهـم بالمـوده والاحـسـان = بالعطـف والمعــروف اكبـر هــديـــه
لاشــك رضـاهــم مـايـقــدر بالأثـمـان = اخـيـر مــن أمـــوال دنـيــا دنـيّــــه
ولا يـبـديـهــم عـــلى فــلان وفـلان = ويـلـبـي الحــاجــه بنـفـسً رضــيــه
ولو شٰالهم كل يٰــوم مـن فوق الامتان = ما اوفـا احـقٰـوقً ما كفتـها العـطـيـه
مـن بـرهـم في دنيتـه نال الاحسان = طـبــق كـــلام الله وســــنة نٌـبـيـــه
هـذا الـذي لـه يرتفـع بالمـلا شـــان = ويكســب محبــة كـل قـوم وسـميه
هـذا الـغني لٰو ما امتلك ربــع تومان = ويـبـشــر بعـفــو الله وجـنـة بهـيــه
وصــيـةً وصى بـهــا كــل انســـان = الـهـنــا الـمعــبـــود رب الـبـريــــه
شــدد. على.التنفيذ في كـتب. الاديان = بـآيـاتـه اللي بـالـمـواعــظ غــنـيّــه
ووصى بهــا ســيد المخاليق عدنـان = صفــوة عبـيــده والـرسـول ونـبـيـه
البـر مـثـل الفرض مـن عـالي الشـان = ويـاحــظ مٰـن لـبـــى ابـنـيّٰـه نـقـيّـــه
للوالدين افضـال تــرجــــح بالاوزان = ما تـنحـصي بالـعــد يا اهـل الحـمـيـه
وصـل الرحم مطلـوب في كل الاحيان = للـوالـديــــــن وكـــــــل اخً وخـــيّــه
عـٌلـمً واذكّــر فيــه طلـقـيـن الايـمـان = للطـيّـب اللـي مايــــروم الـردّيـــــه
تكفـون ثم تكفـون مـن دون خــذلان = هــذي أمــانــةً يـالـنـفـوسً الابـيــه


محمد بن سوعان الربيٌع

اثابك الله يا أخ محمد على هذه الدرر لقد أجدت في وصف الوالدين وبرهم حبذا لو تجمع قصايدك وتطبعهن بديوان وقبل ذلك لو تسجّل مقاطع نصايح وعبر ليستفيد منها السامع لأن الناس حالياً تحب أن تسمع وفقك الله .

ارحب الله يحييك صح ذوقك لاعدمت وجودك وحضورك اخوي ابو مشعل
نعم صدقت فعلاً اليوم الناس ما تقرأ ان شاء الله سوف اعمل بنصحك الراقي
لاهنت .