بسم الله الرحمن الرحيم

يشرفنا أن نقدّم لكم هذه المساجلة التي دارت بين محمد بن دوهان والشيخ الشاعر مشعل بن هدوان بن رشيد المصرب حفظه الله، في إحدى المناسبات رداً على أحد الأشخاص، حيث قال محمد بن دوهان:-

يا من نِطيت القول وأصبحت غـزّال *** وطرفـت عينـك وأنـت تبنـي الفتـايـل
وذخّرت لك بندق وترمي على آمال *** ولا حشـت مـن نقلهـا كـود الفشايـل
مـثـلــك كـبــيــر الــســـن للهم نــقّـــال *** وينصح صغير القوم لا صار عايل
ربعك عقال الرآس مـا فيهـم أنـذال *** مـا يتبـعـون أهــل الــردى والدغـايـل
وبيوت القبيلة مـن لهـا فـيّ وظـلال *** ذرى القبيلـة لا غـدى الحـمـل مـايـل
وروس القبيلة يوم للخيل مصهال *** حمّـايـة السّـاقـة لـيــا صـــال صـايــل
نعـذّي جنبـهـا مــا تــردت للأمـصـال *** ولا دنّـقــوا بـالـشـور لأهـــل النـقـايـل
ورموز القبيلة هم كريميـن الأفعـال *** وألا الردي هيهـات يحصـي النفايـل
غـيـر الّلسـابـة والبـلاسـة والأدغـــال *** ســــود الـوجـيــه مـحـفـريـن الـنـثـايـل
يا هيه ياللي بالحكي ترمي الأثقال *** إنـفــظ شلـيـلـك مـــا بـربـعـك حـثـايــل
والمـدح مـا يزهـي خبيثيـن الأعمـال *** وش عـاد لـو نفتـح جمـيـع الفـوايـل

وقال الشيخ مشعل بن هدوان بن رشيد المصرب الأبيات التالية:-

هـذي الحقيقـة قلـت والحـق ينقـال *** والحـق يعـلا ويعتـلـي فــوق طـايـل
الشمس ما تغطّى بخيشه وغربـال *** والرمـح مـا يـنـدس بـعـدل الحـلايـل
والرآس يبقى رآس لو الزمن طـال *** لأنـه عـزيـز وفـيـه طـيـب السـلايـل
ويابـن دوهـان ونعـم ياطيـب الفـآل *** قلت الصحيح أللي عليه الصمايل
أنـا أشهـد إنـك كفـو والحـق ينقـال *** وإقبـل سلامـي يـا صـدوق المثايـل

ثم رد محمد بن دوهان بـالأبيـات الجوابية التـالية على أخيه أبوسلطان:-

حي الجواب أللي كما الجوهـر يكـال *** مـن مشعـل الهـدوان عطـب الفعـايـل
شـيـخٍ قـديـم وشيخـتـه قــدم الأجـيـال *** مــــن قــبــل شـيـخــة عـبـيــدٍ بـحــايــل
والــذل يالمـصـرب مــا ينـجـي الـــذال *** والـمــدح مـــا يــرفــع ردي الـشـمـايـل
والحظ مـا هـو شبـر يقصـر وينطـال *** ولـيـا إنـكـسـر مـــا يجـبـرنـه وصـايــل
ومن به رحم وله لحم ويرجي عيـال *** مــا يجـلـب حـظـه عـلـى كـــل سـايــل
والقـبـر غـيـر العـمـل مــا بــه اجــلال *** وكـلٍ علـى مـا قيـل يلـقـى الحصـايـل
وقـولـة نـعـم مــا يكسـبـه كـــل رجـــال *** غـيـر الـصـدوق ألـلـي لفعـلـه دلايـــل
ومثلـك عـضـودي كــان الـدهـر مــال *** عـــــزّي الـمــذخــور لــوقـــت الـنــزايــل
ومشكور يا مشعل على كل الأحوال *** وعـسـاك دايــم يـــا كـريــم الخـصـايـل

والأبيات التالية رد الشيخ مشعل الهدوان المصرب للمرة الثانية، حيث قال حفظه الله:-

يالله يــا مـعـبـود يـــا مـصـلـح الـحــال *** يـا مرسـلٍ لأرضـك صـدوق المخـايـل
تحـفـظ لـنـا جمـعـى بـهـا خـيـرة رجــال *** شــيــوخ ووجــيــه الــعــرب والـحـمـايـل
جَمعـة هـل العرفـا أبطـالٍ مـن أبطـال *** أهــل الــدويّ حـــازوا جـمـيـع النـفـايـل
ومعنا هديب الشـام مـن نسـل هـذال *** شـيــخ الـشـيـوخ مـطــوّعٍ كــــل عــايــل
حـنـا اجتمعـنـا للتـواصـل مـــع رجـــال *** هـم عزوتـي لا صـار صايـل وجايـل
يردون حوض الموت ليـا خـاب ذلال *** تـاريـخـنــا مــعـــروف بــيـــن الـقـبـايــل
مشروبـنـا الجـمّـة ولا نـشـرب احـثــال *** يـــا فـرعــن الـبـيـض شـقــر الـجـدايــل
مـعـربــيــن الـــجـــد والـــعـــم والـــخــــال *** مثـل الـذهـب يـذخـر لـوقـت السمـايـل
نـرقـى سـنـود وطلعـنـا عـالـي الـجــال *** ولا نواطن الطمـان وقضـب المسايـل
ويابـن دوهـان أشكـرك ياطيـب الفـال *** قـلـت الصحـيـح ألـلـي علـيـه الـدلايـل
وختامـهـا مـنــي ســـلامٍ مـــع إجـــلال *** يــعــم ربــعـــي ونــعـــم بـعــيــال وايـــــل

• رابط المساجلة على موقع شبكة منتديات قبيلة السّبعة من عنزة ( أهل العرفا ) الموقع الرسمي

مع الشكر الجزيل للشيخ مشعل بن هدوان المصرب والرجل الفاضل محمد بن دوهان على هذا الشعر الجزل الهادف وكما قيل ( أزكى الشعر ماقاله أزكى الرجاجيل ) ونسأل الله أن يجمع الشمل ويصلح الشأن

الاخ محمد بن دوهان

صح لسانك ولسان مشعل المصرب ، ولاهنتم على هذه المساجلات ، دمتم بخير وعافيه