خاطره٠٠✍
من خواطر الشاعر
خليل بن لافي الحويطي
اسعد الله جميع اوقاته ابو مالك. تسعدني مجاراته في تلك الابيات على امل تنال اعجابه واعجاب المتابعين
يقول الاخ ابو مالك :

ه هـن شيبتين بلحيتي صفن مثل روس الرماح = وسم السنين اللي اتركت فينا عـلامه واضحه
عــزاه يـاقـلب الـشقـا مـاعـاد لـك شـيٍ مـباح = صارت مـناقيد الـعرب تـنقد عـليك وفـاضحه
لاتـستحي والله وهـبك الشيب تكريـم ونجـاح = كـل شـعرة بـيضا لها حـكمة بـصير وناصحه
بـين الـضلوع الـمانعه تـكفخ ولا زمـك جـناح = مـاعـاد فـي جـوك فـضا والا حـمام تـطارحه
شـيـبك وقــار ولا يـهز بهيبتك بـعض الـمزاح = والا تثاقل كـلمةٍ جـت مـن غـشيم ومـازحـه
كـنك تـصدد مـاتبي عـينـك تـشوف بنا وضاح = والا انصدمت ان شـفتني ماني خليل البارحه
وش لـون الـومك والـحياه بذاتها مثل الرياح = وحـنا اليا هـب الـهوا مـثل الـمزون الـسابحه
مـافـيه قـاسـم مـشـترك مـابـينا غـير الـجراح = نـفس الطعون وللاسـف نفس الاداه الجارحه

خليل_بن_لافي - الحويطي


واليكم مجاراتي المتواضعه
اقٰــول :

ارحـب هلا يا شـاعـرً. يـزها على مثله وشاح = الشارده. والوارده. دايم لمثله. واضحه
شاعر وانا اشهد مقتدر ماهوب حاجات امتداح = لـه باع وافي. بالادب والشعر نبعه طافحه
الشيب واقع. يالخوي.يظهر على وجيه الفلاح = امرً طبيعي للبشر لو غيرت. . ملامحه
سـنه كـتبها. الله. على كل البشر ليـل وصباح = للعين تبـدو واضـحه. ماتختـفي مطـارحـه
مير. البلا. لامن تعـدا ثم تمـادا باجتياح = واحـتل. ريضـان. الخـفا بخـيول هــمً. جامحه
قامت تصول ابه وتجول والممتنع اصبح متاح = والصمت يفرض واقعه.والخوف اصبح ذابحـه
موت الفتى نقد العــرب اللي ايخنقـون النجاح = اهـل الشـماته. حـيةً بيـن الاوادم. ســارحـه
مالوم. قلبً. يالخوي بين الحنايا ما استراح = والناس تجهـل. علـةً داخل. وريده. جـارحـه
وان ماتغيّـر واقـعه للصدق وادروب الصلاح = في يومها يا صاحبي. اقرا عليه. الفاتحـه
واحفظ. مفاهيم. الصبر .وابشر بعزك والفلاح = واسمح وسامح. واعرف ان دنياك هذي رايحه

محمد بن سوعان الربيّع

صحت السن وابدان الشاعرين خليل الحويطي ومحمد سوعان الربيّع مجاراة ممتعة للمتذّوق ولا غرابة فأنها ناتجه من فطاحل الشعراء وفق الله الجميع .

مرحب تراحيب المطـر والهماليل
واعــداد ما قامـت تدافـق اسيوله

واعـداد ما لف الرشـا بالمحاحيل
بروحه وجيه والسـواني عجوله

واعداد ما شدوا على الجيش والخيل
اهـل الزعـامـه والفخــر والبطـولــه

بالصاحب اللي يجلـي الهـم وايـزيـل
قــرمً اتـعــدد بالـمجـالس افعـــولـه

وفي حضرة الوافي تـزين والتعـالـيـل
وكلـن على الاجــواد يشــعب ذلـولــه

محمد بن سوعان الربيّع

حياك الله اديبنا وشاعرنا المخضرم ابو مشعل
صحت انفاسك وحفظك واطال الله في عمرك
اشكرك على على طيب الاهتمام والمتابعه .